Մարտի 1-ի գործով ոստիկանության նախկին պետի վերաբերյալ վարույթը վերադարձվել է նախաքննության
2008 թվականի մարտի 1-2-ին Երևան քաղաքում տեղի ունեցած իրադարձությունների վերաբերյալ նախաձեռնված քրեական վարույթի շրջանակում, դատախազը, սեփական նախաձեռնությամբ, 2026 թվականի ապրիլի 18-ին, հանրային քրեական հետապնդում է հարուցել ՀՀ ԿԱ ոստիկանության նախկին պետ Հ.Հ.-ի նկատմամբ՝ 18.04.2003 թվականին ընդունված Քրեական օրենսգրքի 38-309-րդ հոդվածի 2-րդ մասով (պաշտոնատար անձի կողմից պաշտոնեական լիազորություններն անցնելուն օժանդակելը, որը զուգորդվել է բռնություն, զենք կամ հատուկ միջոցներ գործադրելով) և 315-րդ հոդվածի 2-րդ մասով (պաշտոնեական անփութություն, որն անզգուշությամբ առաջացրել է մարդու մահ կամ այլ ծանր հետևանքներ):
Քրեական վարույթով պարզվել է, որ Հ.Հ.-ն, 2003 թվականից մինչև 2008 թվականի մայիսի 29-ը զբաղեցնելով ՀՀ Կառավարությանն առընթեր ոստիկանության պետի պաշտոնը, իրականացնելով ՀՀ ոստիկանության ընդհանուր ղեկավարումը, 2008 թվականի մարտի 1-ին անցնելով իր պաշտոնեական լիազորությունները, ՀՀ ոստիկանության այլ բարձրաստիճան պաշտոնատար անձանց հետ հանցակցությամբ կազմակերպել է ոստիկանության տարբեր ստորաբաժանումների կողմից բռնության և հատուկ միջոցների գործադրմամբ զուգորդված Երևան քաղաքի «Ազատության» հրապարակում նստացույց անող խաղաղ ցույցը ցրելը, ցուցարարներին հրապարակից բռնության գործադրմամբ հարկադրաբար հեռացնելը, ապա քաղաքի կենտրոնական հատվածներում նրանց կուտակումները, հնարավոր ցույցերն ու հավաքները բացառելը, որպիսի գործողություններով անձանց իրավունքներին և օրինական շահերին, ինչպես նաև հասարակության և պետության օրինական շահերին պատճառվել է էական վնաս:
Ոստիկանության պետի պաշտոնը զբաղեցրած Հ.Հ.-ին առաջադրված մյուս մեղադրանքի հիմքում դրված է այն հանգամանքը, որ Հ.Հ.-ն, որպես ոստիկանության պետական կառավարման մարմնի ղեկավար, պարտավոր լինելով սահմանված կարգով Հայաստանի Հանրապետության կառավարության քննարկմանը ներկայացնել ոստիկանության գործունեությանն ու աշխատանքի կազմակերպմանը վերաբերող նորմատիվ իրավական ակտերի նախագծեր և առաջարկություններ, այդ թվում՝ «Չերյոմուխա 7» արցունքաբեր և «Զարյա» լուսաձայնային և այլ հատուկ միջոցների կիրառման կարգը, չի կատարել այդ պարտականությունը:
Հաշվի առնելով, որ Հ.Հ.-ն 2019 թվականին մահացել է, նրա նկատմամբ հանրային քրեական հետապնդում հարուցելու մասին որոշումը հանձնվել է օրինական ներկայացուցչին՝ վերջինիս կնոջը:
Հ.Հ.-ի կինն առարկել է, որպեսզի մեղադրյալի մահվան հիմքով Հ.Հ.-ի նկատմամբ հանրային քրեական հետապնդումը դադարեցվի:
Հսկող դատախազի կողմից թիվ 62202608 քրեական վարույթից անջատված թիվ 62292726 քրեական վարույթի նյութերը վերադարձվել են վարույթ իրականացնող մարմնին՝ Հակակոռուպցիոն կոմիտեին՝ մեղադրական եզրակացությամբ նախաքննությունն ավարտելու ուղղությամբ միջոցներ ձեռնարկելու համար:
Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com
«Ներառականությունը՝ մեդիայի, արվեստի և կրթության լեզվով»
Հայկական Կարիտասի «Նպաստել Հայաստանում բոլորի համար ներառական և համապատասխան որակյալ կրթության կայացմանը» ծրագրի շրջանակներում անցկացվեց երկօրյա դասընթաց՝ լրագրողների, դերասանների, ուսանողների և Շիրակի ՏՄԱԿ-ի աշխատակիցների մասնակցությամբ։
«Ներառականության զգայուն լուսաբանում, հանրային ընկալումների ձևավորում և խնդիրների վերհանում» թեմայով դասընթացը համախմբել էր շուրջ երեք տասնյակ մասնակիցների, ովքեր հնարավորություն ունեցան ծանոթանալու համընդհանուր դիզայնի սկզբունքներին, ուսումնասիրելու հաշմանդամություն և հատուկ կարիքներ ունեցող անձանց հետ հաղորդակցման զգայուն լեզուն, էթիկական մոտեցումները և ներառական հաղորդակցության հիմնական սկզբունքները։
Գործնական պարապմունքների և փորձառական վարժությունների միջոցով մասնակիցները հայտնվեցին տարբեր իրավիճակներում՝ փորձելով սեփական փորձառության միջոցով հասկանալ և հաղթահարել այն խոչընդոտները, որոնց ամեն օր բախվում են հաշմանդամություն ունեցող մարդիկ։ Դասընթացի ընթացքում կազմակերպվեցին իրավիճակային քննարկումներ, ինչպես նաև հանդիպումներ իրական պատմությունների և փորձառությունների կրող մարդկանց հետ, որոնց հետ մասնակիցները բաց և անկաշկանդ միջավայրում քննարկեցին հասարակության մեջ առկա կարծրատիպերը, նախապաշարմունքներն ու ներառման ճանապարհին առկա մարտահրավերները։
Դասընթացի երկրորդ օրը տարբեր մասնագիտական ոլորտներ ներկայացնող մասնակիցներից ձևավորված խառը թիմերը մշակեցին և ներկայացրին մեդիա և արվեստի ոլորտներում ներառականության խթանմանն ուղղված իրենց գաղափարներն ու նախաձեռնությունները։
Երկօրյա դասընթացի արդյունքում ստեղծվեցին ներառականության գաղափարը հանրայնացնող և տարածող տարբեր մեդիա և ստեղծագործական արտադրանքներ՝ պայուսակներ, ստիկերներ, դրոշմապիտակներ, օրացույցներ, հումորային ծաղրանկարներ, ինչպես նաև բեմադրվեց ներառական ֆորում-թատրոն։
Դասընթացի կարևոր արդյունքներից մեկը մասնակիցների միջև մասնագիտական կապերի ամրապնդումն ու հետագա համագործակցության հիմքերի ստեղծումն էր։ Մասնակիցները պայմանավորվեցին ձևավորել ներառականության ոլորտում գործող միջոլորտային համագործակցության ցանց, որը կհամախմբի մեդիայի, արվեստի, կրթության և հոգեկան առողջության ոլորտների ներկայացուցիչներին՝ համատեղ նախաձեռնությունների և հանրային իրազեկման գործողությունների իրականացման նպատակով։
Դասընթացի հիմնական նպատակներն էին՝
նպաստել ներառականության թեմայի զգայուն և պատասխանատու լուսաբանմանը,
ձևավորել ներառականության վերաբերյալ ավելի իրազեկ և դրական հանրային ընկալումներ,
բարձրացնել տարբեր մասնագիտական խմբերի կարողությունները հաշմանդամություն ունեցող անձանց իրավունքահեն ներկայացման և հաղորդակցության ոլորտում,
խթանել մեդիայի և արվեստի միջոցով հասարակական կարծրատիպերի հաղթահարումը,
ստեղծել մասնագիտական համագործակցության և փոխգործակցության կայուն ցանց՝ ներառականության օրակարգը համատեղ առաջ մղելու համար։
Ծրագիրը շարունակական բնույթ է կրում և ներառում է մի շարք խոշոր հանրային նախաձեռնություններ։ Դրանցից են ներառականության թեմայով սթրիթ արտի ստեղծումը հանրային տարածքում, ինչպես նաև համագործակցությունը դրամատիկական թատրոնի հետ՝ ներառականության թեմայով թատերական ներկայացման բեմադրման նպատակով։ Այս նախաձեռնությունները միտված են արվեստի և մշակույթի լեզվով նպաստելու հասարակական վերաբերմունքի փոփոխությանը, կարծրատիպերի հաղթահարմանը և ավելի ներառական համայնքների ձևավորմանը։
Ծրագիրը ֆինանսավորվում է Գերմանիայի Տնտեսական զարգացման և համագործակցության դաշնային նախարարության և Կարիտաս Գերմանիայի կողմից։
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com
🔎«Ապատեղեկատվության դեմ պայքարի և փաստահեն լրագրության մարտահրավերները»
📅 Հուլիսի 10-ին «Գյումրու առաջընթաց» ՔՀԶԿ ՀԿ-ում տեղի ունեցավ հանդիպում-քննարկում՝ կազմակերպված «Երևանից անդին․ փաստահեն մամուլ մարզային համայնքների համար» ծրագրի շրջանակում։
🤝 Ծրագիրը Դանիական New Democracy Fund-ի և **Երևանի մամուլի ակումբի** համատեղ նախաձեռնությունն է։ Այն նպատակ ունի զարգացնել մարզային լրատվամիջոցների և քաղաքացիական հասարակության ներկայացուցիչների կարողությունները, նվազեցնել ապատեղեկատվության նկատմամբ նրանց խոցելիությունը և տարածել փաստահեն լրագրության գործիքները։
http://facebook.com/reel/775332855642300/?s=single_unit
💬 Քննարկման ընթացքում անդրադարձ կատարվեց՝
🔹 Ազգային ժողովի ընտրությունների լուսաբանման արդյունքներին և հետևություններին,
🔹 հետընտրական Հայաստանում ձևավորված ապատեղեկատվական միջավայրին,
🔹 փաստահեն և մեդիագրագետ լրագրության սկզբունքներին,
🔹 ներմարզային համագործակցության հնարավորություններին։
📌 Ծրագրի նպատակներն ու հիմնական ուղղությունները ներկայացրեց Երևանի մամուլի ակումբի ծրագրերի տնօրեն Վիգեն Սարգսյանը։
🎙️ Բանախոսություններով հանդես եկան՝
▫️ Երևանի մամուլի ակումբի ծրագրի պատասխանատու Տաթևիկ Հովհաննիսյանը,
▫️ Երևանի մամուլի ակումբի նախագահ Արթուր Պապյանը,
▫️ Մեդիա նախաձեռնությունների կենտրոնի մեդիագրագիտության ծրագրի տնօրեն Անի Եղիազարյանը։
👥 Հանդիպմանը մասնակցում էին լրատվամիջոցների և հասարակական կազմակերպությունների ներկայացուցիչներ, լրագրողներ, ինչպես նաև Շիրակի մարզպետի աշխատակազմի հանրային կապերի պատասխանատուն։
#ՓաստահենԼրագրություն #Մեդիագրագիտություն #Ապատեղեկատվություն #Գյումրի #ԵրևանիՄամուլիԱկումբ #NewDemocracyFund
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com
Դավիթ Առուշանյանը հրաժարվել է պատգամավորի մանդատից և կշարունակի պաշտոնավարել որպես Շիրակի մարզպետ
Շիրակի մարզպետ Դավիթ Առուշանյանը հայտարարել է, որ հրաժարվել է Հայաստանի Հանրապետության Ազգային ժողովի պատգամավորի մանդատից և շարունակելու է պաշտոնավարել որպես Շիրակի մարզպետ։
Նրա խոսքով՝ իր առաջնահերթությունը Շիրակի մարզի զարգացմանը, ենթակառուցվածքների բարելավմանն ու նոր ծրագրերի իրականացմանն ուղղված աշխատանքների շարունակությունն է։
«Ինձ համար պետական ծառայությունը պատասխանատվություն է մարդկանց հանդեպ։ Շարունակելու եմ հետևողականորեն աշխատել՝ հանուն Շիրակի և Գյումրու զարգացման, նոր ծրագրերի իրականացման և ենթակառուցվածքների բարելավման։
Շնորհակալ եմ Շիրակի մարզի բնակիչներին վստահության և համագործակցության համար։ Անելու եմ հնարավորը՝ արդարացնելու ձեր սպասումները»,- գրել է նա։
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com
Քննարկվել է ՔՀԿ-ներին, ԶԼՄ-ներին և կուսակցություններին քաղաքացիների կողմից աջակցություն ցուցաբերելու նոր մեխանիզմը
ՀՀ կառավարությունում քննարկվել է համընդհանուր հայտարարագրման համակարգի միջոցով քաղաքացիական հասարակության կազմակերպություններին, զանգվածային լրատվության միջոցներին և քաղաքական կուսակցություններին ֆինանսական աջակցություն ցուցաբերելու նոր մեխանիզմի ներդրման հնարավորությունը։
Վարչապետ Նիկոլ Փաշինյանի գլխավորությամբ տեղի ունեցած խորհրդակցության ընթացքում ներկայացվել է առաջարկ՝ ֆիզիկական անձանց եկամուտների հայտարարագրման համակարգի շրջանակում ներդնել սոցիալական հատկացումների կամ ծախսերի նոր համակարգ։ Այն հնարավորություն կտա քաղաքացիներին աջակցել իրենց նախընտրած հասարակական, լրատվական կամ քաղաքական կառույցներին՝ թափանցիկ և հաշվետու եղանակով։
Ըստ ՀՀ կառավարության հաղորդագրության՝ նոր համակարգի ներդրմամբ ակնկալվում է խթանել հայտարարագրերի ներկայացումը, նպաստել ՔՀԿ-ների և ԶԼՄ-ների ֆինանսական անկախությանը, ինչպես նաև բարձրացնել նրանց գործունեության հաշվետվողականությունն ու թափանցիկությունը։
Քննարկման ընթացքում ընդգծվել է նաև քաղաքական ինստիտուտների զարգացման կարևորությունը։ Ամփոփելով խորհրդակցությունը՝ վարչապետը հանձնարարել է ներկայացված դիտարկումների հիման վրա նախագիծը բերել վերջնական տեսքի։
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com
Բրյուսովի համալսարանի ամբիոնի վարիչը՝ կաշառքի մեղադրանքով
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստանալու մեջ. նրա վերաբերյալ նախաքննությունն ավարտվել է
ՀՀ ազգային անվտանգության ծառայության կողմից իրականացված օպերատիվ-հետախուզական միջոցառումների արդյունքում ՀՀ հակակոռուպցիոն կոմիտեում նախաձեռնված քրեական վարույթով հիմնավորվել է, որ Վ. Բրյուսովի անվան պետական համալսարանի պաշտոնատար անձն իր ծառայողական լիազորություններն օգտագործելով, հովանավորչություն կատարելու համար ստացել է կաշառք:
Մասնավորապես՝ նախաքննությամբ պարզվել է, որ հիշյալ պաշտոնատար անձը կազմակերպել է համալսարանի նույն ամբիոնի երկու դասախոսների՝ դասապրոցեսների ընթացքում չնախատեսված արձակուրդ տրամադրելու, դասաժամերն այլ դասախոսներին բաշխելու գործընթացը և դրա դիմաց 2025 թվականի հոկտեմբերին որպես կաշառք ստացել տարբեր չափերի գումարներ:
Բացի այդ, ամբիոնի վարիչն ասպիրանտի օգտին հովանավորչության, այն է՝ ատենախոսության պաշտպանության գործընթացն անխոչընդոտ կազմակերպելու նպատակով ընդունել է վերջինիս կաշառք տալու առաջարկը և 2025 թվականի դեկտեմբերին նրանից որպես կաշառք ստացել ոսկյա զարդ։
Ամբիոնի վարիչին մեղադրանք է ներկայացվել ՀՀ քրեական օրենսգրքի 435-րդ հոդվածի 2-րդ մասի 3-րդ կետով (3 դրվագ), իսկ նրան կաշառք տված 3 դասախոսներին՝ ՀՀ քրեական օրենսգրքի 436-րդ հոդվածի 2-րդ մասի 3-րդ կետով: Ամբիոնի վարիչի նկատմամբ որպես խափանման միջոցներ են կիրառվել բացակայելու արգելքը և պաշտոնավարման կասեցումը:
Քրեական վարույթով նախաքննությունն ավարտվել է, և վարույթի նյութերը մեղադրական եզրակացությամբ ուղարկվել են հսկող դատախազին՝ այն հաստատելու և դատարան ուղարկելու միջնորդությամբ:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com
Բրյուսովի համալսարանի ամբիոնի վարիչը՝ կաշառքի մեղադրանքով
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստանալու մեջ. նրա վերաբերյալ նախաքննությունն ավարտվել է
ՀՀ ազգային անվտանգության ծառայության կողմից իրականացված օպերատիվ-հետախուզական միջոցառումների արդյունքում ՀՀ հակակոռուպցիոն կոմիտեում նախաձեռնված քրեական վարույթով հիմնավորվել է, որ Վ. Բրյուսովի անվան պետական համալսարանի պաշտոնատար անձն իր ծառայողական լիազորություններն օգտագործելով, հովանավորչություն կատարելու համար ստացել է կաշառք:
Մասնավորապես՝ նախաքննությամբ պարզվել է, որ հիշյալ պաշտոնատար անձը կազմակերպել է համալսարանի նույն ամբիոնի երկու դասախոսների՝ դասապրոցեսների ընթացքում չնախատեսված արձակուրդ տրամադրելու, դասաժամերն այլ դասախոսներին բաշխելու գործընթացը և դրա դիմաց 2025 թվականի հոկտեմբերին որպես կաշառք ստացել տարբեր չափերի գումարներ:
Բացի այդ, ամբիոնի վարիչն ասպիրանտի օգտին հովանավորչության, այն է՝ ատենախոսության պաշտպանության գործընթացն անխոչընդոտ կազմակերպելու նպատակով ընդունել է վերջինիս կաշառք տալու առաջարկը և 2025 թվականի դեկտեմբերին նրանից որպես կաշառք ստացել ոսկյա զարդ։
Ամբիոնի վարիչին մեղադրանք է ներկայացվել ՀՀ քրեական օրենսգրքի 435-րդ հոդվածի 2-րդ մասի 3-րդ կետով (3 դրվագ), իսկ նրան կաշառք տված 3 դասախոսներին՝ ՀՀ քրեական օրենսգրքի 436-րդ հոդվածի 2-րդ մասի 3-րդ կետով: Ամբիոնի վարիչի նկատմամբ որպես խափանման միջոցներ են կիրառվել բացակայելու արգելքը և պաշտոնավարման կասեցումը:
Քրեական վարույթով նախաքննությունն ավարտվել է, և վարույթի նյութերը մեղադրական եզրակացությամբ ուղարկվել են հսկող դատախազին՝ այն հաստատելու և դատարան ուղարկելու միջնորդությամբ:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com
Ուժեղ քամու հետևանքները մի շարք մարզերում․ փրկարարները իրականացրել են օպերատիվ աշխատանքներ
Հուլիսի 6-ին՝ ժամը 16:52-ից սկսած, ՆԳՆ 112 օպերատիվ կառավարման կենտրոնում ստացվել են բազմաթիվ ահազանգեր ուժեղ քամու հետևանքով առաջացած դեպքերի վերաբերյալ՝ Արմավիրի, Լոռու, Կոտայքի և Տավուշի մարզերից։
Ուժեղ քամու հետևանքով վնասվել են շենքերի տանիքներ, թիթեղյա ծածկեր, պարիսպներ, գազատար խողովակներ, էլեկտրական լարեր և ավտոմեքենաներ։ Բացի այդ, տապալվել են ծառեր, թեքվել էլեկտրասյուներ, իսկ մի շարք ճանապարհներ ժամանակավորապես փակվել են։
ՆԳՆ Փրկարար ծառայության համապատասխան ստորաբաժանումներն օպերատիվ արձագանքել են ստացված բոլոր ահազանգերին։
Դեպքի վայրերում իրականացվել են տապալված ծառերի մասնատման և հեռացման, պոկված ծածկերի ապամոնտաժման, վտանգավոր տարածքների սահմանազատման, ինչպես նաև իրավիճակի հետևանքների վերացմանն ուղղված այլ անհրաժեշտ աշխատանքներ։
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com
Դատախազությունը միջնորդել է դադարեցնել Սևանի ափամերձ հողամասի կառուցապատման իրավունքը
Դատախազությունը միջնորդագիր է ներկայացրել «Սևան» ազգային պարկ» ՊՈԱԿ-ին՝ Սևանա լճի ափամերձ՝ 1215 քմ մակերեսով հողամասի կառուցապատման իրավունքը դադարեցնելու վերաբերյալ
Գլխավոր դատախազության պետական շահերի պաշտպանության վարչությունը միջնորդագիր է ներկայացրել «Սևան» ազգային պարկ» ՊՈԱԿ-ի (այսուհետ՝ ՊՈԱԿ) տնօրենին և Շրջակա միջավայրի նախարարության գլխավոր քարտուղարին՝ 2008 թվականի հուլիսի 3-ին ՊՈԱԿ-ի և «Ռաֆիկ և Գոռ Գասպարյաններ» ՍՊԸ-ի միջև կնքված՝ Սևանա լճի ափամերձ՝ 1215 քմ մակերեսով հողամասի կառուցապատման իրավունքը դադարեցնելու ուղղությամբ միջոցներ ձեռնարկելու վերաբերյալ:
Գլխավոր դատախազության պետական շահերի պաշտպանության վարչությունը, պետական (համայնքային) շահերի պաշտպանության հայց հարուցելու լիազորության շրջանակում, ուսումնասիրել է ՊՈԱԿ-ի և ՍՊԸ-ի միջև կնքված կառուցապատման պայմանագիրը և վերաբերելի փաստաթղթերը: Ուսումնասիրության արդյունքում պարզվել է, որ վարձակալության պայմանագրի գործողության ժամկետը սահմանված է եղել մինչև 2011 թվականի հուլիսի 2-ը, սակայն, ըստ Կադաստրի կոմիտեի կողմից տրված տեղեկանքի, պայմանագրից ծագող կառուցապատման իրավունքը դադարեցված չէ:
Վերոշարադրյալի հիման վրա, ինչպես նաև հաշվի առնելով այն հանգամանքը, որ պայմանագրի համաձայն՝ պայմանագրով սահմանված ժամկետի ավարտից հետո, առանց սեփականատիրոջը նախօրոք ծանուցելու, հողամասի տիրապետումն ու օգտագործումը կառուցապատողի կողմից չդադարեցնելը հիմք չէ պայմանագրի նորոգման կամ ժամկետի երկարաձգման համար՝ ՊՈԱԿ-ին միջնորդագիր է հասցեագրվել՝ կառուցապատման իրավունքի պետական գրանցումը դադարեցնելու ուղղությամբ միջոցներ ձեռնարկելու վերաբերյալ:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com
Ծառուկյանի առանձնատնից առգրավվել են 190 խրտվիլակ, 3 առյուծ և 1 վագր․ ՔԿ
ՀՀ քննչական կոմիտեի Կոտայքի մարզային քննչական վարչությունում վայրի կենդանիների և թռչունների ապօրինի որսի դեպքի առթիվ նախաձեռնված քրեական վարույթի նախաքննության շրջանակում Գագիկ Ծառուկյանին պատկանող առանձնատնից առգրավվել են տարբեր կենդանիների և թռչունների 190 խրտվիլակ, ինչպես նաև 3 առյուծ և 1 վագր։
Քննչական կոմիտեի տեղեկացմամբ՝ առգրավված կենդանիները ճանաչվել են որպես իրեղեն ապացույց և տեղափոխվել կենդանաբանական այգի։
Նախնական տվյալներով՝ ապօրինի որսի հետևանքով շրջակա միջավայրին պատճառվել է շուրջ 30 միլիոն դրամի վնաս։
ՔԿ-ն հայտնում է նաև, որ առանձնատանը պահվող մյուս կենդանիները նախատեսվում է առգրավել առաջիկա օրերին և հանձնել պատասխանատու պահպանության։ Քրեական վարույթի նախաքննությունը շարունակվում է։
Միաժամանակ, ԲՀԿ մամուլի խոսնակ Իվետա Տոնոյանը հուլիսի 7-ին լրագրողների հետ զրույցում հայտարարել է, որ Գագիկ Ծառուկյանի առանձնատանը պահվող կենդանիները գտնվել են լավագույն պայմաններում, իսկ դրանց պահպանման համար առկա են եղել օրենքով սահմանված անհրաժեշտ թույլտվությունները։ Նրա խոսքով՝ կենդանիների համար ապահովված են եղել համապատասխան խնամքի և պահպանության պայմաններ։
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com