Գյումրու համայնքի բյուջեից միլիոններ են բռնագանձվում

Թեպետ քաղաքապետարանի պաշտոնյաները հայցադիմումներն ու պահանջներն անհիմն են որակում, այնուհանդերձ, քաղաքապետարանը դատարանում հաղթող չի ճանաչվում

Հոկտեմբերի 22-ին Ս.Բալասանյանի տեղակալ Վաղարշակ Մխիթարյանը, որը նախկինում աշխատել է որպես Գյումրու, ապա Շիրակի մարզի դատախազի տեղակալ, ԶԼՄ-ներին ներկայացրեց վերջին 3 տարիների ընթացքում Գյումրու քաաղքապետարանի դեմ ներկայացված բազմաթիվ հայցադիմումների պահանջները:

-Նախկին քաղաքապետի գործունեության ժամանակահատվածում կուտակված, այսպես կոչված, չհիմնավորված պարտքերի բռնագանձմամբ մեկ տասնյակից  ավելի քաղաքացիական հայցեր ներկայացվել են քաղաքապետարանի դեմ, որոնցով Գյումրու համայնքից արդեն իսկ գանձված եւ գանձվող ընդհանուր գումարը կազմում է 479 մլն 600 հազար ՀՀ դրամ,-նշեց Վ.Մխիթարյանը:

Վ.Մխիթարյանի ներկայացմամբ` բազմաթիվ հայցեր դեռ դատաքննության փուլում են, չարչարկվում են դատական տարբեր ատյաններում, իսկ որոշ գումարներ արդեն իսկ համայնքի բյուջեից բռնագանձվել են: Պաշտոնյայի խոսքով` քաղաքապետարանը, քաղաքապետն օրենքով սահմանված կարգով ամեն ինչ անելու են, որպեսզի համայնքի բյուջեից գումարներ չբռնագանձվեն, այլ դրանք ծախսվեն համայնքի կարիքների համար: Պաշտոնյայի կածիքով` նշված հայցադիմումներն անհիմն են, պահանջները` լրացուցիչ:

Վ.Մխիթարյանի տեղեկացմամբ` Գյումրիում տարիներ շարունակ ասֆալտապատում իրականացնող «Գյումրեցի ընկերներ» ՍՊԸ-ն 2015-ի սեպտեմբերի 22-ին Շիրակի մարզի ընդհանուր իրավասության դատարանում հայցադիմում է ներկայացրել Գյումրու քաղաքապետարանից 427 մլն 650 հազար դրամ բռնագանձելու պահանջի մասին: Ըստ ընկերության ներկայացրած հայցի` Գյումրիում 2009-2012 թթ-ի ընթացքում` հիմնականում ձմռան ամիսներին, ասֆալտապատման աշխատանքներն են կատարվել,  սակայն 2012-ին այդ գումարը Գյումրու քաղաքապետարանը չի վճարել. դեռ ավելին` հայցը ներկայացվել է առանց 8 մլն 553 հազար ՀՀ դրամ պետական տուրքը վճարելու եւ միջնորդվել է դատարանին պետական տուրքի գումարի վճարումը կատարել տարժամկետ է, քանի որ ՍՊԸ-ն անվճարունակ է, գույք եւ ոչինչ չունի:

«Եղիկյան եղբայներ» ՍՊԸ-ն ընդդեմ քաղաքապետարանի եւս հայցադիմում է ներկայցրել եւ քաղաքում կատարած աղբահանության համար պահանջում է բռնագանձել 13 մլն 174 000 ՀՀ դրամ:

«Լուսափայլ քաղաք» ՍՊՆ-ն եւս բացատրել է, որ քաղաքում կատարել է  աղբահանություն եւ պահանջում է բռնագանձել 11 մլն 545 հազար ՀՀ դրամ:

«Աջակից ընկերներ» ՍՊԸ-ն ընդդեմ Գյումրու քաղաքապետարանի. ծառայողական ավտոմեքենաներ սեղմած գազով լիցքավորելու համար 6 մլն 194 հազար ՀՀ դրամ պահանջի մասին եւս հայցադիմում է ներկայացրել: Այս գործն ավարտվել է եւ համայնքի բյուջեից արդեն բռանգանձվել է 4 մլն 732 000 դրամ:

Գեւորգ Ղուկասյանի հայցն ընդդեմ Գյումրու քաղաքապետարանի. համայնքապետարանի հաշվեկշռում գտնվող Չայկա ավտոմեքենայի վրա ծախսված գումարների փոխհատուցման համար դատարանով պահանջվում է բռնագանձել 2 մլն 100 հազար դրամ:  Դատարանը բավարարել է հայցը, քաղաքետարանը ստիպված նույն գործով կրկին դիմել է դատական ատյաններ:

Ջուլիետա Հարությունյանի հայցն ընդդեմ Գյումրու քաղաքապետարանի. առքուվաճառքի պայամանգրով ձեռք բերված հողամասերը հետ վերադարձնելու համար 5 մլն 420 հազար ՀՀ դրամ գումար բռնագանձելու պահանջի մասին հայցադիմում է ներակայացվել. դատական կարգով նշված գումարն արդեն համայնքի բյուջեից բռնագանձվել եւ վերադարձվել է:

«Մինաս Ավետիսյան» հիմնադրամը ընդդեմ Գյումրու քաղաքապետարանի. Մինաս Ավետիսյան հիմանդրամի հետ 2012 թ փետրվարի 2-ին կնքված պայմանագրի համաձայն, Մինաս Ավետիսյանի «Հայկական հովվերգություն» որմնանկարն ամրակայելու, վերականգնելու եւ Գյումրու քաղաքապետարանի վարչական շենք տեղափոխելու համար լրացուցիչ 8 մլն դրամի պահանջ է ներկայացվել: Վ.Մխիթարյանի տեղեկացմամբ` պայամանգրով նախատեսված ամբողջ գումարը քաղաքապետարանն արդեն վճարվել է. պաշտոնյայի հիշելով` մնացել է ընդամենը  460 հազար դրամ պարտք, իսկ նշված 8 մլն դրամի լրացուցիչ պահանջ է ներակայցվում:

«Ալեքսանդրապոլ բիզնես կենտրոնն» ընդդեմ Գյումրու քաղաքապետարանի. համալիրում հյուրանոցային եւ ռեստորանային ծառայությունների դիմաց 3 մլն 417 հազար դրամ բռնագանձելու պահանջ եւս կա:

«Ասպարեզ» օրաթերթը պատրաստ է նաեւ հրապարակել երկրորդ կողմերի տեղեկություններն ու կարծիքները:

Ա.Մկրտչյան asparez.am