Տեսանյութեր

Գյումրու քաղաքապետարանում 17 բաժնի փոխարեն հաջորդ տարի կգործի 15-ը

Այսօր Գյումրու ավագանոի հերթական նիստ էր, օրակարգում ընդգրկված էր 27 հարց, բոլոր հարցերն էլ ընդունվեցին, ավագանու նիստը տեւեց 2 ժամից ավելի։

Գյումրու համայնքապատկան Մարիամ եւ Երանուհի Ասլամազյան քույրերի պատկերասրահին հատկացվեց 1 միլիոն 350 հազար դրամ շենքի առաջին հարկում ջեռուցման համակարգ անցկացնելու նպատակով։

Ավագանին հաստատեց նաեւ համայնքի վարչական տարածքում տեղական տուրքերի եւ վճարների 2019 թվականի դրույքաչափերը։

2019 թվականից 4 բաժինների փոխարեն Գյումրու համայնքապետարանում, ըստ ավագանու որոշման, գործելու է 2 նոր բաժին՝ Համայնքի անշարժ գույքի կառավարման եւ Գովազդի, առեւտրի եւ սպասարկման ոլորտի համակարգման բաժինները։ Միավորման արդյունքում Գյումրու քաղաքապետարանի աշխատակազմում ներկայիս գործող 17 բաժնի փոխարեն կգործի 15-ը։

Նախատեսվում է կրճատել 4 համայնքային ծառայողի եւ երկու տեխնիկական սպասարկման անձնակազմի հաստիք։  Արդյունքում տարեկան տնտեսվելու է 9 միլիոն 829 հազար 200 դրամ:

Ավագանու նույն նիստում հաստատեց նաեւ Գյումրու կոմունալ ծառայություն համայնքային բյուջետային հիմնարկի համար մեկ հատուկ տեխնիկայի գնման հարցը, նախատեսվում է այն գնել երկրորդական շուկայից՝ առանց գնումների հայտարարությունը նախապես հրապարակելու:

Այդ նպատակով նախատեսվում է հատկացնել 7 միլիոն 700 հազար դրամ։ Գնված տեխնիկան ձեւակերպվելու է համայնքի հաշվեկշռում:

Մինչեւ տարեվերջ կհրավիրվի ավագանու արտահերթ նիստ, որտեղ ավագանու հաստատմանն  է ներկայացվելու համայնքի 2019 թվականի բյուջեն։

2019-ին ավագանու հերթական նիստը կայանալու է փետրվարին։

Խնդիրներ են առաջացել մի քանի տեղամասերում տեսողական և լսողական խնդիրներ ունեցող ընտրողների համար։

Գյումրիում տեղակայված շուրջ վաթսուն ընտրատեղամասերում Գյումրու առաջընթացի դիտորդները նշել են, որ ընտրական գործընթացը անցնում է բնականոն հունով, բացառությամբ առանձին դեպքերի, երբ որոշակի խնդիրներ են առաջացել մի քանի տեղամասերում տեսողական և լսողական խնդիրներ ունեցող ընտրողների համար։ Գյումրիում տեղակայված մի շարք տեղամասերում չկան հատուկ միջոցներ՝ խոշորացույցներ, բրայլյան կաղապարներ լսողական խնդիրներ ունեցող անձանց համար ։ Այս մասին հաստատեցին 31/49, 32/36, 31/29, 32/41 ընտրատեղամասերի հանձնաժողովների նախագահները։ Այս մասին տեղեկացվել է 31 ընտրատարածքային հանձնաժողովի նախագահ Արտակ Ավետիսյանին։

Քաղաքացիական հասարակության օրակարգը Ազգային ժողովի արտահերթ ընտրություններին ընդառաջ

Նոր իրավիճակում նոր օրակարգ ձևակերպելու և հանրությանը մարդու իրավունքների և հիմնարար ազատությունների, խտրականության, արդար դատաքննության, արդյունավետ և թափանցիկ կառավարման, կոռուպցիայի դեմ պայքարի և այլ հիմնախնդիրների լուծման վերաբերյալ քաղաքացիական հասարակության դիրքորոշումները ներկայացնելու, ինչպես նաև քաղաքացիական հասարակության կառույցների և Ազգային ժողովի արտահերթ ընտրություններին մասնակցող կուսակցությունների և ուժերի միջև քննարկում ծավալել ու նպատակով կազմակերպվող  քննարկումների շարքի հերթական հանդիպումը տեղի ունեցավ Գյումրիում:  ‹‹Իրազեկ քաղաքացիների միավորման›› փորձագետ  Աննա Փամբուխչյանն  անդրադառնալով ապատեղեկատվության դեմ պայքարում քաղաքացիական հասարակության դերին և կարևորությանը  նշեց․  ճշմարիտ լրատվությունը ունի չոր, չեզոք տոնայնություն և նպատակ ունի տեղեկացնել ինչ է տեղի ունեցել, որտեղ և երբ: Մինչդեռ ապատեղեկատվությունը նպատակ ունի նաև տեսակետ պարտադրել, այն ավելի շատ էմոցիոնալ ֆոնի վրա է այլ, ոչ թե ռացիոնալ:

Ժուռնալիստների ‹‹Ասպարեզ›› ակումբի նախագահ Լևոն Բարսեղյանն էլ խոսեց  հանրային մասնակցության,  տեղեկատվության ազատության և հանրային միջոցների վերահսկման գործիքներ մասին:

‹‹Մարդու իրավունքների պաշտպանության սահմանադրական երաշխիքների հզորացումը›› թեմայով ելույթ ունեցավ Արթուր Սաքունցը` ‹‹Հելսինկյան քաղաքացիական ասամբլեայի›› Վանաձորի գրասենյակի նախագահը: Վերջինս ասաց. ‹‹Մեր նպատակն է բարձրացնել համակարգային խնդիրները: Վերջին հաշվով մեր պետությունը պետք է լուծի մարդու նկատմամբ իր պատասխանատվությունը: Սահմանադրությամբ արդեն իսկ կան խնդիրներ, որոնք հանգեցնում են մարդու իրավունքների սահմանափակմանը››:

Խոսելով ‹‹Անցումային արդարադատության›› հասկացության ընդհանուր նկարագրի,  նպատակների ևւ կիրառման մեխանիզմների մասին փաստաբան Վահե Գրիգորյանն ասաց. ‹‹Անցումային արդարադատությունը մեր խնդիրների լուծման համար ստեղծվող  ճանապարհն  է: Սրա  գործիքակազմը հարուստ է ևւ կարող է լիովին  պայքարել կոռուպցիայի ևւ առհասարակ հետագայում կոռուպցիոն զարգացումները կանխելու նպատակով››:

Ելութների ավարտին տեղի ունեցավ քննարկում, հարց ու պատասխան:

Այլ մանրամասները`տեսանյությում

Պետք է ձևավորել երկբևեռ քաղաքական դաշտ Գ․Չուգասզյան, Սասնա Ծռեր

«Պետք է ձևավորել երկբևեռ քաղաքական դաշտ առնվազն, որտեղ երկու ուժեր քաղաքակիրթ, քաղաքական պայքարի մեջ կձևավորեն նոր օրակարգ Հայաստանի համար և կվերահսկեն մեկը մյուսին»

Առայժմ պարզ չէ, թե քաղաքական որ ուժերը ինչ ձեւաչափով կմասնակցեն արտահերթ խորհրդարանական ընտրություններին: Պարզ է մի բան, որ ԱԺ արտահերթ ընտրություններին մասնակցող կուսակցությունները փաստաթղթերը ԿԸՀ ներկայացնելու համար ունեն 2 օր ժամանակ: Փաստաթղթերի ներկայացման վերջնաժամկետը նոյեմբերի 14-ն է: Ներկա քաղաքական իրավիճակի շուրջ կխոսեն Սասնա Ծռեր համահայկական կուսակցության անդամ Գագիկ Եղիազարյանը և կուսակցության քարտուղարության անդամ Գարեգին Չուգասզյանը: