Հետաքրքիր զարգացումներ 34/72 ընտրատեղամասից

Գյումրու թիվ 34/72 ընտրատեղամասից, որը տեղակայված է թիվ 25 միջնակարգ դպրոցում, Ասպարեզը ահազանգ ստացավ, որ ինչ-որ անհայտ անձինք են մտել ընտրատեղամաս: Հանձնաժողովի նախագահը փորձել է նրանց դուրս հրավիրել, սակայն նրանք հրաժարվել են դուրս գալ ընտրատեղամասից, վիճաբանություն է սկսվել նրանց միջեւ:Ասպարեզի թղթակիցը տեղում պարզեց, որ նշված անձինք կապ ունեն վստահված անձանցից մեկի հետ:Զուգահեռաբար տեղեկացնենք, որ այս դեպքից առաջ եւ հետո կուտակումներ են ստեղծել 34/72 ընտրատեղամասի մոտակայքում:

Այս ամենին հաջորդեց նաեւ մեկ այլ հետաքրքիր դեպք: 34/72 ընտրատեղամասին մոտ  մի մեքենա էր կայանել, որի մեջ երեք անձ ձեռքերին ունեին ինչ-որ ցուցակներ եւ  քննարկումներ էին անում:

Հ.Վ.