Տեսանյութեր

Գյումրի համայնքի 2023 թվականի տարեկան բյուջեի հանրային քննարկումն անցել է կիսադատարկ դահլիճում

Գյումրիի համայնքապետարանի նիստերի դահլիճում այսօր կայացել է  համայնքի 2023 թվականի բյուջեի  կատարման տարեկան հաշվետվությունը հաստատելու մասին   ավագանու  որոշման նախագծի հանրային բաց լսում-քննարկումը,որին ավագանու «Քաղաքացիական պայմանագիր», «Զարթոնք» , «Հանրապետական»  խմբակցությունների  անդամները չեն մասնակցել,դահլիճում միայն ներկա են գտնվել   « Ապրելու երկիր»  և  «Բալասանյան դաշինք»  խմբակցությունների որոշ անդամներ:

2023 թվականի բյուջեի  կատարման տարեկան հաշվետվության  զեկույցը  ներկայացրել է Գյումրիի համայնքի ղեկավարի խորհրդական  Մենուա  Մկրտչյանը:

Ըստ զեկուցողի, 2023 թվականի համար անշարժ գույքի հարկը պլանավորվել է 213 մլն 300 հազար դրամ, փաստացի կատարվել է 201 մլն 800 հազար դրամի չափով կամ 95․1%,իսկ  փոխադրամիջոցների  գույքահարկը պլանավորվել է 864 մլն 500 հազար դրամ, բայց   հավաքագրվել է փաստացի 847 մլն 700 հազար դրամ ,որը կազմում է  պլանավորածի 98․1 %-ը։

Պետական եւ տեղական տուրքեր  պլանավորվել են 133,8 մլն դրամ,բայց  փաստացի կատարվել են 127 մլն 300 հազար դրամի չափով  կամ 95․2 %։

Պաշտոնական դոտացիան կազմել է 2 մլրդ 588 մլն 500 հազար դրամ, բացի այդ, համայնքն ունեցել է նաեւ կապիտալ արտաքին պաշտոնական դրամաշնորհներ ստացված միջազգային կազմակերպություններից՝ Անի թաղամասի Չարենցի 7 ա եւ Պարույր Սեւակի 1 շենքերի էներգաարդյունավետության ծրագրի շրջանակում ՄԱԿ-ի կողմից ստացվել է 25 տոկոս համաֆինանսավորում՝ 127 մլն 300 հազար դրամի չափով։

Ընդհանուր բնույթի հանրային ծառայություններ  գործառնական ոլորտի ծախսերը  պլանավորվել է 938  մլն դրամ,փաստացի կատարվել է  882 մլն դրամ,կամ 94 %: Մկրտչյանը հիմնական ծախսերը նշելով փաստել է,որ  շրջակա միջավայրի  պաշտպանության ոլորտում  պլանավորվել է 870 մլն 900 հազար դրամ ,փաստացի կատարվել է 776 մլն 800 հազար դրամ,կամ 89.2 %,բնակարանային շինարարություն և կոմունալ ծառայություն   գործառնական ոլորտի ծախսերը պլանավորվել են  2 մլրդ 285 մլն  400 հազար  դրամ,բայց փաստացի կատարվել է  1 մլրդ  134 մլն  800 հազար դրամ,կամ 49.7%:

Սպորտի ոլորտի ծախսերը պլանավորվել են 662 մլն, փաստացի կատարվել՝ 658 մլն 800 հազար դրամ, գրադարանների ծախսերը պլանավորվել են՝ 57 մլն 500 հազար դրամ, թանգարանների եւ ցուցասրահների ծախսերը պլանավորվել են 65 մլն 300 հազար դրամ, փաստացի կատարվել՝ 64 մլն 300 հազար դրամ, մշակույթի ոլորտի ծախսերը պլանավորվել են 577 մլն 400 հազար դրամ, փաստացի կատարվել՝ 575 մլն 400 հազար դրամ, կրթության ոլորտի ծախսերը պլանավորվել են 796 մլն 200 հազար դրամ, փաստացի կատարվել՝ 756 մլն 600 հազար դրամ:

« Ապրելու երկիր»  խմբակցության անդամ  Կարեն   Մալխասյանը հետաքրքրվեց,թե   ներկայացված  նախագծում ինչպես՞ է  մշակութային ոլորտի ծառայությունների  կատարողականը  ներկայացված 98.4 %,բայց հուշարձանների և մշակութային   արժեքների վերականգնումն  ու պահպանումը կատարվել 20% – ով:

Համայնքապետի  խորհրդականը պարզաբանել է,որ   այս ոլորտում նախատեսված է եղել 10 մլն  700 հազար դրամ,բայց  կատարվել է  2 մլն 200 հազար դրամ:Նախորդ տարի նախատեսված են եղել    որոշ կապիտալ ծախսեր իրականացնել,բայց  որոշ աշխատանքներ  ներառված են եղել սուբվենցիոն ծրագրերում և  այժմ ընթացքի մեջ են:Հենց այս հիմնավորմամբ էլ  մշակութային արժեքների   վերականգնումն  ու  հուշարձանների  պահպանությունը  թերակատարվել է:

2023 թվականին կապիտալ ծախսերի ֆինանսավորման համար համայնքի բյուջե է մուտքագրվել պետական բյուջեից կապիտալ ծախսերի ֆինանսավորման նպատակային հատկացումներ՝ սուբվենցիաներ տողով, 1 մլրդ 652 մլն 800 հազար դրամ, 2023 թվականի համայնքի ոչ ֆինանսական ակտիվների անշարժ գույքի օտարումից մուտքերը պլանավորվել են 2 մլրդ 454 մլն 100 հազար դրամ, փաստացի մուտքերը կազմել են 461 մլն 500 հազար դրամ կամ 18․8%:

© progressgyumri.am  Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com

Հայաստանն ու Եգիպտոսը համագործակցելու փաստաթղթեր են ստորագրել

Հայաստանի և Եգիպտոսն այսօր մի քանի փաստաթղթեր են ստորագրել, մասնավորապես տնտեսական, գյուղատնտեսության բնագավառում գիտատեխնիկական համագործակցության մասին։ Փաստաթղթերին նախորդել է Հայաստանի վարչապետի հանդիպումը Եգիպտոսի նախագահ Աբդել Ֆաթթահ աս-Սիսիի հետ։ Փաշինյանը պաշտոնական այցով է Եգիպտոսում։ Նախագահ Աբդել Ֆաթթահ աս-Սիսիին ընդգծել է, որ այցը նոր ազդակ կհաղորդի երկու երկրների համագործակցությանը։ Բացի համագործակցության վերաբերյալ հարցերը, նրանք քննարկել են Հարավային Կովկասի և Մերձավոր Արևելքի տարածաշրջաններում տեղի ունեցող գործընթացները՝ կարևորելով խաղաղության և կայունության ամրապնդումն ու այդ ուղղությամբ քայլերի իրականացումը:

© progressgyumri.am  Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com

Կառավարությունը գումար կհատկացնի Շիրակի մարզի Անի համայնքում երկու մանկապարտեզի կառուցման նախագծային աշխատանքների իրականացման համար

Կառավարության որոշմամբ, նախատեսվում է Կրթության, գիտության, մշակույթի և սպորտի նախարարությանը 2024 թվականի պետական բյուջեով կապիտալ ծրագրերի իրականացման համար չբաշխված գումարներից կատարել վերաբաշխում 638,444.4 հազար դրամ գումարի չափով՝ գումարն ուղղելով մանկապարտեզների և մարզադպրոցների, ինչպես նաև «Վորքաութ» տեսակի մարզահրապարակների նախագծմանը և կառուցմանը: Բացի այդ, որոշմամբ նախատեսվում է նաև Հայաստանի տարածքային զարգացման հիմնադրամին փոխանցել թվով 23 դպրոցի և 11 կրթահամալիրի կառուցման աշխատանքների պատվիրատու մարմնի լիազորությունները: Վերոնշյալ նպատակով որոշմամբ նվազեցվում են 2024 թվականի պետական բյուջեի 1236 ծրագրի 32002 միջոցառմամբ նախատեսված և օբյեկտներով չբաշխված գումարները: Որոշմամբ գումար կհատկացվի թվով 5 մանկապարտեզի, թվով 2 մարզադպրոցի, ինչպես նաև թվով 10 «Վորքաութ» տեսակի մարզահրապարակի նախագծման, կառուցման և վերակառուցման համար: Որոշմամբ կկատարվի նաև վերաբաշխում 300 դպրոցի ծրագրի կատարողների միջև: Արդյունքում կապահովվեն կրթական և մարզական դաստիարակության համար շենքային առավել բարենպաստ պայմաններ․ տեղեկացնում են ՀՀ կառավարությունից։ Անդրադառնալով վերոնշյալ որոշմանը, վարչապետը բոլորի ուշադրությունը հրավիրել է «Վորքաութ» կոչվող նախագծի իրականացմանը։

© progressgyumri.am  Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com

Հայաստանի անդամակցությանը նվիրված պաշտոնական միջոցառում՝ Միջազգային քրեական դատարանում

«Այսօր Միջազգային քրեական դատարանում տեղի կունենա Հայաստանի անդամակցությանը նվիրված պաշտոնական միջոցառումը: Հայաստանը դառնում է ՄՔԴ հիմնարար պայմանագրի` Հռոմի ստատուտի 124-րդ ստորագրող երկիրը»: Այս մասին հայտնել է ԱԳՆ մամուլի խոսնակ Անի Բադալյանը՝ նշելով, որ միջոցառումը մեկնարկել է քիչ առաջ և հասանելի է ուղիղ հեռարձակմամբ»։ Հիշեցնենք՝ փետրվարի 1-ից Հայաստանի Հանրապետության համար պաշտոնապես ուժի մեջ է մտելմ Հռոմի ստատուտը. Հայաստանը դարձել է Միջազգային քրեական դատարանի 124-րդ մասնակից պետությունը:

© progressgyumri.am  Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com

Գյումրու տարեկան պլանն ու բյուջեն միաձայն ընդունվել են

Գյումրի համայնքի ավագանու արտահերթ նիստում այսօր Գյումրի համայնքի 2024 թվականի բյուջեն և տարեկան աշխատանքային պլանն ընդունվել են միաձայն: Գյումրի համայնքի 2024 թվականի բյուջեն հաստատելու մասին հարցին Գյումրի համայնքի ավագանին քվեարկել է 27 կողմ. «Բալասանյան դաշինք» խմբակցություն-13 կողմ, «Քաղաքացիական պայմանագիր» խմբակցություն-7 կողմ, «Ապրելու երկիր» խմբակցություն-1 կողմ, «Զարթոնք» խմբակցություն-4 կողմ, «Հանրապետական» խմբակցություն-2 կողմ: 2024 թվականի տարեկան աշխատանքային պլանը հաստատելու հարցին ևս Գյումրի համայնքի ավագանին քվեարկել է 27 կողմ. «Բալասանյան դաշինք» խմբակցություն-13 կողմ, «Քաղաքացիական պայմանագիր» խմբակցություն-7 կողմ, «Ապրելու երկիր» խմբակցություն-1 կողմ, «Զարթոնք» խմբակցություն-4 կողմ, «Հանրապետական» խմբակցություն-2 կողմ: Գյումրի համայնքի ավագանու ֆինանսավարկային և տնտեսական հարցերի մշտական գործող հանձնաժողովի նախագահի թեկնածությունը հաստատելու մասին հարցին Գյումրի համայնքի ավագանին ևս 27 կողմ է քվեարկել. «Բալասանյան դաշինք» խմբակցություն-13 կողմ, «Քաղաքացիական պայմանագիր» խմբակցություն-7 կողմ, «Ապրելու երկիր» խմբակցություն-1 կողմ, «Զարթոնք» խմբակցություն-4 կողմ, «Հանրապետական» խմբակցություն-2 կողմ:

© progressgyumri.am  Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com

Ամուլսարի հանքը շահագործող ընկերության 12,5 տոկոս բաժնետոմսը կանցնի կառավարությանը

Ամուլսարի հանքավայրը շահագործող «Լիդիան Արմենիա» փակ բաժնետիրական ընկերությունը Հայաստանի կառավարությանն է նվիրաբերել իր բաժնետոմսերի 12,5 տոկոսը։ ՀՀ կառավարության նիստում նախագիծը ներկայացրել է Էկոնոմիկայի նախարարի տեղակալ Անի Իսպիրյանը։ «Ծրագրի արդյունավետ իրագործման համար «Լիդիան Արմենիա» ընկերությունը պարտավորվել է ապահովել առնվազն 250 միլիոն դոլարի չափով ներդրումներ։ Շինարարության ընթացքում «Լիդիան Արմենիա» ընկերությունը պարտավորվել է վճարվող բնապահպանական հարկից ազդակիր համայնքներին բնապահպանական ծրագրերի իրականացման համար մասհանումներից բացի տրամադրել նաև 7 միլիոն դոլարի չափով տարեկան ֆինանսական աջակցություն յուրաքանչյուր 12 ամսյա ժամանակահատվածի համար։ Հուշագրի շրջանակներում ընկերությունը պարտավորվել է նաև կառավարությանը նվիրատվությամբ տրամադրել «Լիդիան Արմենիա» ընկերության կանոնադրական կապիտալի 12,5 տոկոս բաժնետոմսերը։ Նախագծով առաջարկվում է ընդունել հուշագրից բխող բաժնետոմսերի նվիրատվությունը»,- ասել է Իսպիրյանը։ Միաժամանակ, նախագծով նախատեսվում է բաժնետոմսերի կառավարման լիազորությունը վերապահել Էկոնոմիկայի նախարարությանը, և նշյալ նվիրատվությունն ընդունելու համար Էկոնոմիկայի նախարարությունը կկնքի համապատասխան պայմանագիր։ Հայաստանի վարչապետ Նիկոլ Փաշինյանը նշել է, որ Ամուլսարի հանքի հետ կապված բոլոր հարցերի պատասխանները կառավարությունը ստացել է և հնարավոր է համարել այն շահագործել։

© dialoguemc.am  Freedom of speech & Pluralism