Լրահոս

Անի խոշորացված համայնքի ՏԻՄ ընտրություններում ընտրապայքարը 3 թեկնածուի միջև է

Սեպտեմբերի 25-ին ավագանու համամասնական ընտրակարգով ընտրություններ են անցկացվելու Շիրակի մարզի Անի համայնքում՝ խոշորացումից հետո, 2-րդ ՏԻՄ ընտրությունները: Ընտրապայքարը 3 քաղաքական ուժերի միջև է՝ «Հայկական երազանք», «Քաղաքացիական պայմանագիր» կուսակցությունների եւ «Ազգ-համայնք» դաշինքի: Դաշինքը ձեւավորվել է «Հայաստանի Ժողովրդավարական ազատական միություն» եւ «Ռեֆորմիստների» կուսակցություններից: Անի համայնքն ունի 19 բնակավայր, Մարալիկ կենտրոնով: ՀՀ ոստիկանության անձնագրային եւ վիզաների վարչության վերջին տվյալներով, գրանցված է 15.889 ընտրող:

«Հայկական երազանք» կուսակցության համայնքի ղեկավարի թեկնածուն Անիի ավագանու անդամ, գործարար Ագուն Սաղաթելյանն է, «Քաղաքացիական պայմանագիր» կուսակցության ցուցակը գլխավորում է  Մարալիկի, Արթիկի, և Ախուրյանի «Հայ փոստի» համակարգող Արման Սարիբեկյանը, իսկ «Ազգ-համայնք» դաշինքի առաջին համարը զբաղեցնում է Արտակ Գևորգյանը, ով 2004 թվականից մինչև 2017 թվականը եղել է Մարալիկի քաղաքապետը, այնուհետ 5 տարի է, խոշորացված Անի համայնքի ղեկավարն է:

Անի խոշորացված համայնքում նախընտրական ակտիվությունը հիմնականում 2 թեկնածուների միջև է. սա նաև քաղաքական պաստառներն են փաստում: Մարալիկ քաղաքի գլխավոր փողոցի մի կողմում Անի խոշորացված համայնքի գործող ղեկավար Արտակ Գևորգյանի պաստառներն են, մյուս կողմում՝ ՔՊ-ական թեկնածու Արման Սարիբեկյանինը: 3-րդ թեկնածուն՝ գործարար Ագուն Սաղաթելյանը նախընտրական պայքարի է դուրս եկել առանց պաստառների, քարոզարշավն այլ տարբերակով է տանում: Իսկ համայնքում խնդիրները շատ են, բնակիչների սպասումները՝ մեծ:

Խմելու, ոռոգման ջուր չկա, անբարեկարգ ճանապարհներն են շատ. Անի համայնքի բնակիչները ոչ միայն ենթակառուցվածքների հիմնանորոգում են ակնկալում, այլ նաև աշխատատեղերի ավելացում, գյուղատնտեսության ոլորտում առաջընթաց ապահովող փոփոխություններ, որպեսզի աղքատացած բնակավայրերից կանխվի արտագաղթը:

Անի համայնքում նախորդ տարիներին որոշակի աշխատանքներ կատարվել են: Բայց շատ գյուղերում դեռ լուծված չեն բնակիչների համար ամենակենսական նշանակության խնդիրները: Բոլոր թեկնածուների նախընտրական ծրագրերում դրանք տեղ գտել են, իսկ թե ինչ միջոցներով են լուծվելու, չեն նախանշում:

Անիի համայնքապետարանի շենքը շարունակում է դատարկ մնալ, մուտքի դռների ապակիներն էլ՝ կոտրված: 4 տարի առաջ տեղի ունեցած բողոքի ցույցերի հետքերն են: Դեռ 2018 թվականի հեղափոխությունից հետո, համայնքի մի խումբ բնակիչներ պահանջում էին Արտակ Գևորգյանի հրաժարականը, համայնքապետարանի շենքը շրջափակման մեջ պահելով: Համայնքապետն էլ իր աշխատակազմով տեղափոխվել էր Մարալիկի երաժշտական դպրոց և այնտեղ է աշխատում մինչ օրս: Այս ընտրություններից հետո, արդյո՞ք վերադարձ կլինի համայնքապետարան,-հարցրինք թեկնածուին:

Արտակ Գևորգյանի հանդեպ նաև քրեական գործեր էին հարուցվել, ասում է, մինչև 10 գործ: Նա մեղադրվում էր յուրացման և պաշտոնական լիազորությունների չարաշահումներ կատարելու համար: Դրանցից ոչ մեկով դատական վճիռներ չկայացվեցին:

Արտակ Գևորգյանի կողմից կառավարություն ներկայացրած ծրագրերը բոլորը պետությունը հաստատել է ու իրականացվում են: Նրա քաղաքական մրցակիցը՝ Արման Սարիբեկյանը ակտիվ նախընտրական պայքար էր սկսել քարոզարշավի առաջին օրերին, գյուղեր այցելել: Մեր նկարահանող խումբը թեկնածուին հանդիպեց Լուսաղբյուր գյուղում, բայց նա հրաժարվեց հարցազրույցից, պատճառաբանելով, թե լրագրողների հետ հաղորդակցվելու տրամադրություն չունի: Շրջայցերի արդյունքում փաստել է, թե գյուղերում ինչքան ծանր է մարդկանց վիճակը, զուրկ են տարրական կենսապայմաններից:

Հիմա թեկնածուներն հիմնականում դադարեցրել են քարոզարշավը սահմանային իրավիճակով պայմանավորված: Նույն պատճառով նախընտրական քարոզչություն չի տանում նաև մյուս թեկնածուն՝ Ագուն Սաղաթելյանը: Նա մեզ փոխանցեց, որ այս օրերին եղել է սահմանին, իմացել, ինչի կարիք կա: Նաև, անհրաժեշտության դեպքում կմեկնի երկիրը պաշտպանելու: Ագուն աղաթելյանը և՛ քառօրյա, և՛ 44-օրյա պատերազմների մասնակից է:

Անիում նախընտրական շրջանն անցնում է առանց միջադեպերի ու էական խախտումների,-հավաստում է թիվ 33 տարածքային ընտրական հանձնաժողովի նախագահ Գոռ Պետրոսյանը:

 

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

 

 

 

 

Հայաստանը նշում է Անկախության օրը

Հայաստանում այսօր նշվում է Անկախության օրը: 1991 թվականի սեպտեմբերի 21-ի հանրաքվեում Հայաստանի ժողովուրդը ձայների ճնշող մեծամասնությամբ քվեարկեց ԽՍՀՄ-ի կազմից դուրս գալու և անկախ պետություն ստեղծելու օգտին։ ՀՀ Կառավարությունն Ադրբեջանի ներխուժման հետևանքով սահմանին տեղի ունեցած վերջին բախումներից հետո չեղարկել է տոնական միջոցառումները: Վարչապետ Նիկոլ Փաշինյանը շնորհավորական ուղերձ է հղել, որում մասնավորապես ասված է. «Այսօր լրանում է Հայաստանի Հանրապետության անկախության 31-րդ տարեդարձը: 1991 թվականի սեպտեմբերի 21-ին տեղի ունեցավ Անկախության հանրաքվե, որին մասնակցեց 2 միլիոն 56 հազար 758 մարդ, որն ընտրողների ընդհանուր թվի 95.5 տոկոսն էր: Հանրաքվեի էր դրված հետևյալ հարցը. «Համաձա՞յն եք, որ Հայաստանի Հանրապետությունը լինի անկախ, ժողովրդավարական պետություն ԽՍՀՄ-ի կազմից դուրս»: Հանրաքվեի մասնակիցների 99 տոկոսը՝ 2 միլիոն 42 հազար 627 մարդ, այդ հարցին պատասխանել է Այո»: «Միանշանակ է և աներկբա, որ 1991 թվականի սեպտեմբերի 21-ին Այո ասող եթե ոչ բոլոր քաղաքացիները, գոնե մեծամասնությունը, հասկանում էր, որ սա պարզապես քվեաթերթիկի վրա գրիչով արած նշում չէ, այլ սահմանագիծ, որից այս կողմ հպատակը դառնում է Քաղաքացի, Հայրենիքը դառնում է Պետություն, կարգախոսը դառնում է Պատասխանատվություն: 1991-ի սեպտեմբերի 21-ին Այո ասած սերունդը լիուլի և արժանապատիվ կրեց այդ պատասխանատվությունը՝ իր ուսերին կրելով պատերազմի, տնտեսական դժվարությունների, սոցիալական հուսահատության ծանրությունը: Եվ այսօր Հայաստանի անկախության 31-րդ տարեդարձի օրը նախևառաջ իմ խոնարհումի ու ակնածանքի խոսքերն եմ ուզում ասել այդ սերնդին, առաջին հերթին մեր այն նահատակներին, ովքեր իրենց կյանքն են տվել հանուն Անկախության, հանուն Պետականության, այն մարդկանց, ովքեր նորանկախ երկրի կոչով սեփական կյանքն ու բարեկեցությունը զոհաբերելով են նաև Այո ասել Անկախությանը», – ասված է ուղերձում, որը հրապարակել է Հայաստանի վարչապետի աշխատակազմի լրատվականը: «Այսօր էլ սեպտեմբերի 21 է և այսօր էլ Անկախության հանրաքվե է: 1991 թվականի հանրաքվեն տեղի է ունեցել, բայց չի ավարտվել, և Անկախության հանրաքվեն տեղի է ունենում այսօր: Հանուն Հայրենիքի իրենց կյանքը տված մեր նահատակներն Այո են ասել Անկախությանը, և շատ կարևոր է, որ նրանց կորստի դառնությունից մեր ծնկները չծալվեն: Սահմանին աներեր կանգնած զինվորը Այո է ասում Անկախությանը, և չափազանց կարևոր է, որ նրա Այոն իր արձագանքը գտնի ոչ միայն մեր սրտերում, այլև մեր գործերում», – ընդգծում է Փաշինյանը՝ շարունակելով. – «Ամեն օր, ամեն Աստծո օր […] հանրաքվեի մասնակից ենք, Անկախության հանրաքվեի: Եվ կարևոր է, որ Անկախությանը ասենք Այո, Ինքնիշխանությանը ասենք Այո, ժողովրդավարությանն ասենք Այո և այդ Այոն, ըստ անհրաժեշտության, վերահաստատենք 29 հազար 800 քառակուսի կիլոմետրանոց Պետություն-Հայրենիքի այն հատվածում, որտեղ այդ Այոն ամենաշատն անհրաժեշտ կլինի: Ու չերկմտենք, ու չերկնչենք, ու չկասկածենք, որովհետև ամեն օր, ամեն Աստծո օր մեր մեջ փորձում են սերմանել նորանոր կասկածներ, նորանոր վախեր, և այդ ամենը հանուն մի բանի, որ մենք հրաժարվենք մեր Անկախ,ությունից, որ հրաժարվենք մեր պետությունից»: «Այո՛ Անկախությանը, Այո՛ Ինքնիշխանությանը, Այո՛ Հայաստանի Հանրապետությանը», – իր ուղերձն ամփոփում է Հայաստանի վարչապետը:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

ԱՄՆ Կոնգրեսի Ներկայացուցիչների պալատի խոսնակ Նենսի Փելոսին ժամանել է Երեւան

🇦🇲🇺🇸ԱՄՆ Կոնգրեսի Ներկայացուցիչների պալատի խոսնակ Նենսի Փելոսին ժամանել է Երեւան
Պաշտոնական այցով Երեւան է ժամանել ԱՄՆ Կոնգրեսի Ներկայացուցիչների պալատի խոսնակ Նենսի Փելոսին: Ներկայացուցիչների պալատի խոսնակին ուղեկցում են ԱՄՆ Ներկայացուցիչների պալատի Էներգետիկ եւ կոմերցիոն հարցերով հանձնաժողովի նախագահ Ֆրանկ Փալոնեն, Ներկայացուցիչների պալատի անդամներ Աննա Էշուն եւ Ջեքի Սփիերը։
ՀՀ ԱԺ նախագահ Ալեն Սիմոնյանը «Զվարթնոց» օդանավակայանում դիմավորել եւ առանձնազրույց է ունեցել Նենսի Փելոսիի հետ:
Ամերիկացի բարձրաստիճան հյուրերի երկօրյա այցի օրակարգը հագեցած է: Նախատեսվում են պաշտոնական հանդիպումներ, ընդլայնված կազմով հանդիպում Ազգային ժողովում: Հյուրերի օրակարգում է նաեւ Հայոց ցեղասպանության հուշահամալիր այցը:

Գյումրիում գործարան կկառուցվի՝ մինչեւ 1000 աշխատատեղով

Գյումրիում գործարան կկառուցվի՝ մինչեւ 1000 աշխատատեղով Գյումրու ավագանին այսօր միաձայն քվեարկությամբ համաձայնություն է տվել Գյումրու համայնքապետարանի եւ «ԱՄՍՏԱԼ» ՍՊԸ կողմից հուշագիր ստորագրելուն։ Ընկերությունը նպատակ ունի Գյումրու տարածքում ստեղծել գործարանային կոմպլեքս, որտեղ արտադրվելու են արագ կառուցվող կառույցների շրջանակների համար անհրաժեշտ պողպատացինկային պրոֆիլի շինարարական բոլոր նյութերը, ինչի շնորհիվ հնարավորություն կստեղծվի անհամեմատ մատչելի արժեքներով կառուցել բնակելի տներ, դպրոցներ, մանկապարտեզներ և ցանկացած այլ տեսակի շինություններ նաև նպաստելով Գյումրիում աշխատատեղերի ստեղծմանը: Համայնքապետարանն, ըստ հուշագրի, աջակցելու է Ընկերության նախաձեռնությանը և պատրաստակամ է ծրագրի իրականացման համար տրամադրել հողատարածք 50 տարի ժամկետով: Գլխավոր ճարտարապետ Հենրիկ Գասպարյանի խոսքով՝ հողատարածք դեռեւս չի տրամադրվել, բայց տարածքն արդեն ընտրվել է, գործարան կոմպլեքսը լինելու է քաղաքի Մսի կոմբինատ թաղամասում։ «ԱՄՍՏԱԼ» սահմանափակ պատասխանատվությամբ ընկերությունը, ըստ հուշագրի, պարտավորվում է իրականացնել 6 մլրդ 150 մլն ՀՀ դրամ արժողությամբ ներդրումային ծրագիր և ստեղծել մինչեւ 1.000 աշխատատեղ՝ արտադրության և շինարարական ծառայությունների ոլորտում:Ներդրումային ծրագրի առաջին փուլը (գործարանի կառուցում, արտադրանքի թողարկում) նախատեսվում է իրականացնել 3 ամսում: Գործարանի կառուցումից շուրջ 9 ամիս հետո նախատեսվում է ջերմամեկուսիչ նյութերի և գիպսաստվարաթղթի արտադրություն: Այսօր ավագանու մեկ այլ որոշմամբ՝ համայնքի սեփականություն հանդիսացող Մովսես Խորենացի փողոց թիվ 46/1 հասցեի բազմաբնակարան բնակելի շենքից մեկ սոցիալական բնակարան անժամկետ, անհատույց օգտագործման իրավունքով տրամադրվել է քաղաքացի Լուսիկ Խաչատրյանին։ Բնակարանն ազատվել էր նախորդ շահառուի մահվան հիմքով։ Նույն հասցեում, ավագանու որոշմամբ , մեկ սոցիալական բնակարան անժամկետ, անհատույց օգտագործման իրավունքով տրամադրվել է մոր եւ դստեր՝ Գոհարիկ Աթոյանին եւ Տաթեւիկ Ջանոյանին։ Նրանք ապրում էին Գյումրու ավտոկայան տնակային պայմաներում՝ ծայրահեղ ծանր իրավիճակում։ Գյումրիում սոցբնակարանները կառուցվել են համայքնապետարան-«Առդա» բարեգործական հիմնադրամի (հիմնականում ամերիկահայերի հանգանակությամբ) համատեղ ֆինանսավորմամբ։ Տնակային պայմաններում գործող Գյումրու համայնքային ենթակայության «Ծիածան» մանկապարտեզին էլ ավագանին որոշել է հատկացնել 350 հազար 200 դրամ՝ որպես նվիրատվություն, էլեկտրական ներքին ցանցի հաղորդալարերի փոխարինման նպատակով։ Գյումրի համայնքի սեփականություն հանդիսացող Ս.Շահումյան փողոց N 296 հասցեի 712,79 քառակուսի մետր մակերեսով մանկապարտեզը և դրա պահպանման ու սպասարկման համար զբաղեցված բնակավայրերի նպատակային նշանակության հողերի, հասարակական կառուցապատման գործառնական նշանակության 0,239645 հեկտար մակերեսով հողամասը անհատույց օգտագործման իրավունքով 23 տարի ժամկետով Ավագանին տրամադրել է «Սուրբ Մարիամ» մանկապարտեզին։

 

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

«Նորը հանրային տրանսպորտում․ համեմատելու հնարավորություն»

«Նորը հանրային տրանսպորտում․ համեմատելու հնարավորություն»
—————————————
1․ 25/5 երթուղին շահագործվում է 13 նոր միկրոավտոբուսներով, նոր կանոններով։ Որո՞նք են այս ընթացքում տեսանելի դրական ու բացասական արդյունքները։
2․ Օրական եկամտի չափը որքանո՞վ է տարբերվում երթուղու նախկին տարբերակով շահագործման թվերից։ Կարելի է՞ զուգահեռ անցկացնել մյուս երթուղիների հետ։ Ինչու՞ նոր սարքերը հին ձեռագիր ունեն՝ ոչ բոլոր 100-դրամանոցներն են կլանում։
3․ Գյումրու Ավագանու որոշմամբ վարորդների համար որոշվել է 100 000 դրամ աշխատավարձ՝ պարգևավճարի մշուշոտ հեռանկարով։ Չե՞ք կարծում, որ դա կառաջացնի ինքնապարգևատրման գայթակղություն։
4․ Ինչպե՞ս է իրականացվում նոր միկրոավտոբուսների աշխատանքի մոնիտորինգը։ Տեսախցիկները գործու՞մ են։ Ո՞վ է ուսումնասիրում դրանց տեսանյութը։
5․ Անընդհատ հնչում են ակնարկներ մինչ տարեվերջ կամ 2023 թ․ ուղեվարձի թանկացման մասին։ Որքանո՞վ են դրանք հիմնավոր։
6․ Ի՞նչ է սպասվում առաջիկայում․ այլ երթուղիներ նոր միկրոավտոբուսներով, երթուղու համատեղ՝ համայնքային և մասնավոր, շահագործում, լրացուցիչ միկրոավտոբուսների գնում, «Դաշինք՝ հանուն կայուն և կանաչ կառավարման» ծրագրի էկոլոգիապես մաքուր ավտոբուսներ, այլ նորամուծություններ։
YouTube` 🔴  

ℹ Բանախոսներ՝
➡ Արամ Սարուխանյան – Գյումրու քաղաքապետարանի տրանսպորտի բաժնի առաջատար մասնագետ
➡ Համլետ Ղազարյան- “Վանանդ” ՀԿ նախագահ
🔗Համակարգող՝ Սեյրան Մարտիրոսյան։
————————————————————————
Քննարկումն իրականացվում է «Եվրոպական մեդիահարթակ Հայաստանում. հուսալի և պրոֆեսիոնալ լրատվամիջոցների կառուցում» ծրագրի շրջանակներում։ Ծրագիրը ֆինանսավորվում է Եվրոպական միության կողմից և իրականացվում է Դոյչե Վելլե ակադեմիայի կողմից՝ Բի-Բի-Սի Մեդիա էքշնի-ի, ԲՀՀ-Հայաստանի, Հետաքննող լրագրողներ (Hetq.am) ՀԿ-ի և ֆակտոր տեղեկատվական կենտրոնի հետ համատեղ։ Բովանդակության համար պատասխանատվություն է կրում  dialoguemc.am- ը, և պարտադիր չէ, որ այն արտահայտի Եվրոպական միության տեսակետները: 

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

«Կանանց իրավունքներ» Կարինե Դավթյան

YouTube`🔴  

#HumanRights #Մարդու_Իրավունքներ

ℹ Կանայք Հայաստանում ունեն հավասար իրավունքներ, ինչ տղամարդիկ, սակայն առավել նվազ հնարավորություններ: Հայաստանում Ֆիզիկական բռնության ենթարկված կանանց 44.7 %-ը, սեռական բռնության ենթարկվածների՝ 48 %-ը որևէ մեկին չի պատմել բռնության մասին։

ℹ Կանանց նկատմամբ գենդերային հիմքով խտրականության, կանանց իրավունքների ոտնահարման դեպքերը շարունակում են համատարած բնույթ կրել Հայաստանում։ ՀՀ-ում նկատվում է կանանց իրավունքների պաշտպանությանն ուղղված թե՛ պետության, թե՛հասարակական կազմակերպությունների կողմից իրականցվող գործունեության թիրախավորում,կանանց իրավունքների պաշտպանությամբ զբաղվող հասարակական կազմակերպությունների, ինչպես նաև կին իրավապաշտպանների նկատմամբ թշնամանքի դրսևորում:

ℹ Կանանց իրավունքների պաշտպանությանը, հատկապես այն ոլորտներում, որոնցում կանայք մեր երկրում խոցելի են ամենից շատ, և առկա է միջամտություն կատարելու անհրաժեշտություն։

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

Հարցազրույցը իրականացվում է «Եվրոպական մեդիահարթակ Հայաստանում. հուսալի և պրոֆեսիոնալ լրատվամիջոցների կառուցում» ծրագրի շրջանակներում։ Ծրագիրը ֆինանսավորվում է Եվրոպական միության կողմից և իրականացվում է Դոյչե Վելլե ակադեմիայի կողմից՝ Բի-Բի-Սի Մեդիա էքշնի-ի, ԲՀՀ-Հայաստանի, Հետաքննող լրագրողներ (Hetq.am) ՀԿ-ի և ֆակտոր տեղեկատվական կենտրոնի հետ համատեղ։ Բովանդակության համար պատասխանատվություն է կրում  dialoguemc.am- ը, և պարտադիր չէ, որ այն արտահայտի Եվրոպական միության տեսակետները: 

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

«Կրթության իրավունք» Սերոբ Խաչատրյան

 YouTube`🔴 

#HumanRights #Մարդու_Իրավունքներ

ℹ Յուրաքանչյուր ոք ունի կրթության իրավունք և այն ամրագրվել է ինչպես ՀՀ Սահմանադրությամբ, այնպես էլ ներպետական օրենդրությամբ։

ℹ Կարևոր է կրթության որակը պատկերացնել բազմակողմանի ձևով՝ որակյալ սովորողներ, որակյալ միջավայր, որակյալ բովանդակություն, որակյալ գործընթացներ և որակյալ վերջնարդյունքներ։

ℹ Կառավարությունն ընդունել է հանրակրթության նոր չափորոշիչները ։ Տարրական, հիմնական ու ավագ դպրոցների շրջանավարտներին կներկայացվեն որակական պահանջներ:

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

Հարցազրույցը իրականացվում է «Եվրոպական մեդիահարթակ Հայաստանում. հուսալի և պրոֆեսիոնալ լրատվամիջոցների կառուցում» ծրագրի շրջանակներում։ Ծրագիրը ֆինանսավորվում է Եվրոպական միության կողմից և իրականացվում է Դոյչե Վելլե ակադեմիայի կողմից՝ Բի-Բի-Սի Մեդիա էքշնի-ի, ԲՀՀ-Հայաստանի, Հետաքննող լրագրողներ (Hetq.am) ՀԿ-ի և ֆակտոր տեղեկատվական կենտրոնի հետ համատեղ։ Բովանդակության համար պատասխանատվություն է կրում  dialoguemc.am- ը, և պարտադիր չէ, որ այն արտահայտի Եվրոպական միության տեսակետները: 

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

 

«Երիտասարդ նկարիչների պլեներ՝ հանուն Ջաջուռի»

«Երիտասարդ նկարիչների պլեներ՝ հանուն Ջաջուռի»
—————————————
📌Ախուրյան խոշորացված համայնքի Ջաջուռ բնակավայրում անցկացվելու է «Նկարում ենք լույսը» խորագրով երիտասարդ նկարիչների Պլեներ: Նախագիծն իրականացնում է «Արդինի» կրթամշակութային և տուրիզմի զարգացման հիմնադրամը: Նպատակը՝ ուշադրություն հրավիրել գյուղի խնդիրների վրա, իրականացնել մեկ բարեգործական ծրագիր, հայտնաբերել գյուղական հյուրընկալ տներ եւ նպաստել ապագայում գյուղական տուրիզմի զարգացմանը:
—————————————

Ուղիղ հեռարձակում 🔴 

————————————-