Տեսանյութեր

Զարգացման ծրագրից մինչև «ձեռ առնոցի»․ կայացավ Գյումրու ավագանու նիստը

Գյումրու ավագանու այսօր տեղի ունեցած նիստում ներառված էր 34 հարց, այդ թվում հնգամյա զարգացման ծրագիրը։ ՔՊ խմբակցությունն ամբողջ կազմով դեմ քվեարկեց ծրագրին, մյուս խմբակցություններն իրենց առաջարկներն արդեն տեսել էին թարմացված ծրագրի նախագծում, ուստի կողմ քվեարկեցին։

Սարիկ Մինասյանն էլ հորդորեց ծրագրում կոնկրետացնել, թե քանի տարում ի՞նչ արդյունք են խոստանում։

Անճանաչելի և զարգացած Գյումրի ունենալու գաղափարը, Մայր Հայաստան խմբակցությունը շարունակում է օրակարգային պահել․, Գյումրին ազատ տնտեսական գոտի դարձնելու համար ավագանուն անունից ցանկանում են ուղերձով դիմել կառավարությանը։ Մայր Հայաստան խմբակցության ղեկավարը հիշեցրեց, որ իրենց  քաղաքական ուժի կողմից անցկացվել էր հանրաքվե, որում ներառված էին 7000 գյումրեցու կարծիք։
Սիմոնյանը վստահեցրեց, որ սա միակ հեռանկար ունեցող ծրագիրն է, բայց ՔՊ խմբակցությունից Լևոն Անանյանի հակադարձումը իրավիճակը թեժացրեց։ Նախ պետք է իմանալ քանի տնտեսական գոտի կա,  նշեց Անանյանը։

Չնայած բուռն քննարկմանը, ծրագիրն ընդունվեց 18 կողմ և ՔՊ խմբակցության անդամների 13 ձեռնպահ քվեարկությամբ։ Գյումրու համայքնապետ Վարդան Ղուկասյանն էլ հորդորեց դադարեցնել բանավեճն ու ևս մեկ անգամ հիշեցրեց․ քաղաքը զարգացնելու համար պետք է նաև կառավարությունն ավելացնի քաղաքին հատկացվող բյուջեն, հակառակ պարագայում խոստանում է հասնել մինչև Եվրոպական դատարան։

Հաջորդիվ օրակարգային հարցերից էին ավագանու նախկին որոշումներում փոփոխություն կատարելն ու դրամական հատկացումները, այդ թվում <<Գյումրու օր>> ամենամյա տոնակատարության համար, որն ավագանու որոշմամբ հանվեց օրակարգից․ քաղաքի օրն այս տարի չի նշվի։

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com

Ռուսաստանը դաշնակի՞ց, թե՞ սպառնալիք․բողոքի ակցիա Գյումրիում

Այսօր ՀՀ անկախության օրը Գյումրիում իրարից անկախ, բայց նույն կառույցին ուղղված ակցիաներ էին։ Օրակարգային թեման ռուսական 102-րդ ռազմաբազան էր։

Ռուսամետ ուժերը՝ Կոմունիստական կուսակցության գլխավորությամբ, աջակցություն էին հայտնում հայ-ռուսական բարեկամությանը և ռազմաբազայի առկայությունը կարևորում, մինչդեռ եվրոպամետ ուժերը՝ «Հանուն Հանրապետության» կուսակցության հիմնադիր Արման Բաբաջանյանի գլխավորությամբ, պահանջում էին ռուսական զորքերի հեռացումը։ Կողմերից երկուսն էլ վստահ են իրենց համոզմունքներում, ըստ որի ներկա են այստեղ։ Մի կողմը չի պատկերացնում երկրի ապագան առանց Ռուսաստանի։

Մյուս կողմը այլևս անթույլատրելի է համարում ռուսական զորքի ներկայությունը Հայաստանում։

Ոստիկանների ներկայությունը կողմերին զերծ պահեց բախումներից։ Եվրոպամետ ուժերի ներկայացուցիչներն էլ ընդգծում են՝ ակցիան ավարտվեց, բայց իրենց ապագա տեսլականներում միևնույն է, Ռուսաստանը որպես դաշնակից սպառել է իրեն, նշում են ակցիայի մասնակիցները։

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com

«Շատ թույլ ծրագիր է»․ Գյումրու ավագանու արտահերթ նիստում չընդունվեց համայնքի հնգամյա զարգացման ծրագիրը

Այսօր կայացած Գյումրու ավագանու արտահերթ նիստի օրակարգի կարևոր հարցերից մեկը քաղաքի հնգամյա զարգացման ծրագրի հաստատումն էր։ Ծրագրի շուրջ բուռն քննարկում տեղի ունեցավ։ «Քաղաքացիական պայմանագիր» խմբակցության ղեկավար Սարիկ Մինասյանը փաստաթուղթը համարեց գեղեցիկ շարադրված, սակայն նկատեց՝ Յուրի Վարդանյանի անվան պուրակի հիմնումը ներառված է ծրագրում, բայց հողամասը օտարված է։ «Այդ օտարված հողամասի վրա նախկին իշխանությունները սուբվենցիոն ծրագրով իրականացրել են բարեկարգման, կառուցապատման ծրագիր, հիմա կիսատ է մնացել, էդ հողը, եթե չեմ սխալվում 2005 թվին է օտարվել։

Այսինքն էստեղ խնդիր կա, մենք ներառել ենք ծրագրում, բայց հողն օտարված է, սեփականության իրավունքով պատկանում է ֆիզիկական անձի, մենք կառուցում ենք պուրակ»,-նշեց Սարիկ Մինասյանը։ Անդրադառնալով սպորտդպրոցներին, երաժշտական դպրոցներին, նա նաև նշեց, որ դրանց 80 տոկոսը քայքայված է, անմխիթար վիճակում է գտնվում և առաջարկեց զարգացման ծրագրում նշել, թե կոնկրետ որ տարում՝ քանի դպրոց են վերանորոգելու։ «Մեր քաղաքը վերջին տարիներին տուրիզմի զարգացման ուղու վրա է, այլ հետաքրքրություններ է պետք ստեղծել, որ մարդիկ գան Գյումրի, այդ առումով շատ թույլ, կոնկրետ թիրախային բաներ չտեսանք»,- շեշտեց Սարիկ Մինասյանը։ Նա նաև նշեց, որ պիտի ներառել՝ ինչպիսի ծրագրեր ենք ունենալու քաղաքի տրանսպորտային պարկը, ավտոբուսնեը թարմացնելու համար։

Սարիկ Մինասյանի հարցադրումներին անձամբ պատասխանեց քաղաքապետ Վարդան Ղուկասյանը։ Յուրի Վարդանյանի պուրակը հետ կապված Վարդան Ղուկասյանը նշեց, որ հետևողական կլինեն ու տվյալ քաղաքացու հետ հարցը կլուծեն, հայտարարի կգան։ Իսկ սպորտդպրոցների, մանկապարտեզների անմխիթար վիճակի հետ կապված Վարդան Ղուկասյանն ասաց․ «Գյումրի քաղաքի բյուջեն առ ոչինչ է, հանրապետական բյուջեից պետք է մասհանումներ անեն շատ լուրջ գումարներ, որպեսզի Գյումրին կարողանա գոյատևել։ 37 տարի մենք ասում ենք՝ ամենաանապահով խավն ապրում է Գյումրիում, երկրի բյուջեից 2026 թվականին նախատեսել են 4 միլիարդ 550 միլիոն, ինչքան գիտեմ, դոտացիայի մասով, որը շատ քիչ է։Կարելի է հնգամյա ծրագրի մեջ էնքան բան առաջարկել, բայց գումարների մասին պիտի ասենք՝ որտեղից։ Դրա համար ես հիմա դիմել եմ ՀՀ վարչապետին, Ազգային ժողովի խմբակցություններին՝ դիմություն, ընդդիմություն, որ կարողանան որոշակի մասհանումներ անեն աղետի գոտու՝ հենց Գյումրի քաղաքի նկատմամբ մանավանդ»,-ասաց Վարդան Ղուկասյանը։

Ավագանու գրեթե բոլոր խմբակցությունների ղեկավարներն ու անդամները քննադատեցին քաղաքի զարգացման հնգամյա ծրագիրը։ «Քաղաքացիական պայմանագիր» խմբակցությունը դեմ արտահայտվեց նախագծին` այն համարելով բավական թույլ։

«Մեր քաղաքը» դաշինքը ևս հայտարարեց, որ դեմ է քվեարկելու։ Քաղաքապետ Վարդան Ղուկասյանը այն հանեց օրակարգից՝ լրամշակելու, առաջարկություններն ու դիտարկումները տասնօրյա ժամկետում ներառելու ու նոր միայն ավագանու հաստատմանը ներկայացնելու համար։

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com

«Դոլյա Վորովսկայա»-ի երգի արձանգանքներն ու պարզաբանումները

Երեկ համացանցում տարածված տեսանյութի հետ կապված, որտեղ Գյումրու կենտրոնում գործող շատրվանները «պարում» էին ռուսական՝ քրեական ենթամշակույթի տարրեր պարունակող «Դոլյա Վորովսկայա»-ի երգի տակ, ֆեյսբուքյան իրենց էջերում անդրադարձել էին ՀՀ Տարածքային կառավարման և ենթակառուցվածքների նախարարը, Շիրակի մարզպետն ու Քաղաքացիական պայմանագիր խմբակցության պատգամավորները, իսկ Գյումրու ավագանու ՔՊ խմբակցության ղեկավար Սարիկ Մինասյանը պաշտոնական պարզաբանում էր պահանջել Գյումրու քաղաքապետից՝ տեղի ունեցածը համարելով անթույլատրելի։

Պաշտոնական պարզաբանում եմ պահանջել՝ տեղի ունեցածը համարելով անթույլատրելի

Ի պատասխան հնչած երգի արձագանքներին, Գյումրու քաղաքապետարանը պարզաբանել է, որ տեղի ունեցածը տեխնիկական խոտանի հետևանք է

Գյումրու քաղաքապետարանը պարզաբանել է

Այս մասին իր պաշտոնավարման 100-րդ օրվա առթիվ հրավիրած մամուլի ասուլիսում Գյումրու քաղաքապետ Վարդան Ղուկասյանը դարձյալ անդրադարձել է՝ որակելով այն հաքերների կողմից արված դիտավորյալ քայլ։

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com