Վերլուծություններ և հետազոտություններ

Շիրակի մարզի պատգամավորների բացակայությունների և քվեարկությունների պատկերը

ՀՀ ԱԺ պաշտպանության եւ անվտանգության հարցերի մշտական հանձնաժողովի անդամ Ռոմիկ Մանուկյանը որպես հարակից զեկուցող նոյեմբեր և դեկտեմբեր ամիսներինն հանդես է եկել «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» օրենքում փոփոխություններ եւ լրացումներ կատարելու մասին հարցի քննարկման ժամանակ, նույն հանձնաժողովի անդամ Ֆելիքս Ցոլակյանը որպես հարակից զեկուցող է հանդես եկել դեկտեմբերին «Ռազմական ոստիկանության մասին», «Հայաստանի Հանրապետության զինված ուժերի ներքին ծառայության կանոնագիրքը հաստատելու մասին», «Ռազմարդյունաբերական համալիրի մասին» Հայաստանի Հանրապետության օրենքներում փոփոխություններ և լրացումներ կատարելու մասին հարցերի ներկայացման ժամանակ:
Տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահ՝ Վ. Գրիգորյանը նոյեմբերին հիմնական զեկուցող է եղել «Տեղական ինքնակառավարման մասին» Հայաստանի Հանրապետության օրենքում փոփոխություն կատարելու մասին քննարկման ժամանակ, իսկ «Ֆինանսական համահարթեցման մասին» Հայաստանի Հանրապետության օրենքում փոփոխություն կատարելու մասին նախաձեռնության և հեղինակը, և հիմնական զեկուցողն է եղել: Վարդևան Գրիգորյանը նոյեմբեր-դեկտեմբեր ամիսներին  հարակից զեկուցող է եղել «Սահմանամերձ համայնքների սոցիալական աջակցության մասին», «Գյուղատնտեսական տեխնիկայի շահագործման մասին», «Հայաստանի Հանրապետությունում ստուգումների կազմակերպման եւ անցկացման մասին», «Սելեկցիոն նվաճումների պահպանության մասին»  «Պետական տուրքի մասին» «Տեղական ինքնակառավարման մասին», «Երեւան քաղաքում տեղական ինքնակառավարման մասին»,«Անասնաբուժության մասին», «Տեղական տուրքերի եւ վճարների մասին» Հայաստանի Հանրապետության օրենքներում փոփոխություններ և լրացումներ կատարելու մասին քննարկումների ժամանակ:

Վարդան Ղուկասյանը, Տատյանա Միքայելյանը և Արման Սահակյանը նոյեմբեր և դեկտեմբեր ամիսներին հանձնաժողովներում տեղի ունեցած քննարկումների ժամանակ որպես զեկուցող կամ հարակից զեկուցողներ հանդես չեն եկել:

1-ին և 2-րդ նստաշրջաններ Մայիսի 18-դեկտեմբերիի 21

Վարդևան Գրիգորյանvardevan

  • Կողմ 252
  • Դեմ 43
  • Ձեռնպահ 13
  • Չի քվեարկել 46
  • Բացակա 4
  • Քվեարկությունների ընդհանուր թիվը 358, Հարց 7 ,Ելույթ 6 ,Նախաձեռնություն 7

Վարդան Ղուկասյան

vardan

  • Կողմ 233
  • Դեմ 42
  • Ձեռնպահ 13
  • Չի քվեարկել 43
  • Բացակա 27
  • Քվեարկությունների ընդհանուր թիվը 358

Արման Սահակյանarman

  • Կողմ 336
  • Դեմ 10
  • Ձեռնպահ 0
  • Չի քվեարկել 8
  • Բացակա 4
  • Քվեարկությունների ընդհանուր թիվը 358  Հարց 0,Ելույթ 1,Նախաձեռնություն 3

Ֆելիքս Ցոլակյանfeliks

  • Կողմ 341
  • Դեմ 9
  • Ձեռնպահ 0
  • Չի քվեարկել 8
  • Բացակա 0
  • Քվեարկությունների ընդհանուր թիվը 358

Ռոմիկ Մանուկյանromik

  • Կողմ 326
  • Դեմ 4
  • Ձեռնպահ 5
  • Չի քվեարկել 2
  • Բացակա 21
  • Քվեարկությունների ընդհանուր թիվը 358 ,Հարց 0,Ելույթ 1,Նախաձեռնություն 0

Տատյանա Միքայելյանtatyana

  • Կողմ 253
  • Դեմ 36
  • Ձեռնպահ 18
  • Չի քվեարկել 37
  • Բացակա 14
  • Քվեարկությունների ընդհանուր թիվը 358

Այսպիսով, մինչև  երկրորդ նստաշրջանի ավարտը ամենաշատ կողմ օրենքներին ու դրանց փոփոխություններին քվեարկել է Ֆելիքս Ցոլակյանը` 341 կողմ, այնուհետև Արման Սահակյանը` 336, ամենաքիչ կողմ քվեարկել  է Վարդան Ղուկասյանը` 233: Ամենաշատ դեմ քվեարկող շիրակցի պատգամավորը Վարդևան Գրիգորյանն է եղել, այս ժամանակահատվածում` 43 անգամ, ամենաքիչը` Ռոմիկ Մանուկյանը` 4, ձեռնպահ առավել հաճախ քվեարկել է Տատյանա Միքայելյանը` 18, իսկ Ֆելիքս Ցոլակյանն ու Արման Սահակյանը  երբևէ ձեռնպահ չեն քվեարկել: Ամենից շատ չքվեարկող շիրակցի պատգամավորը  Վարդևան Գրիգորյանն է, չի քվեարկել 46 անգամ, ամենից քիչ չքվեարկողը  Ռոմիկ Մանուկյանն է, պատգամավորը չի քվեարկել ընդամենը 2 անգամ: Բացակայություններով աչքի ընկած պատգամավորները Վարդան Ղուկասյանն ու Ռոմիկ Մանուկյանն են եղել, համապատասխանաբար` 27 և 21 բացակայություն: Ամենապարտաճանաչն էլ, ըստ parliamentmonitoring.am կայքի, Ֆելիքս Ցոլակյանն է եղել, ով որևէ բացակայություն չի ունեցել երկրորդ նստաշրջանի ընթացքում:

Եթե համեմատենք  «թեժ» օրինագծերի քվեարկությունները, ապա, ըստ նույն կայքի, Ֆելիքս Ցոլակյանը,  Արման Սահակյանը և Ռոմիկ Մանուկյանը  Հանրաքվե, Անվտանգության խորհուրդ, Ներման մասին, Դատական օրենսգիրք, Սահմանադրական դատարանի մասին, Փոփոխություններ դատական օրենսգրքում, Ընտանիքում բռնության կանխարգելում, Զինվորական ծառայություն, զինծառայողի կարգավիճակ,  Բյուջե 2018, Հայ-ռուսական միացյալ զորախումբ օրինագծերին բոլորին կողմ են քվեարկել: Այսինքն քվեարկությունների ժամանակ նրանց նրանց  դիրքորոշումները համընկել են լիարժեքորեն, գրեթե նույն պատկերն է Բարգավաճ Հայաստանը ներկայացնող պատգամավորների քվեարկությունների համընկնումները: Վարդան Ղուկասյանի, Վարդևան Գրիգորյանի և Տատյանա Միքայելյանի  քվեարկությունների համընկնումը 90 տոկոս է: Նրանք դեմ են եղել Հանրաքվե, Ընտանիքում բռնության կանխարգելում, Բյուջե 2018-ին, չեն քվեարկել  Դատական օրենսգիրք, Սահմանադրական դատարանի մասին, Փոփոխություններ դատական օրենսգրքում օրինագծերի ժամանակ:

©progressgyumri.am  Armenian News/Analyses/Research/Interview/Monitoring:

Շիրակի պատգամավորները՝ իրենց արածի ու անելիքների մասին

«Գյումրու առաջընթաց» քաղաքացիական հասարակության  զարգացման կենտրոն» հասարակական կազմակերպությունը Շիրակի մարզի պատգամավորներին հարցում է ուղարկել, խնդրելով գնահատել ԱԺ 6-րդ գումարման նստաշրջանները, մշտական հանձնաժողովների աշխատանքները՝ ներկայացնելով այդ նստաշրջանների ընթացքում իրենց կատարած աշխատանքը, մասնավորապես նիստերի բացակայության, քվեարկության վերաբերյալ։

Կազմակերպությունը նաեւ խնդրել է ԱԺ պատգամավորներին տրամադրել տեղեկություններ այն մասին, թե ինչպիսի նախաձեռնություններով են հանդես եկել, ինչպիսի նախագծերի հեղինակ կամ համահեղինակ  են կամ ինչ ելույթներ են ունեցել, ինչ հարցեր են բարձրացրել, ինչպես նաև խնդրել է պատգամավորներին  մատնանշել, թե  2018թ. ինչպիսի անելիքներ ունեն, ինչ նախաձեռնություններով են ներկայանալու։ Հարցումներն ուղարկվել են ԱԺ պատգամավորների էլկտրոնային հասցեներին:

Որոշ պատգամավորներ մասամբ են պատասխանել հարցերին, իսկ ՀՀԿ խմբակցության ԱԺ պատգամավոր Արման Սահակյանից դեռևս պատասխան չկա: Ա.Սահակյանին հարցումն ուղարկվել է ս/թ հունվարի 10-ին, պատասխանելու մասին հիշեցվել է փետրվարի 13-ին:

Հրապարակում ենք ամբողջական պատասխանները` առանց կրճատումների:

«Ծառուկյան»  դաշինքի ԱԺ պատգամավոր, Տարածքային  կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի անդամ Վարդան Ղուկասյանը գրավոր փոխանցել է հետեւյալը02140001.00_41_11_00.неподвижное изображение009«ՀՀ Ազգային Ժողովի 6-րդ գումարման անցած երկու նստաշրջաններում տարածքային  կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովը, իմ գնահատմամբ, աշխատել է բավականին ծանրաբեռնված և արդյունավետ՝ օգտվելով  օրենսդրությամբ նախատեսված լծակներից եւ խորհրդարանի  կանոնակարգով սահմանված լիազորություններից:

Ընդունվել են նախագծերի փաթեթներ, օրենսդրական փոփոխություններ բոլոր ոլորտներում: Հանձնաժողովի կողմից նախաձեռնվել, կազմակերպվել եւ անցկացվել են խորհրդարանական լսումներ եւ աշխատանքային քննարկումներ:

Որպես տվյալ հանձնաժողովի անդամ՝ հանձնաժողովի նիստերում հանդես եմ եկել մի շարք առաջարկություններով, որոշ հարցերի շուրջ մասնակցել եմ քննարկումներին:

Կարևորում եմ «Սահմանամերձ համայնքների սոցիալական աջակցության մասին» ՀՀ օրենքում  կատարված փոփոխությունների մասին նախագիծը, որտեղ մինչեւ 2021 թվականը սահմանամերձ համայնքների բնակիչները կշարունակեն օգտվել գազի, էլեկտրաէներգիայի և ջրի դիմաց վճարումների արտոնություններից:

Խիստ կարեւորում եմ նաև «Տեղական ինքնակառավարման մասին» ՀՀ օրենքում կատարված որոշակի փոփոխությունները, «Ֆինանսական համահարթեցման մասին» Հայաստանի Հանրապետության օրենքում կատարված փոփոխությունները:

Ակտիվ եւ արդյունավետ աշխատանք եմ տանում հեռուստաընկերությունների, լրատվամիջոցների եւ սոցիալական կայքէջերի հետ: Բազմաթիվ ելույթներ, ուղիղ եթերներ եմ ունեցել  մեր ազգաբնակչությանը հուզող կարևորագույն հարցերի և թեմաների շուրջ:

Իմ կողմից իրականացվել են հանդիպումներ մարզի համայնքների,  գյուղերի ու քաղաքների ազգաբնակչության եւ ընտանիքների հետ, հանդիպումներ եմ ունեցել նաև համայնքների ղեկավարության  և ավագանու անդամների հետ:

Վերը նշված աշխատանքների շնորհիվ իմ կողմից մի շարք հարցեր են ուղղվել ՀՀ կառավարությանը եւ վարչապետին:

ԱԺ նիստներին իմ մասնակցության վերաբերյալ տեղեկացնում եմ, որ անհարգելի բացակայություններ չունեմ:

Մասնակցել եմ 190 օրենքների նախագծերի քննարկմանը, 40 համաձայնագրերի եւ 14 այլ փաստաթղթերի ներկայացմանը:

Որպես «Ծառուկյան»  խմբակցության անդամ մասնակցել եմ 270-ից 264 քվեարկությունների, կողմ՝ 189, դեմ՝ 29, չեմ քվեարկել ՝ 39, ձեռնպահ ՝ 7 անգամ»:

parliament monitoring կայքի տեղեկություններով՝ Վարդան Ղուկասյանը չի բացակայել, հարցեր, ելույթներ չի ունեցել ԱԺ նախկին նիստերին։

ՀՀԿ խմբակցության ԱԺ  պատգամավոր, պաշտպանության և անվտանգության հարցերի մշտական հանձնաժողովի անդամ  Ֆելիքս Ցոլակյանը պատասխանել է 02140001.00_40_07_16.неподвижное изображение005  ԱԺ 6-րդ գումարման նստաշրջանների, ԱԺ պաշտպանության և անվտանգության հարցերի մշտական հանձնաժողովի աշխատանքները գնահատում եմ դրական:

ԱԺ եւ ԱԺ պաշտպանության եւ անվտանգության հարցերի մշտական հանձնաժողովի բոլոր նիստերին մասնակցել եմ:

Հարակից զեկուցմամբ հանդես եմ եկել՝

1.«Հայաստանի Հանրապետության զինված ուժերի ներքին ծառայության կանոնագիրքը հաստատելու մասին» Հայաստանի Հանրապետության օրենքում փոփոխություններ եւ լրացում կատարելու մասին

  1. «Ռազմարդյունաբերական համալիրի մասին» Հայաստանի Հանրապետության օրենքում փոփոխություններ եւ լրացում կատարելու մասին
  2. «Ռազմական ոստիկանության մասին» Հայաստանի Հանրապետության օրենքում փոփոխություններ և լրացում կատարելու մասին 2000 թվականի փետրվարի 11-ի համաձայնագրին
  3. «Ռուսաստանի Դաշնության կառավարության և Բելոռուսի Հանրապետության կառավարության միջեւ Պաշտպանական համակարգեր միջպետական ֆինանսարդյունաբերական խմբի մասին» 2000 թվականի փետրվարի 11-ի համաձայնագրին Հայաստանի Հանրապետության կառավարության միանալու մասին
  4. «Ռուսաստանի Դաշնության կառավարության և Բելոռուսի Հանրապետության կառավարության միջեւ Պաշտպանական համակարգեր միջպետական ֆինանսարդյունաբերական խմբի» մասին 2000 թվականի փետրվարի 11-ի համաձայնագրում փոփոխություններ և լրացում կատարելու մասին օրենքների նախագծերի վերաբերյալ:

2018 թվականին հանդես եմ գալու մի շարք օրենսդրական նախաձեռնություններով կապված աղետի գոտու և Շիրակի մարզի զարգացման հետ :

Նախատեսվում են այցելություններ զորամասեր եւ Շիրակի մարզ, հանդիպումներ ընտրողների հետ, ԱԺ պաշտպանության եւ անվտանգության հարցերի մշտական հանձնաժողովի աշխատանքների հետ կապված մի շարք միջոցառումներ:

Parliament monitoring կայքի տեղեկություններով՝ Ֆելիքս Ցոլակյանը կողմ է քվեարկել 251 անգամ, դեմ՝ 5, ձեռնպահ՝0, չի քվեարկել 8 անգամ, ճչի բացակայել, ելույթներ ու հարցեր չի ունեցել։    

ՀՅԴ խմբակցության Աժ պատգամավոր, պաշտպանության եւ անվտանգության հարցերի մշտական հանձնաժողովի անդամ, Ռոմիկ Մանուկյանի օգնականը փոխանցել է.02140001.00_39_55_12.неподвижное изображение007«ԱԺ վեցերորդ գումարման առաջին եւ երկրորդ նստաշրջանների ընթացքում կազմակերպվել են քաղաքացիների բազմաթիվ ընդունելություններ: Քաղաքացիների բարձրացրած խնդիրներն ունեցել են հիմնականում սոցիալական բնույթ:  Դիմել են նաեւ ազատամարտիկներ՝ բնակարանային եւ առողջապահական խնդիրներով, որոնց մասին ԱԺ 25.10.2017թ. հերթական նիստի կարավարության հետ հարց ու պատասխանի ընթացքում պատգամավորի կողմից հարց է հնչեցվել: Շիրակի մարզի Սարիար համայնքի բնակիչներից մի քանիսը դիմել են համայնքի դպրոցի տանիքի վերանորոգման խնդրանքով, որը լուծվել է համապատասխան գերատեսչությունների հետ համագործակցության արդյունքում: Դիմել են նաեւ աշխատանքի, անօթեւանության եւ կենսաթոշակների հետ կապված խնդիրներով, որոնք հիմնականում ստացել են իրենց լուծումները:

Օրենսդրական նախաձեռնություններ դեռեւս չկան»:

Parliament monitoring կայքի տեղեկություններով՝ Ռոմիկ Մանուկյանը նստաշրջանում քվեարկել է կողմ՝ 237, դեմ՝ 1, ձեռնպահ՝3, չի քվեարկել՝ 2, բացակա՝ 21, հարցեր՝ 0, ելույթ՝ 1։

«Ծառուկյան» խմբակցության ԱԺ պատգամավոր, տարածքային  կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահ Վարդեւան Գրիգորյանը տեղեկացրել է.   02140001.00_40_38_00.неподвижное изображение008«Անցած 2 նստաշրջաններում, իմ գնահատմամբ, հանձնաժողովն աշխատել է արդյունավետ և ծանրաբեռնված՝ օգտվելով խորհրդարանական և հանձնաժողովական աշխատանքի բոլոր գործիքներից:

Հանձնաժողովում քննարկված նախագծերից ամբողջությամբ ընդունվել են  14 նախագծերի փաթեթներ, որոնց մեջ կատարվել են ընդհանուր առմամբ 28 օրենսգրքերի և օրենքների փոփոխություններ: Շրջանառության մեջ ունենք 8 նախագծերի փաթեթ, ընդհանուր առմամբ 28 օրենսգրքերի և օրենքների փոփոխություններով ու լրացումներով: Նախագծերի մեծ մասում հանձնաժողովի կողմից արվել են առաջարկություններ, որոնք ընդգրկվել են օրենքների նախագծերում:

Առաջարկություններ են արվել ԱՊՀ միջխորհրդարանական վեհաժողովի Պետական շինարարության և տեղական ինքնակառավարման փորձի ուսումնասիրման հանձնաժողովի, և Ագրարային քաղաքականության, բնական պաշարների եւ էկոլոգիայի մշտական հանձնաժողովի կողմից ուղարկված մոդելային օրենքների մեջ եւ ուրախությամբ պետք է փաստեմ, որ մեր առաջարկություններն ընդգրկվել են օրենքների նախագծերում:

Զուտ օրենսդրական աշխատանքները, կարծում եմ, մեզ հաջողվել են, մենք չենք զլացել ունենալ և արտահայտել սեփական կարծիք ու տեսակետ, մեր առաջարկությունները և դիտողությունները որպես կանոն իրենց արտացոլումն են գտել գործադիրի կողմից խորհրդարան բերված և մեր հանձնաժողովի պրիզմայով անցած օրինագծերում: Գաղտնիք չէ, որ ինչպես մեր, այնպես էլ մյուս բոլոր հանձնաժողովները բազմակուսակցական են, եղել են կարծիքների բախումներ, սակայն շահագրգիռ ու բուռն քննարկումների արդյունքում հաղթել է մասնագիտական օբյեկտիվ գնահատականը:

Մեր կողմից կատարված աշխատանքների մեջ կարևորում եմ «Սեւանա լճի էկոհամակարգերի վերականգնման, պահպանման, վերարտադրման եւ օգտագործման միջոցառումների տարեկան ու համալիր ծրագրերը հաստատելու մասին» օրենքի փոփոխությունը, որը, ճիշտ է, բնապահպանները քննադատեցին, սակայն արդյունքում երաշտի տարում հնարավորություն ընձեռվեց ջրի դիֆիցիտը մեղմել եւ հազարավոր հողօգտագործողներ վայելեցին սեփական աշխատանքի պտուղները:

Կարեւոր եմ համարում «Բույսերի սորտերի պահպանության մասին» ՀՀ օրենքի ընդունումը, ինչի արդյունքում մենք հնարավորություն կունենանք անդամակցելու  Բույսերի նոր սորտերի պաշտպանության միջազգային միությանը և այդ առումով կունենանք նոր հնարավորություններ և արտոնություններ:

Փոփոխություններ արվեցին «Սննդամթերքի անվտանգության մասին»,  «Անասնաբուժության մասին» եւ հարակից օրենքներում, որի արդյունքում սահմանվեց սպանդանոցային պարտադիր մորթը, ինչն ըստ էության կերաշխավորի  առողջ և անվտանգ մսամթերքի օգտագործումը բնակչության կողմից:

Առանձնապես կարեւորում եմ «Սահմանամերձ համայնքների սոցիալական աջակցության մասին» օրենքում կատարված փոփոխությունը, որի շնորհիվ  մինչև 2021 թվականը սահմանամերձ համայնքների բնակիչները կշարունակեն օգտվել գազի, էլեկտրաէներգիայի, ջրի դիմաց վճարումների արտոնություններից:

Կուզենայի անդրադառնալ նաեւ խորհրդարանական լսումներին եւ աշխատանքային քննարկումներին, որոնց թեման էր Խոսրովի անտառ պետական արգելոցում բռնկված հրդեհների, անտառային հրդեհների և Նաիրիտ գործարանում բռնկված հրդեհից հետո ստեղծված իրավիճակը և ձեռնարկվող քայլերը: «ՀՀ բնության հատուկ պահպանվող տարածքների առկա վիճակը, հիմնախնդիրները եւ լուծման ուղղությունները» և «Գենետիկորեն ձևափոխված օրգանիզմներ՝ պարտադրա՞նք, թե՞ այլընտրանք» թեմայով խորհրդարանական լսումների քննարկումները եղել են շահագրգիռ, ակտիվ, պատգամավորները եւ քաղհասարակության ներկայացուցիչները հանդես են եկել հարցադրումներով, ստացել սպառիչ պատասխաններ:

Հանձնաժողովն արտագնա խորհրդակցություններ է կազմակերպել Դիլիջանի խոշորացված համայնքում, Շիրակի և Վայոց Ձորի մարզերում:

Հանձնաժողովն ամփոփեց տարածքային կառավարման, գյուղատնտեսության եւ բնապահպանության ոլորտների բյուջետային ծրագրերի կատարողական հիմնական ցուցանիշների մշակման ընթացիկ տարվա աշխատանքները: Այստեղ նույնպես հանձնաժողովի անդամները հայեցողական դիրք չեն գրավել, այլ ակտիվ մասնակցել են այդ ցուցանիշների քննարկմանը:

Որպես պատգամավոր, կարծում եմ, նույնպես նախաձեռնող եմ եղել, հեղինակել եմ 1, համահեղինակել եմ 6 օրենսդրական նախաձեռնությունների (ստորև թվարկվում են), նաև բազմաթիվ առաջարկություններ եմ արել օրենքների նախագծերում:

«Շահումով խաղերի, ինտերնետ շահումով խաղերի և խաղատների մասին» Հայաստանի Հանրապետության օրենքում փոփոխություն  և  լրացումներ կատարելու մասին

«Վիճակախաղերի մասին» Հայաստանի Հանրապետության օրենքում փոփոխություններ և լրացումներ կատարելու մասին

«Հայաստանի Հանրապետության հարկային օրենսգրքում փոփոխություն կատարելու մասին»

«Տեղական ինքնակառավարման մասին» Հայաստանի Հանրապետության օրենքում փոփոխություն կատարելու մասին

Գյուղատնտեսության պետական աջակցության մասին

«Ֆինանսական համահարթեցման մասին» Հայաստանի Հանրապետության օրենքում փոփոխություն կատարելու մասին

«Կազմակերպությունների և անհատ ձեռնարկատերերի կողմից ներմուծվող՝ ակցիզային հարկով հարկման ոչ ենթակա այն ապրանքների ցանկը հաստատելու մասին, որոնց ներմուծումն ազատված է ավելացված արժեքի հարկից» Հայաստանի Հանրապետության օրենքում լրացումներ կատարելու մասին:

Բազմիցս հանդես եմ եկել ելույթներով, հայտարարություններով, կապված թանկացումների, հարկային խստացումների, աղետի գոտու անօթեւան բնակիչների խնդիրների, աղետի գոտու հիմնախնդիրների, աշխատատեղերի կրճատումների, աղետների ռիսկերի կառավարման հետ եւ այլն:

Ինչ վերաբերվում է ԱԺ նիստերին իմ մասնակցությանը, ներկայացնում եմ parliament monitoring կայքի տվյալները՝

Քննարկված օրենքներ 190, համաձայնագրեր 40, այլ փաստաթղթեր 14, ընթացակարգային քվեարկություններ՝  26։

Կողմ է քվեարկել 185 անգամ, դեմ՝ 28, ձեռնպահ՝ 5, չի քվեարկել 42 անգամ, բացակայել է 4 անգամ, 4 հարց է բարձրացրել, եւ 4 ելույթ ունեցել»։

«Ծառուկյան» դաշինքի ԱԺ պատգամավոր, ֆինանսավարկային և բյուջետային հարցերի մշտական հանձնաժողովի անդամ Տատյանա Միքայելյանը փոխանցել էTatyana Mikaelyan«Անցած 2 նստաշրջաններում, իմ գնահատմամբ, ԱԺ ֆինանսավարկային և բյուջետային հարցերի մշտական հանձնաժողովն աշխատել է արդյունավետ և ծանրաբեռնված:

Մինչ այժմ հանձնաժողովը գումարել է 14 նիստ և ևս 14 համատեղ նիստ 2017թ. պետական բյուջեի կատարողականի և 2018թ. պետական բյուջեի նախագծի քննարկումների համար:

Հանձնաժողովում քննարկված նախագծերից ամբողջությամբ ընդունվել են  14 նախագծերի փաթեթներ, ծրագրեր, հաշվետվություններ, որոնց մեջ կատարվել են ընդհանուր առմամբ 41 օրենսգրքերի և օրենքների փոփոխություններ: Շրջանառության մեջ ունենք 5 նախագծերի փաթեթ, ընդհանուր առմամբ 14 օրենսգրքերի և օրենքների փոփոխություններով ու լրացումներով:

Ինչ վերաբերում է ԱԺ նիստերին իմ մասնակցությանը, ներկայացնում եմ parliament monitoring կայքի տվյալները՝

Քննարկված օրենքներ՝ 190, համաձայնագրեր՝ 40, այլ փաստաթղթեր՝ 14, ընթացակարգային քվեարկություններ՝  26։

Քվերակություն կողմ՝ 192, դեմ՝ 22, ձեռնպահ՝ 7, չի քվեարկել՝ 35, բացակա՝ 8, հարց՝ 1, ելույթ՝ 0։

Անհարգելի պատճառով բացակայություններ չունեմ ոչ լիագումար, ոչ էլ հանձնաժողովի նիստերից: Եղել եմ գործուղման Ռուսաստանում ռուսական կողմի հրավերով, գուցե այդ օրերին էլ բացակայել եմ:

1.բ) Ակտիվությունս վերաբերվում է հատկապես 2-րդ և 3-րդ նստաշրջաններին, աշխատել եմ ընտրողների հետ, և իմ հնչեցրած հայտարարություններն ու կառավարությանն ուղղված հարցերն եկել են ընտրողներից: Եվ այսպես.

  • հայտարարություն եմ արել ռուսերենի ուսուցմամբ դասարաններում և խորացված ռուսերենի ուսուցմամբ դպրոցներում ռուսերենով քիմիա, մաթեմատիկա, ֆիզիկա, աշխարհագրություն առարկաների դասագրքերի պակասի, երբեմն նաև բացակայության մասին: Առիթն օգտագործել եմ խոսելու նաև ռուսերենով դասավանդող նեղ մասնագետների պակասի մասին:

 Կառավարության հետ հարցուպատասխանի ժամանակ այս հարցերն ուղղել եմ ՀՀ ԿԳ նախարարին և ստացել հուսադրող պատասխան (նյութին ծանոթանալ arminfo կայքում):

  • Ինձ դիմել է Հայաստանում Ռուսաստանի դեսպանատունը՝ ռուսալեզու “Друзья России” ամսաթերթի տպագրությունը վերսկսելուն նպաստելու խնդրանքով: Նամակով դիմել եմ ՀՀ մշակույթի նախարարին, սպասում եմ պատասխանի
  • Հայտարարություն եմ հրապարակել ծնելիության խրախուսման ուղղությամբ պետության ձեռնարկած քայլերի (միանվագ նպաստ և այլն) անբավարարության մասին:
  • ՀՀ ջրային օրենսգրքի փոփոխությունների քննարկումների ժամանակ հարց եմ ուղղել բնապահպանության նախարարին օրենքում կատարված մեկ նորամուծության առիթով: Մասնավորապես ուշադրություն եմ հրավիրել այն հանգամանքի վրա, որ Արարատյան դաշտի պարագայում անթույլատրելի է ջրավազանային կառավարման պլանների բացակայությունը:
  • Հրավառությունների կազմակերպիչներից համայնքային բյուջեներ հարկ գանձելու մասին կետը ՏԻՄ օրենքում ներառելու և ըստ այդմ Պետական տուրքի մասին ՀՀ օրենքում փոփոխություն կատարելու օրենսդրական նախաձեռնության քննարկումների ընթացքում  առաջարկել եմ կիրառել լիցենզավորման համակարգը:
  • Ակտիվ եմ եղել 2018թ. Պետական բյուջեի նախագծի քննարկումների ժամանակ, հարցեր եմ բարձրացրել ՀՀ աշխատանքի եւ սոցիալական հարցերի, տարածքային կառավարման և զարգացման, գյուղատնտեսության նախարարների առջև:
  1. Ինչպես գիտեք, ես պատգամավոր եմ դարձել ընտրական համակարգում կատարված բարեփոխումների արդյունքում: Իմ նկատմամբ մեծ վստահություն է ցուցաբերվել, այստեղից էլ այն պատասխանատվությունը, որ զգում եմ Բարգավաճ Հայաստան կուսակցության և ռուսական համայնքի նկատմամբ:

Առաջիկայում պատրաստում եմ մեծ հանդիպում  ռուսական համայնքի ներկայացուցիչների հետ, հրավիրելու եմ երկրի բոլոր հատվածներից, լսելու եմ հայրենակիցներիս, փորձելու եմ օգնել: Ընդհանրապես ասել եմ, որ չեմ լինելու փոստատարի դերում, այլ պատկերավոր ասած՝ դեսպանի: Չեմ զբաղվելու ընդամենը մարդկանց խնդիրները վերահասցեավորելով, այլ զբաղվելու եմ անձամբ:

Այս ամսվա վերջին լինելու եմ Մոսկվայում Եվրասիական հետազոտությունների ինստիտուտի հրավերով, հանդես եմ գալու ծավալուն ելույթով հայ-ռուսական մշակութային, կրթական, հումանիտար առնչությունների, մեր երկրում ազգային փոքրամասնությունների, քաղհասարակության հաստատությունների հետ տարվող աշխատանքների շուրջ:

Ես նաև Գյումրիից ընտրված պատգամավոր եմ և հոգուս պարտքն եմ համարում զբաղվել մեր քաղաքի խնդիրներով: Այս հարցում պատրաստ եմ համագործակցել ցանկացած մեկի հետ, ով կուզենա օգնել Գյումրուն եւ գյումրեցիներին»:

Անի Մկրտչյան

©progressgyumri.am  Armenian News/Analyses/Research/Interview/Monitoring:

Շիրակի մարզի պատգամավորներն ինչպե՞ս են քվեարկում, ովքե՞ր են նիստերից բացակայում

  Շիրակի մարզից ընտրված 6 ԱԺ պատգամավորներից 2-ը ՀՀԿ խմբակցությունից են` Արման Սահակյան (ՀՀԿ-ական) եւ Ֆելիքս Ցոլակյան (անկուսակցական), 3-ը Ծառուկյան դաշինքից` Վադեւան Գրիգորյան (ԲՀԿ-ական), Վարդան Ղուկասյան (անկուսակցական), Տատյանա Միքայելյան (ԲՀԿ-ական) եւ մեկ ՀՅԴ-ական` Ռոմիկ Մանուկյան:

Շիրակի պատգամավորներ Ռոմիկ Մանուկյանն ու Ֆելիքս Ցոլակյան ԱԺ պաշտպանության եւ անվտանգության հարցերի մշտական հանձնաժողովի անդամներ են, Տատյանա Միքայելյանը` ֆինանսավարկային եւ բյուջետային հարցերի մշտական հանձնաժողովի, Արման Սահակյանը` տնտեսական հարցերի մշտական հանձնաժողովի անդամներ են: Վարդան Ղուկասյանը տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի անդամ է, իսկ Վարդեւան Գրիգորյանը նույն այս հանձնաժողովի նախագահն է:
Parliamentmonitoring.am կայքի հրապարակած տեղեկություններն ուսումնասիրելիս` պարզել ենք, թե Շիրակի մարզից ընտրված յուրաքանչյուր պատգամավոր քանի՞ անգամ է բացակայել ԱԺ նիստերից, որքա՞ն հարց, ելույթ է ունեցել եւ ինչպիսի՞ ձայներ է ապահովել նիստերում, այսինքն` կողմ, դեմ, ձեռնպահ հարաբերակցությունն ինչպիսի՞ ն է:

              Առաջին նստաշրջան (ընդգրկող ժամանակաշրջանը` մայիսի 18, 2017-հունիսի 22, 2017)
Արման Սահակյանն  ունի 27 կողմ քվեարկություն, դեմ եւ ձեռնպահ չի արտահայտվել, երկու անգամ չի քվեարկել, չի    բացակայել, հարցեր եւ ելույթներ չի ունեցել:
Ռոմիկ Մանուկյանն քվեարկել է 58 կողմ, դեմ եւ ձեռնպահ չի արտահայտվել, 1 անգամ չի քվեարկել, 6 անգամ բացակայել է, չի ունեցել հարց ու ելույթ:
Վարդեւան Գրիգորյանն 14 կողմ է արտահայտվել, 7` դեմ, 2` ձեռնպահ, 6 անգամ չի քվեարկել, չի բացակայել, հաց չի   ունեցել, ներկայացել է մեկ ելույթով:
Վարդան Ղուկասյանն ունի 12 կողմ քվեարկություն, 6` դեմ, 3` ձեռնպահ, 8 անգամ չի քվեարկել, չի բացակայել, հարցեր եւ ելույթներ չի ունեցել
Տատյանա Միքայելյանը 11 կողմ ձայն ունի, 3` դեմ եւ 5` ձեռնպահ, 8 անգա չի քվեարկել, չի բացակայել, հացեր եւ ելույթներ չի ունեցել:
Ֆելիքս Ցոլակյանն ունի 25 կողմ, դեմ եւ ձեռնպահ չի արտահայտվել, 4 անգամ չի քվեարկել, չի բացակայել, հարցեր եւ ելույթներ չի ունեցել:

                                          Երկրորդ նստաշրջան (սեպտեմբերի 11, 2017-ից մինչ այժմ)
Արման Սահակյանն ունի 29 կողմ ձայն, դեմ եւ ձեռնպահ չի քվեարկել, 3 անգամ չի քվեարկել, չի բացակայել, հարց եւ ելույթ չի ունեցել:
Ռոմիկ Մանուկյանը 31 անգամ կողմ է քվեարկել, դեմ եւ ձեռնպահ չի արտահայտվել, մեկ անգամ բացակայել է, հարց ու ելույթ չի ունեցել:
Վարդեւան Գրիգորյանը քվեարկել է 28 կողմ, 1` դեմ եւ 0 ձեռնպահ, 3 անգամ չի քվեարկել, չի բացակայել, հարց եւ ելույթ չի ունեցել:
Վարդան Ղուկասյանը 30 անգամ կողմ է արտահայտվել, 1` դեմ եւ 0` ձեռնպահ, մեկ անգամ չի քվեարկել, չի բացակայել, հարց եւ ելույթ չի ունեցել:
Տատյանա Միքայելյանը եւս ունի 30 կողմ ձայն, 1` դեմ եւ 0` ձեռնպահ, չի քվեարկել մեկ անգամ, չի բացակայել, հարց եւ ելույթ չի ունեցել:
Ֆելիքս Ցոլակյանը 32 անգամ կողմ է քվեարկել, դեմ եւ ձեռնպահ չի արտահայտվել, ամեն անգամ քվեարկել է, չի բացակայել, հարց ու ելույթ չի ունեցել:

GRAFIK 02-rd nstashrjan

                                       Արտահերթ նստաշրջան (հուլիսի 4, 2017-օգոստոսի 10, 2017)

Արման Սահակյանն այս նստաշրջանին 4 անգամ բացայակել է, հետեւաբար քվերակություն չի ունեցել:
Ռոմիկ Մանուկյանը քվեարկել է 2 կողմ, դեմ եւ ձեռնպահ չի արտահայտվել, 2 անգամ բացակայել է, հարց եւ ելույթ չի ունեցել:
Վարդեւան Գրիգորյանը քվեարկել է 2 կողմ, դեմ եւ ձեռնպահ չի արտահայտվել, 2 անգամ չի քվեարկել, չի բացակայել, հարց ու ելույթ չի ունեցել:
Վարդան Ղուկասյանը 3 անգամ կողմ է քվեարկել, մեկ անգամ` դեմ, ձեռնպահ չի քվեարկել, չի բացակայել, հարց, ելույթ չի ունեցել:
Տատյան Միքայելյանը 3 անգամ կողմ է արտահայտվել, մեկ անգամ` դեմ, ձեռնպահ չի քվեարկել, չի բացակայել, հարց, ելույթ չի ունեցել:
Ֆելիքս Ցոլակյանն ունի 4 կողմ ձայն, դեմ, ձեռնպահ չի արտահայտվել, չի բացակայել, հարց ու ելույթ չի ունեցել:GRAFIK 3-rd artahert nstashrjan

    Այսպիսով մինչ այժմ ընդհանուր տվյալներն այսպիսին են`
Արման Սահակյանը քվեարկել է 56 կողմ, դեմ եւ ձեռնպահ չի արտահայտվել, 5 անգամ չի քվեարկել, 4 անգամ բացակայել է, հարց եւ ելույթ չի ունեցել:
Ռոմիկ Մանուկյանը 58 անգամ կողմ է քվեարկել, դեմ եւ ձեռնպահ չի արտահայտվել, 1 անգամ չի քվեարկել, 6 անգամ բացակայել է, հարց եւ ելույթ չի ունեցել:
Վարդեւան Գրիգորյանն արտահայտվել է 44 կողմ ձայն, 8` դեմ եւ 2 ձեռնպահ, մեկ անգամ չի քվեարկել, չի բացակայել, ունեցել է մեկ հարց, մեկ ելույթ:
Վարդան Ղուկասյանը 45 անգամ արտահայտվել է կողմ, 8 անգամ` դեմ, եւ 3 անգամ` ձեռնպահ, 9 անգամ չի քվեարկել, չի բացակայել, հարց, ելույթ չի ունեցել:
Տատյանա Միքայելյանը 44 անգամ կողմ է արտահայտվել, 5` դեմ եւ 2` ձեռնպահ, 6 անգամ չի քվեարկել, 8 անգամ բացակայել է, ունեցել է մեկ հարց, ելույթ չի ունեցել:
Ֆելիքս Ցոլակյանն արտահայտվել է 61 կողմ ձայն, դեմ եւ ձեռնպահ չի արտահայտվել, 4 անգամ չի քվեարկել, չի բացակայել, հարց ու ելույթ չի ունեցել:

Անի Մկրտչյան

©progressgyumri.am  Armenian News/Analyses/Research/Interview/Monitoring:

Գյումրու ավագանու անդամներն ու նիստերը. 2016-2017. ամփոփում

Գյումրու ՏԻՄ ընտրությունների արդյունքների քննարկումը

Գյումրու ՏԻՄ ընտրություններից հետո թիվ 34 ընտրատարածքային ընտրական հանձնաժողովի որոշմամբ` «Բարգավաճ Հայաստան» եւ «Հայկական վերածնունդ» կուսակցություններից մեկական մանդատ վերցրվեց ու տրվեց «Բալասանյան» դաշինքին: Այսպիսով, «Բալասանյան» դաշինքին շնորհվեց 17 մանդատ: Գյումրու քաղաքապետ վերընտրվեց Սամվել Բալասանյանը, իսկ ավագանու անդամները ձեւավորվեցին ԳԱԼԱ (4 անդամ), «Բարգավաճ Հայաստան» (8 անդամ) , «Հայկական վերածնունդ» (4 անդամ) կուսակցություններից եւ «Բալասանյան» դաշինքից (17 անդամ):

Այս ընթացքում հրավիրվել է Գյումրու ավագանու 7 նիստ. 4-ը՝ այս տարում, մյուսները՝ 2016 թվականի վերջին, օրակարգ է ընդգրկվել հանրային նշանակության 147 հարց:

7 նիստից 6-ին մասնակցել են միայն «Բալասանյան» դաշինքի 17 անդամները` այդ թվում քաղաքապետ Սամվել Բալասանյանը:

«Բալասանյան դաշինք»-ով ընտրված ավագանու անդամները

Ցուցակի առաջին համարում համայնքի ղեկավարն է` Սամվել Բալասանյանը` անկուսակցական է, առաջադրվել է ՀՀԿ-ի կողմից (ՏԻՄ մասին ՀՀ նոր օերնքի համաձայն` Ս.Բալասանյանը ոչ միայն համայնքի ղեկավարն է, այլեւ` ավագանու անդամ, հետեւաբար, նա իրավունք ունի մասնացել քվեարկությանը):

2-րդ համարում Արտակ Ադամյանն է, «Մերձմոսկովյան» ԲԲԸ-ի փոխտնօրենը, անկուսակցական, առաջադրվել է ՀՀԿ-ի կողմից, նա վերընտրվել է:

3-րդ համարում Հրայր Կարապետյանն է, Շիրակի մարզի կրթության, մշակույթի եւ սպորտի վարչության պետի ժամանակավոր պաշտոնակատար է, առաջադրվել է ՀՀԿ-ի կողմից, նույն կուսակցության անդամ է:

4-րդ տեղում Լոլյա Խաչատրյանն է, «ՀԷՑ» ՓԲԸ -արհմկոմի նախագահն է, ՀՀԿ-ական է, նույն կուսակցության կողմից է առաջադրվել:

Ցուցակի 5-րդ տեղում Էդգար Մկրտչյանն է, «Գոռավետ» ՍՊԸ-ի տնօրենն է, Հայաստանի քրիստոնեադեմոկրատական միության` ՀՔԴՄ անդամ է, առաջադրվել է նույն կուսակցության կողմից, նա եւս վերընտրվել է:

6-րդ համարում Տիգրան Հովհաննիսյանն է, վերընտրվել է, «Ռ.Տ.Թրեյդինգ» ՍՊԸ-ի տնօրենն է, ՀՔԴՄ-ական է, առաջադրվել է նույն կուսակցության կողմից:

7-րդ տեղում Մխիթար Սահակյանն է, նա եւս վերընտրվել է, չի աշխատում, ՀՀԿ-ական է, առաջադրվել է ՀՀԿ-ի կողմից:

8-րդ տեղում  Լուսինե Սանոյանն է, «Գյումրի-գարեջուր» ՍՊԸ արտաքին կապերի վարչության պետն է, անկուսակցական է, առաջադրվել է ՀՀԿ-ի կողմից:

9-րդ տեղում Վարդան Եդիգարյանն է, չի աշխատում, անկուսակցական է, առաջադրվել է ՀՀԿ-ի կողմից:

10-րդ տեղում Արամայիս Գրիգորյանն է, «Գյումրի-գարեջուր» ՍՊԸ-ի հնեցման արտադրամասի բաժնի պետն է, ՀՀԿ-ական է, նույն կուսակցության կողմից է առաջադրվել: 11-րդ տեղում Վահան Հունանյանն է, չի աշխատում, ՀՀԿ-ական է, առաջադրվել է ՀՀԿ-ի կողմից:

12-րդ տեղում Գայանե Սարգսյանն է, Գյումրու թիվ 9 հիմնական դպրոցի կազմակերպիչը, անկուսակցական է, առաջադրվել է ՀՀԿ-ի կողմից:

13-րդ տեղում Կարեն Միքայելյանն է, «Յունիբանկ» ՓԲԸ-ի վարկային մասնագետն է, ՀՀԿ-ական է, առաջադրվել է ՀՀԿ-ի կողմից:

14-րդ տեղում Տիգրան Փանոսյանն է, նա վերընտրվել է, չի աշխատում, ՀՀԿ-ական է, առաջադրվել է ՀՀԿ-ի կողմից:

15-րդ համարում Գրիգոր Գրիգորյանն է, «Անդրանիկ» Ա/Կ տնօրենն է, անկուսակցական է, առաջադրվել է ՀՀԿ-ի կողմից:

6-րդ համարում Կարինե Թաթարյանն է, «Համալիր մարզադպրոց» ՀՈԱԿ-ի քիմ.հականեխողն է, ՀՔԴՄ-ական է, առաջադրել է նույն կուսակցության կողմից:

17-րդ` վերջին տեղում է Արմեն Տոնոյանը, «Ախուրյանի Կոոպշին» ՍՊԸ փոխտնօրենն է, ՀՀԿ-ական է, առաջադրվել է ՀՀԿ-ի կողմից:

Այսպիսով, «Բալասանյան» դաշինքով ընտրված ավագանու անդամներից 6-ը անկուսակցական են, 8-ը` ՀՀԿ-ական, 3-ը` կին, 4-ը` գործազուրկ, 8-ը` գործարար:

Այս ՏԻՄ ընտրություններին չհաջողվեց վերընտրվել ավագանու անդամներ Գագիկ Ադամյանին, Մերուժան Գաբոյանին, Հրայր Խաչատրյանին, Արամայիս Բաղրամյանին, Ռաֆիկ Մխիթարյանին, Գագիկ Թաթարյանին:

ԳԱԼԱ, «Բարգավաճ Հայաստան» եւ «Հայկական վերածնունդ» կուսակցությունները բոյկոտեցին ու դիմեցին դատարան

P1510581

P1510556

P1510584ԳԱԼԱ, «Բարգավաճ Հայաստան» եւ «Հայկական վերածնունդ» կուսակցություններն հակաօրինական համարեցին Գյումրու ՏԻՄ ընտրությունների արդյունքները, ապօրինի ճանաչեցին թիվ 34 ընտրատարածքային ընտրական հանձնաժողովի` մանդատների բաշխման որոշումը դիմեցին դատական ատյաններ եւ որոշեցին բոյկոտել ավագանու նիստերը: 2017 թվականի մարտ-ապրիլ ամիսներին ՀՀ սահմանադրական դատարանը որոշում կայացրեց` նշելով, որ թիվ 34 ընտրատարածքային ընտրական հանձնաժողովի որոշումը եւ մանդատների բաշխումը հակաօրինական չէ: Այնուհետ սկսվեցին ներկուսակցական քննարկումները. ԳԱԼԱ, «Բարգավաճ Հայաստան» եւ «Հայկական վերածնունդ» կուսակցությունները ընդհանուր եզրակացության եկան, որ առանձին-առանձին են որոշելու` ավագանու նիստերին մասնակցեն, թե ոչ:

Միաձայն քվեարկում եւ պասիվ իրավիճակ

Իսկ մինչ դատական ատյաններում ՏԻՄ ընտրությունների արդյունքների վիճարկումն ու ներկուսակցական քննարկումները, Գյումրիում կայացավ 6 ավագանու նիստ, որին բացառապես մասնակցում էին «Բալասանյան» դաշինքի 17 անդամները, նրանք 107 հարցին էլ միաձայն էին արտահայտվում: Այս ընթացքում որեւէ հարց չէր քննարկվում, ավագանու անդամները դեմ եւ ձեռնպահ չէին արտահայտվում: Ավագանու այսպիսի պասիվ իրավիճակը տեւեց 7 ամիս, շարունակվեց մինչեւ 2017 թվականի հունիսի 5-ը, երբ կայացավ գարնանային շրջանի վերջին նիստը:

ՀՎԿի անակնկալ մասնակցությունը

«Հայկական վերածնունդ» կուսակցության 4 անդամները որոշեցին մասնակցել հունիսի 5-ի ավագանու նիստին: ՀՎԿ-ից ավագանու անդամ ընտրվել էր նաեւ ԱԺ նախկին պատգամավոր Հովհաննես Մարգարյանը, սակայն հրաժարվել էր մանդատից: Այդ պատճառով, սահմանված կարգի համաձայն, կուսակցության ընտրական ցուցակի հաջորդ համարը ճանաչվեց ավագանու անդամ:

ՀՎ կուսակցությունից ավագանու վերջին նիստին ներկա էին տեխնիկական անվտանգության ազգային կենտրոն ՊՈԱԿ-ի բաժնի պետ Սաշա Մարտիրոսյանը,  ԵԿՏԱ-ի՝ Եվրոպական կրթական տարածաշրջանային ակադեմիայի Գյումրու մասնաճյուղի ռեկտոր Հասմիկ Եղիազարյանը, «Գազպրոմ -Արմենիա» ՓԲԸ-ի իրացման բաժնի ճարտարագետ-չափագետ Ավետիս Առաքելյանը, ով Գյումրու նախկին քաղաքապետ, ԱԺ պատգամավոր Վարդան Ղուկասյանի փեսան է, Շիրակի գազաֆիկացման-գազամատակարարման մասնաճյուղի փականագործ Հենրիկ Պողոսյանը:

Ավետիս Առաքելյանը հարցերի քննարկմանն ու քվեարկությանը չմասնակցեց, գործընկերների խոսքով՝ նիստը կիսատ թողնելու պատճառը ծննդատուն շտապելն է եղել:

Հունիսի 5-ի ավագանու նիստին ավագանին հաստատեց 24 հարց, որից մոտ մեկ տասնյակին «Հայկական վերածնունդ» կուսակցության անդամները ձեռնպահ արտահայտվեցին: Գյումրու քաղաքապետարանը վերջիններիս չէր իրազեկել որոշման նախագծերի մասին, այդ պատճառով անտեղյակ էին նիստի օրակարգային որոշ հարցերի բովանդակությունից:

Բալասանյանը նիստերը բոյկոտող ավագանու անդամներին ժամանակ տվեց

Հունիսի 5-ին նիստերը բոյկոտող ավագանու անդամների՝ լիազորությունները վաղաժամկետ դադարեցնելու մասին  հայտարարություն արվեց: Քաղաքապետն հայտարարեց, որ քաղաքապետարանի աշխատակազմի իրավաբանական բաժնի կողմից ներկայացվել է ավագանու նիստերից անհարգելի բացակայած 16 ավագանու անդամների լիազորությունները վաղաժամկետ դադարեցնելու մասին որոշման նախագիծ:

«Սա լիովին համապատասխանում է ՏԻՄ մասին ՀՀ օրենքի 18-րդ հոդվածի առաջին մասի 14-րդ կետին, 70-րդ հոդվածի 2-րդ մասին եւ Գյումրու ավագանու համայնքի կանոնակարգի 36-րդ կետի դրույթերին: Սակայն ես որոշեցի այս նիստին հարցին ընթացք չտալ, նախագիծը չմտցնել ավագանու նիստի օրակարգ եւ ժամանակ տալ նիստերից բացակա ավագանու անդամներին Գյումրու համայնքի ղեկավարին ներկայացնել անհրաժեշտ փաստաթղթեր իրենց բացակայությունները հարգելի համարելու վերաբերյալ, այսինքն՝ հարցը տեղափոխում ենք հաջորդ նիստ, սեպտեմբերին, եթե իհարկե, չունենանք արտահերթ նիստեր»,-վերջին նիստի ժամանակ հայտարարեց Ս.Բալասանյանը:

P1350337Բարգավաճ Հայաստան կուսակցության ավագանու անդամ Վարդեւան Գրիգորյանը հրաժարվեց ավագանու անդամի իր մանդատից եւ ընտրեց ԱԺ պատգամավորի աթոռը:

Մեր հավաստի տեղեկություններով` սեպտեմբերին ավագանու նիստերին կմասնակցեն նաեւ ԳԱԼԱ, ԲՀԿ կուսակցությունների ավագանու անդամները, որոնց մասնակցության դեպքում ենթադրվում են հետաքրքիր եւ բուռն քննարկումներով ընթացող նիստեր:

Իսկ մինչ այժմ ավագանու նիստերին մասնակցած ավագանու անդամները դեռեւս հանդես չեն եկել հանրային նշանակության ամենահետաքրիքր նախաձեռնություններով, աչքի չեն ընկել ակտիվ գործունեությամբ:

Մի կարեւոր հանգամանք եւս. Գյումրու քաղաքապետարանի վարչական շենքի 2-րդ հարկի նորաբաց դահլիճում են կայանում ավագանու նիստերը, այս դահլիճի ընդհանուր արժեքը գնահատվում է մոտ 85 մլն ՀՀ դրամ. ներառյալ` վերանորոգման, հարդարման ծախսեր, գույք՝ որմնանկաների վերականգնման գումար:

Անի Մկրտչյան

«Քաղաքային տրանսպորտի կառավարման եւ սպասարկման որակի բարձրացում` հանուն ուղեւորների շահերի պաշտպանության» ծրագրի մոնիտորինգի արդյունքների վերլուծություն

IMG_70642014թ.

«ԳՅՈՒՄՐՈՒ ԱՌԱՋԸՆԹԱՑ» ՔՀԶԿ ՀԿ:

«Քաղաքային տրանսպորտի կառավարման եւ սպասարկման որակի բարձրացում` հանուն ուղեւորների շահերի պաշտպանության»
ծրագրի մոնիտորինգի արդյունքների վերլուծություն

Ներածություն
Սույն վերլուծության նպատակն է «Քաղաքային տրանսպորտի կառավարման եւ սպասարկման որակի բարձրացում` հանուն ուղեւորների շահերի պաշտպանության»
ծրագրի մոնիտորինգի արդյունքների ամփոփումը, վերլուծությունը և բարձրացված խնդիրների լուծման տարբերակների առաջարկությունը:

Ներքաղաքային տրանսպորտի ոլորտը կարգավորող օրենսդրության և իրավական ամփոփ նկարագիր
Ուսումնասիրությունները վկայում են, որ ներկայումս ՀՀ-ում տրանսպորտի կառավարման ու կազմակերպման ոլորտը կանոնակարգվում է մի շարք օրենքներով, ՀՀ Կառավարության որոշումներով և իրավական այլ ակտերով: Որպես կարևորագույն իրավական ակտեր կարելի է առանձնացնել <<Տրանսպորտի մասին>>, <<Ավտոմոբիլային տրանսպորտի մասին>> ՀՀ օրենքներով, <<Հայաստանի Հանրապետությունում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացնող կազմակերպությունների ընտրության մրցույթի անցկացման կարգը հաստատելու մասին>>, Հայաստանի տրանսպորտի ոլորտի զարգացման ռազմավարությունը հաստատելու մասին>>, <<Հայաստանի Հանրապետությունում ավտոմոբիլային տրանսպորտով կանոնավոր ուղևորափոխադրումների կազմակերպման և կառավարման մեթոդիկան հաստատելու մասին>> ՀՀ Կառավարության որոշումները:
Գործող օրեսնդրությունը սահմանում է Հայաստանի Հանրապետությունում տրանսպորտային գործունեության իրավական, տնտեսական և կազմակերպական հիմնադրույթները, այդ գործունեության մասնակիցների իրավասությունը և պատասխանատվությունը, ապահովում է նրանց օրինական շահերի պաշտպանությունը: Ներքաղաքային տրանսպորտի կազմակերպման ու կարգավորման իրավահարաբերությունները սահմանվում են ՀՀ Կառավարության և Տրանսպորտի ու կապի նախարարության համապատասխան որոշումներով:
Հատկանշական է նշել, որ համաձայն <<Տեղական ինքնակառավարման մաիսն>> ՀՀ օրենքի 39-րդ հոդվածի` համայնքի ղեկավարը տրանսպորտի բնագավառում որպես պարտադիր լիազորություններ են նշվում իր իրավասության սահմաններում է համայնքային ենթակայության ճանապարհների վրա ճանապարհային անվտանգ երթևեկության կազմակերպումը, համայնքի հասարակական տրանսպորտի աշխատանքն ու համայնքային ենթակայության տրանսպորտային հիմնարկների և կազմակերպությունների գործունեության կազմակերպումը և կառավարումը, է համայնքի տարածքում մարդատար և երթուղային տաքսիների ծառայություն իրականացնելու թույլտվության տրամադրումը:

Գյումրու ներքաղաքային տրանսպորտի երթուղային ցանցի իրավիճակի նկարագրություն

Համաձայն ծրագրի շրջանակներում ՀՀ Գյումրու քաղաքապետարանի տրանսպորտի բաժնի կողմից տրամադրված տվյալների` Գյումրու ներքաղաքային ավտոբուսային երթուղային ցանցը կազմված է ավտոբուսային և միկրոավտոբուսային երթուղիներից:
Գյումրու ներքաղաքային ավտոբուսային երթուղային ցանցում ներառված են 4 երթուղիներ: Երթուղին սպասարկող մեքենաների պահանջվող միջին քանակը կազմում է 5 մեքենա, երթուղու շրջապտույտի միջին երկարությունը կազմում է 16,75 կմ /ընդ որում ամենաերկար շրջապտույտի երկարությունը կազմում է 25 կմ, իսկ ամենակարճը` 12կմ: Երթուղու շրջապտույտի միջին տևողությունը 54 ր է /ընդ որում ամենաերկար տևողությունը /80ր/ 2անգամ մեծ է ամենակարճ տևողությունից /40ր/: Երթուղու միջին ինտերվալը 10 ր է, ամենամեծ ինտերվալը 1,5 անգամ ավելի է ամենափոքր ինտերվալից /համապատասխանաբար 15 և 10ր/: Բոլոր երթուղիների աշխատաժամերի սկիզբը 08:00-ն է, իսկ ավարտը` 20:00-ն:
Գյումրու ներքաղաքային միկրոավտոբուսային երթուղային ցանցը ներառում է 11 երթուղիներ: Երթուղին սպասարկող մեքենաների պահանջվող միջին քանակը կազմում է 9-10 մեքենա, երթուղու շրջապտույտի միջին երկարությունը կազմում է 23,3 կմ /ընդ որում ամենաերկար շրջապտույտի երկարությունը կազմում է 36 կմ, իսկ ամենակարճը` 11 կմ: Երթուղու շրջապտույտի միջին տևողությունը 59,3 ր է /ընդ որում ամենաերկար տևողությունը /88 ր/ 3,4 անգամ մեծ է ամենակարճ տևողությունից /26 ր/: Երթուղու միջին ինտերվալը 8,7 ր է, ամենամեծ ինտերվալը 3 անգամ ավելի է ամենափոքր ինտերվալից /համապատասխանաբար 15 և 5ր/: Բոլոր երթուղիների աշխատաժամերի սկիզբը 07:30-ն է, իսկ ավարտը` հիմնականում` 21:00-ն է, բացառությամբ որոշ երթուղիների, օրինակ` թիվ 22 երթուղու դեպքում` այն 22:00-ն է, իսկ թիվ 12 և թիվ 25 երթուղիների համար այն 21:30-ն է:

Գյումրու ներքաղաքային տրանսպորտի երթուղիների սպասարկման որակի և կառավարման խնդիրների վերլուծություն
Ամփոփելով ծրագրի շրջանակներում կատարված հանրային քննարկումների, մոնիտորինգի, հարցումների, հարցախույզների, հեռուստաեթերների ժամանակ հնչած տեսակետների, ֆեյսբուքյան օգտատերերի կողմից բարձրացված հարցերի արդյունքները, կարելի է ներքաղաքային տրանսպորտի երթուղիների սպասարկման որակի և կառավարման խնդիրների հետևյալ հիմնական խմբերը`
• Որոշ երթուղիներում երթուղին սպասարկող մեքենաների բազմաթիվ ուշացումները,
• Երթուղային մեքենաների պարբերականության և աշխատանքային ժամերի ոչ հստակությունը /հատկապես երեկոյան ժամերին/
• Վարորդների ոչ պատշաճ պահվածքը և ուղևորների նկատմամբ վերաբերմունք
• Երթուղային մեքենայում սահմանված նստատեղերից ավելի անձանց տեղափոխումը, Չնախատեսված վայրերում կայանման բազմաթիվ դեպքերը,
• Տրանսպորտային միջոցի անբավարար արտաքին տեսքը,
• Ոչ կանոնակարգված վարման ընթացքը /երբեմն խիստ բարձր արագությամբ վարում, երբեմն ցածր/
• Հաշմանդամություն ունեցող անձանց համար ներքաղաքային տրանսպորտի խիստ անմատչելիություն: Որպես այս խնդրի ապացույց նշվում են հատուկ վերելակների բացակայությունը` անվասայլակով տեղաշարժվող անձաց համար, իսկ կույրերի ձայնային հաղորդագրությունների բացակայությունը, լսողության հետ խնդիրներ ունեցող անձանց համար՝ հատուկ ցուցատախտակների բացակայությունը:

Եզրակացություն և առաջարկություններ
Ամփոփելով ծրագրի շրջանակներում իրականացված մոնիտորինգի և այլ գործողությունների արդյունքները, կարող ենք նշել, որ, չնայած Գյումրու ներքաղաքային տրանսպորտի կառավարման և սպասարկման որակի բարձրացման որոշակի արդյունավետ քայլերի իրականացմանը և որոշակի հաջողությունների արձանագրմանը, ոլորտում դեռևս առկա են մի շարք չլուծված խնդիրներ: Որպես վերոնշյալ խնդիրների լուծման այլընտրանքային տարբերակներ` առաջարկում ենք իրականացնել հետևյալ հիմնական գործընթացները`
Ներքաղաքային տրանսպորտի ոլորտի համապարփակ հետազոտության իրականացում
Առկա հիմնախնդիրների խորքային բնույթն ու էությունը, առաջացման պատճառներն ու հետևանքներն առավել մասնագիտորեն ուսումնասիրելու համար իրականացնել ներքաղաքային տրանսպորտի ոլորտի համապարփակ հետազոտություն, որն իր մեջ կներառի հետևյալ բաղադրիչները`

• Ներքաղաքային երթուղային տրանսպորտային միջոցների ուղևորահոսքերի ուսումնասիրություն, մասնավորապես` շարժակազմի դիտարկումների կազմակերպում, շարժակազմերի քանակի համեմատություն ըստ երթուղային ցանցի երթուղիների, միկրոավտոբուսային և ավտոբուսային երթուղիների միջինացված ուղևորահոսքի պատկերի ուսումնասիրություն ըստ օրվա ժամերի, աշխատանքային և ոչ աշխատանքային օրերին, ինչպես նաև շաբաթական միջինացված ուղևորահոսքերի հաշվառում ըստ առանձին երթուղիների, միջին ամսական և միջին տարեկան ուղևորահոսքերի հաշվարկում,

• Վարորդների վարքի ուսումնասիրություն, մասնավորապես` սոցիոլոգիական հարցումների միջոցով վարորդների կողմից սպասարկման որակի վերաբերյալ ուղևորների հիմնական և առաջնային դժգոհությունների բացահայտում,

• Առկա երթուղային ցանցի արդյունավետության ուսումնասիրություն, համընկնումների բացահայտում, նոր հնարավոր տարբերակների օպտիմալության ուսումնասիրություն,

• Կանգառների հեռավորության, դրանց տեղակայման վայրերի օպտիմալության վերլուծություն

• Գյումրի քաղաքում ավտոբուսային և միկրոավտոբուսային ուղևորափոխադրման ծախսերի հիմնավորված հաշվարկ`ըստ որոշակի բաղադրիչների /վառելիքային բաղադրիչ, տեխնիկական սպասարկման և նորոգման ծախսեր, անվադողերի և մարտկոցի փոխարինման ծախսեր, ամորտիզացիոն և վերադիր ծախսեր, աշխատավարձի ծախսեր, հարկեր, տուրքեր և վճարներ/

Ներքաղաքային տրանսպորտի կառավարման երկարաժամկետ ռազմավարության մշակում և իրականացում
Հիմնվելով համապարփակ հետազոտության արդյունքների վրա` մշակել Գյումրու ներքաղաքային տրանսպորտի կառավարման երկարաժամկետ ռազմավարություն, որում կարող են ներառվել հետևյալ բաղադրիչները`

• Օպտիմալ երթուղային ցանցի նոր սխեմայի մշակում և ներդրում,

•Կանոնավոր ուղևորափոխադրումների կազմակերպման և կառավարման բաղադրիչների հստակեցում և նոր պայմանների սահմանում, ներառյալ կանգառային կետերի միջև օպտիմալ հեռավորության սահմանում, երթուղային երթուղում երթևեկության արագության նորմավորում, նոր չվացուցակների սահմանում, և այլն

•Ներքաղաքային տրանսպորտի սպասարկման որակի ապահովման նկատմամբ ամենօրյա մշտադիտարկման սահմանում և իրականացում,

•Վարորդների վարքագծի սահմանում և հաստատում կամ ներառում մրցութային պայմանների բաղադրիչներում,

•Համայնքի բյուջեում մուտքերի բարձրացմանն ուղղված վճարների օպտիմալ դրույքաչափերի սահմանում:

Լրացուցիչ առաջարկներ
• Երթուղիների սահմանված չվացուցակների պահպանման եւ երեկոյան ու առավոտյան ժամերին անհրաժեշտ մեքենաքանակի ապահովման ուղղությամբ աշխատանքների իրականացում:
• Միկրոավտոբուսներով սահմանված նստատեղերից ավելի անձանց տեղափոխման բացառման հնարավորությունների ուսումնասիրություն և իրատեսական տարբերակների կիրառում,
• Համապատասխան հսկողության սահմանում հաստատված չվացուցակների խախտումները բացահայտելու ուղղությամբ,
• Երեկոյան ժամերին ներքաղաքային միկրոավտոբուսների և ավտոբուսների երթուղիների սահմանված ժամանակացույցով ոչ պատշաճ սպասարկում իրականացնելու համար պատժամիջոցների սահմանման հնարավորությունների ուսումնասիրում և կիրառում երթուղին սպասարկող ընկերությունների նկատմամբ:
• Վարորդների վարքագծի կանոնների սահմանումը և կիրառման ապահովումը (արտաքին տեսք, սպասարկման որակ, վարք և այլն)
• Որպես մրցույթին մասնակցության չափորոշիչ հաշմանդամություն ունեցողների համար հասարակական տրանսպորտից օգտվելու ապահովման հնարավոր տարբերակների քննարկում և կիրառում
• Ավտոբուսային կանգառներում չվացուցակների վերաբերյալ իրազեկող ցուցատախտակների տեղադրում: