Բժիշկներն այս պահին զինվորներին են պետք․ Արսեն Թորոսյան
ՀՀ առողջապահության նախարար Արսեն Թորոսյանը տեսաուղերձով դիմել է ազգաբնակչությանը՝ կոչ անելով խստորեն հետևել հակահամաճարակային կանոններին, փրկել կյանքեր, քանի որ բժիշկներն այս պահին զինվորներին են պետք:«Հիմա հայության ողջ ուշադրությունը սևեռված է Ադրբեջանի կողմից սանձազերծված լայնածավալ պատերազմի հետևանքով ստեղծված իրավիճակին, և մյուս խնդիրները, կարծես թե, մղվում են հետին պլան: Սակայն պետք է ողջամիտ լինել և չթուլանալ: Օրհասական այս օրերին մենք զբաղվում ենք մարտական գործողությունների հետևանքով վիրավորում ստացած զինվորների և խաղաղ բնակիչների տարհանմամբ և բուժմամբ»,- ասել է Թորոսյանը: Այս օրերին վիրավորում ստացած բոլոր զինծառայողներին, կամավորներին, խաղաղ բնակիչներին մաղթելով առողջություն և շուտափույթ ապաքինում՝ Թորոսյանն ընդգծել է, որ, այդուհանդերձ, զուգահեռ իրականությունում նկատվում է կորոնավիրուսային հիվանդության ցուցանիշների կտրուկ աճ: «Հիվանդության՝ օրեցօր ավելացող դեպքերը փաստում են, որ այն ոչ մի կերպ չի նահանջել, ավելին՝ ՀՀ ողջ տարածքում վերջին օրերին դիտվում է կորոնավիրուսային հիվանդության զգալի աճ՝ պատերազմի պայմաններում ավելացնելով առողջապահական համակարգի ծանրաբեռնվածությունը, և, ցավոք, խլում կյանքեր: Այժմ ավելի քան կարևոր է չկորցնել զգոնությունը, անտարբերության չմատնել դեռևս աշխարհում, այդ թվում՝ Հայաստանում COVID-19-ով պայմանավորված համաճարակային իրավիճակը, անգամ այս լարվածության մեջ անհրաժեշտ է խստիվ պահպանել հակահամաճարակային կանոնները: Վստահորեն կարելի է արձանագրել, որ 3 կանոնների կիրառումը՝ սոցիալական հեռավորության պահպանում, դիմակի կրում, ձեռքերի ախտահանում, դրական արդյունք է տվել ամռան ամիսներին, ինչը նշանակում է, որ հնարավոր է անհատական մակարդակում ազդեցություն ունենալ վիրուսի տարածումը կանխարգելելուն»,- ընդգծել է նա։ Նախարարը շնորհակալություն է հայտնել Հայաստանի և սփյուռքի տարբեր բժշկական հաստատություններից առաջնագիծ մեկնած հարյուրավոր բուժաշխատողների, բոլոր բուժաշխատողներին՝ 10 ամիս շարունակ կորոնավիրուսային հիվանդության դեմ անխոնջ պայքարելու և կյանքներ փրկելու համար: Նախարարն իր խորը վշտակցությունն ու ցավակցությունն է հայտնել նահատակված հերոսների հարազատներին և մտերմիներին: «Հիշեք՝ բժիշկներն այս պահին զինվորներին են պետք, թող զինվորն ու թիկունքն առողջ մնան: Կրիր դիմակ, փրկիր կյանքեր»,- եզրափակել է Թորոսյանը:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Արցախի նախագահը կոչով դիմել է հայրենիքում ու Սփյուռքում ապրող հայրենակիցներին
Արցախի նախագահ Արայիկ Հարությունյանը այսօր ֆեյսբուքյան ուղիղ եթերի միջոցով հերթական կոչով դիմել է հայրենիքում ու Սփյուռքում ապրող հայրենակիցներին: Նախագահն ընդգծել է՝ սեպտեմբերի 27-ին Ադրբեջանի, Թուրքիայի և միջազգային ահաբեկչության կողմից Արցախի և հայ ժողովրդի դեմ սանձազերծված լայնածավալ պատերազմը շարունակվում է: «Պաշտպանության բանակը այդ ընթացքում շարունակում է հերոսաբար դիմադրել և ուժգին հակահարվածներ հասցնել թշնամուն՝ պատճառելով նրան մարդկային և զինտեխնիկայի ահռելի կորուստներ: Մարտերի ընթացքում իրենց լավագույնս են դրսևորում մայր Հայաստանից և Սփյուռքից ժամանած մեր հայրենակիցները: Հատուկ ուզում եմ ընդգծել հայրենիքի պաշտպանության գործում մեծ ներդրում ունեցած և պատերազմական հարուստ փորձ ունեցող մեր մարտական ընկերների մասնակցությունը, ինչպես նաև ժամկետային մեր հերոս երիտասարդների մասնակցությունը»:Հարությունյանը բարձր է գնահատել Ռուսաստանի Դաշնության և միջազգային հանրության ակտիվ ջանքերը պատերազմական գործողությունների դադարեցման ուղղությամբ: «Վերջերս եռակողմ ձևաչափով տեղի է ունեցել հանդիպում Մոսկվայում, Ռուսաստանի նախագահի նախաձեռնությամբ և հայտարարություն է կատարվել գոնե հումանիտար հրադադարի հետ կապված և հետագայում բանակցությունները վերսկսելը: Բայց ի՞նչ է տեղի ունեցել: Հակառակորդը՝ հակառակը՝ օգտվելով առիթից այդ հայտարարության հաջորդ օրվանից սկսել է ավելի հուժկու մարտական գործողություններ ճակատի գրեթե ամբողջ երկայնքով մանավանդ հարավային ուղղությամբ: Եվ հակառակորդին հաջողվել է ինչ որ տեղ մխրճվել, ինչ որ տեղ ունենալ առավելություններ և օր օրի ճակատը տեղափոխել ավելի խորը տարածքներ»:Արցախի Հանրապետության նախագահը նշել է, որ հակառակորդին զինադադար ստիպելու համար մի ճանապարհ կա. պարտադրել այդ հրադադարը: «Մենք պատարստ ենք առանց նախապայմանների սկսել մեր ստանձնած հումանիտար առաքելության առումով պատասխանատվությունը, և հետագայում շարունակել բանակցությունները՝ խաղաղ ճանապարհով լուծելու ուղղությամբ, չնայած արդեն իսկ անհնարին է խաղաղ ճանապարհով, թեև դեռ ուշ չէ: Հակառակորդը ընտրել է այդ ճանապարհը, ընտրել է ոչ թե Ղարաբաղյան խնդրի լուծման ճանապարհը, այլ բնաջնջելու առաջին հերթին արցախահայությունը, հետո հնարավորության դեպքում նաև Հայաստանին: Այդ ձեռագիրը մենք տեսնում ենք»:
Տեսանյութ՝ https://www.facebook.com/ArayikHarutyunian/videos/3458494714220124/
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
ՊԲ ՀՕՊ ուժերը խոցել են հակառակորդի «ԱՆ-2» տիպի անօդաչու ռմբակոծիչ ինքնաթիռ. ՊՆ
ՊԲ հակաօդային պաշտպանության միջոցներով հոկտեմբերի 12-ին արևելյան ուղղությամբ խոցվել է հակառակորդի «ԱՆ-2» տիպի անօդաչու ռմբակոծիչ ինքնաթիռ:Այս մասին տեղեկացնում է Արցախի ՊԲ-ն՝ ներկայացնելով տեսանյութ: ԱՅն իր էջում հրապարակել է ՊՆ խոսնակ Շուշան Ստեփանյանը:
Տեսանյութ՝ https://www.facebook.com/shushanstepanyan/videos/3323677251001745
© dialoguemc.am Freedom of speech & Pluralism
Հեռ. ՝ +37498 691-690; Էլ. Փոստ ՝ dialoguemediacenter@gmail.com
Գյումրի համայնքի ավագանու արտահերթ նիստ 09/10/2020
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Մինգեչաուրի և Աղջաբադի ուղղությամբ հարվածների մասին լուրերը կեղծ են. ՊՆ
Մինգեչաուրի և Աղջաբադի ուղղությամբ հայկական ուժերի իբր ինտենսիվ հարվածելու մասին ադրբեջանական հայտարարությունները հերթական կեղծիքն են։Այս մասին հայտնում է ՀՀ ՊՆ խոսնակ Շուշան Ստեփանյանը՝ հավելելով, որ մարտական գործողությունների շրջանում ՊԲ ստորաբաժանումների խոցման համար առկա են հակառակորդի բավարար թիրախներ։«Նախազգուշացնում ենք, որ ադրբեջանական զինուժի կողմից բնակավայրերի և քաղաքացիական ենթակառուցվածքների հանդեպ որևէ սադրանքի դեպքում Արցախի ՊԲ պատասխանը լինելու է անհամարժեք կոշտ»:
————————————————————————-
RUS—— Заявления Азербайджана о якобы интенсивном ударе армянских сил в направлении Мингечаура и Агджабада являются очередной фальсификацией.
В районе боевых действий достаточно целей для поражения со стороны подразделений Армии обороны Арцаха.
Предупреждаем, что в случае провокации азербайджанских вооруженных сил, направленной против населенных пунктов и гражданской инфраструктуры, ответ Армии обороны Арцаха будет непропорционально жестким.
————————————————————————-
ENG—— The Azerbaijani statements about an alleged intensive attack of the Armenian forces in the direction of Mingechaur and Aghjabad are another lie. In the scope of military operations there is sufficient number of military targets for the Defense Army to destroy. There are enough targets of the enemy. We warn that in case of any provocation by the Azerbaijani armed forces against the settlements and civilian infrastructure, the response of the Artsakh Defense Army will be disproportionately harsh.
Աղբյուր՝ https://www.facebook.com/shushanstepanyan/posts/3314632321906238
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Ժամանակն է ոչ թե ձևական կոչերով, այլ իրական քայլերով անհապաղ դադարեցնել շարունակվող հումանիտար աղետը. ՄԻՊ
Հայաստանի մարդու իրավունքների պաշտպան Արման Թաթոյանը դիմել է համաշխարհային հանրությանը: «Անհրաժեշտ են հրատապ քայլեր: Ժամանակն է ոչ թե ձևական կոչերով կամ կոնֆերանսներում գեղեցիկ ելույթներով, այլ իրական քայլերով անհապաղ դադարեցնել այս շարունակվող հումանիտար աղետը, զոհերն ու զանգվածային ավերածությունները:
Յուրաքանչյուր րոպեն, յուրաքանչյուր վայրկյանը կարևոր է:
Մի՛ կուրացրեք ձեզ:
Մի՛ փակեք ձեր աչքերը»,- նշել է Արման Թաթոյանը:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
ՀՀ և ՌԴ վարչապետներն ընդգծել են ռազմական գործողությունների դադարեցման կարևորությունը
Վարչապետի լրատվական ծառայությունը հայտնում է, որ Նիկոլ Փաշինյանը Երևանում տեղի ունեցած Եվրասիական միջկառավարական խորհրդի նիստի շրջանակում հանդիպում է ունեցել Ռուսաստանի Դաշնության վարչապետ Միխայիլ Միշուստինի հետ:Նիկոլ Փաշինյանը նկատել է, որ սա վարչապետի պաշտոնում պարոն Միշուստինի առաջին այցն է Երևան և ցավով նշել, որ այն տեղի է ունենում Լեռնային Ղարաբաղում ընթացող պատերազմական գործողությունների պայմաններում: ՀՀ վարչապետը հույս է հայտնել, որ առաջիկայում ՌԴ վարչապետը մեր երկիր կայցելի արդեն այլ պայմաններում և մթնոլորտում:Հանդիպման սկզբում երկու երկրների կառավարությունների ղեկավարները քննարկել են ԼՂ-ում ստեղծված իրավիճակը՝ ընդգծելով ռազմական գործողությունների դադարեցման կարևորությունը:Նիկոլ Փաշինյանը և Միխայիլ Միշուստինն անդրադարձել են հայ-ռուսական առևտրատնտեսական համագործակցության արդիական հարցերի այնպիսի ոլորտներում, ինչպիսիք են էներգետիկան, տրանսպորտը և արդյունաբերությունը:Վարչապետներն ընդգծել են համատեղ հեռանկարային ծրագրերի իրականացման և Եվրասիական տնտեսական միության շրջանակում փոխգործակցության ամրապնդման կարևորությունը: Զրուցակիցներն անդրադարձել են կորոնավիրուսի դեմ պայքարի ուղղությամբ քայլերին։
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Վարչական և քրեական պատասխանատվություն՝ ռազմական դրության իրավական ռեժիմը խախտելու համար
ՀՀ Ազգային ժողովն արտահերթ նիստում առաջին ընթերցմամբ ընդունել է Կառավարության առաջարկած Վարչական իրավախախտումների վերաբերյալ ՀՀ օրենսգրքում լրացումներ կատարելու մասին և կից ներկայացված օրինագծերի փաթեթը:Դրանցով գործադիրն առաջարկում է տույժեր սահմանել Հայաստանի ողջ տարածքում հայտարարված ռազմական դրության սահմանափակումները խախտելու համար: Զեկուցող արդարադատության նախարար Ռուստամ Բադասյանը նշել է ՝ ռազմական դրության իրավական ռեժիմով նախատեսված սահմանափակումների չպահպանման կամ միջոցառումների խախտման համար նախատեսվել են վարչական պատասխանատվության միջոցներ: Արդարադատության նախարարը ներկայացրել է դեպքերը, երբ սահմանվում է վարչական պատասխանատվություն և քրեական պատասխանատվություն, նաև այն տույժերը, որոնք նախատեսվում են խախտումներ արձանագրելու դեպքում: Այսպիսով, ռազմական դրություն հայտարարված տարածքում ազատ տեղաշարժվելու իրավունքի սահմանափակումը կամ տարածք մուտք գործելու և տարածքից դուրս գալու հատուկ ռեժիմը խախտելը՝ առաջացնում է տուգանքի նշանակում սահմանված նվազագույն աշխատավարձի երկուհարյուրապատիկից մինչև երեքհարյուրապատիկի չափով:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Երևանում մեկնարկել է Եվրասիական միջկառավարական խորհրդի նիստը
Երևանում մեկնարկել է Եվրասիական միջկառավարական խորհրդի նիստը:Կարեն Դեմիրճյանի անվան Մարզահամերգային համալիրում հյուրերին դիմավորել է վարչապետ Նիկոլ Փաշինյանը:Նիստին մասնակցում են Եվրասիական տնտեսական միության անդամ 5 երկրներից 4-ի կառավարությունների ղեկավարները՝ Հայաստանի վարչապետ Նիկոլ Փաշինյանը, Ռուսաստանի վարչապետ Միխայիլ Միշուստինը, Բելառուսի վարչապետ Ռոման Գոլովչենկոն, Ղազախստանի վարչապետ Ասկար Մամինը և Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը: Ղրղըզստանի վարչապետ Ղուբաթբեկ Բորոնովը հրաժարական է տվել, և երկիրը ներկայացված է դեսպանի մակարդակով:Նիստի մեկնարկին ելույթ է ունեցել Հայաստանի վարչապետը՝ մասնավորապես նշելով. – «Այսօրվա նիստն անցկացվում է Հայաստամի համար դժվարին ժամանակում։ Երկու շաբաթ է՝ չեն դադարում մարտերը ղարաբաղա-ադրբեջանական շփման գծի ամբողջ երկայնքով՝ ժամանակակից զինամթերքի բոլոր տեսակների կիրառմամբ։ Լեռնային Ղարաբաղի և Հայաստանի Հանրապետության քաղաքները, գյուղերը, այդ թվում՝ քաղաքացիական նշանակության օբյկետները և ենթակառուցվածքները, գտնվում են հրետանային և հրթիռային կրակի տակ։ Կան բազմաթիվ վիրավորներ ու սպանվածներ, այդ թվում՝ քաղաքացիական բնակչության շրջանում: Սակայն, վստահեցնում եմ ձեզ, որ չնայած բոլոր դժվարություններին՝ մեր ժողովոուրդը համախմբված է և լի վճռականությամբ՝ կանգնել մինչև վերջ և պաշտպանել մեր ազատությունը և անկախությունը»,- ասել է Փաշինյանը: Նախատեսված է նաև ընդլայնված կազմով հանդիպում:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
20 մլն դրամ «Հայաստան համահայկական հիմնադրամին»՝ Գյումրիից
Գյումրի համայնքի ավագանին այսօր միաձայն որոշել է համայնքի բյուջեից, որպես դրամական նվիրատվություն, 20 միլիոն դրամ փոխանցել «Հայաստան» համահայկական հիմնադրամին՝ «Մենք ենք մեր սահմանները,բոլորս Արցախի համար» դրամահավաքի շրջանակում։Նշված 20 միլիոն ՀՀ դրամից 10 միլիոնը ավագանին հատկացնելու է Շուշիի սբ․ Ամենափրկիչ Ղազանչեցոց եկեղեցու վերանորոգման նպատակով։Երեկ Արցախի տեղեկատվական շտաբը հայտնել էր, որ երկու անգամ հակառակորդը հրթիռակոծել է Շուշիի խորհրդանիշ Ղազանչեցոց եկեղեցին։ Գյումրու ավագանին նաեւ որոշել է համայնքի բյուջեից 625 հազար դրամ հատկացնել 2020 թվականի սեպտեմբերի 27-ին Արցախում սկսված պատերազմի պատճառով Արցախից Գյումրի տեղափոխված յուրաքանչյուր անձի հատկացնել դրամական օգնություն՝ 20 հազար Հայաստանի Հանրապետության դրամի չափով, իսկ անհրաժեշտության դեպքում նաև հոգալ նրանց կացության, սննդի եւ կենսագործունեության համար անհրաժեշտ բոլոր ծախսերը:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru