Հոկտեմբերի 5-ին, ժամը 15:00 ««ԳՅՈւՄՐՈւ ԱՌԱՋԸՆԹԱՑ» ՔՀԶԿ» ՀԿ-ի գրասենյակում տեղի ունեցավ հերթական կլոր սեղան քննարկումը, որն իրականացվում է «ԵՐԿԽՈՍՈՒԹՅՈՒՆ՝ ՀԱՆՈՒՆ ՔԱՂԱՔԱՑԻԱԿԱՆ ՀԱՍԱՐԱԿՈՒԹՅԱՆ ԶԱՐԳԱՑՄԱՆ» ծրագրի շրջանակներում և նպատակաուղղված է համայնքային խնդիրների ու որոշումների, Գյումրու ՏԻՄ գործունեության, համայնքի թափանցիկ կառավարման ու հրապարակայնության ապահովմանը: Ներկայացվեց <<ԵՐԿԽՈՍՈՒԹՅՈՒՆ՝ ՀԱՆՈՒՆ ՔԱՂԱՔԱՑԻԱԿԱՆ ՀԱՍԱՐԱԿՈՒԹՅԱՆ ԶԱՐԳԱՑՄԱՆ>> ծրագրի գործընթացի մասին, որն արդեն ավարտման փուլում, քննարկվեցին և ներկայացվեցին ավագանու որոշումների վերաբերյալ մոնիտորինգի արդյունքները, Գյումրի համայնքի նախորդ՝ 2009-2012թթ.քառամյա ծրագրի վերլուծության և Գյումրի համայնքի 2013-2016թթ.քառամյա ծրագրի 1-ին կիսամյակի վերլուծության արդյունքները: Ընդունվեց նաև Հանրային խորհրդի կանոնակագը:
