Ընտրության ներկայացած ընտրողը չի ընտրել
Թիվ 31/42 ընտրական տեղամասում ընտրություններն առանց խախտումների ու միջադեպերի չեն անցել, ընտրական օրվա ավարտին խոստովանում է հանձնաժողովի նախագահը:
Վերջնական արդյունքում, գրանցված 1606 ընտրողից, քվեարկությանը մասնակցել է 653-ը: ամբողջ օրվա ընթացքում հանձնաժողովականները հանդիպել են մարդկանց վերաբերմունքի ամենատարբեր դրսևորումների:
Տեղամասը փակվելուց րոպեներ առաջ ընտրության ներկայացած մի քաղաքացի էլ խախտելով քվեարկության կարգը, քվեախցում թողեց բոլոր քվեաթերթիկներն ու ծրարը ու հեռացավ տեղամասից առանց քվեաթերթիկը քվեատուփ նետելու:
Ընտրողի այս արարքը արձանագրելուց հետո, Ուղիղ ժամը 20-ին հանձնաժողովի նախագահը հայտարարեց ընտրության ավարտի մասին և ընտրողների առաջ փակվեցին ընտրատեղամասի դռները: առաջին հերթին կնիքվեց քվեատուփը, որից հետո առաջնորդվելով ԿԸՀ-ի կողմից սահմանված ուղեցույցով սկսվեց քվեարկության արդյունքների հաշվարկը:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
«Անկախ դիտորդ» դիտորդական առաքելության դիտարկման արդյունքները 18։00 դրությամբ
«Անկախ դիտորդ» դիտորդական առաքելությունն այսօր՝ հունիսի 20-ին, 2021 թ․ Ազգային ժողովի արտահերթ ընտրությունների քվեարկության օրը հետևում է ընտրությունների ընթացքին 200-ից ավել ընտրատեղամասերում, տարածքային և կենտրոնական հանձնաժողովներում:
Առաքելության դիտորդները ժամը 18:00-ի դրությամբ արձանագրել են հետևյալ խախտումները․
Քվեարկությունը քվեախցիկից դուրս իրականացնելու դեպքեր գրանցվել են դիտարկված տեղամասերի (84 տեղամաս) 38%-ում:
Մեկից ավելի անձանց մուտք քվեախցիկ արձանագրվել է դիտարկված տեղամասերի (70 տեղամաս) 31.5%-ում։ Ըստ դիտարկումների, սակայն, այս դեպքերի միայն 7 տոկոսում է եղել քվեարկությունը վերահսկելու դիտավորություն:
Վկայականը տեսանելի չկրելու դեպքեր գրանցվել են դիտարկված տեղամասերի (48 տեղամաս) 21.5%-ում:
Քվեարկելուց հետո քվեարկելու մասին այլ անձանց հայտնելու կամ բարձրաձայն հայտարարելու դեպքեր գրանցվել են դիտարկված տեղամասերի (34 տեղամաս) 15%-ում: Ընդ որում, տարբեր տեղամասերում քաղաքացիները, օրինակ, բացականչել են «Ապագան ընտրի», «Քոչարյան ընտրի, լավ կլինի», ցուցադրաբար պատռել են բոլոր քվեաթերթիկները մեկից բացի, ցույց են տվել տարբեր թվեր:
Հանձնաժողովի անդամների կողմից քաղաքացիներին քվեարկելու կարգը չներկայացնելու դեպքեր գրանցվել են դիտարկված տեղամասերի (38 տեղամաս) 17%-ում:
Դիտարկված տեղամասերի (20 տեղամաս) 10%-ում օգնողը չի հարցրել ընտրողի կամքը:
Քվեարկելուց հետո քվեասենյակից չհեռանալու դեպքեր գրանցվել են դիտարկված տեղամասերի 4․5%-ում:
Ընտրողներին ոչ բոլոր քվեաթերթիկներն են տրամադրվել (22 տեղամաս) տեղամասերի 10%-ում, քվեաթերթիկներ լուսանկարելու դեպքեր արձանագրվել են տեղամասերի 4%-ում, դուրս հանելու դեպքեր՝ 10%-ում:
Քվեաթերթիկների խոտանի նոր դեպքեր չեն արձանագրվել, սակայն նկատելի է, որ չօգտագործված քվեաթերթիկների արկղում քվեաթերթիկները հաճախ վնասվում են այնպես, որ դրանք հնարավոր չլինի օգտագործել:
Դիտարկված տեղամասերի (17 տեղամաս) 7.6%-ում զետեղված են եղել քարոզչական նյութեր կամ արվել են քարոզչական կոչեր: Ընդ որում, եղել են, օրինակ, «Հայաստան» դաշինքի համարով շապիկներ կրելու, «Քաղաքացիական պայմանագիր» կուսակցությանը քվեարկելու բարձրաձայն կոչերի, տեղամասում միմյանց «պատիվ ունեմ»-ով ողջունելու դեպքեր, որպես քարոզչանյութ օգտագործվել են շապիկներ, նոթատետրեր և այլն:
Դիտարկված տեղամասերի 28%-ում գրանցվել են դեպքեր, երբ ընտրողների անունները բացակայել են ընտրողների ցուցակում:
Դիտարկված տեղամասերի (38 տեղամաս) 17%-ում գրանցվել են դեպքեր, երբ վստահված անձինք փորձել են իրենց վրա վերցնել հանձնաժողովի նախագահի գործառույթները:
Վիճաբանություն է գրանցվել տեղամասերի (53 տեղամաս) 24%-ում՝ հիմնականում վստահված անձանց, ընտրողների, հանձնաժողովի անդամների, իսկ 6 դեպքում այլ տեղական ՀԿ-ների դիտորդների մասնակցությամբ: Այս վիճաբանությունների զգալի մասը «Անկախ դիտորդի» դիտորդների կողմից գնահատվել է որպես սադրանք:
Այլ անձի փոխարեն ստորագրելու դեպքեր գրանցվել են դիտարկված տեղամասերի 4.5%-ում:
Դիտարկված տեղամասերի (8 տեղամաս) 3․6%-ում գրանցվել են դեպքեր, երբ հանձնաժողովի անդամը ոչ բոլոր քվեաթերթիկներից է տվել ընտրողին:
Քվեաթերթիկները քվեասենյակից դուրս հանելու փորձեր եղել են դիտարկված տեղամասերի 14%-ում: Ընդ որում՝ դիտարկված տեղամասերի 2 տոկոսում այդ փորձերը ստացվել են:
«Անկախ դիտորդ» դիտորդական առաքելությունը օրվա ընթացքում ընտրական հանցագործությունների մասին 7 հաղորդում է ներկայացրել, այդ թվում՝ մեկը՝ նախապատրաստվող հանցագործության մասին:
Նշենք, որ դիտորդական առաքելությունը շարունակում է հետևել ընտրությունների ընթացքին տեղամասերում դիտորդների, շրջիկ դիտորդական խմբերի, ինչպես նաև ընտրատեղամասերում տեղադրված տեսախցիկների և լրատվամիջոցների մշտադիտարկման միջոցով:
Read more https://hcav.am/18-00-ind-obs/?fbclid=IwAR32e5igwgtNtkzmbNog2dWkq1nyKCbcTsinTAqquHDAkgPGyLplQ8CsZmE
Դիտորդական առաքելությությունն իրականացնում են «Անկախ դիտորդ» դաշինքի անդամ կազմակերպությունները՝
«Հելսինկյան Քաղաքացիական Ասամբլեայի Վանաձորի գրասենյակ» ՀԿ
«Իրազեկ քաղաքացիների միավորում» ՀԿ
«Գյումրու առաջընթաց» ՔՀԶԿ ՀԿ
«Ուղղակի ժողովրդավարություն» ՀԿ
«Ռեստարտ Գյումրի» /Գյումրու Ռեստարտ նախաձեռնությունների կենտրոն ՀԿ
«Կանանց իրավունքների տուն» ՀԿ։
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Միջազգային դիտորդներն ընտրախախտումների մասին կխոսեն վաղը
Ժամը 14-ի դրությամբ ընտրախախտման որևէ դեպք չէր գրանցվել կամ դիմում-բողոք չէր ստացվել Գյումրու թիվ 6 դպրոցում տեղակայված 31/45 ընտրատեղամասում:
Ընտրողների կուտակումներ կամ դրանցով պայմանավորված անհարմարություններ, ըստ տեղամասային ընտրական հանձնաժողովի նախագահ Գայանե Ղուկասյանի, մինչև այդ պահը չէր առաջացել, թեև վաղ առավոտից, ընտրական տեղամասը բացելուն պես ընտրողների ակտիվություն նկատվել է:
Ի տարբերություն նախորդ ընտրությունների, այս անգամ ընտրական գործընթացներն անցկացվում են ընտրական օրենսգրքի որոշակի փոփոխություններով, ինչն էլ քաղաքացիների մի մասին, անիրազեկության պատճառով փոքր խնդիրների առաջ է կանգնեցնում:
Բացի տեղական դիտորդներից, այս տեղամասում քվեարկության ընթացքին հետեվում էին նաև միջազգային երկարաժամկետ դիտորդները: Գերմանացի Ինգո Բուետները փաստում է, որ Շիրակի մարզում դիտորդական առաքելություն է իրականացրել դեռևս նախընտրական շրջանում, հետևել է քարոզարշավի ընթացքին, այսօր էլ վաղ առավոտից մարզի տարբեր ընտրատեղամասերում դիտարկել է հանձնաժողովների աշխատանքներն ու քվեարկության ընթացքը:
Ինչպես են ընթանում խորհրդարանական արտահերթ ընտրությունները Շիրակի մարզում, կամ նկատել են արդյոք ընտրախախտումներ, միջազգային դիտորդները չեն շտապում գնահատական տալ, ասում են ամեն ինչ հայտնի կդառնա վաղը, ԵԱՀԿ գրասենյակի կողմից Երևանում անցկացվող մամլո ասուլիսի ընթացքում:
Թիվ 1 ավագ դպրոցում տեղակայված 31/46 ընտրատեղամասում, ժամը 15-ի դրությամբ իր քաղաքացիական պարտքը կատարել էր մոտ 485 ընտրող: Հանձնաժողովի նախագահ Էդվարդ Կոստանյանի տվյալներով, բացի հիմնական ընտրացուցակից, լրացուցիչ ցուցակներում ընդգրկված է նաև 57 զինվորական և 17 ոստիկան:
Տեսողական խնդիր ունեցող ընտրողների համար ԿՀԸ նախատեսել է բրալյան այբուբեն, որը ընտրողի ցանկությամբ քվեարկելիս տրամադրվում է: Այս տեղամասում նման խնդրով մեկ ընտրող արդեն մասնակցել է ընտրությանը, վերջինս սակայն հրաժարվել է օգտվել այս հնարավորությունից:
Ընտրությունների ընթացքից այստեղ գոհ էին նաև տեղական դիտորդներն ու վստահված անձիք:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
ԱԺ արտահերթ ընտրությունների մեկնարկը Գյումրիում
Ազգային ժողովի արտահերթ ընտրությունների մեկնարկը սահմանված կարգի համաձայն բոլոր ընտրատեղամասերում տրվեց ուղիղ ժամը 8-ին, մինչ այդ տեղամասային ընտրական հանձնաժողովները տեղում գումարեցին քվեարկությունից առաջ անցկացվող վերջին նիստը: Ոստիկաններից ստացան չհրկիզվող պահարանները փակ վիճակում: Գյումրու թիվ 23 միջնակարգ դպրոցում տեղակայված 31/15 տեղամասում վստահված անձանց մուտքը տեղամասային կենտրոն թույլատրվեց միայն ժամը 7:50 րոպեին: Առաջին ընտրողը տեղամաս մուտք գործեց ուղիղ ժամը 8-ին: Այստեղ ընտրելու իրավունք ունի 1699 քաղաքացի
Մինչ այդ պահը ամեն ինչ նորմալ կլիներ, եթե այս տեղամասում հանձնաժողովի նախագահը, ինչպես բոլոր անդամները, սահմանված կարգի համաձայն կրեր նախագահի իր վկայականը: Օրենքի խախտման մեկ այլ դեպք գրանցվեց թիվ 31/13 ընտրատեղամասում, այստեղ ընտրողներից մեկն իր քվերակությունը կատարելուց հետո , բացահայտ կերպով բոլորի ներկայությամբ պատռեց բոլոր քվեաթերթիկները, ինչն արձանագրվեց:
Ընտրողների մասնակցությունն այս տեղամասում բավականին ակտիվ էր, ժամը 9:30-ին իր քաղաքացիական պարտքն արդեն կատարել էր մոտ 60 ընտրող:Ընտրողների ակտիվություն կար նաև 31/14 ընտրատեղամասում, այստեղ գրանցված 1947 ընտրողից, 1 ժամ անց արդեն իր սահմանադրական իրավունքից օգտվել էր 56 քաղաքացի:
Ընտրական բոլոր տեղամասերում քվերակության ընթացքին հետևում են ինչպես վստահված անձիք, այնպես էլ դիտորդներ: Տեղամասային կենտրոններում պահպանվում են համաճարակային կանոնները:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
ԿԸՀ-ն տվյալներ է հայտնել
Կենտրոնական ընտրական հանձնաժողովից հայտնում են, որ 11.00-ի դրությամբ մայրաքաղաք Երևանում 859 հազար ընտրողներից արդեն 120 հազար 166-ը կատարել է իր քվեն: Արագածոտնի մարզում 117 հազար 472 ընտրողներից արդեն ընտրատեղամաս է եկել 12 հազար 318 ընտրող: Արարատի մարզում ընտրության իրավունք ունեցող 233 հազար 360 ընտրողներից դեռևս իր պարտքը կատարել է 27 հազար 676 հոգի: Արմավիրի մարզում պատկերն այսպիսինն է՝ 235 հազար 840 քվեարկելու իրավունք ունեցող քաղաքացիներից 23 հազար 488-ն են եկել ընտրատեղամասեր: Հաջորդ մարզը Գեղարքունիքն է: Այստեղ 189 հազար 527 ընտրողից իր քաղաքացիական պարտքը կատրարել արդեն 18 հազար 586 հոգի: Լոռու մարզում 233 հազար 552 հոգուց 11:00-ի դրությամբ քվեարկել է 26 հազար 86 հոգի: Կոտայքի մարզում էլ արդեն քվեարկել է 30 հազար 342 հոգի՝ քվեարկելու իրավունք ունեցող 242 հազար 22 քաղաքացուց: Շիրակի մարզում էլ 226 հազար 763 ընտրողից արդեն քվեարկության է գնացել 19 հազար 106 հոգի: Սյունիքի մարզում էլ կա 109 հազար 726 ընտրող, որոնցից 11:00-ի դրությամբ իր քաղաքացիական պարտքը կատարել է 17 հազար 269 ընտող: Վայոց ձորում էլ այսպիսի պատկեր է: 46 հազար 620 ընտրողից դեռևս քվեարկել է 5699 հոգի: Տավուշի մարզում էլ 109 հազար 690 քաղաքացուց մասնակցել է ընտրություններին 15 հազար 585 հոգի: Ընդհանուր ՀՀ-ում ընտրողներ իրավունք ունեցող 2 միլիոն 593 հազար 572 քաղաքացուց մասնակցել է ընտրություններին 316 հազար 291 քաղաքացի, կամ 12.2 տոկոսը:
Տեսանյութ՝ https://www.facebook.com/176066689121093/videos/552529462789269
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Կրակել են Արման Բաբաջանյանի ավտոմեքենայի վրա
«Շիրինյան-Բաբաջանյան» ժողովրդական դաշինքի վարչապետի թեկնածու Արման Բաբաջանյանը ֆեյսբուքի իր էջում լուսանկար է հրապարակել՝ տեղեկացնելով, որ կրակել են իր ավտոմեքենայի վրա։ «Կրակել են ավտոմեքենայիս վրա: Երբ մարդասպանը, գողը, մաֆիոզը ազատության մեջ է այն էլ մասնակցում է ընտրության այսպիսի պատահարներից չենք խուսափելու: Մանրամասները՝ քիչ անց»,- գրել է նա։
Աղբյուր՝ https://www.facebook.com/ShirinyanBabajanyan/posts/123462986598265
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Խախտման մեկ դեպք թիվ 31/13 ընտրատեղամասում
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
«Երկրի գլխավոր հիմնահարցերը քաղաքական ուժերի նախընտրական ծրագրերում»
#Ընտրություններ #Election #Armvote2021
Բանախոսներ՝
Նարեկ Ներսիսյան – «Քաղաքացու Որոշում» Սոցիալ-դեմոկրատական կուսակցություն
Տիգրան Խզմալյան – «Հայաստանի Եվրոպական» կուսակցություն
Ալեքսան Մինասյան – «Վերելք» կուսակցություն
Անդրեաս Ղուկասյան – «Ազատ հայրենիք» կուսակցություն
Համակարգող՝ Լուսինե Մովսիսյան
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
«ՀՀ արտաքին քաղաքականությունը, անվտանգային հարցերը, տնտեսական քաղաքականությունը քաղաքական ուժերի նախընտրական ծրագրերում»
#Ընտրություններ #Election #Armvote2021
Բանախոսներ՝
Արմեն Մելքոնյան-«Լուսավոր Հայաստան» կուսակցություն
Սուսաննա Աստոյան- «Բարգավաճ Հայաստան» կուսակցություն
Դավիթ Կարապետյան -«Արդար Հայաստան» կուսակցություն
Արմեն Հունանյան- Հայստանի դեմակրատական կուսակցություն
Համակարգող՝ Լուսինե Մովսիսյան
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
ԿԸՀ-ն գրանցել է ընտրական ցուցակները. ուժը կորցրած է ճանաչվել «Հայոց Արծիվներ. Միասնական Հայաստան»-ի գրանցումը
Կենտրոնական ընտրական հանձնաժողովը մայիսի 31-ին գումարած արտահերթ նիստում գրանցել է 2021 թվականի հունիսի 20-ի արտահերթ ընտրություններում առաջադրված 22 կուսակցության և կուսակցությունների 4 դաշինքի ընտրական ցուցակները: Կենտրոնական ընտրական հանձնաժողովն ավելի ուշ՝ հունիսի 10-ին գումարած արտահերթ նիստում, ուժը կորցրած է ճանաչել Հայաստանի Հանրապետության Ազգային ժողովի 2021 թվականի հունիսի 20-ի արտահերթ ընտրություններին մասնակցող «Հայոց Արծիվներ. Միասնական Հայաստան» կուսակցության ընտրական ցուցակի գրանցումը,«Քաղաքացիական պայմանագիր» կուսակցության ընտրական ցուցակում ընդգրկված պատգամավորի թեկնածու Տիգրան Աբրահամի Դավուդյանի գրանցումը: ԿԸՀ-ն ուժը կորցրած է ճանաչել նաև ԱԺ արտահերթ ընտրություններին մասնակցող «Ինքնիշխան Հայաստան» կուսակցության ընտրական ցուցակում ընդգրկված պատգամավորի թեկնածու Աշոտ Ավետիսյանի, «Հայոց Հայրենիք» կուսակցության ընտրական ցուցակում ընդգրկված պատգամավորի թեկնածու Արթուր Միքայելյանի և Հայաստանի Եվրոպական կուսակցության ընտրական ցուցակում ընդգրկված պատգամավորի թեկնածու Արամ Հովհաննիսյանի գրանցումները՝ հիմք ընդունելով վերջիններիս կողմից ներկայացված ինքնաբացարկի մասին դիմումները: Այսպիսով, ԿԸՀ որոշմամբ սահմանվել են Ազգային ժողովի արտահերթ ընտրություններին մասնակցող 21 կուսակցությունների և 4 դաշինքների քվեաթերթիկների նմուշները, ինչպես նաև քվեաթերթիկի էլեկտրոնային տարբերակի նմուշը:
Կենտրոնական ընտրական հանձնաժողովը մայիսի31-ին գումարած արտահերթ նիստում վիճակահանությամբ Ազգային ժողովի արտահերթ ընտրություններին մասնակցող կուսակցությունների, կուսակցությունների դաշինքների հերթական համարները սահմանել էր հետևյալ կերպ. 1. «ԱՐԴԱՐ ՀԱՅԱՍՏԱՆ» ԿՈՒՍԱԿՑՈՒԹՅՈՒՆ 2. «ՀԱՅ ԱԶԳԱՅԻՆ ԿՈՆԳՐԵՍ» ԿՈՒՍԱԿՑՈՒԹՅՈՒՆ 3. «ՔԱՂԱՔԱՑԻԱԿԱՆ ՊԱՅՄԱՆԱԳԻՐ» ԿՈՒՍԱԿՑՈՒԹՅՈՒՆ 4. «ԶԱՐԹՈՆՔ» ԱԶԳԱՅԻՆ ՔՐԻՍՏՈՆԵԱԿԱՆ ԿՈՒՍԱԿՑՈՒԹՅՈՒՆ 5. ԱԶԱՏՈՒԹՅՈՒՆ ԿՈՒՍԱԿՑՈՒԹՅՈՒՆ 6. «ՊԱՏԻՎ ՈՒՆԵՄ» ԴԱՇԻՆՔ 7. ՄԻԱՍՆԱԿԱՆ ՀԱՅՐԵՆԻՔ ԿՈՒՍԱԿՑՈՒԹՅՈՒՆ 8. ՀԱՄԱՀԱՅԿԱԿԱՆ ԱԶԳԱՅԻՆ ՊԵՏԱԿԱՆՈՒԹՅՈՒՆ (ՀԱՊ) ԿՈՒՍԱԿՑՈՒԹՅՈՒՆ 9. ԼՈՒՍԱՎՈՐ ՀԱՅԱՍՏԱՆ ԿՈՒՍԱԿՑՈՒԹՅՈՒՆ 10. ՄԵՐ ՏՈՒՆԸ ՀԱՅԱՍՏԱՆՆ Է ԿՈՒՍԱԿՑՈՒԹՅՈՒՆ 11. «ՀԱՆՐԱՊԵՏՈՒԹՅՈՒՆ» ԿՈՒՍԱԿՑՈՒԹՅՈՒՆ 12. «ՀԱՅՈՑ ՀԱՅՐԵՆԻՔ» ԿՈՒՍԱԿՑՈՒԹՅՈՒՆ 13. ԱԶԱՏ ՀԱՅՐԵՆԻՔ ԴԱՇԻՆՔ 14. «ԲԱՐԳԱՎԱՃ ՀԱՅԱՍՏԱՆ» ԿՈՒՍԱԿՑՈՒԹՅՈՒՆ 15. ՀԱՅԱՍՏԱՆԻ ԴԵՄՈԿՐԱՏԱԿԱՆ ԿՈՒՍԱԿՑՈՒԹՅՈՒՆ 16. «5165 ԱԶԳԱՅԻՆ ՊԱՀՊԱՆՈՂԱԿԱՆ ՇԱՐԺՈՒՄ» ԿՈՒՍԱԿՑՈՒԹՅՈՒՆ 17. «ՔԱՂԱՔԱՑՈՒ ՈՐՈՇՈՒՄ» ՍՈՑԻԱԼ-ԴԵՄՈԿՐԱՏԱԿԱՆ ԿՈՒՍԱԿՑՈՒԹՅՈՒՆ 18. «ՇԻՐԻՆՅԱՆ- ԲԱԲԱՋԱՆՅԱՆ ԺՈՂՈՎՐԴԱՎԱՐՆԵՐԻ ԴԱՇԻՆՔ» 19. «ԱԶԳԱՅԻՆ ՕՐԱԿԱՐԳ» ԿՈՒՍԱԿՑՈՒԹՅՈՒՆ 20. ՎԵՐԵԼՔ ԿՈՒՍԱԿՑՈՒԹՅՈՒՆ 21. ԱԶԱՏԱԿԱՆ ԿՈՒՍԱԿՑՈՒԹՅՈՒՆ 22. «ՀԱՅՈՑ ԱՐԾԻՎՆԵՐ. ՄԻԱՍՆԱԿԱՆ ՀԱՅԱՍՏԱՆ» ԿՈՒՍԱԿՑՈՒԹՅՈՒՆ 23. ՀԱՅԱՍՏԱՆԻ ԵՎՐՈՊԱԿԱՆ ԿՈՒՍԱԿՑՈՒԹՅՈՒՆ 24. ՀԱՅԱՍՏԱՆ ԴԱՇԻՆՔ 25. «ԱԶԳԱՅԻՆ-ԺՈՂՈՎՐԴԱՎԱՐԱԿԱՆ ԲԵՎԵՌ» ՀԱՄԱՀԱՅԿԱԿԱՆ ԿՈՒՍԱԿՑՈՒԹՅՈՒՆ 26. «ԻՆՔՆԻՇԽԱՆ ՀԱՅԱՍՏԱՆ» ԿՈՒՍԱԿՑՈՒԹՅՈՒՆ
«Արդար Հայաստան» կուսակցության ընտրական ցուցակում 84 թեկնածու կա: Ցուցակը գլխավորում է Նորիկյան և Գործընկերներ փաստաբանական գրասենյակի տնօրեն Նորայր Նորիկյանը: Հայ Ազգային Կոնգրես կուսակցության ընտրական ցուցակում ընդգրկված է 104 թեկնածու, որից 3-ը` (մեկ ռուս, մեկ ասրի, մեկ քուրդ), ընդգրկված են համապետական 2-րդ մասով: Ցուցակը գլխավորում է ՀՀ առաջին նախագահ Լեւոն Տեր-Պետրոսյանը: «Քաղաքացիական պայմանագիր» կուսակցության ընտրական ցուցակում ընդգրկված է 161 թեկնածու, որից համապետական 1 մասով` 157, իսկ համապետական 2-րդ մասով` 4 (մեկ ռուս, մեկ քուրդ, մեկ եզդի, մեկ ասորի): Ցուցակը գլխավորում է ՀՀ վարչապետի պաշտոնակատար Նիկոլ Փաշինյանը: «Զարթոնք» ազգային քրիստոնեական կուցակցության ընտրական ցուցակում ընդգրկված է 92 թեկնածու: Ցուցակը գլխավորում է ՀՀ փաստաբանների պալատի նախագահ Արա Զոհրաբյանը: Ազատություն կուսակցության ընտրական ցուցակում ընդգրկված է 83 թեկնածու, ցուցակը գլխավորում է ՀՀ նախկին վարչապետ, ՀՀ ԱԺ 5-րդ գումարման պատգամավոր Հրանտ Բագրատյանը: «Պատիվ ունեմ» դաշինքի ընտրական ցուցակում ընдգրկվել է 230 թեկնածու: Ցուցակը գլխավորում է ՀՀ ԱԱԾ նախկին պետ, Հայրենք կուսակցության նախագահ Արթուր Վանեցյանը: Միասնական Հայրենիք կուսակցության ընտրական ցուցակում ընдգրկվել է 86 թեկնածու: Ցուցակը գլխավորում է ԷլԷյ խորհրդատվական գրասենյակ ՍՊԸ հիմնադիր տնօրեն, ԱՐՄԻՆ ՀԿ նախագահ Լուսինե Ավագյանը: Համահայկական ազգային պետականություն (ՀԱՊ) կուսակցության ընտրական ցուցակում ընդգրկվել է 82 թեկնածու: Ցուցակը գլխավորում է ՀԱՊ կուսակցության նախագահ Արթուր Վարդանյանը: Լուսավոր Հայաստան կուսակցության ընտրական ցուցակում ընդգրկվել է 107 թեկնածու: Ցուցակը գլխավորում է ՀՀ ԱԺ պատգամավոր Էդմոն Մարուքյանը: Մեր տունը Հայաստանն է կուսակցության ընտրական ցուցակում ընդգրկվել է 88 թեկնածու: Ցուցակը գլխավորում է ՀՀ ԱԺ պատգամավոր Տիգրան Ուրիխանյանը: «Հանրապետություն» կուսակցության ընտրական ցուցակում ընդգրկվել է 103 թեկնածու: Ցուցակը գլխավորում է «Հանրապետություն» կուսակցության նախագահ Արամ Սարգսյանը:
«Հայոց Հայրենիք» կուսակցության ընտրական ցուցակում ընդգրկվել է 90 թեկնածու: Ցուցակը գլխավորում է Ադոնայի իրավապաշտպան ՀԿ, հիմնադիր նախագահ Արտակ Գալստյանը: «Ազատ Հայրենիք» դաշինքի ընտրական ցուցակում ընդգրկված է 81 թեկնածու: Ցուցակը գլխավորում է Հայաստանի ազգային պոլիտեխնիկական համալսարանի դոցենտ Միքայել Հայրապետյանը: «Բարգավաճ Հայաստան» կուսակցության ընտրական ցուցակում ընդգրկվել է 92 թեկնածու: Ցուցակը գլխավորում է ՀՀ ԱԺ պատգամավոր Գագիկ Ծառուկյանը: Հայաստանի դեմոկրատական կուսակցության ընտրական ցուցակում ընդգրկվել է 87 թեկնածու: Ցուցակը գլխավորում է տնտեսագետ Տիգրան Արզաքանցյանը: «5165 ազգային պահպանողական շարժում» կուսակցության ընտրական ցուցակում ընդգրկվել է 95 թեկնածու: Ցուցակը գլխավորում է «Հայ Ասպետ» վարժարանի տնօրեն, «Հայ Ասպետ» ԿԲՀ-ի «Որդուս» ՀԿ-ի հիմնադիր տնօրեն Կարինե Տոնոյանը: «Քաղաքացու որոշում» սոցիալ-դեմոկրատական կուսակցության ընտրական ցուցակում ընդգրկվել է 84 թեկնածու: Ցուցակը գլխավորում է անհատ ձեռներեց Սուրեն Սահակյանը: «Շիրինյան-Բաբաջանյան ժողովրդավարների դաշինք»-ի ընտրական ցուցակում ընդգրկվել է 89 թեկնածու: Ցուցակը գլխավորում է ՀՀ ԱԺ պատգամավոր Արման Բաբաջանյանը: «Ազգային օրակարգ» կուսակցության ընտրական ցուցակում ընդգրկվել է 83 թեկնածու: Ցուցակը գլխավորում է «Ազգային Օրակարգ» կուսակցության խորհրդի նախագահ Արա Հակոբյանը:
Վերելք կուսակցության ընտրական ցուցակում ընդգրկվել է 81 թեկնածու: Ցուցակը գլխավորում է Մոնթե Մելքոնյան ռազմամարզական վարժարանի ռազմական գծով փոխտնօրեն Ալեքսան Մինասյանը: Ազատական կուսակցության ընտրական ցուցակում ընդգրկվել է 80 թեկնածու: Ցուցակը գլխավորում է գեներալ-լեյտենանտ Սամվել Բաբայանը:
Հայաստանի Եվրոպական կուսակցության ընտրական ցուցակում ընդգրկվել է 89 թեկնածու: Ցուցակը գլխավորում է Հայաստանի Եվրոպական կուսակցություն նախագահ, հայ ռեժիսոր, սցենարիստ Տիգրան Խզմալյանը: «Հայաստան» դաշինքի ընտրական ցուցակում ընդգրկվել է 156 թեկնածու, որից 3-ը` համապետական 2-րդ մասով` մեկ ասորի, մեկ ռուս, մեկ եզդի: Ցուցակը գլխավորում է ՀՀ 2-րդ նախագահ Ռոբերտ Քոչարյանը: «Ազգային ժողովրդավարական բեւեռ» համահայկական կուսակցության ընտրական ցուցակում ընդգրկվել է 111 թեկնածու: Ցուցակը գլխավորում է սրտային վիրաբույժ Վահե Գասպարյանը: «Ինքնիշխան Հայաստան» կուսակցության ընտրական ցուցակում ընդգրկվել է 86 թեկնածու, որից մեկը` համապետական 2-րդ մասով` մեկ եզդի: Ցուցակը գլխավորում է կուսակցության նախագահ, ՀՀ պետական վերահսկողության ծառայության նախկին պետ Դավիթ Սանասարյանը: ԿԸԸ-ը հրապարակել է նաեւ ՀՀ-ում ընտրողների քանակը` ըստ ՀՀ ոստիկանության ներկայացրած տվյալների: Հունիսի 20-ին արտահերթ խորհրդարանական ընտրություններին մասնակցելու իրավունք ունի 2 մլն 583 հազար 823 քաղաքացի: Երեւանում` 855 հազար 631, Կոտայք` 242 հազար 490, Արմավիր` 235 հազար 851, Լոռի` 235 հազար 737, Շիրակ` 227 հազար 484, Արարատ` 223 հազար 264, Գեղարքունիք` 188 հազար 13, Արագածոտն` 117 հազար 631, Տավուշ` 106 հազար 938, Սյունիք` 104 հազար 993, Վայոց ձոր` 45 հազար 791:
Աղբյուր՝ https://www.elections.am/News/Item/588
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru