Տեսանյութեր

«Անկախությունը դա գիտակցություն է,հոգեվիճակ և վարքագիծ» Էմիլ Օրդուխանյան

#Անկախություն #սեպրեմբեր21

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

Գյումրիի ժողգործիքների պետական նվագախումբը վերջապես իր շենքն ունի

Սեպտեմբերի 18-ին Գյումրին նշեց իր տոնը: Օրը թեեւ համեստ միջոցառումներով անցավ, բայց նշանավորվեց մշակութային օջախների բացմամբ: Բացվեց նաեւ Գյումրիի ժողովրդական գործիքների նվագախմբի նոր շենքը: Ժողգործիքների նվագախումբը նորակառույց շենքի ձայնային հնարավորությունները ստուգեց փոքրիկ համերգային ծրագրով, որի երգացանկում իհարկե չէր կարող  չլինել վաղուց համույթի այցեքարտը դարձած Գյումրի-Լենինական երգը:

Ավելի քան 30 տարի Գյումրիի ժողգործիքների նվագախումբը տնակային պայմաններում  է իր փորձերն արել, բայց դրանից համույթի հեղինակությունը չի տուժել, մեծ ճանաչում է ձեռք բերել նաեւ լավ երաժիշտների ու երգիչների շնորհիվ: Հայտնի շատ երաժիշտներ է տվել Գյումրիի ժողգործիքների պետական նվագախումբը, ովքեր մնացել են համույթի լավագույն բարեկամները: Նրանցից ոմանք հիմա միջազգային բեմերում են հայկական ժողովրդական երգը ներկայացնում: Ժողգործիքների նվագախմբին դեռ 2018 թվին էր հատկացվել նախկին Վան առողջարանի շենքը, որի հիմնանորոգման նպատակով 20 մլն դրամ տրամադրել  էր Օյունջյան հիմնադրամը, 26 մլն դրամ էլ հատկացրել էր կառավարությունը: Նվագախմբի տնօրենի խոսքերով, շինարարը մրցույթը շահել  էր 36 մլն դրամով, հատկացված գումարից 10 մլն-ով պակաս: Այդ գումարը ետ էր ուղարկվել  պետական բյուջե, իսկ 36 մլն-ը չէր բավականացրել ամբողջ շինարարությանը:

Ընդամենը 3 սենյակում են ներքին հարդարման աշխատանքներ տարվել, որտեղ էլ  ըստ տնօրենի,  թառի,  քամանչայի,  ուդի դասարանները կպարապեն: Սրանք մոռացվող գործիքներն են: Նվագախմբին սերնդափոխություն ապահովելու համար անհրաժեշտ են այլ գործիքներով եւս դասարաններ բացել: Շենքը գազաֆիկացված չէ, հաշվարկել են, որ եւս 20 մլն դրամ  է անհրաժեշտ կիսատ գործերն ավարտին հասցնելու համար:

Տարածքից գրունտային գրերը հեռացնելու համար դրենաժային համակարգ է կառուցվել, անհրաժեշտ է կից քոթեջները եւս վերակառուցել  հյուրընկալվող երաժիշտների գիշերակացն ապահովելու համար: Համույթը կշարունակի դպրոցականների համար աբոնենտային համերգները,  համավարակի պատճառով 2 տարի է, չեն կարողանում 0 ընդունել  Ֆրանսիայից ու ՌԴ-ից ստացած հաներգային հրավերները:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

«Հայրաքաղաք» դաշինք,որը մեկ բառով բնորոշում է քաղաքի բուն էությունը, բնույթը» Լ․Բարսեղյան

«Հայրաքաղաք» դաշինք,որը մեկ բառով բնորոշում է քաղաքի բուն էությունը, բնույթը» Լ․Բարսեղյան

YouTube` 🔴 

#Տիմ #Ընտրություններ

 

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

Գյումրիում թափառող շների կծելու դեպքերը շատ են, պայքարն` անարդյունավետ

Թափառող շների խնդիրն արդեն շարունակում է մտահոգել ոչ միայն Գյումրիի բնակիչներին, այլ նաեւ քաղաք այցելող զբոսաշրջիկներին: Շներն իրական սպառնալիք են դառնում հատկապես գիշերվա ժամերին: Ոչ միայն տնակային թաղամասերը, նաեւ քաղաքի կենտրոնական փողոցներն են երկար տարիներ շներին կացարան ծառայում:
Ավտոկայանի տնակային ավանի բնակիչները խնդրով միակ ահազանգողները չեն, թափառող շների վտանգն ամենուր է, դրանց կծելու դեպքերը` շատ, բուժհաստատություններ դիմողների թիվն էլ շարունակ աճում է:
Գյումրիի Էնրիկո Մատտեի անվան պոլիկլինիկա միայն այս տարի շան կծելու դեպքերով 65 մարդ է դիմել: Բուժհաստատությանը պետպատվերով հատկացվող հակակատաղության պատվաստանյութն արդեն չի բավականացնում: Բավականին թանկ այս շիճուկը պետպատվերից կրկնակի ավելի քանակությամբ ձեռք է բերել պոլիկլինիկան:
Ուշագրավն այն է, որ կծելու դեպքերից հետո էլ շներին վնասազերծելու միջոցներ չեն ձեռնարկվում: Ավտոկայանի բնակիչները գրավոր դիմել են Գյումրիի քաղաքապետարան, պատասխան նամակը բնակիչներին ավելի է հիասթափեցրել:
Թափառող շներին արդեն 1 ու կես տարի է, համայնքային բյուջեի միջոցներով ստերճացնում են, դրանով կանխում շների բազմացումը, բայց ոչ վնասազերծում: Անասնաբուժական կլինիկայի աշխատակցի խոսքերով, 1 շան վրա քաղաքային բյուջեից ծախսվում է 25.000-29.000 դրամ, այս ընթացքում 1250 շուն է վիրահատվել:
Ավտոկայանի տնակային թաղամասի, նաեւ շներից բողոքող բոլոր բնակիչներին նույն պատասխանն է տրվել, որ շների ագրեսիվ վարքագիծ դրսեւորելու դեպքերը կանխելու կամ բացառելու համար քաղաքապետարանը միջոցներ ձեռնարկել չի կարող, քանի որ Հայաստանի քրեական օրենսգիրքը կենդանու նկատմամբ դաժան վերաբերմունքի համար սահմանում է 100.000-300.000 դրամ տուգանք կամ մինչեւ 3 ամիս ազատազրկում: Գյումրիի քաղաքապետարանի պատասխանատուն եւս նշում է, որ ստերճացումը պայքարի բավարար միջոց չէ, բայց առայժմ միակ տարբերակն է:
Շների համար ապաստարան ունենալը նախատեսում է խնամք, պահպանում, կերակրում, բուժսպասարկում, ինչը բավականին մեծ ծախսեր է պահանջում, իսկ այդ գումարը, ըստ Սոնա Առաքելյանի, տեղական բյուջեում չկա: Քաղաքապետարանը հայտարարություն է տարածել, որ այդ խնդիրը անհատները ստանձնեն, բայց արձագանքող չկա: Իսկ ստերճացումը, ըստ կլինիկայի աշխատակցի, անհրաժեշտ է, որպեսզի հետագայում ապաստարան ունենալու դեպքում, այն շատ չծանրաբեռնվի թափառող շների գլխաքանակով: Ստերճացմամբ թեեւ եղած շների 75 տոկոսի բազմացումն արդեն կանխված է. բայց դրանց թիվն անընդհատ աճում է:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

«Գյումրու օրն» ու Անկախության 30-րդ տարեդարձն՝ առանց ճոխությունների

Կայացել է Գյումրի համայնքի հերթական նիստը, որը վարել է Գյումրու քաղաքապետի տեղակալ Ռուբեն Սանոյանը: Ավագանու որոշմամբ համայնքային բյուջեից 1 մլն 600 հազար դրամ գումար հատկացվեց սոցիալապես անապահով 87 անձանց դրամական աջակցություն տրամադրելու նպատակով, 21 մլն 400 հազար դրամ էլ՝ Օլիմպիական խաղերում, Աշխարհի ու Եվրոպայի առաջնություններում լավագույն արդյունքներ գրանցած մարզիկներին ու նրանց մարզիչներին դրամական պարգևներ տրամադրելու համար: Գումար հատկացվեց նաև քաղաքի թիվ 4 երաժշտական դպրոցի տանիքի վերանորոգման, 44-օրյա պատերազմում զոհված զինվորների գերեզմաների բարեկարգման և այլ նպատակներով: Ավագանու մեկ այլ որոշմամբ՝ 700 հազար դրամ գումար կհատկացվի 44-օրյա պատերազմի մասնակից, ժամկետային ծառայությունից վերադարձած տղաներին տոնի առթիվ հուշանվերներ ու շնորհակալագրեր տրամադրելու համար: Փոխքաղաքապետի տեղեկացմամբ ՝ «Գյումրու օրն» այս տարի կնշվի սեպտեմբերի 18-ին՝ առանց մասսայական միջոցառումների, ճոխություններ չեն լինի նաև Անկախության 30-րդ տարեդարձին նվիրված օրը:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

Գյումրիում սպասվում է թեժ ընտրապայքար

Սեպտեմբերի 12-ին, ժամը 18-ին ավարտվեց Գյումրիում կայանալիք ՏԻՄ ընտրություններին մասնակցության հայտ ներկայացնելու գործընթացը: Այսպիսով, թիվ 31 ՏԸՀ-ում առաջադրվել է 10 քաղաքական ուժ` որից 3-ը դաշինք է, 7-ը կուսակցություն:

«Բալասանյան դաշինք» սոցիալական կուսակցությունը ներկայացրել է ավագանու 42 հոգանոց ցուցակ, որը գլխավորում է Վարդգես Սամսոնյանը: Կուսակցությունն առայժմ չի շտապում անելիքների մասին խոսել, առաջիկայում մտադիր է հանդես գալ մամլո ասուլիսով:

Իրենց ծրագրերի մասին բարձրաձայնելու և  առաջադրված թեկնածուների մասին մամլո ասուլիսի միջոցով են պատրաստվում խոսել նաև Հայաստանի Հանրապետական կուսակցության համամասնական ցուցակի ներկայացուցիչները: Առայժմ հայտնի է, որ ցուցակը գլխավորում է Արտյոմ Ղուկասյանը:

«Քաղաքացիական պայմանագիր» կուսակցությունը Գյումրիում առաջադրել է 40 հոգանոց համամասնական ցուցակ, որի առաջին հորիզոնականում Շիրակի մարզպետ Հովհաննես Հարությունյանն է:

Թե ինչ կարգախոսով կմասնակցի «Քաղաքացիական պայմանագիր»-ն այս ընտրություններին, դեռևս չեն շտապում բարձրաձայնել:

Իր թիմակիցների հետ,  17+5 բանաձևով է Գյումրու ՏԻՄ ընտրություններին մասնակցելու «Թասիբով» դաշինքը, որն առաջադրել է 22 հոգանոց համամասնական ընտրացուցակ:

Թե ինչու են դաշինքը Թասիբով անվանել , իր հետաքրքիր բացատրությունն ունի:

Դաշինքում ընդգրկված են ամենատարբեր մասնագիտության տեր մարդիկ, նշում է ցուցակի առաջատար Կարապետ Պողոսյանը, նրանք հիմնականում երիտասարդներ են:

Ռակ և «Ժառանգություն» կուսակցությունների միավորման արդյունքում ստեղծված  «Հայրաքաղաք»  դաշինքի 28 հոգանոց համամասնական ցուցակում էլ գերակշռողը երիտասարդներ են:

Գյումրիում դեռևս չունեն, բայց առաջիկայում  գրասենյակներ հիմնելու  և թիմ ձևավորելու մտադրություն ունի «Զարթոնք» ազգային քրիստոնեական կուսակցությունը: «Զարթոնք»-ը Գյումրիում առաջադրել է ավագանու  անդամության 41 թեկնածու, իսկ ցուցակի առաջատարը Վարդևան Հակոբյանն է: Վերջինս այսօր Գյումրիից բացակայում էր:

Կոմունիստական կուսակցությունը Գյումրիում թեև վաղուց է ինչ գրասենյակ ունի, բայց  առայժմ չի շտապում ակտիվ գործունեություն ծավալել,  նշում են, որ  այս կուսակցությանը մարդիկ նոր չէ որ պիտի ճանաչեն:

Դեռ նախորդ ընտրությունների ընթացքում Գյումրիում հիմնված «Արժանապատիվ ուղի» կուսակցության ցուցանակը դեռ պահպանված է, բայց կուսակցության առաջնորդ Հովհաննես Մարգարյանի հետ կապ հաստատել այսօր չհաջողվեց: Նա գլխավորում է կուսակցության  22 հոգանոց համամասնական ցուցակը:

«Գյումրին կռնա» նորաստեղծ դաշինքն այս ընտրություններին առաջադրվելով ավելի գլոբալ խնդիր է մտադիր լուծել, կարծում է, համամասնական ցուցակը գլխավորող Վարդան Սրտաշյանը: Երկրի առջև ծառացած խնդիրների լուծումն առաջարկվում է սկսել հենց Գյումրիից:

«Ապրելու երկիր» կուսակցությունն էլ է որոշել մասնակցել Գյումրու ՏԻՄ ընտրություններին և որպես քաղաքապետի թեկնածու առաջադրել Կարեն Մալխասյանին:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

Անձնագրի վավերականության ժամկետը լրացած քաղաքացիները ՏԻՄ ընտրություններում չեն ընդգրկվի ցուցակներում

Այն անձինք, որոնց անձնագրի վավերականության ժամկետը լրացել է, առաջիկա ՏԻՄ ընտրությունների համար չեն ընդգրկվի ընտրական ցուցակներում: Այս մասին ասաց ԿԸՀ նախագահ Տիգրան Մուկուչյանը՝ անդրադառնալով «Հայաստան» խմբակցությունից Գեղամ Նազարյանի հարցին: Տիգրան Մուկուչյանի խոսքով՝ խնդիրն, ըստ էության, ավելի շատ ոչ թե վերաբերում է ցուցակների մաքրմանը, այլ՝ ցուցակների կազմման մեթոդաբանությանը: Այսօր ցուցակները կազմելու համար անհրաժեշտ է, որ անձը լինի ՀՀ քաղաքացի, ունենա հաշվառում ՀՀ-ում: «Վերջին փոփոխությունների համաձայն, որը կիրառվելու է այս ՏԻՄ ընտրություններում, բոլոր այն քաղաքացիները, որոնց անձնագրի վավերականության ժամկետը լրացել է, չեն ներգրավվի այդ ցուցակներում: Եթե տարբեր հիմքերով ցանկանում ենք սահմանափակել ընտրական ցուցակներում անձանց ընդգրկումը, հետևաբար, պետք է ուղղակիորեն փոխենք ցուցակների կազմման մեթոդաբանությունը: Այսօր սահմանադրական օրենքը սահմանել է որոշակի կարգ, թե ովքեր պետք է մտնեն այդ ցուցակներ, և այդ կարգին համապատասխան էլ ձևավորվում են ընտրական ցուցակները»,-ասել է Մուկուչյանը: Նա հավելել է, որ, սակայն, ընտրական օրենսդրությունը սահմանել է նաև բավականին լայն գործիքակազմ՝ այդ ամենը լիարժեք վերահսկելու, տեսնելու, մասնավորապես՝ ցուցակների՝ ըստ տեղամասերի հրապարակումը, դրանց՝ որոնման հնարավորությամբ մշտապես հրապարակված լինելը ԿԸՀ կայքում, ընտրություններից հետո ստորագրված ցուցակների հրապարակումը: ԿԸՀ նախագահը նշել է, որ եթե կորոշվի որևէ այլ մեթոդաբանությամբ կազմել այդ ցուցակները՝ լիազոր մարմինն այդ կերպ կկազմի, սակայն այսօրվա օրենսդրությունը դրանց վերահսկողությունը լիարժեք հնարավոր է դարձնում և ընդծել՝ այս ընտրությունների ժամանակ մի մասով լուծումն արդեն կլինի, սահմանված է, որ անվավեր անձնագրերով քաղաքացիների տվյալները չեն լինելու այդ ցուցակներում:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

Մինչ օրս 6 քաղաքական ուժ է դիմել

Հոկտեմբերի 17-ին Գյումրիում կայանալիք ՏԻՄ ընտրություններին մասնակցության հայտ ներկայացնելու հարցում քաղաքական ուժերն ակտիվություն սկսեցին ցուցաբերել, սահմանված ժամկետի վերջին օրերին միայն: Այսօր թիվ 31 ՏԸՀ իր փաստաթղթերը ներկայացրեց Ռամկավար Ազատական և «Ժառանգություն» կուսակցությունների կողմից ստեղծված «Հայրաքաղաք» դաշինքը, որի համամասնական ցուցակը գլխավորում է Գյումրու ավագանու անդամ Լևոն Բարսեղյանը:

«Հայրաքաղաք» դաշինքն այս ընտրություններին է ներկայանում 28 հոգանոց համամասնական ցուցակով:

Նորաստեղծ դաշինքի համասնական ցուցակում հիմնականում երիտասարդներ են ընդգրկված, իսկ անվան հարցում երկար չեն մտածել:

Մինչև աշխատանքային օրվա ավարտը տարածքային հանձնաժողովին իր փաստաթղթերը հանձնել շտապեցին նաև Հայաստանի կոմունիստական կուսակցության անդամները: Նրանց 20 հոգանոց ցուցակը գլխավորում է  ՀԿԿ գյումրու քաղաքային կոմիտեի 2-րդ քարտուղար Կոնստանտին Ղավազյանը:

Այսօր առաջիկա ՏԻՄ ընտրություններին մասնակցելու հայտ էին ներկայացրել նաև «Զարթոնք» ազգային քրիստոնեական և «Արժանապատիվ ուղի» կուսակցությունները: Վերջինիս ցուցակը գլխավորում է նույն կուսակցության հիմնադիր Հովհաննես Մարգարյանը: Ընդհանուր հաշվով  մինչ օրս ընտրություններին մասնակցելու համար փաստաթղթեր է ներկայացրել  6 քաղաքական ուժ:

Տեխնիկական խնդիր առաջացավ նաև «Հայրաքաղաք» դաշինքի փաստաթղթերը ներկայացնելիս: Թիվ 31 ՏԸՀ-ը դաշինքից պահանջում էր ԿԸՀ ներկայացնել փաթեթի սքանավորված տարբերակը, մինչդեռ ինչպես պարզվեց կարիք կար ներկայացնել միայն համամասնական ցուցակի սքանավորված տարբերակները:

Մինչ օրս ընտրատարածքային հանձնաժողովին իր փաստաթղթերն է ներկայացրել նաև «Գյումրին կռնա» նորաստեղծ դաշինքը», որը նպատակ ունի հենց Գյումրիից սկսել Հայկական Երազի իրականացումը և Գյումրիում ամբողջացնել հոգևոր-արժեքային տաճարի կառուցումը:

Դաշինքի համամասնական ցուցակի առաջին հորիզոնականում Վարդան Սրտաշյանն է, բայց դաշինքի քաղաքապետի թեկնածուն Վարդան Գրիգորյանն է:

Ավելի վաղ ընտրատարածք էր դիմել նաև «Բալասանյան դաշինք» սոցիալական կուսակցությունը: Թեկնածուների առաջադրման համար վերջնաժամկետը սեպտեմբերի 12-ին, ժամը 18-ն է:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru