Տեսանյութեր

«Իշխանություն զավթելը մեր ձեռագիրը չէ»․ չկայացած արտահերթ նիստով՝ դեպի արտահերթ ընտրություններ

Գյումրու ավագանու արտահերթ նիստին ներկա էին միայն նիստը հրավիրող ՔՊ ավագանու 11 անդամներ և քվորումի բացակայության պատճառով նիստը չկայացավ: Հարցին, թե ինչու՞ չէին ներկայացել մյուս ուժերի ներկայացուցիչները, պատասխանները համընկնում էին՝ իրենք շոուի մաս կազմել չեն ուզում: Ավագանու ՔՊ խմբակցության ղեկավար Քնարիկ Հարությունյանն էլ նշում է` նիստը հրավիրել էին ըստ օրենքի պահանջի: Իր խոսքով,«Քաղաքացիական պայմանագիրը» այս նիստում չէր պատրաստվում քաղաքապետի թեկնածու առաջադրել կամ քվեարկել այլ խմբակցությունների կողմից առաջադրվելիք թեկնածուների օգտին: Նշենք նաև, որ եթե երկշաբաթյա ժամկետում ավագանին չկարողանա նիստ հրավիրել և քաղաքապետ ընտրել, ավագանին կլուծարվի: Արդյոք սա չի վկայում, որ «ՔՊ-ն շտապում է արտահերթ ընտրություններով զավթել Գյումրու իշխանությունը» հարցին, Հարությունյանը պատասխանում է։

Կառավարման ճգնաժամ Գյումրիում․ ո՞վ է քաղաքապետի հավանական թեկնածուն

Ի գործ ու ի շահ քաղաքի խոստումը Բալասանյան դաշինքի ու ՔՊ-ի կողմից դրժվեց հուշագրի չեղարկումով։ Ամիսներ առաջ խզված հուշագրին հաջորդեց երկու ուժերի առճակատումները ավագանու նիստերի օրակարգային տարբերի հարցերի շուրջ։

Սամվել Բալասանյանի որդու ձերբակալության օրվանից իրավիճակն ավելի սրվեց․ նախ, Բալասանյան դաշինքի ավագանիները չներակայացան նիստին, հետո նաև ակտիվ քննարկումներ ծավալվեցին դաշինքի ամբողջ կազմի, այդ թվում համայնքապետի կողմից մանդատներից հրաժարվելու շուրջ։

Սա շրջանառվող նորությունների մասով, իսկ արդեն պաշտոնապես Բալասանյան դաշինքի ավագանու ցուցակում ընդգրկված, բայց դեռ մանդատ չստացած 6 անձնացից 5-ը ինքնաբացարկ է ներկայացրել, որը թիվ 31 ընտրատարածքային հանձնաժողովը հոկտեմբերի 25-ին քննեց և քվեարկությամբ հաստատեց: Դաշինքից սեփական դիմումին համաձայն լիազորությունները դադարեցնում է նաև Գյումրու փոխքաղաքապետ Սուրեն Ջանոյանը, որն այս պահին գտնվում է տնային կալանքում:

Մինչ Բալասանյան դաշինքը լռում է և մամուլը սպասում է քաղաքական ուժի հայտարարությանը, Գյումրիում ակտիվ քննարկովում է քաղաքապետի ԺՊ-ի՝ Կարեն Սարուխանյանի անունը, ով մեզ որոշ մանրամասներ ներկայացրեց։

© progressgyumri.am  Armenian News / Analyses:

«Հայաստանի ապագան Ռուսաստանի հետ չեմ տեսնում»․ ԵՄ-ին անդամակցելու ստրագրահավաքը Գյումրիում

Ինչպես ֆիքսեց մեր տեսախցիկը, ճեպազրույցի ու իրազեկման գործընթացի հետ զուգահեռ Գյումրու քաղաքապետարանում շարունակվում էր ստորագրահավաքը, մարդկանց մի մասը հստակ սպասելիքներով է միանում այս գործընթացին, մյուսներն էլ լսել են օրինակ՝ հարևանից ու եկել ստորագրելու դեպի Եվրոպա տանող գաղափարի տակ։

«Այս պահին ստորագրահավաքի արդյունքները գոհացնող են, հաշված օրերի ընթացքում անհրաժեշտ 50.000 ստորագրության կեսից ավելին հավաքվել է», – նշում են նախաձեռնող խմբի անդամները։ Հովսեփ Խուրշուդյան «Ազատ քաղաքացի» ՀԿ նախագահ

Իսկ ի՞նչ է լինելու, եթե ստորագրության բավարար քանակը հավաքելուց հետո պարզվի, որ օրվա իշխանության օրակարգում դեպի երվրոպա ճանապարհը չկա։ Սարգսյանը, նախ փորձում է պարզաբանում գտնել, իսկ Արման Բաբաջանյանը հիշեցնում` թե ժողովրդավար երկրներում ո՞վ է օրակարգ թելադրողը։

2024 թվականի սեպտեմբերից մեկնարկած ստորագրավաքը ըստ կենտրոնական ընտրական հանձնաժողովի կավարտվի նոյեմբերի 14-ին։ 50,000 ստորգարություն ունենալուց հետո Խուրշուդյանը հույս է հայտնում, որ իշխանությունները հիմնավորված որոշում կկայացնեն։

© progressgyumri.am  Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com