«Համայնքների խոշորացման գործընթաց» Հանրային քննարկում
Համայնքների խոշորացման խնդիրները
Նոյեմբերի 11-ին Գյումրիում կայացավ ‹‹Գյումրու առաջընթաց›› ՔՀԶԿ›› ՀԿ-ի կողմից կազմակերպված ‹‹Համայնքների խոշորացման գործընթացի արդյունավետությունն ու մարտահրավերները›› թեմայով հանրային քննարկում, որն իրականացվում է Երկխոսություն` հանուն ժողովրդավարության ծրագրի շրջանակներում։
Ինչպե՞ս են ընտրվել խոշորացվող համայնքները, ի՞նչ սկզբունքով են ձեւավորվել փնջերը, ի՞նչ նպատակ ունի համայնքների խոշորացումը եւ արդյո՞ք խոշորացման գործընթացի առաջին փուլի արդյունքները հուսադրող են. այս ու այլ հարցեր քննարկվեցին:
Քննարկման բանախոսներն էին` ՀՀ Շիրակի մարզպետարանի աշխատակազմի տեղական ինքնակառավարման եւ հանրապետական գործադիր մարմինների հարցերով վարչության պետ Արամ Անտոնյանը, Աժ պատգամավոր Վարդեւան Գրիգորյանը, Բավրայի նախկին գոյւղապետ Կորյուն Սումբուլյանը, Ս.Դ.Սախարովի անվան իրավապաշտպան կենտրոնի ղեկավար Սեյրան Մարտիրոսյանը, Գյումրու ավագանու անդամ Լեւոն Բարսեղյան:
