Նորություններ

Քաղաքական դիրքեր ու դիրքավորումներ

2020 թվականի քաղաքական գործընթացների մեկնարկը տրվեց սահմանադրական փոփոխությունների ուղղությամբ ձեռնարկվող քայլերով։ Դեռ տարեվերջին՝ դեկտեմբերի 30-ին, վարչապետ Նիկոլ Փաշինյանը որոշում էր ստորագրել Սահմանադրական բարեփոխումների մասնագիտական հանձնաժողով ստեղծելու մասին: Խորհրդարանական խմբակցություններն արդեն ներկայացրել են հանձնաժողովում իրենց ներկայացոցիչներին եւ ենթադրվում է, որ մինչեւ հունվարի վերջ կամ փետրվարի սկիզբ հանձնաժողովը ձեւավորված կլինի:

Սահմանադրական բարեփոխումների մասնագիտական հանձնաժողովն ընդհանուր առմամբ կազմված է լինելու 15 հիմնական անդամից։ Այնտեղ ի պաշտոնե ընդգրկվելու են արդարադատության նախարարը, Մարդու իրավունքների եվրոպական դատարանում Հայաստանի ներկայացուցիչը, Մարդու իրավունքների պաշտպանը, դատավորների ընդհանուր ժողովի ներկայացուցիչը։ Հանձնաժողովոմ ներկայություն կունենա նաեւ քաղաքացիական հասարակությունը։ Արդարադատության նախարարն հայտարարել է, որ տարեվերջին պատրաստ կլինի սահմանադրական փոփոխությունների այն նախագիծը, որը հնարավոր կլինի դնել հանրաքվեի:

Իշխանության ներկայացուցիչները չենք թաքցնում, որ սահմանադրական փոփոխություններում մեծ տեղ են գրավելու դատական համակարգին վերաբերող դրույթները։ Այսինքն՝ մտադիր են դատական համակարգում առկա ճգնաժամը, այդ թվում՝ Սահմանադրական դատարանի կնճիռը լուծել սահմանադրական փոփոխությունների միջոցով։ Եթե այդպես լինի, ապա ակնհայտ է, որ այդ ճգնաժամը եւ Սահմանադրական դատարանի էպոպեան շարունակվելու է 2020 թվականի ընթացքում։regnum_picture_15653981613022465_normal

Իշխանությանը անցած ողջ տարվա ընթացքում չհաջողվեց այլ միջոցներով հանգուցալուծել Սահմանադրական դատարանի ու դրա նախագահ Հրայր Թովմասյանի հարցը, որոնց համարում են ոչ լեգիտիմ ու մեղադրում քաղաքականությամբ զբաղվելու եւ նախկին իշխանական շրջանակների շահերը սպասարկելու մեջ։

Այդ միջոցներից վերջինը Սահմանադրական դատարանի դատավորների վաղ կենսաթոշակային համակարգի ներդրումն էր, որից ՍԴ անդամները, ըստ էության, հրաժարվեցին։ Այդ համակարգի շուրջ մեծ աղմուկ բարձրացրին նախկին իշխանության ու դրա հետ փոխկապակցված շրջանակները, այդպիսով ինչ-որ կերպ՝ ուղղակիորեն կամ անուղղակի ճնշում գործադրելով ՍԴ անդամների վրա՝ վերջիններիս հրահանգելով մինչեւ վերջ կատարել «դիրքապահի» կամ վերջին բաստիոնի պահապանի դերը։ Ու մարդիկ շատ լավ կատարոմ են այդ դերը, իհարկել, գլխավոր դիրքապահ Հրայր Թովմասյանի գլխավորութամբ, որին քրեական մեղադրանք է ներկայացվել արդարադատության նախարար եղած ժամանակ պաշտոնական դիրքը չարաշահելու ու վատնումներ կատարելու համար։

Ըստ ամենայնի, Հրայր Թովմասյանի դիրքապահությամբ առավել քան շահագրգռված են Ռոբերտ Քոչարյանն ու իր կողմնակիցները։ Անցած ողջ տարվա ընթացքում այդպես էլ չհաջողվեց սկսել Մարտի 1-ի գործով դատական նիստի բովանդակային քննությունը՝ Քոչարյանի փաստաանների անվերջ ու տարատեսակ միջնորդությունների պատճառով։

2020 թվականը սկսվեց գրեթե նույն սցենարով։ Նպատակը մնացել է նույնը (թույլ չտալ բուն դատական գործընթաց սկսելը), փոխվել է միայն մարտավարությունը (միջնորդություններ ներկայացնելու փոխարեն Քոչարյանի ու մյուս ամբաստանյալների պաշտպանները հերթով չեն ներկայանոմ դատական նիստերին ու բոյկոտոմ են դրանք)։ Փաստաբանների այս քայլը մեկ անգամ եւս ու վերջնականապես բացում է նրանց խաղաքարտերը՝ ամեն կերպ ձգել դատավարոթյունը եւ հույսը դնել «դիրքապահ» Սահմանադրական դատարանի վրա, որը սպասում է Քոչարյանի գործով Վենետիկի հանձնաժողովի ու ՄԻԵԴ-ի խորհրդատվական եզրակացությանը։

Քոչարյանականներն ըստ երեւույթին ակնկալում են, որ եվրոպական այդ կառույցներից իրենց համար շահեկան ինչ-որ եզրակացություն կգա, եւ ՍԴ-ի դիրքապահները Քոչարյանի համար ցանկալի որոշում կընդունեն։ Կամ Հրայր Թովմասյանն ու նրա գործընկերները իրենց հայտնի միջոցներով ու խուճուճ ձեւակերպումներով շահեկան կդարձնեն եզրակացությունը։ Ըստ որոշ տեղեկությունների, այդ եզրակացությունը կլինի փետրվարի վերջին կամ մարտի սկզբին։ Այսինքն՝ այդ ողջ ընթացքում դատական նիստերը թերեւս բոյկոտվելու են։

Մինչ այդ քաղաքական առումով բավական ակտիվացել է ԱԱԾ նախկին տնօրեն Արթուր Վանեցյանը, որը գրեթե ամեն օր սոցիալական ցանցերում հասարակական-քաղաքական թեմաներով կարճառոտ գրառումներ է անում՝ ըստ ամենայնի նախապատրաստելով իր քաղաքական գործունեոթյան մեկնարկը եւ դիրքավորվելով քաղաքական դաշտում։ Ինչպես եւ սպասվում էր՝ այդ դիրքն ուղղակիորեն տեղավորվում է նախկինների դաշտում։ Ամեն դեպքում՝ հռետորաբանությունը գրեթե նույնն է։

Հ. Կիրակոսյան

©progressgyumri.am Armenian News/Analyses:

Tel: +37498 691-690; E-mail: progressgyumri@gmail.com ; progressgyumri@mail.ru

 

 

 

 

1988-ին բնակարան կորցրած, անօթեւան ճանաչված եւ չփոխհատուցված քաղաքացի Գյումրիում չկա. Ալբերտ Մարգարյան

1988-ին հաջորդած տարիների ընթացքում պետությունը բնակապահովման խնդրի կարգավորմանը զուգահեռ, աղետից ուղիղ 32 տարի անց անօթեւաններին բաժանեց երկու խմբի՝ 88-ի հետեւանքով բնակարաններ կորցրած անօթեւաններ, եւ երկրորդ՝ ուղղակի անօթեւաններ, որոնք Գյումրիում տնակներում են ապրում՝ պայմանավորված ամենատարբեր հանգամանքներով: Առաջին խմբի նկատմամբ, այսինքն Գյումրիում 88-ին բնակարաններ կորցրածների մասին է խոսքը, պետությունն, ըստ ՇՄ քաղշինվարչության պետ Ալբերտ Մարգարյանի, այլեւս պարտավորություն չունի: Նրանք, ովքեր անօթեւան են ճանաչված եղել, պետության կողմից արդեն փոխհատուցվել են: Ներկա պահին այդ խմբի անօթեւաններ կան միայն Շիրակի մարզի գյուղական բնակավայրերում:  Գյուղական 9 բնակավայրում ներկա պահին 148 անօթեւան ընտանիք է ապրում:

Նրանցից 90-ը նախընտրել է վերցնել բնակարանի գնման վկայագիրը, որպեսզի կամ իր գյուղում, կամ մեկ այլ համայնքում բնակարան գնի: Մնացած 58-ը ցանկացել է օգտվել պետության առաջարկած բնակարանային շինարարության ծրագրից, որը հավանաբար կմեկնարկի գարնանը: Իսկ ԲԳՎ ծրագրի 2020-ի առաջին փուլն արդեն մեկնարկել է: Բայց այնպես չէ, որ վկայագրեր վերցրած անօթեւանները մեծ ոգեւորության մեջ են: Ասում են տրված գումարը քիչ է, հետո էլ գյուղերում ազատ բնակարաններ չկան, որ իրենք էլ գնեն: Շիրակի վարչական ղեկավար Համլետ Ասատրյանն իր գյուղի օրինակով բացատրում է, որ մարդիկ վկայագրին են համաձայնել, քանի որ շինարարության համար էլ էր պետությունը գումարի նույն չափն առաջարկել, որով իհարկե բնակարան կառուցել որեւէ մեկը չէր կարողանա: 1 քմ-ի համար հաշվարկվել է 78.000 դրամ: 5 սենյականոց բնակարանի համար գյուղական բնակավայրերի անօթեւանին կտրվի 9 մլն 672 հազար դրամ արժեցող վկայագիր, 4 սենյականոցի համար քաղաքացին կստանա 6 մլն 45 հազար, 3 սենյականոցի համար 5 մլն 239 հազար, իսկ 2 սենյականոց բնակարանի վկայագրի արժեքը 4 մլն 433 հազար դրամ է:

 Գյուղում բնակարանները թանկ են, որոնք էլ մի փոքր էժան են, բակության համար պիտանի չեն: Անօթեւաններն արդեն հաշվել են, մինչեւ պետության տված գումարը չկրկրնապատկեն, բնակարան գնել չեն կարողանա: Իսկ Գյումրիում ապրել չեն ուզում:Tnak.00_03_29_45.неподвижное изображение001

 Մարզպետարանի պատասխանատուն ասում է, անկախ տարբեր դժգոհություններին ԲԳՎ ծրագիրն իրեն արդարացնում է: Այն Շիրակում իրականացվում է 2012 թվականից: 500 ընտանիքի անցնող տարիներին տրվել են վկայագրեր, միայն 71 ընտանիք չի կարողացել բնակարան ձեռք բերել եւ մարել է վկայագիրը: Անօթեւանների երկրորդ խմբի մասին եւս չեն մոռանա,-ասում է Ալբերտ Մարգարյանը: Գյումրիում դեռեւս 91 տնակային ավան կա: Այս ուրբաթ կառավարությունը կքննարկի այն գործողությունները, որոնք իրականացվելու են պարզելու, թե ովքեր են Գյումրու այն անօթեւան ընտանիքները, որոնք մինչ օրս ապրում են տնակներում: Ինչպես են հայտնվել տնակում, եւ երբվանից: Կայանալիք քննարկման ժամանակ ուսումնասիրվելու է վարչապետ Նիկոլ Փաշինյանի հանձնարարականով  ստեղծված հանձնաժողովի արձանագրած տվյալները:  Նաեւ քննարկման առարկա կլինի Գյումրու  վթարային շինությունների բնակչների հարցը: Կամ ԲԳՎ կտրվի նրանց, կամ շենքերը կամրացվեն:

 

 

«Քաղաքացիական հասարակության զարգացմանն ուղղված ենթադրամաշնորհներ»

«Քաղաքացիական հասարակության զարգացմանն ուղղված ենթադրամաշնորհներ»
#CSO #Development #Grants
——————————————————————–
📌Հաշվետվություն-քննարկում 2019 թ-ին Ա.Դ.Սախարովի անվան իրավապաշտպան կենտրոնի ենթադրամաշնորհառու կազմակերպությունների ներկայացուցիչների հետ:
📌Ի՞նչ նպատակների են ծառայել տրամադրված ենթադրամաշնորհները, որո՞նք են եղել իրականացված ծրագրերի բաղադրիչները, ենթադրամաշնորհների գերակայությունները եվ ի՞նչ աշխարհագրություն են ունեցել:
——————————————————————–
Ուղիղ հեռարձակում 🔴

 Բանախոսներ՝
 Անդրանիկ Երվանդյան – «Սարապատ» համայնքային զարգացման ՀԿ
 Հասմիկ Պետրոսյան – «Կոնտակտ Պլյուս» իրավապաշտպան ՀԿ
 Եսթեր Գրիգորյան – «Ալվան ծաղիկ սոցիալ-կրթական կենտրոն» ՀԿ
 Շուրա Մարտիրոսյան – «Բոլորը հանուն հավասար իրավունքների» հիմնադրամ
 Ռաֆայել Մխիթարյան – «Երրորդ բնություն» ՀԿ
🔗Համակարգող՝ Մարինե Դերբինյան

2019-ի քաղաքական վերջին շտրիխները

Տարեվերջյան ներքաղաքական խճանկարն հատկանշվեց  մի քանի ուշագրավ իրողություններով, որոնք, ըստ էության, էական առնչություն ունեն 2019 թվականի քաղաքական զարգացումների ընդհանուր ուղղվածությանն ու տրամաբանությանը։

Ազգային ժողովը առաջին փորձով չհաջողելով լուծել Սահմանադրական դատարանի հանգույցը (խոսքը ՍԴ նախագահ Հրայր Թովմասյանի լիազորութունները դադարեցնելու մասին ՍԴ ուղարկված ու մերժված նախաձեռնության մասին է), ձեռնարկել է երկրորդ փորձը՝ օրենք ընդունելով ՍԴ դատավորներին վաղ կենսաթոշակի ուղարկելու մասին։

ՀՀ նախագահ Արմեն Սարգսյանն արդեն ստորագրել է այդ օրենքը, չնայած նախկին իշխող համակարգի ներկայացուցիչների քարոզչական մեծ ճնշումներին, որոնք առաջարկում էին չստորագրել այդ օրենքը եւ այն ուղարկել Սահմանադրական դատարան՝ վիճարկելու դրա սահմանադրականությունը։ Այսինքն՝ առաջարկում էին օրենքը գնահատման ուղարկել այն մարդկանց, որոնց վերաբերում է այն

Սահմանադրական դատարանի անդամ-դատավորների վերաբերմունքը լավ հայտնի է այդ օրենքի հանդեպ։ Նրանց մեծ մասը բացասական կարծիք ունի դրա վերաբերյալ եւ ըստ երեւույթին կմերժի իրենց առաջարկվող վաղ կենսաթոշակի անցնելու հնարավորությունը։

Քաղաքական որոշ շրջանակների ու փորձագետների կարծիքով, Սահմանադրական դատարանի խնդիրը լուծելու՝ խորհրդարանի այս հերթական նախաձեռնությունն ի սկզբանե դատապարտված է անհաջողության, այնպես, ինչպես առաջին նախաձեռնությունը։ Տպավորություն է, որ իշխանությունը ամենաանհաջող տարբերակներն է ընտրում ՍԴ ճգնաժամը լուծելու ուղղությամբ։

Իշխանության ներկայացուցիչներն հայտարարում են, թե ունեն այլ տարբերակներ եւս, այդ թվում՝ սահմանադրական փոփոխությունների միջոցով խնդիրն համալիր լուծելու եղանակը։ Նրանք սա համարում են ամենավերջին տարբերակ, մինչդեռ, ճգնաժամը չխորացնելու, ամիսներ շարունակ լարված իրավիճակը չձգելու համար կարելի էր սահմանադրական փոփոխությունները դիտարկել որպես առաջին տարբերակ, եւ հիմա շատ խնդիրներ արդեն լուծված կլինեին։

Հատկանշական է, որ նախագահ Արմեն Սարգսյանն իր հայտարարության մեջ, որպես ամենաարդյունավետ միջոց, եւս ակնարկել է սահմանադրական փոփոխությունների տարբերակը։ Արմեն Սարգսյանի գրասենյակի հայտարարության մեջ, այս առումով, ասված է. «Նախագահը կարեւորելով օրենսդիր, գործադիր եւ դատական իշխանությունների եւ պետական ինստիտուտների արդյունավետ եւ համագործակցության ոգով գործունեությունն ապահովելու անհրաժեշտությունը՝ ողջունում է Հայաստանի Հանրապետության կառավարության՝ Սահմանադրական բարեփոխումների մասնագիտական հանձնաժողով ձեւավորելու մտադրությունը, որի աշխատանքներին կներգրավվի Նախագահի աշխատակազմը»:

Մինչ կառավարությունը ձեռնարկում է սահմանադրական փոփոխությունների գործընթաց, որի նախապատրաստական աշխատանքներն սկսվելու են 2020 թվականի փետրվարին, որոշ հանրապետականներ վերջին օրերին փորձում են քաղաքական օրակարգ բերել Ազգային ժողովի արտահերթ ընտրությունների անցկացման թեման։ Թե ինչու, ինչ հիմունքով պետք է կայանան արտահերթ ընտրություններ, այդպես էլ որեւէ տրամաբանական հիմնավորոմ չի հնչում։ Եւ չի էլ կարող հնչել, քանի որ այդպիսիք չկան։ Այսօր բացարձակապես գոյություն չունեն արտահերթ ընտրությունների ոչ հանրային, ոչ քաղաքական, ոչ էլ սոցիալական պահանջներ։ Ամենայն հավնականությամբ առաջիկայում էլ դրանք չեն լինի, ինչքան էլ որ հանրության որոշ շերտերում ավելանան դժգոհությունները կառավարության գործունեությունից։

Թերեւս հանրապետականները եւս սա շատ լավ հասկանում են, ուղղակի փորձոմ են հերթական կեղծ օրակարգը նետել ասպարեզ՝ դրանով նպատակ ունենալով տպավորոթյուն ստեղծել, թե իրենք քաղաքական դաշտում լուրջ դերակատարություն ունեն ու վճռորոշ խաղացողներ են։

Լուրջ դերակատարութան իմիտացիա են փորձում ստեղծել նաեւ Ռոբերտ Քոչարյանի կողմնակիցները։ Օրերս իր համախոհների հավաքում ընթերցվեց բանտախցում գտնվող Քոչարյանի ուղերձը, ուր նա խոսում էր քաղաքական նոր փուլի մեկնարկի մասին։ Թե ինչ նոր փուլի ու քաղաքական գործընթացի մասին է խոսքը, երեւի մենակ ինքը գիտի։ Չնայած իր գիտեցածը չգիտենալու հաշիվ է, քանի որ դեռ ամիսներ առաջ էլ նա հայտարարում էր թեժ աշնան, հանրահավաքային պայքարի, իշխանափոխության մասին, սակայն դրանց շորշոփներն էլ երեւան չեկան։ Քոչարյանի ակնարկած «թեժ աշունը» ջրվեց, եւ հիմա նա ազդարարոմ է քաղաքական ինչ-որ նոր փուլի մասին։

Այդ հայտարարութան ետեւում կարելի է ենթադրել նոր կուսակցություն ստեղծելու մտադրությունը։ Նման ձեռնարկների մասին վերջին շրջանում ակնարկոմ են Քոչարյանի որդիները, անգամ նկատելի են այս ուղղությյամբ որոշակի գործնական քայլեր։ Այլ խնդիր է, թե սոցիալական ու հասարակական ինչ բազայի վրա է ստեղծվելու այդ ենթադրվելիք կուսակցությունը։ Չնայած ֆինանսական ու քարոզչական հսկայական ռեսուրսներին, այդ բազան այս պահին շատ չնչին է։

Հ. Կիրակոսյան

©progressgyumri.am Armenian News/Analyses:

Tel: +37498 691-690; E-mail: progressgyumri@gmail.com ; progressgyumri@mail.ru

«2019թ․-ի ամփոփում, ՏԻՄ մոնիտորինգի զեկույցի ներկայացում»

#Ասուլիս` «2019թ․-ի ամփոփում, ՏԻՄ մոնիտորինգի զեկույցի ներկայացում»
#ՏԻՄ #Monitoring
————————–————————–————–
Ուղիղ հեռարձակում 🔴

 Բանախոսներ՝
Հասմիկ Մխիթարյան – Գյումրու առաջընթաց ՔՀԶԿ նախագահ, ծրագրի ղեկավար
 Լևոն Բարսեղյան` Ժուռնալիստների «Ասպարեզ» ակումբի նախագահ, Գյումրու ավագանու գործունեության մոնիտորինգի փորձագետ
Սեյրան Մարտիրոսյան՝ Ա.Դ. Սախարովի անվան իրավապաշտպան կազմակերպության Շիրակի մարզի ղեկավար, Շիրակի մարզից ընտրված ԱԺ պատգամավորների գործունեության մոնիտորինգի փորձագետ
————————–————————–————–
MONITORING OF GYUMRI COUNCIL ACTIVITIES -2018-2019
➡️ https://bit.ly/2Pd2Zqg

Վարչապետ Նիկոլ Փաշինանը կրկին Գյումրիում էր

Բարի գալուստ «ԱՌԴԱ»-ի ընտանիք։ Այս խոսքերով սկսվեց ամերիկյան Առդա բարեգործական հիմնադրամի եվ Գյումրու քաղաքապետարանի համատեղ ջանքերով  կառուցված սոցիալական բնակարանների շահագործման հանդիսավոր արարողությունը։ Մովսես Խորենացի 46/1 հասցեում գտնվող  կիսակառույց շենքի վերջին 2 շքամուտքերն այս անգամ հանձնվեցին շահառուներին, որին մասնակցեց նաեվ ՀՀ վարչապետ Նիկոլ Փաշինյանը։

Ծրագիրը հաջողվեց, քանի որ ստեղծված էր ազնիվ աշխատանքային միջավայր ներդրումներ կատարելու համար,  անկեղծացավ «ԱՌԴԱ»-բարեգործական հիմնադրամի գործադիր տնօրեն Հրահատ Ստեփանյանը։

Հիմնականում միայնակ տարեցներին սոցիալական բնակարանով ապահովող ծրագրի երրորդ փուլն էր սա։ Ընդհանուր առմամբ ԱՌԴԱ-ն վերջին 3 տարում Գյումրիում  41 բնակարան է հանձնել շահագործման, որի արդյունքում 41 ընտանիք  տնակից քարաշեն բնակարան է տեղափոխվել:

Այս անգամ  վիճակահանությամբ սոցիալական բնակարանատեր էր դարձել 11 ընտանիք, մինչդեռ պատրաստի բնակարանների թիվը 18 էր։   Այս պահին 7 բնակարան դեռ չունի շահառու։  «ԱՌԴԱ»-բարեգործական հիմնադրամի գործադիր տնօրեն Հրահատ Ստեփանյանի կարծիքով, պատճառները մի քանիսն են։

Թե ովքեր կհամապատասխանեն նոր  սահմանվող չափորոշիչներին հայտնի կդառնա արդեն հունվարին, երբ հանձաժողովը կուսումնասիրի անօթևանների ցուցակները։ Մինչ այդ,  81ամյա Ռոզա տատը մեկն է այն շահառուներից, ովքեր սոցիալական բնակարան  արդեն ստացել են։ Տնակում ապրելն այլևս անհնար էր, փաստում է նա։

Ինչպես նախորդ, այնպես էլ նոր շահագործվող սոցիալական բնակարաններն ապահոված են  ջեռուցման համակարգով, կահավորված են խոհանոցները  , իսկ ԱՌԴԱ-ն կշարունակի ամբողջովին հոգալ նաև բնակիչների ջեռուցման ծախսը:

«Գյումրին առանց տնակների» հիմնադրամը բնակարան կնվիրի 2 ընտանիքի

Տնակից տուն մեկ քայլ է: Գնիր մեծ կտավի քո մասնիկը: «Գյումրին առանց տնակների» հիմնադրամի այս նախագիծն ամբողջ 2019 թվականը բոլորին պահեց ոգեւորության մեջ: Փազլի առաջին մասնիկի, հետո նաեւ վերջինի գնորդը եղավ ՀՀ վարչապետ Նիկոլ Փաշինյանը: Նախագծին միացան ՀՀ գրեթե բոլոր մարզերի բնակչները, նախարարաներ, փոխնախարարներ, ԱԺ պատգամավորներ, տարբեր մարզերի ու կառույցների պաշտոնյաներ, կազմակերպություններ: Օգոստոսից մեկնարկած ծրագիրը սեպտեմբերի վերջին արդեն ավարտված էր: «Գյումրին առանց տնակների» հիմնադրամի խորհրդի որոշմամբ գյումրեցի նկարիչ, ՀՀ մշակույթի վաստակավոր գործիչ Սուսաննա Մկրտչյանի  «Իմ հոգու տուն, Գյումրի» շարքի նկարներից մեկը 15.000 կտորանոց մեծ խճանկարի  տեսքով ներկայացավ: Կտորներից յուրաքանչյուրը վաճառվեց 1000 դրամով:  Այսօր արդեն այդ գումարով երկու բնակարան է ձեռք բերվել:

Հունվարի կեսին նաեւ հսկա փազլը կհանվի վաճառքի: Ինչ գումարով էլ այն  վաճառվի, գնորդի առջեւ մեկ հստակ պայման կդրվի.նկարը մնալու է Գյումրիում: Դրա հետ կապված լուրջ նպատակ կա: Գյումրին առանց տնակների հիմն ադրամը նախադեպը չունեցող նոր նախագիծ  է կյանքի կոչելու՝ մեկ մլն հայի միասնություն: Մեկ գաղափարի շուրջ են համախմբելու սփյուռքի մեր հայրենակիցներին: Արդյունքում Գյումրիում ունենալու ենք մեկ ամբողջական թաղամաս, որը կառուցվելու է 50 հատուկ կատեգորիայի ընտանիքի համար:

Կամ 0-ից նոր շենք կսարքեն, կամ մի կիսկառույց կվերականգնեն այդ ծրագրի իրականացման համար: Այն ընտանիքները, որոնք կընտրվեն որպես ծրագրի շահառուներ, իրենք էլ կներգրավվեն եւ գումարի հավաքման, եւ աշխատանքների իրականացման գործում,-ասում է Գյումրին առանց տնակների հիմնադրամի տնօրեն Գեւորգ Գրիգորյանը:

Աշխատելու են բաց եւ թափանցիկ, այնպես ինչպես արել են Տնակից տուն մեկ քայլ է: Գնիր մեծ կտավի քո մասնիկը նախագծի ժամանակ: Կստեղծվի նոր կայք, որի միջոցով գումար փոխանցած յուրաքանչյուր մարդ կկարողանա տեսնել իր փոխանցումն ու դրա օգտագործումը օրով, ժամով անգամ գումարի փոխանցումից ամիսներ հետո: Սա մոտ կես տարվա տաժանակիր աշխատանք է լինելու, բայց ավարտելու ենք հաջողությամբ,-ասում է հիմնադրամի տնօրենը:

 

«Շիրակը` ամենապահանջվա՞ծ զբոսաշրջային մարզ»

📌Տարեմուտը ճիշտ ժամանակն է տնտեսական և սոցիալական ոլորտներն ամփոփելու խորքային վերլուծություններով, արված ու չարված գործերի նկարագրով։ ‹‹Երկխոսության մեդիա›› կենտրոնն այս անգամ ամփոփում է 2019թ․-ը զբոսաշրջության ոլորտում։ Անցնող տարին բեկումնային եղավ Շիրակի մարզի և Գյումրու տուրիստական գրավչությունների բացահայտման, զբոսաշրջային նոր հոսքերի ու երթուղիների, քաղաքի բրենդինգի ու PR-ի առումով։
📌 Սակայն, ըստ պատասխանատուների, ոլորտում անելիքները դեռ շատ-շատ են։ Ի՞նչ խնդիրներ կան թանգարանային ու հյուրատնային բնագավառներում, զբոսաշրջային ընկերությունների համար որո՞նք են մարտահրավերները, մարզն ու քաղաքը միջազգային ինչպիսի կառույցների հետ են աշխատում և այլն։
————————————————————————-

#Shirak #Region #Tourism
Ուղիղ հեռարձակում 🔴

 Բանախոսներ՝
 Արա Պապանյան – Հովհաննես Շիրազի հուշատուն-թանգարանի տնօրեն
 Գոռ Թորոսյան – «Գյումրի տուր» զբոսաշրջային ընկերության ղեկավար
 Նաիրա Գրիգորյան – Շիրակի տուրիզմի զարգացման և հետազոտության կենտրոնի համակարգող, «Station tour» զբոսաշրջային ընկերության ղեկավար
 Վարդան Սրտաշյան – «Արաքս» հյուրանոցային համալիրի տնօրեն
 Վահան Մարտիրոսյան – Շիրակի մարզպետարանի զարգացման ծրագրերի, զբոսաշրջության և վերլուծության բաժնի գլխավոր մասնագետ
Համակարգող՝
🔗Լիզա Գասպարյան

Շիրակի մարզի ակտիվ ու պասիվ պատգամավորները

7-րդ գումարման ԱԺ-ում Շիրակի մարզը ներկայացնում է 6 պատգամավոր, նրանցից 3-ը` Իմ քայլը` (Նազելի Բաղդասարյան, Կարեն Սարուխանյան, Սոֆիա Հովսեփյան), երկուսը` Ծառուկյան (Վարդեւան Գրիգորյան, Վարդան Ղուկասյան) եւ մեկը` Լուսավոր Հայաստան խմբակցությունից (Սարիկ Մինասյան):
6 պատգամավորից միայն երկուսը` Վարդեւան Գրիգորյանն ու Վարդան Ղուկասյանն ունեն խորհրդարանական գործունեության փորձ:

Ներկայացնենք Շիրակի մարզից ընտրված 6 պատգամավորների անցած ուղին եւ աշխատանքային գործունեությունը:

72952668_727468017725782_6963536197624791040_nԲաղդասարյան Նազելի
Ծնվել է 1983թ. օգոստոսի 8-ին Գյումրիում (նախկինում՝ Լենինական):

2005թ. ավարտել է Մոսկվայի ձեռներեցության միջազգային ակադեմիայի իրավագիտության ֆակուլտետը: Իրավագիտության մագիստրոս:

Մասնակցել է ԱՄՆ Միջազգային զարգացման գործակալության «Ռադիոցանցերի կառավարում» ռադիոմենեջերների (2008թ., Ուկրաինա) եւ Կիեւի ժողովրդավարության եւ իրավունքի գերակայության ինստիտուտի մեդիա իրավագետների կրթական ծրագրերի դասընթացներին (2017թ.):

1999-2006թթ. աշխատել է «Ցայգ» ՀԸ հաղորդավար: 2003-2005թթ.՝ ՀՀ ԱԺ պետական-իրավական հարցերի մշտական հանձնաժողովի նախագահի տեղակալի օգնական: 2005-2006թթ.՝ Մոսկվայի ժամանակակից հումանիտար ակադեմիայի երեւանյան մասնաճյուղի դասախոս: 2005-2018թթ.՝ «Ռադիո Հայ Գյումրի» ռադիոկայանի ղեկավար: 2006-2018թթ.՝ «Ցայգ» ՍՊԸ իրավաբան: 2012 թվականից՝ Ցայգ ՀԸ «Իրականում» հեռուստահաղորդաշարի հեղինակ եւ վարող: 2012 թվականից՝ քաղաքական եւ կոմերցիոն արշավների մեդիափորձագետ: 2014-2019թթ.՝ «Սթայլ Մեդիա» ՍՊԸ հիմնադիր սեփականատեր: 2015 թվականից՝ հանրային ելույթների եւ հրապարակախոսության դասընթացավար (մենթոր): 21.08.2018-14.01.2019թթ.՝ ՀՀ Շիրակի մարզպետի խորհրդական:

2011 թվականից Լրագրողների միջազգային դաշնության (IFJ) լիիրավ անդամ է: 2017 թվականից՝ «Գյումրին առանց տնակների» հիմնադրամի հոգաբարձուների խորհրդի անդամ: 2018 թվականից՝ Գյումրու «Երիտասարդական նախաձեռնությունների կենտրոն»-ի (ԵՆԿ) խորհրդատվական խորհրդի անդամ:

2018թ. դեկտեմբերի 9-ին ԱԺ պատգամավոր է ընտրվել «Իմ քայլը» կուսակցությունների դաշինքի թիվ 11 ընտրատարածքի տարածքային ընտրական ցուցակով:

«Մարդու եւ քաղաքացու իրավունքներն ու ազատությունները» գիտական աշխատության հեղինակ է (2005թ.):

Ամուսնացած է, ունի մեկ զավակ:


14138154_1156842647708082_4162029558846107044_oԳրիգորյան Վարդեւան
Ծնվել է 1953թ. հուլիսի 12-ին Գյումրիում (նախկինում՝ Լենինական):

1976-1977թթ. ծառայել է խորհրդային բանակում:

1975թ. ավարտել է Լենինականի Մ. Նալբանդյանի անվան պետական մանկավարժական ինստիտուտի կուլտուրայի ֆակուլտետը: Ֆիզիկական կուլտուրայի ուսուցիչ: 1982թ.՝ Լենինգրադի Պ. Ֆ. Լեսգաֆտի անվան ֆիզիկական կուլտուրայի ինստիտուտի ասպիրանտուրան: Մանկավարժական գիտությունների դոկտոր: Պրոֆեսոր: ՀՀ վաստակավոր մանկավարժ:

1975-76թթ. եւ 1982-1989թթ. եղել է Մ. Նալբանդյանի անվան պետական մանկավարժական ինստիտուտի ֆիզդաստիարակության ամբիոնի դասախոս, ավագ դասախոս, դոցենտ: 1977-1979թթ.՝ նույն ինստիտուտի սպորտային խաղերի եւ մարմնամարզության ամբիոնի դասախոս: 1989-1992թթ.՝ նույն ինստիտուտի ֆիզդաստիարակության եւ կենսաբանության ֆակուլտետի դեկան: 1990-1995թթ.՝ Գյումրու քաղխորհրդի պատգամավոր: 1992-1996թթ.՝ Գյումրու քաղխորհրդի ֆիզկուլտուրայի եւ սպորտի բաժնի վարիչ: 1996-1998թթ.՝ Շիրակի մարզի սպորտի բաժնի վարիչ, 1998-1999թթ.՝ կրթության վարչության պետի տեղակալ: 2002-2016թթ.՝ Գյումրու Մ. Նալբանդյանի անվան պետական մանկավարժական ինստիտուտի ռեկտոր: 2016 թվականից՝ նույն ինստիտուտի ֆիզդաստիարակության տեսության եւ մեթոդիկայի ամբիոնի պրոֆեսոր:

1990-1995թթ.՝ ԳԽ պատգամավոր (թիվ 87 ընտրատարածք): ԳԽ աղետի գոտու եւ բռնագաղթվածների հարցերի մշտական հանձնաժողովի անդամ: Խմբակցություններում չի ընդգրկվել: «Առաքելություն» հասարակական-քաղաքական կազմակերպության անդամ:

1999-2002թթ.՝ ԱԺ պատգամավոր (թիվ 62 ընտրատարածք): ԱԺ գիտության, կրթության, մշակույթի եւ երիտասարդության հարցերի մշտական հանձնաժողովի անդամ: «Կայունություն», ապա՝ «Ագրարային-արդյունաբերական ժողովրդական միավորում» վերանվանված պատգամավորական խմբի անդամ: «Առաքելություն» հասարակական-քաղաքական կազմակերպության անդամ:

2017-2019թթ.՝ ԱԺ պատգամավոր (թիվ 11 ընտրատարածք, «Ծառուկյան» կուսակցությունների դաշինք): ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի նախագահ: «Ծառուկյան» խմբակցության անդամ:

2018թ. դեկտեմբերի 9-ին ԱԺ պատգամավոր է ընտրվել «Բարգավաճ Հայաստան» կուսակցության թիվ 11 ընտրատարածքի տարածքային ընտրական ցուցակով:

Հիսունից ավելի գիտական աշխատանքների հեղինակ է: Ամուսնացած է, ունի չորս զավակ:


54433756_846334119033715_465165677079035904_nՀովսեփյան Սոֆիա

Ծնվել է 1981թ. ապրիլի 20-ին Շիրակի մարզի Մեծ Մանթաշ գյուղում:

2006թ. ավարտել է Խաչատուր Աբովյանի անվան հայկական պետական մանկավարժական համալսարանի մանկավարժության եւ հոգեբանության ֆակուլտետի իրավաբանական հոգեբանության բաժինը: 2017թ.՝ նույն բուհի լոգոպեդիայի եւ վերականգնողական թերապիայի ամբիոնի հայցորդ է:

2007-2008թթ. եղել է «Հույսի կամուրջ» հկ արտ թերապեւտ, 2007-2018թթ.՝ Ջոն Կիրակոսյանի անվան թիվ 20 դպրոցի հոգեբան, արտ թերապեւտ: 2007-2008թթ.՝ UNISEF-ի «Կրթություն բոլորի համար» ծրագրի շրջանակներում հատուկ կրթության մասնագետների վերապատրաստող: 2008 թվականից՝ «Ներառական կրթություն» դասընթացի վերապատրաստող մասնագետ, փորձագետ:

2009-2013թթ.՝ «ՁԻԱՀ-ի կանխարգելում, կրթություն եւ խնամք» հկ «Առողջ ապրելակերպ» ծրագրի դասավանդող մասնագետ:

2010-2011թթ.՝ «Փրկենք երեխաներին» հկ «Տարածաշրջանային նախաձեռնություն» ծրագրի համակարգող: 2015 թվականից՝ «Հույս եւ օգնություն» հկ «Սեռական բռնություն», «Հանդուրժողականություն, խարան եւ խտրականություն, կարծրատիպեր», «Ապահով համացանց» ծրագրերի սեմինարավար: 2013-2015թթ.՝ «Բաց հասարակության հիմնադրամներ-Հայաստան» հկ «Ներառական կրթության դժվարությունները եւ պատճառները» ծրագրի փորձագետ: 2013-2018թթ.՝ «Դպրոցական ծնողխորհուրդների անդամների ազգային ասոցիացիա» հկ ներառական կրթության վերապատրաստող մասնագետ: 2015-2018թթ.՝ Գյումրիի «Էմիլի արեգակ» խնամքի կենտրոնի դասընթացավար, խորհրդատու: 2016-2018թթ.՝ «Արմավիրի զարգացման կենտրոն» հկ վերապատրաստող մասնագետ: 2016-2018թթ.՝ «Հույսի կամուրջ» հկ «Սահուն անցում մանկապարտեզից դպրոց» ծրագրի համակարգող: 2018 թվականից՝ Շիրակի Մ. Նալբանդյանի անվան պետական համալսարանի դասախոս: 2018-2019թթ.՝ Շիրակի մարզպետի տեղակալ:

2004-2007թթ.՝ «Վորլդ Վիժն Հայաստան» (World Vision Armenia) միջազգային կազմակերպության հոգեբան: 2005-2011թթ.՝ Հայկական Կարմիր խաչի ընկերության երիտասարդական բաժնի ՄԻԱՎ-ի կանխարգելմանն ուղղված ծրագրերի ուսուցանող: 2006-2011 «Հոգեբանների ակումբ»-ի անդամ: 2008-2011թթ.՝ «Միջմշակութային ուսումնասիրությունների, ուսուցման եւ երկխոսության միջազգային կենտրոն» հկ գործող անդամ: 2009-2017թթ.՝ ՀՀ դպրոցներում «Թմրամիջոցների դեմ պայքարի» կոալիցիայի անդամ: 2009թ.՝ «Ճանաչիր քո երկիրը», 2011թ.՝ «Պատմամշակութային հուշարձանների պահպանում» նախաձեռնությունների հիմնադիր անդամ: 2010թ.՝ «Հեռուստաեթերի մաքրման պահանջ», 2014թ.՝ «Ոչ թալանին» (Էլեկտրիկ Երեւան), «Աջակցենք սահմանամերձ բնակավայրերին», 2015թ.՝ «Ապրանքներ անմիջապես գյուղերից», 2016թ.՝ «Աջակցություն թիկունքից առաջնագիծ», «Աջակցենք զոհված զինվորների ընտանիքներին» նախաձեռնությունների հիմնադիր անդամ, համակարգող: 2014թ.՝ «Դեմ եմ» շարժման կրթության հարցերի համակարգող: 2016թ.՝ Կողբ եւ Բերդավան համայնքներում իրականացվող «Եռաչափ մոդելավորում» եւ «Ծրագրավորում» ծրագրերի համակարգող: 2017թ.՝ «Ինովացիոն եւ տեխնոլոգիական համայնք» սոցիալական հասարակական կազմակերպության հիմնադիր:

2018թ. դեկտեմբերի 9-ին ԱԺ պատգամավոր է ընտրվել է «Իմ քայլը» կուսակցությունների թիվ 11 ընտրատարածքի տարածքային ընտրական ցուցակով:«Խաղանք եւ սովորենք», «Համընդհանուր ներառում» ուսումնաօժանդակ ձեռնարկների եւ մի շարք հոդվածների հեղինակ է: Ամուսնացած չէ:


Без названияՂուկասյան Վարդան

Ծնվել է 1961թ. հունվարի 20-ին Գյումրիում (նախկինում՝ Լենինական):

1984թ. ավարտել է Կիրովականի առեւտրատնտեսագիտական տեխնիկումը: 2001թ.՝ Շիրակի էկոնոմիկայի եւ կառավարման համալսարանը: Տտնտեսագետ: 2008թ.՝ Գյումրու Մ. Նալբանդյանի անվան պետական մանկավարժական ինստիտուտի պատմության ֆակուլտետը: Պատմության եւ իրավունքի ուսուցիչ:

1984-1988թթ. եղել է Լենինականի առեւտրի վարչության ապրանքագետ: 1985թ. հիմնադրել եւ 1985-1987թթ. ղեկավարել է «Սպարտակ» կոոպերատիվը: 1994 թվականից զբաղվում է ֆերմերային գործունեությամբ:

1999թ. ընտրվել, 2002թ., 2005թ. եւ 2008թ. վերընտրվել է Գյումրու քաղաքապետ:

2004-2008թթ. եղել է ՀՀ նախագահին առընթեր ՏԻՄ մշտական գործող հանձնաժողովի անդամ:

2017-2019թթ.՝ ԱԺ պատգամավոր (թիվ 11 ընտրատարածք, «Ծառուկյան» կուսակցությունների դաշինք): ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի անդամ: «Ծառուկյան» խմբակցության անդամ:

2018թ. դեկտեմբերի 9-ին ԱԺ պատգամավոր է ընտրվել «Բարգավաճ Հայաստան» կուսակցության թիվ 11 ընտրատարածքի տարածքային ընտրական ցուցակով:

Պարգեւատրվել է ՀԱՕԿ-ի ոսկե պսակով (2002թ.,), «Ֆրիտյոֆ Նանսեն» (2006թ.), ՀՀ վարչապետի (2006թ.) հուշամեդալներով, «Հակոբ Մեղապարտ» (2006թ.), «Անանիա Շիրակացի» (2006թ.) մեդալներով, «Գրողների բարերար» բարձրագույն պարգեւով (2007թ., ՀԳՄ), «Գյորգեւյան խաչի 200-ամյակ» հուշամեդալով (2010թ.), «Սուրբ Սերգեյ Ռոդոնեժսկի» 1-ին աստիճանի մեդալով (2010թ., Ռուս ուղղափառ եկեղեցի):

Հեղինակ է «Առաքելական եկեղեցու ուղիղ վարդապետությունն ընդդեմ աղանդավորական մոլորության», համահեղինակ՝ «Գյումրի քաղաքը եւ մարդիկ» գրքերի:

Ամուսնացած է, ունի չորս զավակ:


46814858_1784314375010810_4638877834335485952_oՄինասյան Սարիկ

Ծնվել է 1980թ. օգոստոսի 16-ին Գյումրում:

2004թ. ավարտել է հայ-ռուսական (սլավոնական) hամալսարանը: Քաղաքագիտության մագիստրոս:

2013-2017թթ. եղել է Գյումրու քաղաքապետարանի բյուջեի եկամուտների հաշվառման եւ հավաքագրման բաժնի պետ:

2018թ. մարտ-2019թ. հունվար՝ ՀՀ ԱՍՀՆ սոցիալական ապահովության պետական ծառայության Գյումրու տարածքային բաժնի պետ:

2018թ. դեկտեմբերի 9-ին ԱԺ պատգամավոր է ընտրվել «Լուսավոր Հայաստան» կուսակցության թիվ 11 ընտրատարածքի տարածքային ընտրական ցուցակով:Ամուսնացած է, ունի երկու զավակ:


51075974_2457651164454821_6042958941829201920_nՍարուխանյան Կարեն
Ծնվել է 1986թ. օգոստոսի 20-ին Գյումրիում:

2008թ. ավարտել է ԵՊՀ կենսաբանության ֆակուլտետը, 2013թ.՝ ԵՊՀ մագիստրատուրան: Կենսաֆիզիկոս:

2009-2018թթ. եղել է «Բյուրակնի միջնակարգ դպրոց» ՊՈԱԿ-ի կենսաբանության եւ ինֆորմատիկայի ուսուցիչ: 2008-2012թթ.՝ Գյումրու պետական բժշկական քոլեջի բժշկական գենետիկայի ու կենսաբանության դասախոս: 01.06.2018-14.01.2019թթ.՝ ՀՀ Շիրակի մարզպետ:

2018 թվականի դեկտեմբերի 9-ին ԱԺ պատգամավոր է ընտրվել «Իմ քայլը» կուսակցությունների դաշինքի թիվ 11 ընտրատարածքի տարածքային ընտրական ցուցակով:

Ամուսնացած է, ունի երկու զավակ:


Պատգամավորների արձանագրած արդյունքները

Ըստ www.parliamentmonitoring.am կայքի`  Շիրակի մարզից ընտրված այս պատգամավորներն ունեն հետեւյալ արդյունքները` (1-ին նստաշրջանից սկսած մինչեւ 01.12.2019թ․)
Բաղդասարյան Նազելի` կողմ է քվեարկել 266 անգամ, դեմ` 31, ձեռնպահ` 14, չի քվեարկել 15 անգամ, 4 հարց է ուղղել, ունեցել էելույթ
Գրիգորյան Վարդեւան` կողմ` 291, դեմ`12,     ձեռնպահ` 3,     չի քվեարկել`18 ,  հարց` 4 ,   ելույթ` 1,
Հովսեփյան Սոֆիա`       կողմ` 207,  դեմ`20,   ձեռնպահ`12,    չի քվեարկել`63 ,  հարց` 2 ,   ելույթ` 6,
Ղուկասյան Վարդան`    կողմ` 160,  դեմ`  7,    ձեռնպահ` 3,      չի քվեարկել`5 ,    հարց` 1 ,    ելույթ` 1,
Մինասյան Սարիկ`         կողմ` 289, դեմ` 20,  ձեռնպահ` 2,      չի քվեարկել`9 ,    հարց` 1 ,    ելույթ` 0,
Սարուխանյան Կարեն` կողմ` 276,  դեմ` 42,  ձեռնպահ`13,     չի քվեարկել`4 ,    հարց`0,     ելույթ` 0,

«Գյումրու Առաջընթաց» Քաղաքացիական Հասարակության Զարգացման Կենտրոն»-ի հարցմանն ի պատասխան ԱԺ աշխատակազմի ղեկավարի տեղակալ Լիլիթ Մինասյանի գրավոր տեղեկացրել է 14.01.2019 թվականից մինչեւ 13.12.2019 թվականը տեղի ունեցած նիստերի քվեարկություններին Շիրակի մարզից ընտրված 6 պատգամավորների մասնակցությունը` ըստ թվերի:

Պատգամավորների բացակակայությունները եւ հարգելի պատճառով բացակայություններն ունեն հետեւյալ պատկերը`

Բաղդասարյան Նազելի` 50 բացակա, որից 20-ը հարգելի է

Գրիգորյան Վարդեւան` 33 բացակա, հարգելի չէ ոչ մեկը

Հովսեփյան Սոֆիա` 88 բացակա, հարգելի չէ ոչ մեկը

Ղուկասյան Վարդան` 178, հարգելի է 124

Մինասյան Սարիկ` 24 բացակա, որից հարգելի է 9

Սարուխանյան Կարենն ունի 28 բացակա, ոչ մի բացակայություն հարգելի չէ

 

Պատգամավորները` արածի ու անելիքի մասին

ՀՀ ԱԺ 7-րդ գումարման 1-ին նստաշրջանն ընդգրկում է 2019 թվականի հունվարի 14-ից մինչեւ փետրվարի 28-ը

Երկրորդ նստաշրջանը` մարտի 5-հունիսի 20-ը

Երրրոդ նստաշրջանը սկսվել է սեպտեմբերի 9-ից եւ ընդգրկում է մինչեւ դեկտեմբերի 20-ը։

«Գյումրու Առաջընթաց» Քաղաքացիական Հասարակության Զարգացման Կենտրոն» հասարակական կազմակերպությունը Շիրակի մարզից ընտրված 6 պատգամավորից գրավոր խնդրել է տեղեկություններ տրամադրել ԱԺ 7-րդ գումարման նստաշրջանների, հանձնաժողովների նիստերի աշխատանքների, նիստերի բացակայության, քվեարկության արդյունքների, ներկայացրած նախագծերի, մինչեւ տարեվերջ կատարվող աշխատանքների եւ անելիքների մասին:
Պատգամավոր Նազելի Բաղդասարյանը տեղեկացրել է, որ ՀՀ ԱԺ 7-րդ գումարման 3-րդ նստաշրջանում քննարկված օրինագծերի եւ նախագծերի քանակը փաստում է այն մասին, որ օրենսդիր մարմնում աշխատանքը ծանրաբեռնված է։ 2-րդ նստաշրջանում տեղի են ունեցել բազմաթիվ արտահերթ նիստեր՝ հագեցած օրակարգով։ Այդ ինտենսիվությունը շարունակվում է նաեւ աշնանային՝ 3-րդ նստաշրջանում։ Քառօրյա նիստերը երկարաձգվում են հինգ, վեց եւ ավելի օրեր։
«Ես՝ որպես պետական-իրավական հարցերի մշտական հանձնաժողովի անդամ ընթացիկ նստաշրջանում ներգրավված եմ ինչպես օրինագծերի մշակման եւ քննարկման գործառույթում, այնպես էլ հանձնաժողովի վերահսկողության առարկա՝ դատական օրենսգրքի կիրառման ուսումնասիրությանը։ Պետաիրավական հանձաժողովն ամենահագեցած օրակարգն ունի է, եւ՛ գարնանային, եւ՛ աշնանային նստաշրջանների ընթացքում այն ունեցել է ամենաշատ թվով օրինագծերը։ ԱԺ պատգամավորի գործառույթները չեն սահմանափակվում հանձնաժողովի եւ լիագումար նիստերի մասնակցությամբ, ընթացիկ աշխատանքներն ու քաղաքացիների հետ ընդունելության ժամանակացույցը եւս ծանրաբեռնված է։

ա) ՀՀ ԱԺ 7-րդ գումարման 2-րդ եւ 3-րդ նստաշրջանի ընթացքում տեղի է ունեցել մոտ 300 քվեարկություն եւ գրանցում։ Նիստերից բացակայել եմ 2 անգամ, բաց եմ թողել ընթացիկ օրվա քվեարկությունները, իսկ պետաիրավական հանձնաժողովի նիստերից բացակայել եմ 1 անգամ։
Քննարկված նախագծերի եւ անհատական քվեարկության մասին ամբողջական տեղեկատվությանը կարող եք ծանոթանալ հետեւյալ հղմամբ՝
http://www.parliament.am/register.php?lang=arm

բ) Համահեղինակ եմ երկու նախագծի՝

1․ «Պետական պաշտոններ եւ պետական ծառայության պաշտոններ զբաղեցնող անձանց վարձատրության մասին» օրենքում փոփոխություններ եւ լրացումներ կատարելու մասին
Հեղինակներ` Արթուր Դավթյան, Վլադիմիր Վարդանյան, Նազելի Բաղդասարյան
2․ Քրեական դատավարական օրենսգրքում փոփոխություններ կատարելու մասին
Հեղինակներ՝ Նիկոլայ Բաղդասարյան, Նազելի Բաղդասարյան
Համազեկուցող եմ հետեւյալ նախագծերի՝
1․ «ՀՀ տոների եւ հիշատակի օրերի մասին» ՀՀ օրենքում լրացում կատարելու մասին
2․ ՀՀ քաղաքացիության մասին օրենքում լրացում կատարելու մասին
3․ «Տեղական հանրաքվեի մասին» Հայաստանի Հանրապետության օրենքում լրացումներ կատարելու մասին
4․ «Հայաստանի Հանրապետության վարչատարածքային բաժանման մասին» Հայաստանի Հանրապետության օրենքում լրացում կատարելու մասին
5․ «Հանրաքվեի մասին» Հայաստանի Հանրապետության սահմանադրական օրենքում փոփոխություն եւ լրացում կատարելու մասին
6․ «Ազգային ժողովի կանոնակարգ» Հայաստանի Հանրապետության սահմանադրական օրենքում լրացում կատարելու մասին (խորհրդարանական լսումների մասով)
7․ «Ազգային ժողովի կանոնակարգ» Հայաստանի Հանրապետության սահմանադրական օրենքում լրացում կատարելու մասին (փորձագետների մասով)
8․ Հայաստանի Հանրապետության քրեական օրենսգրքում փոփոխություններ եւ լրացումներ կատարելու մասին
9․ Հայաստանի Հանրապետության քրեական դատավարության օրենսգրքում լրացում կատարելու մասին
Աժ-Կառավարություն հարցուպատասխանի ընթացքում հնչեցրել եմ հարցեր, որոնք վերաբերել են․
1․«Սաստեքս» ընկերության աշխատակիցներին
2․ Մարզերում երիտասարդ ընտանիքներին հիպոթեկային վարկերի տրամադրմանը
3․ Գյումրու լոկոմոտիվային դեպոյի աշխատակիցներին
4․ Վթարային շենքերին, մասնավորապես Սայաթ-Նովայի 5 Ա շենք
5․ Խաղաղ պայմաններում զոհված զինծառայողների ծնողների բողոքին
Իմ անմիջական միջամտությամբ լուծում են ստացել հետեւյալ խնդիրները՝
1․Գյումրու Ստ․ Ալիխանյանի անվան տիկնիկային թատրոնի կտուրի վերանորոգման հարցը
2․ «Փալանջյան» լուսանկարչական տան գույքի հարցը
3․ Շիրակի պետական տարածաշրջանային քոլեջի վերանորոգման հարցը
4․Երկրորդային փողոցներում անվտանգության նշանների տեղադրման, մասնակի վերանորոգման ու լուսավորության հարցը
5․Գյուղատնտեսության ապահովագրության եւ փոխհատուցման հարցը
Իմ մշտադիտարման ներքո է եղել «Երեխաների խնամքի եւ պաշտպանության գիշերօթիկ հաստատությունների», «Ծերերի տուն-ինտերնատի» հարցը։
Առանձին քաղաքացիներից ստացել եմ բազմաթիվ նամակներ՝ ԲՍՓ-ներում, ընտանիքների անապահովության գնահատման համակարգում եւ այլ ոլորտներում նրանց իրավունքների խախտման դեպքերով։
Այս ընթացքում հասցրել եմ Գյումրիում կազմակերպել երկու հանդիպում քաղաքացիների հետ եւ մեկ ընդունելություն էլ տեղի է ունեցել Երեւանում։ ԱԺ աշխատասենյակում ընդունել եմ մեկ տասնյակից ավելի քաղաքացիների։
ԱԺ-ի «Բաց դաս» ծրագրի շրջանակներում ընդունել եմ Գյումրու «Երիտասարդական պալատ» ՀՈԱԿ-ի, «ԿԱԶԱ» հիմնադրամի, ինչպես նաեւ «Հայաստանի պատանեկան նվաճումներ» կազմակերպության Շիրակի մարզի ներկայացուցիչներին։
2․ Մինչեւ տարեվերջ նախատեսում եմ կազմակերպել եւս մեկ մասշտաբային հանդիպում քաղաքացիների հետ, արդեն թվով 4-րդը։
Այս պահին ինտենսիվ աշխատում ենք դատաիրավական փոփոխությունների փաթեթի վրա։ Դատական իշխանության եւ դատաիրավական ոլորտում բարեփոխումների վերաբերյալ քննարկումները դեռ ընթացքի մեջ են։
Առաջիկա օրերին մասնակցելու եմ ԵԽԽՎ նիստին, ներկայացնելով «Ընտրական գործընթացներում ադմինիստրատիվ ռեսուրսի կիրառումը» թեմայով զեկույց»,-տեղեկացրել է Ն.Բաղդասարյանը։

Պատգամավոր Վարդեւան Գրիգորյանը գրավոր փոխանցել է, որ ԱԺ 7-րդ գումարման նստաշրջանների աշխատանքները գնահատում է բավարար թե քննարկված հարցերի արդիականության, կարեւորության տեսանկյունից, թե պատգամավորների մասնակցության առումով:

Մշտապես ապահովվել է քվորում, հարցերը քննարկվել են բազմակարծության մթնոլորտում, ակտիվություն է ցուցաբերվել թե իշխանական, թե ընդդիմադիր խմբակցությունների պատգամավորների կողմից: «Իմ մասնակցությունը նույնպես գնահատում եմ բավարար, որեւէ անհարգելի բացակայություն չեմ ունեցել ոչ լիագումար նիստերից, ոչ էլ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նիստերից եւ աշխատանքային քննարկումներից:
Տարեսկզբին կառավարության հետ հարցուպատասխանի ժամանակ հարց եմ ուղղել Հայաստանի եւ Արցախի միջեւ բջջային հեռախոսակապի ռոումինգի սակագները նվազեցնելու հնարավորության առնչությամբ: Ինձ տրվել է դրական պատասխան, եւ այս աշնանը արդեն կայացել են բանակցություններ օպերատորների հետ:
Հայտարարություն եմ հրապարակել Ֆրանսիայի երկու վարչական դատարաններում Արցախի եւ Ֆրանսիայի քաղաքների միջեւ ստորագրված բարեկամության հռչակագրերի չեղարկման եւ դրանց հնարավոր հետեւանքների շուրջ:
Հայտարարություն Գյումրու փոքր կենտրոնի բարեկարգման եւ Բուլվարային թաղամասի ամենատարբեր հիմնախնդիրների անահամտեղելիության շուրջ:
Հարց եմ ուղղել կառավարությանը Շիրակի մարզի Արփի խոշորացված համայնքի կենտրոնի` Բերդաշենի դպրոցի վերականգնման ժամկետների մասին, ստացել եմ Տարածքային կառավարման եւ ենթակառուցվածքների նախարար Սուրեն Պապիկյանի հուսադրող պատասխանը:
Կառավարության հետ հարցուպատասխանի ժամանակ հարց եմ ուղղել Շիրակի մարզում տեղի ունեցած կարկտահարության հետեւանքով տուժած հողօգտագործողների վնասը հատուցելու, ինչպես նաեւ սերմացուի տրամադրման հետ կապված:
Հարցեր եմ բարձրացրել բյուջետային քննարկումների ժամանակ գիտության եւ կրթության ոլորտի հեռանկարների վերաբերյալ` ելնելով այն իրողությունից, որ ներկայացված նախագիծը էականորեն չի տարբերվում նախորդներից:
Շիրակի հանրային հեռուստաընկերության աշխատակիցների դիմումի հիման վրա հեռուստաընկերության լուծարման հարցը 2 անգամ բարձրացրել եմ ԱԺ հանձնաժողովի նիստում եւ կառավարության հետ հարցուպատասխանի ժամանակ:
Հարց կոռուպցիայի կանխարգելման հանձնաժողովի անդամի թեկնածուին ԱԺ լիագումար նիստում»,-տեղեկացրել է Վ.Գրիգորյանը եւ նշել ոչ հրապարակային աշխատանքները:
Պատգամավորը նամակ է ուղղել առողջապահության նախարար Ա.Թորոսյանին Արցախյան պատերազմի մասնակցի վիրահատությունը պետպատվերի շրջանակներում իրականացնելու վերաբերյալ, նաեւ նամակ է ուղղել ՀՀ մշակույթի նախարարի ժամանակավոր պաշտոնակատարին Հոռոմի սբ. Հռիփսիմե խոնարհված եկեղեցու վերականգնողական աշխատանքները վերսկսելու վերաբերյալ: «Ստացել եմ պատասխան այն մասին, որ դադարը ժամանակվոր է` կապված ֆինանսավորման եւ խնդրո առարկա հուշարձանի տարածքում պեղումներ իրականացնելու հետ»,-նշել է պատգամավորը:
Նամակներ է հասցեագրել նաեւ ԱԺ մշտական հանձնաժողովի նախագահ Նարեկ Զեյնալյանին եւ առողջապահության նախարար Արսեն Թորոսյանին Գյումրու հոգեկան առողջության կենտրոնի (ՀԱԿ) մի քանի աշխատակցի սոցփաթեթի համակարգ ընդգրկելու վերաբերյալ: Նախարարից ստացվել է պատասխան, որտեղ պատրաստակամություն է հայտնվել ծրագրի շահառուների ցանկի ընդլայնման պարագայում ընդգրկել նաեւ Գյումրու ՀԱԿ աշխատակցիներին:
Նամակներ է ուղղել նաեւ ԱԺ մշտական հանձնաժողովների նախագահներին եւ ֆինանսների նախարարին ֆինանսական կազմակերպություններից մեկի կողմից խաբված քաղաքացիներին օգնելու խնդրով, ելույթ է ունեցել ԱՊՀ միջխորհրդարանական վեհաժողովի գիտության եւ կրթության հանձնաժողովում (Սանկտ Պետերբուրգ) մոդելային օրենքների մշակման եւ ներդրման թեմայով:
«Ուշադրության կենտրոնում կպահեմ Շիրակի մարզի բնակիչների հոգսերն ու խնդիրները իմ լիազորությունների շրջանակներում դրանց լուծմանն աջակցելու նպատակով»:
Պատգամավոր Սոֆիա Հովսեփյանը տեղեկացրել է, որ իր գործունեությունը գնահատում է արդյունավետ` հաշվի առնելով այն, որ մշտապես լինելով ՀՀ տարբեր մարզերում հանդիպելով բնակիչների հետ խնդիրներին լավ ծանոթ է եւ ցանկացած բնակչի հարց ներկայացնում է համապատասխան իրավասու կառույցին` իր կողմից առաջարկելով նաեւ լուծման որեւէ տարբերակ:
«Հանդես եմ եկել որպես հարակից զեկուցող, դիտարկել եմ օրենսդրական առաջարկներ, դրանք ներկայացրել եմ համապատասխան հանձնաժողովներին` իրենց մասնագիտական քննարկմանը:
Մասնակցել եմ Երեւան քաղաքում եւ մարզերում կայացած տարբեր միջոցառումների, ներդրումային ծրագրերի իրականացման գործընթացների: Մասնակցություն եմ ունեցել ՀՀ կառավարության կողմից տարբեր ոլորտներում առաջադրվող խնդիրների լուծմանը, քննարկմանը: Մասնակցել եմ Երեւան քաղաքում ւ մարզերում կայացած տարբեր միջոցառումների, ներդրումային ծրագրերի իրականացման գործընթացների:
Նախաձեռնել եւ համակարգել եմ Արցախում անցկացվող Վրանային ճամբար համահայկական ծրագիրը, որը իրականացրել է ՀՀ ԱԺ-ի, ՀՀ նախագահի եւ Արցախի իշխանությունների կողմից:
Ազգային ժողովում բաց դռների շրջանակներում ընդունել եմ Երեւանից եւ մարզերից ուսանողների, աշակերտների, սփյուռքահայ այցելուների:
Անելիքներ շատ են եւ ամենօրյա աշխատանք են պահանջում: Քաղաքացիների, կազմակերպությունների կողմից տարբեր ոլորտներին առնչվող ինձ ուղղվող խնդիրները բազմաթիվ եւ բազմազան են, եւ ծրագրերը հիմնականում կապված են դրանց լուծմանն ուղղված նախաձեռնություններով»-նշել է պատգամավորը:
Պատգամավոր Վարդան Ղուկասյանը հայտնել է, որ ԱԺ 7-րդ գումարման նստաշրջանների նիստերից բացակայել է միայն ծայրահեղ անհրաժեշտության դեպքում, հատկապես առողջական խնդիրների պատճառով՝ ներկայացնելով հիմնավորված բժշկական փաստաթղթեր (անաշխատունակության թերթիկներ):

«Նախագծերում հիմնականում համահեղինակ եմ եղել․մասնակցել եմ այնպիսի նախագծերի ստեղծմանը, որոնք բխում են միմիայն ժողովրդի շահերից եւ ծառայելու են միմիայն ժողովրդի բարեկեցությանը։ ԱԺ-ի հարթակից իմ ելույթները հիմնականում վերաբերել են Գյումրի քաղաքի հիմնախնդիրներին․բարեկարգման, աշխատատեղերի ստեղծման, բնակարանաշինության,արտագաղթի կանխման հարցերին,ինչպես նաև օրենքի երկիր ստեղծելուն։ Ես իմ խոսքում անընդհատ կառավարության ուշադրությունը բeuեռել եմ ՀՀ երկրորդ քաղաքի հիմնախնդիրներին, եւ կառավարության արձագանքը չի ուշացել․ահավասիկ Գյումրին այսօր գտնվում է կառավարության ուշադրության կենտրոնում։ Գյումրիի իմ գրասենյակում պարբերաբար կատարել եմ քաղաքացիների ընդունելություն, լսել նրանց եւ փորձել օգտակար լինել։
Իմ ելույթներում անդրադարձել եմ նաեւ ավանդական հայ ընտանիքի հիմքերի ամրապնդմանը, բարոյական եւ հոգևոր արժեքների պահպանմանը,ազգային մշակույթի զարգացմանը։ Չեմ վախեցել հնչեցնել իմ կարծիքը, անգամ եթե այն հակասել է կառավարության առաջարկներին: Աշխատել եւաշխատում եմ խղճի մտոք՝ իմ գործունեությամբ ծառայելով ազգիս խաղաղ եւ պայծառ ապագայի կերտմանը»,-տեղեկացրել է Վ.Ղուկասյանը։

Սարիկ Մինասյանը տեղեկացրել է, որ նստաշրջաններն անցնում են բուռն քննարկումների, բանավեճերի, փոխզիջումների եւ բանակցությունների մթնոլորտում:
«Ներկա եմ գտնվել գրեթե բոլոր նստաշրջաններին նիստերին, հանձնաժողովի նիստերին, աշխատանքային քննարկումներին: Հարկ եմ համարում նշել, որ կողմ եմ քվեարկել 258 օրենդրական նախագծի, դեմ 14-ին, ձեռնպահ 1-ին եւ բացակայել եմ 21 քվեարկությունից:
Յուրաքանչյուր օրենսդրական նախաձեռնություն շրջանառության մեջ է դրվում Լուսավոր Հայաստան խմբակցության կողմից: 2019 թվականի հունվարից մինչ օրս ներկայացրել ենք մոտ 60 օրենքի նախագիծ, որից ամբողջովին ընդունվել են 16-ը, օրաակրգում ընդգրկվածները 8-ն են, իսկ դեռեւս չընդգրկվածները` 9:
Տվյալ պահին աշխատում եմ 2020 թվականի բյուջեի նախագծի վրա, առաջարկություններ են ներկայացրել Շիրակի մարզի մի շարք համայնքների խնդիրների վերաբերյալ: Առաջարկել եմ բյուջեից հատկացումներ տրամադրել մի շարք համայնքներում առկա խնդիրների լուծման համար:
Ելույթներումս հիմնականում թիրախավորել եւ բարձրաձայնել եմ Շիրակի մարզի եւ հատկապես Գյումրի քաղաքի բնակչության խնդիրները` փորձելով կառավարության ուշադրությունը հրավիրել այդ խնդիրների լուծման առաջնահերթության վրա»,-գրել է պատգամավորը:
Պատգամավոր Կարեն Սարուխանյանը տեղեկացրել է, որ ԱԺ 7-րդ գումարման նստաշրջանի աշխատանքները գնահատում է լավ:
«Գերազանց գնահատել չեմ կարող, քանզի անելիքներն իսկապես շատ են, բայց փաստ է այն, որ ԱԺ-ում այսօր հսկայական աշխատանքներ են կատարվում՝ թե առանձին պատգամավորների, թե հանձնաժողովների կողմից: Իսկ անելիքներն երբեք չեն ավարտվելու, շարունակելու ենք աշխատել ի նպաստ ՀՀ քաղաքացու:
Մինչ օրս անցկացված նիստերից ունեմ ընդամենը մեկ բացակա: Իսկ հանձնաժողովի նիստերի քանակը՝ 10 է, որից եւ ոչ մեկին բացակա չեմ եղել: Հանձնաժողովի նիստերին ամբողջությամբ ընդունել է 10 նախագիծ, բոլորին քվեարկել եմ կողմ: Այս պահին դեռևս ոչ մի նախագծի հեղինակ կամ համահեղինակ չեմ, բայց առաջիկայում պատրաստվում եմ հանդես գալ: Կառավարության հետ հարց ու պատասխանի ժամանակ բարձրացրել եմ տարբեր հարցեր»,-տեղեկացրել է նա:

©progressgyumri.am Armenian News/Analyses:

Tel: +37498 691-690; E-mail: progressgyumri@gmail.com ; progressgyumri@mail.ru