Տեսանյութեր

Կառավարությունը մինչեւ հոկտեմբերի 1-ը կշարունակի սուբսիդավորել մինչեւ 1 մլն դրամ գյուղվարկերի տոկոսադրույքը

ՀՀ կառավարությունն այսօրվա նիստում որոշել է երկարաձգել գյուղատնտեսական վարկերին վերաբերող կորոնավիրուսի հակաճգնաժամային երկրորդ միջոցառման ժամկետը: Հարցը զեկուցող էկոնոմիկայի նախարար Վահան Քերոբյանը նշել է, որ խոսքը մինչեւ 1 միլիոն դրամի վարկերի սուբսիդավորման ու պրոցեսի շարունակման մասին է՝ հավելելով՝ այս տիպի վարկերը փոխարինել են նախկինում Կառավարության կողմից տրված գյուղատնտեսական զանազան աջակցության ծրագրերի՝ պարարտանյութեր, վառելանյութ եւ այլն. «Այսպիսի փոփոխությամբ մենք անցած տարի ազատվել ենք կոռուպցիոն ռիսկեր պարունակող օգնության ծրագրերից՝ պարարտանյութ, սերմացու, դիզվառելիք եւ այլն»:Քերոբյանն ընդգծել է՝ հաշվի առնելով, որ այս գործիքի կիրառումը խիստ պահանջված է՝ առաջարկում են երկարաձգել գործիքի կիրառումը մինչեւ հոկտեմբերի 1-ը, մինչեւ ամբողջությամբ վստահ կլինեն, որ գյուղատնտեսությունն ու տնտեսությունը վերականգնվել են: Վարչապետ Նիկոլ Փաշինյանը նշել է, որ մինչեւ 1 միլիոն դրամ գյուղվարկերի տոկոսները սուբսիդավորում է Կառավարությունը, որպեսզի գյուղացիները կարողանան ստանալ վարկերը 0% տոկոսադրույքով: ՀՀ կառավարությունը փոփոխություն է կատարել իր նախկին որոշումներից մեկում՝ պայմանավորված՝ գնումների ընթացակարգերում որակավորման ապահովման համակարգի կիրառման պայմանների դիվերսիֆիկացման եւ այլընտրանքների ձեւավորման անհրաժեշտությամբ պայմանավորված: Նախագծի հիմնավորման համաձայն՝ գործող կարգավորումներով որակավորման ապահովման չափին ներկայացվող պահանջը, ինչպես նաեւ այլընտրանքների կիրառման բացակայությունը բավարար չափով չեն խթանում գնման մրցակցային ընթացակարգերում մասնակցության աստիճանի ավելացմանը, այդ թվում ՓՄՁ-ների առումով: Գործադիրը հավանություն է տվել նաև «Օտարերկրացիների մասին» և հարակից մի շարք օրենքներում փոփոխություններ և լրացումներ կատարելու մասին ՀՀ օրենքների նախագծերին: ՀՀ կառավարությունից հայտնում են, որ օրինագծերի ընդունումը պայմանավորված է ՀՀ-ում օտարերկրյա քաղաքացիների աշխատանքի ընդունելու համար միասնական էլեկտրոնային հարթակի ստեղծմամբ, ինչի արդյունքում գործատուները օտարերկրյա աշխատողներին աշխատանքի են ընդունելու և աշխատանքի թույլտվությունը ստանալու են միասնական էլեկտրոնային հարթակի միջոցով։ Բացառություններ են նախատեսված միջազգային պայմանագրերով ՀՀ-ում աշխատանքի թույլտվությունից ազատված օտարերկրացիների և աշխատանքի թույլտվությունից բացառություն հանդիսացող օտարերկրացիների համար, որոնց մասին տվյալները ևս մուտքագրվելու են միասնական էլեկտրոնային հարթակ:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

Պետական դավաճանության համար 15-20 տարվա ազատազրկում, կամ՝ ցմահ․ ԱԺ-ն ընդունել է ԲՀԿ-ի օրինագիծը

Ազգային ժողովի այսօր միաձայն (112 կողմ, 0 դեմ, 0 ձեռնպահ) երկրորդ ընթերցմամբ և ամբողջությամբ ընդունել է «Քրեական օրենսգրքում փոփոխություններ կատարելու մասին» ընդդիմադիր «Բարգավաճ Հայաստան» խմբակցության ներկայացրած օրենքի նախագիծը։ Այսպիսով՝ պետական դավաճանության համար սահմանվել է 15-20 տարվա ազատազրկում՝ գույքի բռնագրավմամբ կամ առանց դրա, կամ ցմահ, իսկ լրտեսության համար 12-20 տարվա ազատազրկում։ ԲՀԿ-ն առաջարկել էր պետական դավաճանության համար՝ ամենախիստ պատիժը՝ ցմահ ազատազրկում, իսկ լրտեսության համար՝ 12-20 տարվա ազատազրկում։ Նշենք, որ գործող օրենքները պետական դավաճանության համար սահմանում էին 10-ից 15 տարի ազատազրկում՝ գույքի բռնագրավմամբ կամ առանց դրա, իսկ լրտեսության համար 8-ից 15 տարվա ազատազրկում:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

ՀՀ-ում ռազմական դրությունը վերացվել է . ԱԺ-ն ընդունեց ընդդիմադիրների նախագիծը

ԱԺ-ն ընդունել է ռազմական դրությունը վերացնելու մասին որոշման նախագիծը: Նախագիծն ընդունվել է 118 կողմ, 1 դեմ, 1 ձեռնպահ ձայների հարաբերակցությամբ: Նախագծի հեղինակները Ազգային ժողովի ընդդիմադիր «Բարգավաճ Հայաստան» և «Լուսավոր Հայաստան» խմբակցություններն էին: Նրանք առաջարկում էին հանել ռազմական դրությունը՝ ընդգծելով, որ նոյեմբերի 9-ի եռակողմ հայտարարությամբ պահպանվում է հրադադարի ռեժիմը, իսկ ռազմական դրության իրավական ռեժիմը չվերացնելը, ըստ նրանց, քաղաքական նպատակներ ունի: Ազգային ժողովի նախագահ Արարատ Միրզոյանը երեկ պատգամավորներին առաջարկել էր կողմ քվեարկել նախագծին՝ ընդգծելով, որ, Կառավարության որոշմամբ, ռազմական դրության իրավական ռեժիմը վերանալու է: Հայաստանի Հանրապետությունում ռազմական դրություն է հայտարարված սեպտեմբերի 27-ից՝ Արցախի նկատմամբ Ադրբեջանի սանձազերծած պատերազմով պայմանավորված: Թեև նախորդ տարվա դեկտեմբերին, ռազմական դրությամբ պայմանավորված, որոշ սահմանափակումներ հանվել էին, այնուամենայնիվ, ռազմական դրությունը շարունակում էր պահպանվել: ՀՀ ազգային ժողովը փակ գաղտնի քվեարկությամբ Վճռաբեկ դատարանի դատավոր է ընտրել Արսեն Մկրտչյանին: Հաշվիչ հանձնախմբի նախագահ Վահագն Հովակիմյանը հայտնեց, որ քվեատուփում առկա 102 քվեաթերթիկից անվավեր է ճանաչվել 4-ը: Արմեն Հայկյանցը ստացել է 11 «կողմ» ձայն, Արսեն Մկրտչյանը՝ 87: Սա ընտրության երկրորդ փուլն էր: Առաջին փուլով քվեարկությամբ ԱԺ-ն դատավոր չէր ընտրել: Այսպիսով, երկրորդ փուլին մասնակցում էին առաջին փուլում առավել ձայներ ստացած երկու թեկնածուները: Ընտրության առաջին փուլում «Իմ քայլը» խմբակցության ղեկավար Լիլիթ Մակունցը հայտնել էր, որ խմբակցությունը չի ընտրի Վճռաբեկ դատարանի դատավորի թեկնածուներին, որոնց թեկնածությունն առաջադրել է Բարձրագույն դատական խորհուրդը: Մակունցը նշել էր, որ այդպիսով իրենց քաղաքական արձագանքը կարտահայտեն ԲԴԽ նախագահ Ռուբեն Վարդազարյանի հայտարարությանը, թեկնածուների նկատմամբ խորին ակնածանք ունեն: Ազգային ժողովը երկրորդ ընթերցմամբ և ամբողջությամբ ընդունել է նաև «Հակակոռուպցիոն կոմիտեի» մասին և կից ներկայացված օրենքների նախագծերի փաթեթը, որի հեղինակը ՀՀ կառավարությունն է: Նախագիծն ընդունվել է 80 կողմ, 38 դեմ, 2 ձեռնպահ ձայների հարաբերակցությամբ: Արդարադատության նախարար Ռուստամ Բադասյանը երեկ նախագծի քննարկման ընթացքում ասել էր, որ առաջինից երկրորդ ընթերցման ընթացքում նախագիծը փոփոխությունների է ենթարկվել: Ըստ նոր առաջարկությունների՝ նախատեսվում է լուծարել Հատուկ քննչական ծառայությունը: «Իրավապահ մարմինների հետ քննարկման արդյունքում որոշվել է լուծարել Հատուկ քննչական ծառայությունը: ՀՔԾ-ի հետ ենք քննարկել, ուժը կորցրած ճանաչելով «ՀՔԾ մասին» օրենքը, ըստ այդմ, ամբողջությամբ վերանայվել են հակակոռուպցիոն կոմիտեի մասին օրենքի նախագծի մասին անցումային դրույթները»,- քննարկման ընթացքում ասել էր ՀՀ արդարադատության նախարարը: Հիշեցնենք, որ «Հակակոռուպցիոն կոմիտեի մասին» օրենքի նախագիծը ԱԺ-ն առաջին ընթերցմամբ ընդունել էր այս տարվա հունվարի 19-ին: Նախագծով առաջարկվում է ստեղծել նոր քննչական մարմին՝ հակակոռուպցիոն կոմիտե, որի հիմնական իրավասությունը լինելու է Քրեական դատավարության օրենսգրքով իր ենթակայությանը վերապահված ենթադրյալ կոռուպցիոն հանցագործությունների մինչդատական քրեական վարույթի կազմակերպումը և իրականացումը։ Միաժամանակ, քրեական վարույթ նախաձեռնելու հարցի լուծման նպատակով հակակոռուպցիոն կոմիտեն օպերատիվ-հետախուզական գործունեության մասին օրենքով սահմանված կարգով իրականացնելու է օպերատիվ-հետախուզական գործունեություն: Ազգային ժողովը 6 ամսով երկարաձգել է Կորոնավիրուսի դեմ պայքարի արդյունավետությունն ուսումնասիրող քննիչ հանձնաժողովի լիազորությունները: Որոշման նախագիծն ընդունվել է 117 կողմ, դեմ 1, ձեռնպահ 1 ձայների հարաբերկացությամբ: Հանձնաժողովի լիազորությունները երկարաձգելու մասին որոշման նախագիծը ԱԺ-ում քննարկվել էր երեկ: «Որպեսզի մենք կարողանանք տրամաբանական ավարտին հասցնել հանձնաժողովի աշխատանքները, մեզ անհրաժեշտ են լիազորությունների ժամկետի երկարաձգում, հետևաբար հանձնաժողովը այս առաջարկությամբ հանդես է գալիս և ներկայացնում սույն որոշման նախագիծը»,- քննարկման ընթացքում ասել էր հանձնաժողովի նախագահ, «Լուսավոր Հայաստան» խմբակցության անդամ Արկադի Խաչատրյանը:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

Ազգային ժողովում մեկնարկել է հերթական քառօրյա նիստը

Ազգային ժողովի նախագահ Արարատ Միրզոյանը գործընկերներին առաջարկել է կողմ քվեարկել ընդդիմության առաջարկած ռազմական դրությունը վերացնելու նախագծին: Միրզոյանն ասել է, որ Կառավարությունը, միևնույն է, պետք է նախաձեռնի ռազմական դրությունը հանելու գործընթացը: Նա նաև հիշեցրեց, որ կա արտահերթ խորհրդարանական ընտրություններ անցկացնելու և այդպիսով երկրում ստեղծված ներքաղաքական ճգնաժամը հանգուցալուծելու որոշում: «Ես ցանկանում եմ նաև համերաշխություն բառը օգտագործել, գուցե համերաշխության տակ բոլոր պատգամավորները չցանկանան ստորագրել, բայց առնվազն հանգուցալուծման ճանապարհ է սա, և քաղաքական կայունության այսպես թե այնպես վերականգնման, այս կամ այն ելքով վերականգնման ճանապարհ է»:ԱԺ նախագահը նշել է, որ բացարձակապես անհիմն են պնդումները, որ ռազմական դրության ժամկետը երկարաձգվում է քաղաքական նկատառումների պատճառով։ Ըստ նրա՝ դրա վառ վկայությունն է Բաղրամյան պողոտայում ընդդիմության տեղադրած վրանները։ ՀՀ ազգային ժողովը քննարկել է նաև կորոնավիրուսի դեմ պայքարի արդյունավետությունն ուսումնասիրող քննիչ հանձնաժողովի լիազորությունների ժամկետը 6 ամսով երկարաձգել: Հանձնաժողովի լիազորությունների ժամկետը երկարաձգելու մասին օրենքի նախագիծն ԱԺ նիստում ներկայացրեց հանձնաժողովի նախագահ Արկադի Խաչատրյանը: Խաչատրյանը հիշեցրել է , որ քննիչ հանձնաժողովը ստեղծվել է դեռ անցյալ տարվա ամռանը ընդդիմադիր «Լուսավոր Հայաստան» և «Բարգավաճ Հայաստան» խմբակցությունների նախաձեռնությամբ: «Պատերազմի հետևանքով, ինչպես նաև պետական համակարգi գերծանրաբեռնվածության պայմաններում հնարավոր չի եղել ակնհայտորեն ապահովել հանձնաժողովի բնականոն գործունեությունը, և մենք կարողացել ենք իրականացնել մեր լիազորությունները միայն վերջին երկու ամսվա ընթացքում»,- ասաց Խաչատրյանը:Նա վստահեցրել է, որ բավականին ծավալուն աշխատանք է իրականացվել հանձնաժողովի գործունեության բոլոր ուղղություններով:Անդադառնալով ԱԺ նախագահ Արարատ Միզրոյանի՝ արտահերթ խորհրդարանական ընտրությունների մասին հարցին՝ Խաչատրյանը նշել է, որ նույնսիկ եթե ընտրությունների գնալու պարագայում քննիչ հանձնաժողովը չհասցնի ամբողջապես ավարտել աշխատանքը, ինքը կարծում է, որ կատարված աշխատանքը կորած չի լինելու: «Լիահույս եմ, որ մյուս ԱԺ-ի համար կորոնավիրուսի հետ կապված հարցերի քննությունը ևս կլինի օրակարգային և կարևոր ուղություններից մեկը»,- նշել է նա ու վստահեցրել, որ գործող հանձնաժողովն իր պարտականությունները կկատարի այնքանով, որքանով կհասցնի, և այդ տեղեկատվությունը կփոխանցվի նաև հաջորդ ԱԺ-ին:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

ԱԺ-ն առաջին ընթերցմամբ ընդունել է ԲԴԽ-ի լիազորություններն ընդլայնող օրինագիծը

Ազգային ժողովում մեկնարկել է արտահերթ նիստը: Նախաձեռնությունն «Իմ քայլը» խմբակցությանն է : ՀՀ ազգային ժողովն առաջին ընթերցմամբ ընդունել է «Իմ քայլի» մի քանի պատգամավորների ներկայացրած օրենքի նախագիծը, որով, ի թիվս այլ փոփոխությունների, նախատեսվում է նաև սահմանել, որ դատավորին կարգապահական պատասխանատվության ենթարկելու համար ԲԴԽ-ին դիմելու իրավունք կունենան նաև ֆիզիկական և իրավաբանական անձինք՝ իրենց մասնակցությամբ կոնկրետ գործերով: «Հայաստանի Հանրապետության դատական օրենսգիրք» սահմանադրական օրենքում փոփոխություններ եւ լրացումներ կատարելու մասին և կից ներկայացված օրենքների նախագծերի փաթեթն ԱԺ նիստում քվեարկությամբ ստացել է 80 «կողմ», 6 «դեմ» և 1 «ձեռնպահ» ձայներ: Փաթեթով առաջարկվում է ԲԴԽ-ին օժտել դատարանների բնականոն գործունեություն ապահովելու լիազորություն` նախատեսելով, որ վերջինիս իրականացման ուղղությամբ ԲԴԽ-ն իրավունք ունենա ընդունելու նորմատիվ իրավական ակտեր: Առաջարկվում է ԲԴԽ-ին օժտել նաև նորմատիվ իրավական ակտեր ընդունելու լիազորությամբ: Նախագծի ընդունման դեպքում դատավորին կարգապահական պատասխանատվության ենթարկելու համար ՀՀ արդարադատության նախարարից և Դատավորների ընդհանուր ժողովի էթիկայի և կարգապահական հարցերի հանձնաժողովից բացի, ԲԴԽ-ին դիմելու իրավունք կունենան նաև ֆիզիկական և իրավաբանական անձինք՝ իրենց մասնակցությամբ կոնկրետ գործերով, եթե առերևույթ առկա է էական կարգապահական խախտման որոշակի հիմք: ՀՀ ազգային ժողովի ընդդիմադիր «Լուսավոր Հայաստան» խմբակցությունը կտրակաnապես դեմ է արտահայտվել օրինագծին:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

Արտակ Ժամակոչյանի անվան դասասենյակի բացում Գյումրու թիվ 4 դպրոցում

Հերոսներն անմահ են, քանի նրանց հիշում են. Արտակ Ժամակոչյանի անվան դասասենյակի բացում Գյումրու թիվ  4 դպրոցում

Գյումրու թիվ 4 դպրոցի  դասասենայակներից մեկն  այսօրվանից կրելու է  Արցախյան 44-օրյա պատերազմում ընկած,  հանուն հայրենի սահմանների պաշտպանության անմահացած հերոս Արտակ Ժամակոչյանի անունը:  Այս դպրոցում է Արտակը կրթվել, այստեղ է դրվել հիմքը իսկական հայի ու հայրենասերի: Դասղեկի խոսքով` Արտակն ապրեց ընդամենը 30 տարի, բայց ապրեց շատ իմաստալից մի կյանք` հասցնելով լինել լավ աշակերտ ու որդի, լավ ամուսին ու հայր:

Արտակը ծնվել է մի ընտանիքում, որտեղ եղել են հերոսներ: Ժամակոչյանների ընտանիքը հայրենիքին երեք հերոս է տվել է, վերջինը Արտակն է:

«Որդուն հերոս անվանելով` որդեկորույս մորը չես սփոփի»,- ասում է հերոսի մայրը: Տիկին Շուշանիկի միակ սփոփանքը թոռնուհին է` Արտակի դուստրը, ում աչքերում նա իր որդուն է տեսնում:

Արտակը հետմահու պարգևատրվեց Երկրապահ կամավորականների միության  մեդալով: Շիրակի մարզի նախագահ Յուրա Ալեքսանյանն այն հանձնեց հերոսի մորը:

Ցավի հետ մեկտեղ կա  նաև հպարտություն. Արտակ կինը` Հեղինեն, նշում է` մենք չենք պարտվել, սա ժամանակավոր դադար է, առջևում հաղթանակներ կան:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

Պատերազմի ժամանակ հաշմանդամ դարձածների համար անկախ կյանքի կենտրոններ կհիմնվեն 6 մարզերում

Տեղի է ունեցել ՀՀ կառավարության հերթական նիստը, որը վարել է ՀՀ վարչապետ Նիկոլ Փաշինյանը: Կառավարությունն այսօրվա նիստում հաստատել է Զինվորական ծառայության ժամանակ հաշմանդամություն ձեռք բերած անձանց իրավունքների պաշտպանության և սոցիալական ներառման միջոցառումների ծրագիրը և դրա իրականացման ժամանակացույցը: Հիմնավորման համաձայն՝ պետության կարևորագույն խնդիրներից է ռազմական գործողությունների հետևանքով հաշմանդամություն ձեռք բերած անձանց սոցիալական ներառման ապահովումը՝ սոցիալական, զբաղվածության, կրթական, մշակութային և տնտեսական ծրագրերի և միջոցառումների ամբողջության միջոցով։ Հաշմանդամություն ունեցող անձանց հաշվառման տեղեկատվական համակարգում հունվարի 1-ի դրությամբ հաշվառված է զինվորական կապով հաշմանդամություն ունեցող 9022 անձ, որոնց 79 տոկոսը աշխատանքային տարիքի են: 2020 թ. սեպտեմբերի 27-ին Արցախի Հանրապետության դեմ սանձազերծված պատերազմում վիրավորում ստացած 472 անձի սահմանվել է հաշմանդամություն, այդ թվում՝ 70 անձի 1-ին խումբ, 147 անձի՝ 2-րդ խումբ, 255 անձի՝ 3-խումբ։ Ծրագրի խնդիրներն են՝ զինվորական ծառայության ժամանակ հաշմանդամություն ձեռք բերած անձանց կարիքների գնահատման ապահովում բազմամասնագիտական թիմի կողմից, գնահատված կարիքների հիման վրա հասցեական և համալիր ծառայությունների մատուցում, անկախ կյանքի և համայնքում ներառվելու, զբաղվածության ապահովման գործուն մեխանիզմների ներդնում և այլն: Ծրագրով սահմանված նպատակներին հասնելու նպատակով նախատեսվում է սոցիալական ծառայությունների մատուցում, որն ընդգրկում է՝ կարիքների գնահատում, անհատական սոցիալական ծրագրի մշակում, սոցիալական դեպքի վարում, շահառուի անկախ կյանքի հմտությունների ձևավորում, այդ թվում՝ ինքնախնամքի, ֆինանսների կառավարման, առօրյա կենսական հմտությունների, սննդի պատրաստման դասընթացներ, անձնական օգնականի ծառայություն, ուղեկցողի (հետևողի) ծառայություն, խնամքի կազմակերպման դասընթաց և խորհրդատվություն ընտանիքին, հոգեբանի խորհրդատվություն, սոցիալ-հոգեբանական աշխատանք շահառուի և նրա ընտանիքի անդամների հետ և այլն: Ծրագրով նախատեսված են նաև զբաղվածութան ապահովման ծառայություններ, մասնավորապես՝ աշխատանք փնտրողներին խորհրդատվության տրամադրում և մենթորինգ, շահառուի ունակությունների, նախասիրությունների, կարողությունների, անձնային որակների բացահայտում, շահառուի մասնագիտական կոմպետենտության որոշարկում, կարողությունների գնահատում, կարիերայի անհատական ծրագրի կազմում: Աշխատանքի և սոցիալական հարցերի նախարար Մեսրոպ Առաքելյանը նշել է, որ միջազգային լավագույն փորձի հիման վրա նախատեսվում է ստեղծել անկախ կյանքի կենտրոններ, որտեղ ծառայություններ կմատուցվեն պատերազմի հետևանքով հաշմանդամություն ձեռք բերած անձանց: «Կենտրոններում կիրականացվեն այդ անձանց ինքնուրույն կենցաղավարման ծրագրեր, անձնական օգնականի ծառայություններ, մասնագիտական կողմնորոշման և կարիերայի պլանավորման ծառայություններ: Առաջին փուլով այդ կենտրոնները նախատեսվում է ստեղծել 6 մարզերում, որտեղ հաշմանդամություն ունեցող անձանց թիվը մի փոքր ավելի մեծ է: Այս պահին հիմնական ծառայությունները մատուցվում են Երևանում, ուստի Երևանից ավելին հեռու գտնվող մարզերում կստեղծվեն այդ կենտրոնները, որպեսզի հնարավորություն ունենանք ապահովել համաչափ հասանելիություն»,-ասել է նախարարը: Նիկոլ Փաշինյանը հետաքրքրվել է պատերազմի հետևանքով ստորին վերջույթների պրոթեզավորման անհրաժեշտություն ունեցող բոլոր զինվորներին ժամանակակից ամենաբարձր չափանիշներին համապատասխանող պրոթեզներով ապահովելու գործընթացից: Ի պատասխան Մեսրոպ Առաքելյանը նշել է, որ գործընթացի առաջին փուլն արդեն ամփոփվել է: «Պրոթեզավորման կարիք ունեցող անձանց կարիքների համալիր գնահատում ենք իրականացրել՝ միջազգային չափանիշներին համապատասխան: Ընդ որում, բացի առողջապահական խնդիրների գնահատումից, իրականացվել է նաև նրանց միջավայրի, մասնավորապես՝ կենցաղային, տնային պայմանների գնահատում: Շատ հաճախ առկա տնային որոշակի սահմանափակումները հնարավորություն չեն տալիս նույնիսկ պրոթեզի պարագայում լիարժեք ինտեգրվել, հետևաբար այս պահին այդ գնահատումն իրականացվել է: Միջազգային պրոթեզարանների հետ, մասնավորապես՝ եվրոպական և ամերիկյան, արդեն ունենք պայմանավորվածություններ, որտեղից ձեռք են բերվելու բոլոր անձանց համար միջազգային չափանիշներին համապատասխան բազմաֆունկցիոնալ պրոթեզներ: Առաջիկայում արդեն խումբ առ խումբ այդ պորթեզավորումը կիրականացվի: Զուգահեռ կիրականացվի նաև տնային պայմանների հարմարեցումը, որպեսզի սահմանափակումները հնարավորինս նվազ լինեն»,- ասել է նախարարը:

Աղբյուր՝ https://www.primeminister.am/hy/press-release/item/2021/03/18/Cabinet-meeting/

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

Բանակից խուսափածները կկարողանան առանց նախապայմանների վերադառնալ հայրենիք

«Արդարադատության նախարարությունը դրական եզրակացություն է տվել մեր կողմից առաջարկված օրենսդրական փոփոխությունների փաթեթին: Հուսով եմ՝ մինչև այս ամսվա վերջ կառավարությունը նախագիծը կփոխանցի ԱԺ»,- այս մասին ԱԺ պաշտպանության և անվտանգության հարցերի մշտական հանձնաժողովի նիստում ասել է հանձնաժողովի նախագահ Անդրանիկ Քոչարյանը: Նրա խոսքով՝ օրինագծի ընդունման դեպքում 27 տարին լրացած բոլոր քաղաքացիներին, որոնք խուսափել են բանակում ծառայելուց, հնարավորություն կտրվի վերադառնալ Հայաստան՝ առանց նախապայմանների:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

ԱԺ հանձնաժողովը բացասական եզրակացություն տվեց ռազմական դրությունը վերացնելու նախագծին

ՀՀ ազգային ժողովի պաշտպանության և անվտանգության հարցերի մշտական հանձնաժողովը հավանություն չտվեց ընդդիմադիր «Բարգավաճ Հայաստան» և «Լուսավոր Հայաստան» խմբակցությունների կողմից ներկայացված նախագծին, որով առաջարկվում է վերացնել երկրում ռազմական դրությունը: Ռազմական դրությունը վերացնելու մասին օրենքի նախագիծը հանձնաժողովի նիստում ներկայացրել է «Բարգավաճ Հայաստան»-ի պատգամավոր Արման Աբովյանը: «ԼՂ հակամարտության գոտում կրակի և բոլոր ռազմական գործողությունների լիակատար դադարեցման մասին հայտարարվել է 2020-ի նոյեմբերի 10-ին՝ այն բանից հետո, երբ Հայաստանի, Ռուսաստանի և Ադրբեջանի ղեկավարների կողմից նոյեմբերի 9-ին ստորագրվել էր հայտարարություն, որի մասին մենք բոլորս գիտենք»,-ասել է Աբովյանը: Նա հիշեցրել է եռակողմ հայտարարության 3-րդ, 4-րդ, 5-րդ կետերի մասին, հատկապես Ռուսաստանի Դաշնության խաղաղապահ զորակազմի տեղակայման մասին, հրադադարի ռեժիմը վերահսկելու համար խաղաղապահ կենտրոնի մասին: «Հաշի առնելով նշյալ իրողությունները՝ առաջարկում ենք վերացնել սեպտեմբերի 27-ին հայտարարված ռազմական դրությունը»,-նշել է նա: Պատգամավորը խոսել է նաև ներքաղաքական վիճակի, զարգացումների մասին, ըստ նրա՝ գործող ռազմական դրությունը ամբողջ ծավալով չի համապատասխանում ստեղծված իրավիճակին, հանդիսանում է շատ լուրջ խոչընդոտ՝ քաղաքական բոլոր զարգացումներին: ԼՀԿ ղեկավար Էդմոն Մարուքյանն ակնհայտ է համարել, որ ռազմական դրության կարիք չկա: «Խորհրդարանական ընդդիմությունը չի կարող անվստահության գործընթաց սկսել ռազմական դրության ժամանակ….ՏԻՄ ընտրություններ կան, որոնք չեն իրականացվում ռազմական դրության պատճառով…»,-ասել է նա ու կարծիք հայտնել, որ ռազմական դրությունը պահվում է միայն քաղաքական նպատակով: Նախագիծը քվեարկությամբ բացասական եզրակացություն է ստացել:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru