ԵՄ-ն Թուրքիային կոչ է արել դադարեցնել միջամտությունը ղարաբաղյան հակամարտությանը
Եվրոպական միությունը կոչ է անում անհապաղ դադարեցնել իրավիճակի սրացումը Լեռնային Ղարաբաղում և վերադառնալ քաղաքական երկխոսության։ Նման հայտարարություն է արել ԵՄ Խորհրդի նախագահ Շառլ Միշելը ԵՄ գագաթնաժողովի առաջին օրվա ավարտից հետո, գրում է ՌԻԱ Նովոստին։ «Մենք կոչ են անում անհապաղ դադարեցնել ռազմական գործողությունները։ Մենք ընդունում ենք ԵԱՀԿ Մինսկի խմբի շրջանակներում քաղաքական երկխոսության վերսկսման համար բոլոր միջազգային ուժերի հետ համատեղ ջանքերը։ Սա բռնությունը դադարեցնելու միակ հնարավորությունն է»,- ասել է նա։ Պատասխանելով այս հակամարտության մեջ Թուրքիայի դերակատարության մասին լրագրողների հարցերին՝ Միշելն ընդգծել է․ «Մենք ցանկանում ենք, որպեսզի բոլորն առավել կառուցողական ու դրական դերակատարություն ունենան, որպեսզի լարվածությունը թուլանա։ Մենք նաև կոչ ենք անում դադարեցնել օտարերկրյա միջամտությունը, որը չի նպաստում իրավիճակը թուլացնելուն, այլ ավելի բարդացնում է այն»։
Աղբյուր՝ https://ria.ru/20201002/karabakh-1578082588.html
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
ՀՀ-ում և Արցախում ռազմական դրության պայմաններում հոկտեմբերի 2-ից կգործեն մի շարք սահմանափակումներ
Ի հավելումն Հայաստանի Հանրապետության Ազգային անվտանգության ծառայության՝ հսկիչ անցակետերի վերաբերյալ հայտարարության՝ ՀՀ կառավարությունը տեղեկացնում է, որ ՀՀ-ում և Արցախում ռազմական դրության պայմաններում անվտանգության նկատառումներից ելնելով՝ հոկտեմբերի 2-ից՝ ժամը 14:00-ից, գործելու են մի շարք սահմանափակումներ և կարգավորումներ։ Այս մասին տեղեկացնում է ՀՀ վարչապետի աշխատակազմի տեղեկատվության և հասարակայնության հետ կապերի վարչությունը:
«1․ Հայաստան-Արցախ անխափան հաղորդակցությունն ապահովելու և ճանապարհները բեռնաթափելու նպատակով սահմանափակվում է անձանց և փոխադրամիջոցների ելքը Հայաստանի Հանրապետությունից դեպի Արցախ, բացառությամբ Պաշտպանության բանակի և Արցախի Կառավարության կարիքների համար իրականացվող փոխադրումների, ինչպես նաև բացառիկ անհրաժեշտության դեպքում ՀՀ Կառավարության կողմից տրված թույլատվության հիման վրա առանձին դեպքերի։ ՀՀ-ից ելքից գործելու այդ թույլտվությունները ստանալու համար անհրաժեշտ է դիմել՝
ա․ Ֆիզիկական անձանց դեպքում՝ info@gov.am էլ փոստի հասցեով՝ հիմնավորելով այցի նպատակը՝ կցելով Արցախ մեկնողների անձը հաստատող փաստաթղթի լուսապատճենները:
բ. Իրավաբանական անձանց դեպքում՝ info@gov.am էլ փոստի հասցեով՝ հիմնավորելով այցի նպատակը՝ նշելով կազմակերպության ՀՎՀՀ-ն: Հիշեցնում ենք, որ քաղաքացիներին Հայաստանից ելքի թույլտվություն տրվելու է բացառիկ անհրաժեշտության դեպքում:
գ․ Տեղական լրատվամիջոցների դեպքում՝ press@gov.am էլ փոստի հասցեով
դ․ ՀՀ-ում հավատարմագրված դիվանագիտական ներկայացուցչությունների և հյուպատոսական հիմնարկների, դրանց հավասարեցված միջազգային կազմակերպությունների դեպքում՝ protocol@mfa.am էլ․ փոստի հասցեով
ե․ Միջազգային լրատվամիջոցների դեպքում՝ media@mfa.am էլ․ փոստի հասցեով
2․ Հորդորում ենք նաև զերծ մնալ անհատական նախաձեռնությունների միջոցով Արցախին աջակցության նպատակով ապրանքների հավաքագրումից և դրանք Արցախ փոխադրումից: Պետք է հաշվի առնել, որ ցանկացած պարենային և ոչ պարենային ապրանք և դեղորայք ունեն տեսակավորման, պիտանելիության, անվտանգության ու պահպանման կանոններ, որոնք կարող ենք ապահովվել միայն համապատասխան մասնագետների կողմից: Հետևաբար ցանկացած աջակցություն պետք է փոխանցվի մարզպետարանների, համայնքապետարանների ու թաղապետարանների միջոցով, ովքեր կներկայացնեն նաև անհրաժեշտ պարագաների ցանկը:
3. Արցախին սոցիալական և նյութական աջակցության տրամադրման գործընթացը համակարգելու նպատակով Վարչապետի աշխատակազմի ղեկավար Էդուարդ Աղաջանյանի գլխավորությամբ ստեղծվել է միասնական շտաբ։ Հոկտեմբերի 2-ից՝ ժամը 10։00-ից, շտաբի ներքո 117 հեռախոսահամարով գործելու է Ռազմական դրության տեղեկատվական թեժ գիծը, որին կարող եք զանգահարել ռազմական դրության հետ կապված բոլոր հարցերով, բացառությամբ պաշտպանության նախարարությանն առնչվող հարցերի։
Արտերկրից կարող եք միանալ (+374)10527000 հեռախոսահամարով»,- ասված է հաղորդագրության մեջ:
Աղբյուր՝ https://www.gov.am/am/news/item/14923/
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Ադամ Շիֆը դիմելու է Պետդեպարտամենտին՝ պահանջելով դատապարտել Թուրքիային ու Ադրբեջանին
Կոնգրեսական Ադամ Շիֆը Ներկայացուցիչների պալատի 49 անդամների հետ միասին պատրաստվում է դիմել ԱՄՆ Պետդեպարտամենտին՝ պահանջելով, որպեսզի ԱՄՆ-ն կոչ անի Ադրբեջանին ու Թուրքիային՝ դադարեցնել Արցախում ու Հայաստանում ռազմական գործողությունները։ Այս մասին կոնգրեսականը հայտնել է իր ֆեյսբուքյան էջում։ «Մենք պետք է կանխենք մարդկային զոհերն ու անհապաղ դադարեցնենք ռազմական գործողությունները։ Ես անհանգստացած եմ, քանի որ հակամարտությանը ներգրավված է նաև Թուրքիան՝ քաջալերելով ու աջակցելով Ադրբեջանին շարունակել գրոհը։ Տեղեկություններ են ստացվում, որ Թուրքիան Սիրիայից օտարերկրյա զինյալներ է տեղափոխում՝ էլ ավելի բարձր խաղադրույք կատարելով։ Էրդողանի քայլերն ու ռազմատենչ հայտարարությունները բարձրացնում են տարածաշրջանային պատերազմի հավանականությունը, ինչը շատ ավելի աղետալի կլինի»,- հայտարարել է Ադամ Շիֆը։
Աղբյուր՝ https://www.facebook.com/RepAdamSchiff/posts/10157306387316831
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
ԱՄՆ Միչիգան նահանգը ճանաչել է Արցախի անկախությունը
Միչիգանը դարձել է ԱՄՆ 8-րդ նահանգը, որը ճանաչել է Արցախի Հանրապետության անկախությունը։ Միչիգանի Հայ Դատի հանձնախումբից (ANC-MI) հայտնում են, որ նախաձեռնությունը սենատոր Դեյվիդ Քնեզեկինն է, որի խոսքով՝ Արցախի պատմությունը նման է ամերիկյան պատմությանը՝ ազատության, ինքնորոշման, ժողովրդավարության և խաղաղության պատմություն։ «Հօգուտ Արցախի անկախության՝ Միչիգանի Սենատի քվեարկությունը ևս մեկ անգամ վկայում է ԱՄՆ-ի՝ ժողովրդավարական ինքնորոշման սկզբունքներին հավատարիմ լինելը։ Սա նույնքան հզոր հարված է Ադրբեջանի նախագահ Իլհամ Ալիևի՝ այս խաղաղ հանրապետության դեմ շարունակվող ագրեսիայի դիմաց», – հայտարարել է Միչիգանի Հայ Դատի հանձնախմբի ղեկավար Լարա Ներսեսյանը:
Աղբյուր՝ https://anca.org/breaking-michigan-recognizes-artsakh-independence/
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
«Միջազգային արձագանքն արդեն իսկ դիվանագիտական ձեռքբերում է» Ա․Հովհաննիսյան
🔴🎥
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Հայկական կողմը հաղորդում է հակառակորդի օդուժի 3 ինքնաթիռ, 2 ուղղաթիռ և 6 անօդաչու խոցելու մասին
Արցախի Պաշտպանության բանակի զինծառայողներն այսօր արդեն խոցել են հակառակորդի 3 ինքնաթիռ և 2 ուղղաթիռ, Ֆեյսբուքում գրում է Հայաստանի պաշտպանության նախարարության մամուլի քարտուղար Շուշան Ստեփանյանը՝ վկայակոչելով ՊԲ-ին:
Աղբյուր՝
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
ՌԴ, ԱՄՆ և Ֆրանսիայի ղեկավարների հայտարարությունը՝ ԼՂ հակամարտության գոտում ստեղծված իրավիճակի շուրջ
ՌԴ նախագահ Վլադիմիր Պուտինը, ԱՄՆ նախագահ Դոնալդ Թրամփն ու Ֆրանսիայի նախագահ Էմանուել Մակրոնը հանդես են եկել հայտարարությամբ՝ ԼՂ հակամարտության գոտում ստեղծված իրավիճակի շուրջ:
Կրեմլի պաշտոնական կայքում հրապարակված հայտարարությունում ասվում է.
«Ռուսաստանի Դաշնության նախագահ Վլադիմիր Պուտինը, Ամերիկայի Միացյալ Նահանգների նախագահ Դոնալդ Թրամփն ու Ֆրանսիայի Հանրապետության նախագահ Էմանուել Մակրոնն, ովքեր ներկայացնում են ԵԱՀԿ Մինսկի խմբի համանախագահող երկրները, ամենավճռական ձևով դատապարտում են բռնության էսկալացիան, որն առկա է Լեռնային Ղարաբաղի հակամարտության գոտու շփման գծում:
Մենք սգում ենք զոհերի համար և ցավակցություններ ենք հայտնում սպանվածների ու վիրավորների ընտանիքներին:
Մենք կոչ ենք անում անմիջապես դադարեցնել ռազմական գործողությունները մասնակից կողմերի զինված ուժերի միջև:
Մենք նաև կոչ ենք անում Հայաստանի ու Ադրբեջանի ղեկավարներին՝ անհապաղ իրենց վրա վերցնել կարգավորման շուրջ ըստ էության բանակցությունները բարեխղճորեն ու առանց նախապայմանների վերսկսելու պարտավորություն՝ ԵԱՀԿ Մինսկի խմբի համանախագահների աջակցությամբ»:
Աղբյուր՝ http://kremlin.ru/events/president/news/64133
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
ԱԱԾ-ն կոչ է անում զգուշավորություն ցուցաբերել
ՀՀ ազգային անվտանգության ծառայությունը զգուշացնում է, որ այս օրերին անհրաժեշտ է լիովին զերծ մնալ հեռախոսային խոսակցությունների ու առավելապես կարճ հաղորդագրությունների (SMS) միջոցով զինվորական տեխնիկայի տեղաշարժի, առաջնագծում և ռազմական գործողությունների տարբեր վայրերում կատարվող իրադարձությունների վերաբերյալ միմյանց տեղեկություններ փոխանցելուց, անգամ՝ ականատես լինելու պարագայում:
«Դարձյալ հորդորում ենք բացառապես օգտվել պաշտոնական տեղեկատվությունից և հիմք ընդունել միմիայն պաշտոնական լրահոսի մեկնաբանություններն ու վերլուծությունները՝ զերծ մնալով անգամ ձեզ հավաստի տվյալներ միմյանց փոխանցելուց:
Հարկ ենք համարում տեղեկացնել, որ հակառակորդի կողմից նմանատիպ տեղեկությունների նկատմամբ հասանելիություն ունենալու դեպքում հնարավոր են ամենատարբեր բացասական դրսևորումներ իրենց անցանկալի հետևանքներով»,- ասված է հայտարարության մեջ:
Աղբյուր՝ https://bit.ly/3l4Fexi
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Հայկական կողմից միակողմանի զիջումները բացառվում են. ՀՀ ԱԳՆ
Հայաստանը չի գնա միակողմանի զիջումների` հայտարարել է արտգործնախարար Զոհրաբ Մնացականյանը արաբական Sky News-ին տված հարցազրույցում։Հայաստանը որևէ նախապայման չի դնում և հայտարարում է, որ հակամարտության խաղաղ կարգավորումն այլընտրանք չունի։«Ադրբեջանը փորձում է խնդիրը կարգավորել ուժային մեթոդներով՝ ակնկալելով, որ Հայաստանն ու Արցախը կգնան միակողմանի զիջումների։ Դա բացառվում է», – ասել է Մնացականյանը:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru