Լրահոս

🔍Ընտրությունների ընթացքին հետևելու են ընդհանուր 130 դիտորդներ 45 ընտրատեղամասերում և 4 ընտրատարածքային ընտրական հանձնաժողովներում:
📍Քվեարկության օրը՝ հոկտեմբերի 17-ին, «Անկախ դիտորդի» առաքելության շտաբները գործելու են Գյումրիում՝ Բաղրամյան 17 հասցեում, «Ագաթ» ՀԿ գրասենյակում, և Գորիսում՝ «Գորիս» հյուրանոցում՝ Խորենացի 53 հասցեում:
📍Քվեարկության օրվա ընթացքում դիտորդական առաքելությունը հանդես է գալու մամուլի ասուլիսներով՝ ժամը 12:00-ին և 17:00-ին, որոնք տեղի են ունենալու Գյումրիում՝ Երկխոսության Մեդիա կենտրոնում(Dialogue media center)՝ Ալեք Մանուկյան 1/2 հասցեում, և Գորիսում՝ «Գորիս» հյուրանոցում:
«Անկախ դիտորդը» նաև, ըստ անհրաժեշտության, քվեարկության օրվա ընթացքում հանդես կգա լրացուցիչ հաղորդագրություններով և ասուլիսներով:
ℹ️«Անկախ դիտորդ» հասարակական դաշինքն իրականացրել է նաև երկարաժամկետ դիտորդություն։ Նախընտրական քարոզչության ընթացքը դիտարկել են 12 երկարաժամկետ դիտորդներ։
Առաջիկա ՏԻՄ ընտրությունների դիտարկման համար հոկտեմբերին Երևան քաղաքում անցկացվեցին դասընթացավարների և երկարաժամկետ դիտորդների վերապատրաստման դասընթացներ։ Քվեարկության օրվա դիտորդության նախապատրաստման համար Գյումրիում, Իջևանում և Գորիսում անցկացվեցին կարճաժամկետ դիտորդների վերապատրաստման դասընթացներ։
«Ընտրություններ բոլորի համար 2021- տեղական դիտորդություն և քաղաքացիական հասարակության կողմից քաղաքացիների իրավազորում» ծրագիրն իրականացվում է ՕքսԵՋեն հիմնադրամի, Հելսինկյան քաղաքացիական ասամբլեայի Վանաձորի գրասենյակի, «Իրազեկ քաղաքացիների միավորում» ՀԿ-ի և Քաղաքական դասընթացների երևանյան դպրոցի հետ համատեղ:
Ծրագիրը ֆինանսավորվում է Եվրոպական միության կողմից:
«Անկախ դիտորդ» հասարակական դաշինքը դիտորդություն է իրականացնում հետևյալ անդամ և գործընկեր կառույցների հետ․
Helsinki Citizens’ Assembly-Vanadzor
Իրազեկ քաղաքացիների միավորում – Union of Informed Citizens
«Progress of Gyumri» NGO – Civil Society Development Center
Women’s Rights House NGO «Կանանց Իրավունքների Տուն» ՀԿ ԿԻՏ
Restart Gyumri – Initiative Centre NGO
Direct Democracy NGO

📋 Անկախ Դիտորդ դաշինքը երեկ հրապարակել էր տեղեկատվություն, որ ՀՀ Վարչատարածքային բաժանման մասին օրենքի 2021թ․ հոկտեմբերի 6-ին ուժի մեջ մտած փոփոխությունների արդյունքում խոշորացված բոլոր համայնքներում ՏԻՄ օրենքի 23-րդ և 26-րդ հոդվածների դրույթների համաձայն դադարեցվում են համայնքների ավագանիների և ղեկավարների լիազորությունները։
Այսօր արդեն մի շարք համայնքներում ՀՀ վարչապետի որոշմամբ նշանակվել են համայնքի ղեկավարի ժամանակավոր պաշտոնակատարներ։ Հստակ չէ, սակայն թե արդյոք այդ համայնքների բոլոր բնակավայրերի ղեկավարներն ու ավագանիներն իրազեկված են իրենց լիազորությունների դադարեցման մասին:
Ըստ էության, խոշորացված համայնքների բնակավայրերի մի մասի ղեկավարների լիազորությունները դադարեցնելը, միաժամանակ մյուսներինը պահպանելը տարբերակված և կամայական մոտեցում է, ինչն ամենևին չի նպաստում համայնքների խոշորացման և տեղական ինքնակառավարման նոր մարմինների նկատմամբ հանրային վստահության ձևավորմանը։
Գտնում ենք, որ․
1️⃣ Խոշորացված համայնքների բոլոր ավագանիների և ղեկավարների լիազորությունների դադարեցումը պիտի իրականացվի օրենքի տառին համապատասխան և միևնույն սկզբունքով։
2️⃣ Տարածքային կառավարման և ենթակառուցվածքների նախարարության կողմից պետք է տեղեկատվություն հրապարակվի, թե արդյոք համապատասխան համայնքապետարանների աշխատակիցները պատշաճ ծանուցվել են իրենց հետ աշխատանքային պայմանագրերի լուծման ժամկետների և հիմքերի վերաբերյալ
3️⃣ Տարածքային կառավարման և ենթակառուցվածքների նախարարության կողմից պետք է հստակ և ամբողջական իրազեկում հրապարակվի, թե ինչպես է կազմակերպվելու և իրականացվելու այդ համայնքներում գույքի և գործառույթների հանձնում/ընդունումը
4️⃣ Տարածքային կառավարման և ենթակառուցվածների նախարարությունը և Կենտրոնական ընտրական հանձնաժողովը պետք է առավել լայն իրազեկում իրականացնեն նոր ընտրակարգի վերաբերյալ, այդ թվում հենց գործող ՏԻՄ մարմինների շրջանում։
Անկախ դիտորդ հասարակական դաշինք

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru