Խոցվել է հակառակորդի եւս 3 ԱԹՍ, 3 զրահատեխնիկա, կա 200 զոհ. նոր եւ ամփոփ տվյալներ՝ Ադրբեջանի կորուստների մասին
Հակառակորդի կորուստների վերաբերյալ ՀՀ ՊՆ-ից հայտնում են, որ, վերջին տվյալներով, խոցվել է ևս 3 աթս, 3 զրահատեխնիկա, կա 200 զոհ: Ընդհանուր հաշվով այս 16 օրերի ընթացքում հայկական կողմը ոչնչացրել է հակառակորդի 168 ԱԹՍ, 16 ուղղաթիռ, 17 ինքնաթիռ, 514 զրահատեխնիկա, 4 ՏՈՍ, Ադրբեջանն արդեն ունի 4919 սպանված:
Աղբյուր՝ https://www.facebook.com/ArmenianUnifiedInfoCenter/posts/806637833505479
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Թշնամու ստորաբաժանումները կրկին անցել են նախահարձակ գործողությունների. Վ. Պողոսյան
Առաջնագծի տարբեր ուղղություններով թշնամու առաջապահ ստորաբաժանումները կրկին անցել են նախահարձակ գործողությունների: Պաշտպանության բանակը դրանք կասեցնելու համար համարժեք քայլեր է իրականացնում:
Աղբյուր՝ https://www.facebook.com/permalink.php?story_fbid=108584191023476&id=102006298347932
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
ԱՀ ԱԺ-ն կոչ է անում ՌԴ և Իրանի իշխանություններին՝ ստեղծել Հակաահաբեկչական համատեղ կենտրոն
Ինչպես հայտնի է, Բաքվի իշխանությունները, Թուրքիայի բացահայտ հրահանգով, սեպտեմբերի 27-ին նախաձեռնեցին հերթական լայնածավալ ագրեսիան Արցախի Հանրապետության դեմ՝ վերսկսելով ակտիվ ռազմական գործողությունները, որի ընթացքում, Թուրքիայի օժանդակությամբ, տարածաշրջան են ներթափանցել միջազգային ահաբեկիչներ և տարատեսակ ծայրահեղ խմբավորումների ներկայացուցիչներ Սիրիայից, Իրաքից, Լիբիայից և այլ տարածաշրջաններից։
Այս՝ արդեն իսկ հանրահայտ փաստը հաստատում են ոչ միայն միջազգային հեղինակավոր կազմակերպությունները և ԶԼՄ-ները, այլ նաև մի շարք պետությունների, այդ թվում Ռուսաստանի, Ֆրանսիայի, Իրանի, Սիրայի տարբեր պաշտոնատար անձինք։
Ակնհայտ է, որ միջազգային ահաբեկչությունը, օգտվելով Բաքվի իշխանությունների անհեռատես և կարճաժամկետ արդյունք հետապնդող քաղաքականությունից, Սիրիայում կրած խոշոր պարտությունից հետո, Թուրքիայի իշխանությունների միջոցով,փորձում է հաստատվել այս տարածաշրջանում և այն վերածել ահաբեկչական նոր կենտրոնի, ինչը ուղղակի սպառնալիք է ոչ միայն Արցախի, այլև անմիջական հարակից պետությունների՝ Հայաստանի,
Ռուսաստանի, Իրանի անվտանգությանը և տարածքային ամբողջականությանը՝ ստեղծելով տարածաշրջանում անկայունության նոր գոտիներ:
Թուրքիայի և Բաքվի իշխանությունները, տարված Արցախը ամեն գնով ոչնչացնելու մոլուցքով, չեն էլ գիտակցում, որ ահաբեկիչներին այս տարածաշրջան բերելը, հովանավորելը, նրանց կողմից համապատասխան հենակետերի ստեղծմանն օժանդակելը և գործունեության ծավալման համար համապատասխան պայմանների ստեղծումը, եթե կարճաժամկետ կտրվածքով սպառնում են Արցախին, ապա երկարաժամկետ կտրվածքով գլոբալ սպառնալիք են և տարածաշրջանային պետություններին, և միջազգային անվտանգությանը, և հենց բուն Ադրբեջանի խաղաղ բնակչության համար:
Արցախի Հանրապետության Ազգային Ժողովը, կարևորելով տարածաշրջանային խաղաղությունը, անվտանգությունը, տարածաշրջանի պետությունների մեջ շահավետ համագործակցությունը և պայքարը միջազգային ահաբեկչության դեմ՝ կոչ է անում Հայաստանի, Ռուսաստանի և Իրանի իշխանություններին.
1. Դատապարտել Ադրբեջանի կողմից միջազգային ահաբեկչական խմբավորումների և նրանց ներկայացուցիչների օգտագործումն Արցախի դեմ ռազմական ագրեսիայում
2. Ստեղծել համատեղ Հակաահաբեկչական կոորդինացիոն կենտրոն՝ այս տարածաշրջան ներթափանցած միջազգային ահաբեկիչներին, նրանց տեղաբաշխման կետերը և համապատասխան ռազմակայանները հայտնաբերելու և համատեղ չեզոքացման ծրագրեր մշակելու համար
3. Ստեղծել համատեղ Հակաահաբեկչական կոալիցիա՝ այս տարածաշրջան ներթափանցած ահաբեկիչներին և նրանց խմբավորումներին օպերատիվ և արդյունավետ կերպով ֆիզիկապես չեզոքացնելու համար։
Աղբյուր՝ https://www.facebook.com/ArmenianUnifiedInfoCenter/posts/806015056901090
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Գյումրի համայնքի ավագանու արտահերթ նիստ 09/10/2020
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Մինգեչաուրի և Աղջաբադի ուղղությամբ հարվածների մասին լուրերը կեղծ են. ՊՆ
Մինգեչաուրի և Աղջաբադի ուղղությամբ հայկական ուժերի իբր ինտենսիվ հարվածելու մասին ադրբեջանական հայտարարությունները հերթական կեղծիքն են։Այս մասին հայտնում է ՀՀ ՊՆ խոսնակ Շուշան Ստեփանյանը՝ հավելելով, որ մարտական գործողությունների շրջանում ՊԲ ստորաբաժանումների խոցման համար առկա են հակառակորդի բավարար թիրախներ։«Նախազգուշացնում ենք, որ ադրբեջանական զինուժի կողմից բնակավայրերի և քաղաքացիական ենթակառուցվածքների հանդեպ որևէ սադրանքի դեպքում Արցախի ՊԲ պատասխանը լինելու է անհամարժեք կոշտ»:
————————————————————————-
RUS—— Заявления Азербайджана о якобы интенсивном ударе армянских сил в направлении Мингечаура и Агджабада являются очередной фальсификацией.
В районе боевых действий достаточно целей для поражения со стороны подразделений Армии обороны Арцаха.
Предупреждаем, что в случае провокации азербайджанских вооруженных сил, направленной против населенных пунктов и гражданской инфраструктуры, ответ Армии обороны Арцаха будет непропорционально жестким.
————————————————————————-
ENG—— The Azerbaijani statements about an alleged intensive attack of the Armenian forces in the direction of Mingechaur and Aghjabad are another lie. In the scope of military operations there is sufficient number of military targets for the Defense Army to destroy. There are enough targets of the enemy. We warn that in case of any provocation by the Azerbaijani armed forces against the settlements and civilian infrastructure, the response of the Artsakh Defense Army will be disproportionately harsh.
Աղբյուր՝ https://www.facebook.com/shushanstepanyan/posts/3314632321906238
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Ժամանակն է ոչ թե ձևական կոչերով, այլ իրական քայլերով անհապաղ դադարեցնել շարունակվող հումանիտար աղետը. ՄԻՊ
Հայաստանի մարդու իրավունքների պաշտպան Արման Թաթոյանը դիմել է համաշխարհային հանրությանը: «Անհրաժեշտ են հրատապ քայլեր: Ժամանակն է ոչ թե ձևական կոչերով կամ կոնֆերանսներում գեղեցիկ ելույթներով, այլ իրական քայլերով անհապաղ դադարեցնել այս շարունակվող հումանիտար աղետը, զոհերն ու զանգվածային ավերածությունները:
Յուրաքանչյուր րոպեն, յուրաքանչյուր վայրկյանը կարևոր է:
Մի՛ կուրացրեք ձեզ:
Մի՛ փակեք ձեր աչքերը»,- նշել է Արման Թաթոյանը:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
ՀՀ և ՌԴ վարչապետներն ընդգծել են ռազմական գործողությունների դադարեցման կարևորությունը
Վարչապետի լրատվական ծառայությունը հայտնում է, որ Նիկոլ Փաշինյանը Երևանում տեղի ունեցած Եվրասիական միջկառավարական խորհրդի նիստի շրջանակում հանդիպում է ունեցել Ռուսաստանի Դաշնության վարչապետ Միխայիլ Միշուստինի հետ:Նիկոլ Փաշինյանը նկատել է, որ սա վարչապետի պաշտոնում պարոն Միշուստինի առաջին այցն է Երևան և ցավով նշել, որ այն տեղի է ունենում Լեռնային Ղարաբաղում ընթացող պատերազմական գործողությունների պայմաններում: ՀՀ վարչապետը հույս է հայտնել, որ առաջիկայում ՌԴ վարչապետը մեր երկիր կայցելի արդեն այլ պայմաններում և մթնոլորտում:Հանդիպման սկզբում երկու երկրների կառավարությունների ղեկավարները քննարկել են ԼՂ-ում ստեղծված իրավիճակը՝ ընդգծելով ռազմական գործողությունների դադարեցման կարևորությունը:Նիկոլ Փաշինյանը և Միխայիլ Միշուստինն անդրադարձել են հայ-ռուսական առևտրատնտեսական համագործակցության արդիական հարցերի այնպիսի ոլորտներում, ինչպիսիք են էներգետիկան, տրանսպորտը և արդյունաբերությունը:Վարչապետներն ընդգծել են համատեղ հեռանկարային ծրագրերի իրականացման և Եվրասիական տնտեսական միության շրջանակում փոխգործակցության ամրապնդման կարևորությունը: Զրուցակիցներն անդրադարձել են կորոնավիրուսի դեմ պայքարի ուղղությամբ քայլերին։
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Վարչական և քրեական պատասխանատվություն՝ ռազմական դրության իրավական ռեժիմը խախտելու համար
ՀՀ Ազգային ժողովն արտահերթ նիստում առաջին ընթերցմամբ ընդունել է Կառավարության առաջարկած Վարչական իրավախախտումների վերաբերյալ ՀՀ օրենսգրքում լրացումներ կատարելու մասին և կից ներկայացված օրինագծերի փաթեթը:Դրանցով գործադիրն առաջարկում է տույժեր սահմանել Հայաստանի ողջ տարածքում հայտարարված ռազմական դրության սահմանափակումները խախտելու համար: Զեկուցող արդարադատության նախարար Ռուստամ Բադասյանը նշել է ՝ ռազմական դրության իրավական ռեժիմով նախատեսված սահմանափակումների չպահպանման կամ միջոցառումների խախտման համար նախատեսվել են վարչական պատասխանատվության միջոցներ: Արդարադատության նախարարը ներկայացրել է դեպքերը, երբ սահմանվում է վարչական պատասխանատվություն և քրեական պատասխանատվություն, նաև այն տույժերը, որոնք նախատեսվում են խախտումներ արձանագրելու դեպքում: Այսպիսով, ռազմական դրություն հայտարարված տարածքում ազատ տեղաշարժվելու իրավունքի սահմանափակումը կամ տարածք մուտք գործելու և տարածքից դուրս գալու հատուկ ռեժիմը խախտելը՝ առաջացնում է տուգանքի նշանակում սահմանված նվազագույն աշխատավարձի երկուհարյուրապատիկից մինչև երեքհարյուրապատիկի չափով:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Երևանում մեկնարկել է Եվրասիական միջկառավարական խորհրդի նիստը
Երևանում մեկնարկել է Եվրասիական միջկառավարական խորհրդի նիստը:Կարեն Դեմիրճյանի անվան Մարզահամերգային համալիրում հյուրերին դիմավորել է վարչապետ Նիկոլ Փաշինյանը:Նիստին մասնակցում են Եվրասիական տնտեսական միության անդամ 5 երկրներից 4-ի կառավարությունների ղեկավարները՝ Հայաստանի վարչապետ Նիկոլ Փաշինյանը, Ռուսաստանի վարչապետ Միխայիլ Միշուստինը, Բելառուսի վարչապետ Ռոման Գոլովչենկոն, Ղազախստանի վարչապետ Ասկար Մամինը և Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը: Ղրղըզստանի վարչապետ Ղուբաթբեկ Բորոնովը հրաժարական է տվել, և երկիրը ներկայացված է դեսպանի մակարդակով:Նիստի մեկնարկին ելույթ է ունեցել Հայաստանի վարչապետը՝ մասնավորապես նշելով. – «Այսօրվա նիստն անցկացվում է Հայաստամի համար դժվարին ժամանակում։ Երկու շաբաթ է՝ չեն դադարում մարտերը ղարաբաղա-ադրբեջանական շփման գծի ամբողջ երկայնքով՝ ժամանակակից զինամթերքի բոլոր տեսակների կիրառմամբ։ Լեռնային Ղարաբաղի և Հայաստանի Հանրապետության քաղաքները, գյուղերը, այդ թվում՝ քաղաքացիական նշանակության օբյկետները և ենթակառուցվածքները, գտնվում են հրետանային և հրթիռային կրակի տակ։ Կան բազմաթիվ վիրավորներ ու սպանվածներ, այդ թվում՝ քաղաքացիական բնակչության շրջանում: Սակայն, վստահեցնում եմ ձեզ, որ չնայած բոլոր դժվարություններին՝ մեր ժողովոուրդը համախմբված է և լի վճռականությամբ՝ կանգնել մինչև վերջ և պաշտպանել մեր ազատությունը և անկախությունը»,- ասել է Փաշինյանը: Նախատեսված է նաև ընդլայնված կազմով հանդիպում:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru