Գյումրիում երկրաշարժից 32 տարի անց դեռ տնակային մանկապարտեզ կա
Գյումրիում երկրաշարժից 32 տարի անց դեռ տնակային մանկապարտեզ կա, իսկ 2 նոր մանկապարտեզ արդեն կառուցվում է
Նախորդ ուսումնական տարում Գյումրիում 3 տնակային մանկապարտեզ էր գործում, որտեղ հաճախում էր ավելի քան 200 երեխա: Այս ուստարում վիճակը կփոխվի, բայց դարձյալ տնակային մանկապարտեզներից քաղաքը չի ձերբազատվի: Ծիածան մանկապարտեզը դեռ կշարունակի գործել ժամանակավոր կառույցում ու նույնիսկ ծանրաբեռնված պայմաններում:
Ըստ Գյումրիի քաղաքապետարանի պատասխանատուի, Ծիածան մանկապարտեզի համար նոր շենք կառուցելու ծրագիր չկա, փոխարենը քաղաքի տնակային մյուս մանկապարտեզների բախտն է բերել: Գյումրիում տեղի ունեցած հեղեղի հետևանքով զգալի վնաս էր կրել ավտոկայան թաղամասի ,,Զանգակ,, մանկապարտեզի տնակային մասնաշենքը, ինչն էլ արագացրել էր ապամոնտաժումը:
Տնակային մնկապարտեզի տարածքում նոր շենք է կառուցվելու: Այդ նպատակին 200 մլն դրամ է հատկացվել: Գումարի մեծ մասը Հայաստանի զարգացման հիմնադրամի ներդրումն է, իսկ 20 մլն դրամը` Գյումրիի քաղաքապետարանինը: Շինարարությունը շուտով կսկսվի, մրցույթի անցկացման փուլն է ընթանում: Իսկ Գյումրիի մեկ այլ տնակային` ,,Սուրբ Մարիամ,, մանկապարտեզում շինաշխատանքները 3 ամիս է սկսված են: Տնակային շինությունն ապամոնտաժվել է, տեղում 75 երեխայի համար երկհարկանի նոր մանկապարտեզ է կառուցվում, դարձյալ զարգացման հիմնադրամի և Գյումրիի քաղաքապետարանի համաֆինանսավորմամբ:
10 բալ սեյսմակայունությամբ նոր մանկապարտեզում նորովի են ստեղծվելու սանհանգույցներն ու խոհանոցները: ,,Մասիս,, շինարարական ընկերության գլխավոր ինժեներն է նշում, որ ժամանակացույցից առաջ են անցել, հաջորդ տարի հուլիսին գյումրեցի փոքրիկներին կհանձնեն նոր մանկապարտեզ, արևային ջրատաքացուցիչներով , օդափոխության համակարգով ու ջեռուցման ժամանակակից լուծումներով:
Նոր ուսումնական տարին Գյումրիի մանկապարտեզներում կմեկնարկի սեպտեմբերի 15-ից, պարետի ցուցումներով երեխաների հաճախելիության նոր պայմաններ են սահմանվել: Նախկինում եթե թույլատրվում էր խմբերում մինչև 30 երեխա ունենալ, հիմա սահմանափակվելու են 12 երեխաներով: Թե որ մանկապարտեզը կբացվի, որը` ոչ, հայտնի դեռ հայտնի չէ:
Քաղաքապետարանը ծնողների հետ է քննարկելու մանկապարտեզների խոհանոցների բացվել-չբացվելու հարցը: Հայտնի է միայն, որ Գյումրիում մանկապարտեզները մինչ կորոնավիրուսի համաճարակը աշխատում էին 80 տոկոս բեռնվածությամբ: Բայց քաղաքի 0-6 տարեկան երեխաների միայն 40 տոկոսն է հաճախում մանկապարտեզ: Եթե հաճախելիության ցուցանիշը բարձրանա, Գյումրին նոր մանկապարտեզների կառուցման խնդիր կունենա:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Կ. Կազարովա
Նոր ուսումնական տարին նոր կանոններով
ՆՈՐ ՈՒՍՈՒՄՆԱԿԱՆ ՏԱՐԻՆ ՆՈՐ ԿԱՆՈՆՆԵՐՈՎ
Նոր ուսումնական տարին նոր կանոններով: Այս տարվա սեպտեմբերն ուսումնական բոլոր հաստատություններում կմեկնարկի անսովոր պայմաններում:
Դպրոցի մուտքի մոտ կջերմաչափվեն թե աշակերտները և թե մանկավարժները, նոր կորոնավիրուսի ներթափանցման բոլոր հնարավոր տարբերակները բացառելու համար:
Դասասենյակներում աշակերտների միջև հեռավորությունը պարտադիր կազմելու է 1,5 – 2 մետր, այսպիսին է դպրոցների համար սահմանված ուղեցույցի պահանջը: Գյումրիում արդեն որոշ կրթօջախներ հենց այդպես էլ կահավորել են դասասենյակները:
Գյումրիում աշակերտների թվով ամենամեծը համարվող թիվ 7 հիմնական դպրոցում դասերը միջանցքներում կազմակերպելու խնդիր չեն տեսնում, այստեղ արվում է հնարավորը աշակերտին դասարանում անվտանգ պահելու և առողջությունը չվնասելու ուղղությամբ:
Ըստ նախարարության կողմից սահմանված ուղեցույցի դպրոցներում դասի ժամին դիմակ կրելը պարտադիր է բոլորի համար, այլ է թե ինչպես է կարգավորվելու խնդիրը դիմակի բացակայության կամ այն վնասվելու դեպքում:
Թե օրական քանի դիմակ է դպրոցը տրամադրելու աշակերտին կամ ուսուցչին դեռ հստակ չէ, ամեն ինչ պարզ կդառնա գործնական կիրառությունից հետո: Առայժմ դպրոցներում ֆինանսական խնդիրներն են փորձում կարգավորել: Դիմակի, ախտահանիչ նյութերի և այլ պարագաների համար ծախսը յուրաքանչյուր դպրոց ինքն է հոգալու սեփական տնտեսումների հաշվին:
Նոր ուսումնական տարին ոչ թե հեռակա, այլ առկա ուսուցմամբ սկսելու գաղափարն իհարկե ողջունում են թե մանկավարժները, թե ծնողները, բայց այս պարագայում նաեվ չեն բացառում այլ խնդիրների առաջացման ռիսկերը:
Ըստ նախնական տվյալների Շիրակի մարզում այս տարի դպրոց կհաճախի մոտ 3000 առաջին դասարանցի, որոնց կյանքում հիշարժան այդ օրը բացառիկ կլինի բոլոր առումներով:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Մ. Դերբինյան
«Նոր կորոնավիրուսի ազդեցությունն ու հետևանքները տնտեսության վրա»
#Covid19 #economy
——————————————————————
Տնտեսությունն ամենազգայուն ոլորտներից է, որն անմիջապես արձագանքեց համավարակին ու վերջինիս պատճառով ստեղծված ճգնաժամին: Բոլոր երկրներում շուտափույթ մշակեցին բիզնեսին աջակցող ծրագրեր՝ ամենատարբեր ձևաչափերով: Մեր երկրում ևս ներդրվեցին աջակցման ծրագրեր:
Ոլորտն ի՞նչ չափի վնասներ կրեց և որքանո՞վ աջակցման ծրագրերն օգնեցին բիզնեսին:
——————————————————————
Ուղիղ հեռարձակում
🔴
ℹԲանախոսներ՝
➡Կարեն Հարությունյան – Ֆլորենս Գյումրի ռեստորանի տնօրեն
➡Ժաննա Չամաքյան – ‹‹Մետաքսե›› և‹‹Կերպար›› ապրանքանիշերի հիմնադիր, ‹‹Բեյբի հաուս›› զարգացման կենտրոնի հիմնադիր
➡Արտակ Մելիքյան –ART salon-ի հիմնադիր
🔗Համակարգող՝ Լիզա Գասպարյան
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgymri@gmail.com; progressgyumri@mail.ru
Երբ գալիս է սեպտեմբերը
Հայաստանյան քաղաքական դաշտը նախապատրաստվում է «թեժ աշնանը»։ Ըստ այդմ, քաղաքական հերթական «թեժացմանն» ընդառաջ՝ տեղի են ունենում որոշակի մեծ ու փոքր տեղաշարժեր, վերադիրքավորումներ, տարբեր ուժերի ու կենտրոնների կողմից ասելիքի ու անելիքի հստակեցումներ։ Այդ տեղաշարժերն ընթանում են գրեթե բոլոր դաշտերում ու քաղաքական հոսանքներում։ Քաղաքական թեժացման հարմար ազդակներն ու արտաքին զգեստավորումներն էլ կան՝ ի դեմս սեպտեմբերին վերսկսվող խորհրդարանի նստաշրջանի ու արտակարգ դրության վերացման։
Իշխանության սահուն «լճացումը»
Քաղաքական թեժ աշնան սպասումների համապատկերում նկատելի են իշխանության հանդեպ հասարակության մեջ առկա վերաբերմունքի որոշակի փոխոխությունները, որոնք ունեն ինչպես օբյեկտիվ, այնպես էլ սուբյեկտիվ հիմքեր ու դրդապատճառներ։
Ամբողջ ամռան ընթացքում կոնկրետ շրջանակների կողմից (հիմնականում նախկին իշխանության ու դրանց մերօրյա հաճախորդների) գեներացվում էին իշխանության նկատմամբ դժգոհության ու անվստահության տրամադրությունները՝ ինչպես կեղծ ու արդեն սովորական դարձած՝ չարչրկված օրակարգերով (ապազգայնություն ու ազգային արժեքներ, սեռականություն ու ԼԳՏՊ, Սորոս, ու դավադրական ծրագրեր, Արցախի հանձնում ու պետական դավաճանություն), այնպես էլ սոցիալական բնույթի խնդիրները, որոնց կենտրոնում համավարակի պատճառով առաջացած իրավիճակն ու դժվարություններն են, ըստ այդմ էլ՝ մեղադրանքները իշխանության հասցեին հակահամաճարակային պայքարը ձախողելու, մինչեւ անգամ՝ մահերի համար։
Իշխանության հանդեպ հանրային-քաղաքական շրջանակներում կան նաեւ այլ կարգի դժգոհություններ ու անհամաձայնություններ, որոնց, սակայն, քաղաքական բոլորովին այլ դաշտից են՝ հակառակ բովանդակությամբ ու ասելիքով։ Այստեսակ դժգոհությունների կարճ ու ամփոփ ձեւակերպումն այն է, որ իշխանությունն հեռացել է հեղափոխական արժեքներից, դավաճանել հեղափոխությանը, լճացել ու հարմար տեղավորվել այդ ճահճացած իրականության մեջ։
Հեղափոխական ուժերի ջրբաժանը
Այսպիսի կարծիքներ հնչում են հեղափոխությանը ակտիվորեն մասնակցած ուժերի կողմից՝ Հայ ազգային կոնգրես, «Ժառանգություն», «Քաղաքացու որոշում» կուսակցություններ, «Սասնա ծռեր» ու նորաստեղծ Ազգային-ժողովրդավարական բեւեռ։
Իշխանության հանդեպ հիշյալ ուժերի հիմնական ընդդիմախոսությունը հեղափոխությունը ավարտին չհասցնելու ու համակարգային, արմատական բարեփոխումները տապալելու, ձախողելու հարցերի շուրջ է։
Այս առումով, ընդսմին, շեշտադրվում են դատաիրավական համակարգում ընթացող գործընթացները, Սահմանադրական դատարանի դատավորների թեկնածուներ առաջադրելու՝ կառավարության անհասկանալի քայլերը, նախկին կոռուպցիոներների դեմ պայքարի անվճռականությունը, Մարտի 1-ի դատավարության դանդաղկոտությունը եւ դրա արդյունքում հիմնական մեղադրյալ Ռոբերտ Քոչարյանի քաղաքական ակտիվացումը, իշխանության կադրային քաղաքականության՝ հաճախ անտրամաբանական որոշումները։
Ինչքան էլ իշխանությունն համաձայն չլինի այս քննադատությունների հետ ու փորձի հակադարձումներ անել (օրինակ, օրերս վարչապետ Նիկոլ Փաշինյանն հայտարարեց, թե պետք չէ հեղափոխությունը պաշտպանել մեզանից ու այս թեմային մեջ, անուններ չտալով, քար քցեց ՀԱԿ-ի բոստանը), այստեսակ մեղադրանքները ունեն որոշակի օբյեկտիվ հիմքեր, որոնք երեւում են ինչպես վերը նշված ուժերի դիրքորոշումներում, այնպես էլ հանրության որոշակի հատվածների տրամադրություններում։
«Առաջնորդության» պայքար նախկինների շրջանում
Նախկին իշխանության եւ դրա արբանյակների ասելիքն ու գործելակերպը երկու տարվա ընթացքում չի փոխվել, դժվար էլ փոխվի, քանի որ նրանք մնացել են իրենց ավանդական համակարգի արժեհամակարգային տիրույթում ու այդտեղից են փորձում պայքարել իշխանության դեմ։ Կա նաեւ ներքին պայքար՝ առաջնորդության համար։ Այդ ներքին պայքարն ընթանում է հիմնականում երեք կենտրոնների միջեւ՝ Սերժ Սարգսյան ու ՀՀԿ, Ռոբերտ Քոչարյան ու իր շրջապատ, երեք ուժերի դաշինք՝ ԲՀԿ, ՀՅԴ, «Հայրենիք» կուսակցություն։
Այս ուժերն առայժմ լոկալ քայլեր են անում՝ ինչպես իրենց առաջիկա քայլերի նախապատրաստման տիրույթում, այնպես էլ «առաջնորդության» մրցապայքարում ետ չմնալու ու ասպարեզում երեւալու համար։
Սերժ Սարգսյանը, ասենք, ասուլիս է կազմակերպում Ապրիլյան պատերազմի թեմայով՝ խոստանալով այլ հարցերի շուրջ եւս նմանատիպ ասուլիսներ անցկացնել։ Իսկ ապրիլյանի շուրջ ասուլիսը ուղիղ կապ ունի ներկայում ընթացող զարգացումների ու խորհրդարանական հանձնաժողովի կողմից առաջիկայում հրապարակվելիք եզրակացության հետ։
Ռոբերտ Քոչարյանը նախորդ «բազմաթեմա» ասուլիս հետո հանդիպում է տնտեսական լրագրողների հետ եւ իր բնույթին համապատասխան՝ գովերգում սեփական իշխանության տարիների տնտեսական քաղաքականությունը ու փնովում երկրի ներկայիս տնտեսական վիճակը։
ԲՀԿ-ՀՅԴ-«Հայրենիք» դաշինքը իշխանությանը սպառնում է ինչպես առաջիկայում անցկացվելիք «հուժկու» հանրահավաքներով, այնպես էլ իշխանությանը դատի տալիս համավարակի դեմ պայքարը ձախողելու համար։ Մասնավորապես, երեք կուսակցությունները Հատուկ քննչական ծառայություն հաղորդում էին ներկայացրել ՀՀ օրենսդիր, գործադիր և այլ բարձրաստիճան պաշտոնյաների հնարավոր հանցակցության մասին: Նաեւ մշակում են արտակարգ դրության իրավական ռեժիմի խախտման պատճառով կիրառված տուգանքները չեղարկելու մասին նախագիծ, որն առաջիկայում ՀՀ Ազգային ժողովում շրջանառության մեջ կդնի «Բարգավաճ Հայաստան» խմբակցությունը:
Առջեւում քաղաքական «թեժ» սեպտեմբերն է։
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Հ. Կիրակոսյան
🎓«Կրթությունը որբի գլուխ չի, ով ուզի գա ու կտտացնի» Ս.Հայրապետյան
🔴🎥
#Կրթություն #ԿԳՄՍ
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
«Տուրիզմի և ժամանցի զարգացումը մարզի գյուղական համայնքներում»
«Տուրիզմի և ժամանցի զարգացումը մարզի գյուղական համայնքներում» թեմայով:
#shirak #region #tourism
————————————————————————-
🇪🇺 Եվրոպական միության կողմից ֆինանսավորվող «Քաղաքացիների ձայնն ու գործունեությունը Հայաստանի խոշորացված համայնքներում» ծրագիրը նախատեսվում է իրականացնել 30 ամիս ժամկետում։ Ծրագրի նպատակն է աջակցել և ընդլայնել խոշորացված համայնքների կարողությունները՝ տեղական զարգացման կայուն մասնակցային ծրագրեր մշակելու և իրականացնելու գործում։ Ծրագիրն իրականացվելու է ՀՀ 52 խոշորացված համայնքում, այդ թվում նաև՝ Շիրակի մարզում։ Այս ծրագրերի շնորհիվ զարգացման հեռանկարները գյուղական համայնքներում այլևս անիրագործելի չեն թվա ու կնպաստեն տեղական զբոսաշրջության, բացօթյա ժամանցի և ստեղծարար ոլորտների զարգացմանը։
——————————————————————
Ուղիղ հեռարձակում
🔴
ℹԲանախոսներ՝
➡ Ջեմմա Հարությունյան – Ամասիա համայնքի ղեկավար
➡ Շուշան Վարդանյան – «Սարապատ՝գեղատեսիլ համայնք» ծրագրի ղեկավար
➡ Տիգրան Հակոբյան – Աշոցք համայնքի ղեկավարի օգնական
🔗Համակարգող՝ Մարինե Դերբինյան
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgymri@gmail.com; progressgyumri@mail.ru
«Աշխատանքային իրավունքների խախտումները արտակարգ դրության ընթացքում»
————————————————
Արտակարգ դրությամբ պայմանավորված նոր իրավիճակ ու աշխատանքային փոխհարաբերությունների թելադրվող նոր պայմաններ։ Փոխվեց աշխատանքային գրաֆիկը, վարձավճարը, պայմաններն ու նույնիսկ աշխատանքի վայրը։ Առանց այն էլ խնդիրներով ու խախտումներով հարուստ աշխատանքային իրավահարաբերությունները դարձան ավելի խոցելի, իսկ քաղաքացիները ավելի անպաշտպան։ Եթե պետական ոլորտը կարողացավ պահպանել աշխատատեղերը, ապա մասնավոր ոլորտում հարցերը ավելի շատ էին ու բազմաշերտ։ Աշխատանքային պայմանագրեր, օրավարձով վճարվողներ, աշխատանքից անհիմն ազատումներ, աշխատավարձի հետպահումներ կամ մասնակի վճարումներ։
Գործազրկության ցուցանիշներով առաջատար մարզում նոր իրավիճակը դարձավ ևս մեկ հնարավորություն խախտելու աշխատանքային իրավունքները։ Գործատուները համավարակի բերած տնտեսական ծանր հետևանքների քողի տակ սկսեցին արդարանալ, իսկ աշխատողները՝ ելքեր որոնել։
Աշխատանքային ի՞նչ իրավունքներ են խախտվել կոռոնավիրուսի հետևանքով առաջացած պայմաններում, ինչքանո՞վ են գյումրեցիները քաջատեղյակ ու հետևողական իրենց իրավունքներին, այս հարցերի պատասխաններին կարող եք ծանոթանալ՝ հետևելով մեր քննարկմանը։
————————————————-
Ուղիղ հեռարձակում
ℹԲանախոսներ՝
➡Հարություն Թադևոսյան- Գյումրիի կրթության և գիտության աշխատողների արհեստակցական կազմակերպությունների միության նախագահ
➡Գայանե Գևորգյան- «Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբան
➡Հերմինե Հովհաննիսյան-Ա.Դ.Սախարովի անվան մարդու իրավունքների պաշտպանության հայկական կենտրոն”-ի իրավաբան
➡Աշխատանքային ու առողջապահության տեսչության մասնագետ /դեռ հաստատված չէ/
🔗Համակարգող՝ Անահիտ Հարությունյան
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
🎓«Դպրոցների 90%-ը պատրաստ չէ ուսումնական դասընթացին».Ս.Հովսեփյան
🎓«Դպրոցների 90%-ը պատրաստ չէ ուսումնական դասընթացին».Ս.Հովսեփյան
🔴🎥
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
«Կվերաբացվեն գրադարաններն ու թանգարանները»
«Կվերաբացվեն գրադարաններն ու թանգարանները»
#Library #Museum
————————————————————————-
ՀՀ-ում արտակարգ դրության ժամկետի հերթական երկարաձգումից հետո որոշ սահմանափակումներ հանվեցին: Այսպիսով, գրադարաններն ու թանգարանները կվերաբացվեն: Այս փոփոխությունը ուժի մեջ կմտնի առաջիկա օրերին՝ ՀՀ պարետի համապատասխան որոշման հրապարակումից հետո: Ի՞նչ չափորոշիչներով են կազմակերպվելու աշխատանքները, մոտ 5-ամսյա դադարից հետո: Ի՞նչ խնդիրների առաջ կանգնեցին վերոնշյալ հաստատությունները անցած ամիսների ընթացքում և որո՞նք են լինելու դրանց լուծման ուղիները:
—————————————————–
Ուղիղ հեռարձակում
🔴
ℹԲանախոսներ՝
➡ Գևորգ Ամիրյան – Շիրակի մարզային գրադարանի տնօրեն
➡ Արա Պապանյան – Հովհաննես Շիրազի հուշատուն-թանգարանի տնօրեն
➡ Կարինե Վիրաբյան – Ավետիք Իսահակյանի հուշատուն-թանգարանի տնօրեն
🔗Համակարգող՝ Մարինե Դերբինյան
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
«Կորոնավիրուսի հետևանքները կրթության ոլորտում»
«Կորոնավիրուսի հետևանքները կրթության ոլորտում»
🔴🎥
#Covid19 #Education
——————————————————————
➡ Արդեն 5 ամիս է, ինչ համավարակի հետևանքով մեր կյանքի բոլոր ոլորտները շեղվել են իրենց բնականոն ընթացքից:Ամենազգայուն ոլորտը կրթական համակարգն է: Այս ոլորտը մարտ ամսից անցել է հեռավար կրթության, ինչը մեզանում նորություն էր` իր դրական և բացասական կողմերով: Ի՞նչ ազդեցություն թողեց համավարակը կրթության ոլորտի վրա և որքանո՞վ է անհրաժեշտ կրթական նոր չափորոշիչների կիրառումը ներկայում:
——————————————————————
ℹԲանախոսներ՝
➡Աստղիկ Հայրապետյան-բանասիրական գիտությունների թեկնածու, դոցենտ
➡Աստղիկ Սարիբեկյան-Շիրակի մարզի Հացիկի հիմնանական դպրոցի տնօրեն
➡Մարիետա Խաչատրյան- բանասիրական գիտությունների թեկնածու, դոցենտ, ՇՊՀ դասախոս, կրթության փորձագետ
🔗Համակարգող՝ Լիզա Գասպարյան
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgymri@gmail.com; progressgyumri@mail.ru