2013 թվականի հունիսի 11-ից սպորտի և երիտասարդության հարցերի նախարարության երիտասարդական քաղաքականության վարչությունը ԵՄԻԿ ՊՈԱԿ-ի հետ համատեղ Հայաստանի Հանրապետության բոլոր մարզերում կազմակերպում է այցելություն-խորհրդակցություններ «Պետական երիտասարդական քաղաքականությունը Հայաստանի Հանրապետության մարզերում» ծրագրի շրջանակներում: Խորհրդակցություններին մասնակցում են Հանրապետության մարզպետարանների երիտասարդական ոլորտը համակարգող փոխմարզպետները, մարզպետարանների համապատասխան պաշտոնյաների, ինչպես նաև մարզում գործող երիտասարդական հասարակական կազմակերպությունների ներկայացուցիչները: ՀՀ ՇԻՐԱԿԻ ՄԱՐԶՈՒՄ ՀԱՆԴԻՊՈՒՄԸ ԸՍՏ ՆԱԽՆԱԿԱՆ ՊԱՅՄԱՆԱՎՈՐՎԱԾՈՒԹՅԱՆ ԿԼԻՆԻ 25.06.2013 թ.-ԻՆ: ՕՐՎԱ ԵՎ ԺԱՄԻ ՎԵՐՋՆԱԿԱՆ ՃՇԳՐՏՈՒՄԻՑ ՀԵՏՈ ԼՐԱՑՈՒՑԻՉ ԿՏԵՂԵԿԱՑՎԵՔ:
Քննարկելու են հետևյալ հարցերը`
1. ՏԻՄ-երի աշխատանքներում երիտա¬սար¬դության մասնակցության ապահովում, մասնավորապես՝ մարզպետ¬ներին առընթեր երիտասարդական խորհուրդների ստեղծում (ի կատարումն Հայաստանի Հանրապետության կառավարության 2012 թվականի դեկտեմբերի 27-ի № 1693-Ն որոշման № 2 հավելվածի 14-րդ կետի):
Արդյունքում Հայաստանի Հանրապետության վարչապետին առընթեր ազգային երիտասարդական քաղաքականության խորհրդի հերթական նիստի հաստատմանը նկերկայացվեն մարզպետ¬ներին առընթեր երիտասարդական խորհուրդների կազմերը և կանոնակարգը:
2. «Հայաստանի Հանրապետության տարվա երիտասարդական մայրաքաղաք» մրցույթի անցկացման պայմանների վերաբերյալ տեղեկատվության տրամադրում (հիմք ընդունելով Հայաստանի Հանրապետության վարչապետին առընթեր ազգային երիտասարդական քաղաքականության խորհրդի 2012 թվականի դեկտեմբերի 19-ի «Հայաստանի Հանրապետության տարվա երիտասարդական մայրաքաղաքի հռչակման կանոնակարգի նախագծի մշակման մասին» № 8 որոշումից բխող Հայաստանի Հանրապետության սպորտի և երիտասարդության հարցերի նախարարի 2013 թվականի մայիսի 23-ի ««Հայաստանի Հանրապետության տարվա երիտասարդական մայրաքաղաք» մրցույթի կանոնակարգը, կազմկոմիտեի կազմը, հայտի ձևը և հայտին կից անհրաժեշտ փաստաթղթերի ցանկը հաստատելու մասին» № 121-Ա/1 հրամանը):
3. Հայաստանի Հանրապետության մարզպետարանների աշխատակազմերում երիտասարդական քաղաքականությամբ զբաղվող մասնագետի հաստիքի առանձնացման հարցը (hիմք ընդունելով Հայաստանի Հանրապետության վարչապետին առընթեր ազգային երիտասարդական քաղաքականության խորհրդի 2012 թվականի դեկտեմբերի 19-ի «Հայաստանի Հանրապետության մարզպետարանների աշխատակազմերում երիտասարդական քաղաքականությամբ զբաղվող մասնագետի հաստիքի առանձնացման և Հայաստանի Հանրապետության մարզպետներին կից երիտասարդական խորհուրդների ստեղծման մասին» № 5 որոշումը)։
