Ձախողվել են հակառակորդի հերթական փորձերը. ՀՀ ՊՆ խոսնակ
Հակառակորդն անընդհատ ձեռնարկում է հարձակման փորձեր, որոնք մատնվում են անհաջողության, Ֆեյսբուքում գրում է Հայաստանի պաշտպանության նախարարության մամուլի քարտուղարը:
«Այսպիսով՝ ժամը 14:00-ի սահմաններում հակառակորդը հարավային սահմանի երկու ուղղություններով ձեռնարկել է գրոհ, որը Պաշտպանության բանակի ստորաբաժանումների վճռական գործողությունների արդյունքում կասեցվել է։ Հակառակորդին պատճառվել են կենդանի ուժի զգալի կորուստներ, ինչպես նաև խոցվել է թշնամական 9 միավոր զրահատեխնիկա», – ասված է Շուշան Ստեփանյանի գրառման մեջ։
Աղբյուր՝ https://www.facebook.com/shushanstepanyan/posts/3311491812220289
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Նիկոլ Փաշինյանն ընդունել է Եվրասիական տնտեսական հանձնաժողովի Կոլեգիայի նախագահին
Նիկոլ Փաշինյանն ընդունել է Եվրասիական տնտեսական հանձնաժողովի (ԵՏՀ) Կոլեգիայի նախագահ Միխայիլ Մյասնիկովիչին:Վարչապետը նախ անդրադարձել է Լեռնային Ղարաբաղում Ադրբեջանի կողմից սանձազերծված պատերազմական գործողություններին, որոնք իրականացվում են Թուրքիայի հրահրմամբ և աջակցությամբ: Նիկոլ Փաշինյանն ընդգծել է, որ փաստացի այսօր Լեռնային Ղարաբաղը մղում է հակաահաբեկչական պայքար, քանի որ ադրբեջանական կողմից պատերազմական գործողություններին Թուրքիայի միջամտությամբ ներգրավված են նաև ահաբեկչական խմբավորումների անդամներ: Կառավարության ղեկավարը նշելով ԵԱՀԿ Մինսկի խմբի համանախագահ պետությունների նախագահների՝ հրադադար հաստատելու կոչի մասին հայտարարությունը, ընդգծել է, որ մեր երկիրը ողջունել է այն:«Կարևոր է, որ չնայած ստեղծված իրավիճակին՝ հոկտեմբերի 9-ին Երևանում կանայալու է Եվրասիական միջկառավարական խորհրդի հերթական նիստը: Վստահ եմ, որ հաջողությամբ կշարունակենք կառուցողական երկխոսությունը ԵԱՏՄ-ի նպատակների իրականացման և զարգացման ուղղությամբ»,- ասել է Նիկոլ Փաշինյանը:ԵՏՀ Կոլեգիայի նախագահը շնորհակալություն է հայտնել հայկական կողմին ստեղծված իրավիճակում ևս Երևանում միջկառավարական խորհրդի նիստը բարձր մակարդակով կազմակերպելու համար:Հանդիպման ընթացքում քննարկվել են ԵԱՏՄ շրջանակում ինտեգրացիոն գործընթացների զարգացման հիմնական ուղղությունները և առաջնահերթությունները, ինչպես նաև անդրադարձ է կատարվել Եվրասիական միջկառավարական խորհրդի առաջիկա նիստի օրակարգային հարցերի:
Աղբյուր՝ https://www.primeminister.am/hy/press-release/item/2020/10/08/Nikol-Pashinyan-meeting/
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Առողջապահության նախարարությունը կոչ է անում խստիվ պահպանել հակահամաճարակային կանոնները
Հայաստանի Հանրապետության առողջապահության նախարարությունը կոչ է անում անտարբերության չմատնել COVID-19-ով պայմանավորված համաճարակային իրավիճակը, լինել զգոն խստիվ պահպանել հակահամաճարակային կանոնները: ՀՀ առողջապահության նախարարությունն այս մասին հաղորդագրություն է տարածել:
«Սիրելի հայրենակիցներ,
Վերջին օրերին համայն հայության ողջ ուշադրությունը սևեռված է Ադրբեջանի կողմից սանձազերծված լայնածավալ պատերազմի հետևանքով ստեղծված իրավիճակին: Կենաց-մահու կռիվ է, և այս համատեքստում մյուս խնդիրները մղվում են հետին պլան: Սակայն պետք է ողջամիտ լինել և չթուլանալ:Այս օրհասական պահին խիստ կարևոր է չկորցնել զգոնությունը, անտարբերության չմատնել դեռևս աշխարհում, այդ թվում` Հայաստանում COVID-19-ով պայմանավորված համաճարակային իրավիճակը: Օրեցօր ավելացող հիվանդացության դեպքերը փաստում են, որ այն ոչ մի կերպ չի նահանջել, ավելին` Հայաստանի ողջ տարածքում վերջին օրերին դիտվում է կորոնավիրուսային հիվանդության նկատելի աճ` պատերազմի պայմաններում ավելացնելով առողջապահական համակարգի ծանրաբեռնվածությունը և, ցավոք սրտի, խլում կյանքեր:
Սիրելի’ ժողովուրդ, անգամ այս լարվածության մեջ անհրաժեշտ է խստիվ պահպանել հակահամաճարակային կանոնները: Կրկին ու կրկին կոչ ենք անում լինել ավելի զգոն, շարունակել կրել դիմակ, պահպանել սոցիալական հեռավորությունն ու ձեռքերի հիգիենան: Հարկ է հիշեցնել, որ ինչպես համաճարակի ողջ ընթացքում, այնպես էլ հիմա, առավել քան կարևոր է մեր քաղաքացիների առողջությունն ու մարտունակությունը:
Եվս մեկ անգամ հորդորում ենք ցանկացած իրավիճակում լինել հետևողական, պահպանել հակահամաճարակային կանոններն՝ այն գիտակցմամբ, որ կարող ենք կանխել հիվանդության տարածումը, ինչն առողջ և ամուր կպահի մեր թիկունքը»,- ասված է հաղորդագրության մեջ:
Աղբյուր՝ http://www.moh.am/#1/3241
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Կրակի դադարեցման վերաբերյալ լուրն իրականությանը չի համապատասխանում
Հայկական և օտարերկրյա զանգվածային լրատվամիջոցներում տարածվող տեղեկատվությունն առ այն, որ կողմերի միջև ձեռք է բերվել հստակ պայմանավորվածություն հոկտեմբերի 8-ին կրակի դադարեցման վերաբերյալ, իրականությանը չի համապատասխանում:Այս մասին տեղեկացրել է Պաշտպանության բանակը:
Աղբյուր՝ https://www.facebook.com/ArtsakhInformation/posts/192326122408176
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Ադրբեջանը շարունակում է հրթիռակոծել Ստեփանակերտն ու Շուշին զոհեր ու վիրավորներ չկան
Ադրբեջանը շարունակում է տարբեր զինատեսակներով հրթիռակոծել Արցախի մայրաքաղաք Ստեփանակերտն ու բերդաքաղաք Շուշին։ Այս մասին հայտնել է Արցախ տեղեկատվական շտաբը:Լուսանկարում Ստեփանակերտի կենտրոնական թաղամասերից մեկն է։ Պայթյունի հետևանքով վնասվել են մի քանի բնակարաններ։Նշվում է, որ զոհեր ու վիրավորներ չկան։
Աղբյուր՝ https://www.facebook.com/ArtsakhInformation/posts/192324859074969
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
ԱԱԾ տնօրեն Արգիշտի Քյարամյանն ազատվել է զբաղեցրած պաշտոնից
ՀՀ ազգային անվտանգության ծառայության տնօրեն Արգիշտի Քյարամյանն ազատվել է զբաղեցրած պաշտոնից:Այս մասին տեղեկանում ենք ՀՀ նախագահի պաշտոնական կայքից:ՀՀ նախագահի մեկ այլ հրամանագրով՝ Միքայել համբարձումյանը նշանակվել է Հայաստանի Հանրապետության ազգային անվտանգության ծառայության տնօրենի պարտականությունների ժամանակավոր կատարող:
Աղբյուր՝ https://www.president.am/hy/decrees/item/5098/
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Կորոնավիրուսային հիվանդության իրավիճակը Հայաստանում
Հայաստանում անցած մեկ օրում կորոնավիրուսի դեպքերի թիվն աճել է 718-ով՝ հասնելով 54 հազար 473-ի, գրանցվել է հիվանդությունից մահվան ևս 9 դեպք, հաղորդում է Առողջապահության նախարարության Հիվանդությունների վերահսկման և կանխարգելման ազգային կենտրոնը:Այսօր ժամը 11-ի սահմաններում կենտրոնի կայքում հրապարակված տվյալների համաձայն՝ հիվանդությունից բուժվածների թիվն ավելացել է 202-ով և հասել 45 հազար 312-ի:Ըստ նույն աղբյուրի, իրականացվել է 3 հազար 656 թեստավորում, ընդհանուր թիվը հասավ 316 հազար 479-ի:Մահվան դեպքերի վերաբերյալ Առողջապահության նախարարությունը հաղորդում է. – «Պացիենտները եղել են 62 (տղամարդ), 86 (տղամարդ), 67 (կին), 88 (կին), 58 (տղամարդ), 73 (տղամարդ), 70 (կին), 71 (տղամարդ) և 83 (տղամարդ) տարեկան։ Բոլորն ունեցել են ուղեկցող քրոնիկական հիվանդություններ»։Կորոնավիրուսային հիվանդությունից մահացածների ընդհանուր թիվը հասավ 1004-ի, ևս 302 վարակակիր, ըստ Առողջապահության նախարարության, մահացել է այլ պատճառներով:Այսպիսով, COVID-19-ից տվյալ պահին Հայաստանում բուժվում է 7 հազար 855 մարդ:
Աղբյուր՝
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Զինվորներին համոզել են, որ սա «պայմանավորված պատերազմ է» և ստիպել որոշ մարտական դիրքեր թողնել թշնամուն. ԱԱԾ-ում հետաքննություն է սկսվել Փաշինյանին արված ահազանգի հիման վրա
ԱԱԾ-ում հետաքննություն է սկսվել Փաշինյանին արված ահազանգի հիման վրա
Ազգային անվտանգության ծառայությունում (ԱԱԾ) հետաքննություն է սկսվել վարչապետ Նիկոլ Փաշինյանին արված ահազանգի հիման վրա։ Փաշինյանը Ֆեյսբուքում գրել է` իրեն ահազանգել են, որ առաջնագծի հատվածներից մեկում ինչ-որ մարդիկ գնացել կռվող զինվորներին համոզել են, թե «Նիկոլը հողերը ծախել է, թե սա իրականում պայմանավորված պատերազմ է, ձեզ էստեղ բերել-մսաղացի մեջ են գցել, որ կոտորեն, որ պայմանավորվածությունը չերեւա, դիրքերը պահելը իմաստ չունի»:Վարչապետը նշել է, որ ըստ որոշ տեղեկությունների՝ զինվորներին համոզելով, նույնիսկ հրամայելով ստիպել են որոշ մարտական դիրքեր թողնել թշնամուն:«Իմ հանձնարարությամբ ԱԱԾ-ում սկսվել է հետաքննություն և գործող գլխավոր անձանցից մեկը, որ Ստեփանակերտի բնակիչ է, հայտնաբերվել և ձերբակալվել է Երևանում: Հարուցված քրեական գործի շրջանակներում տեղի է ունենում քննություն, որի արդյունքում կպարզվի, թե վերը նշված տեղեկություններից որն է իրական, որը մտացածին: Այս պահին քննվում են տարբեր վարկածներ, ներառյալ քաղաքական ուղղորդման վարկածը, բայց դեռևս շատ բան պարզված չէ: Մեր այն հայրենակիցներին, ովքեր ունեն համանման տեղեկություններ, կոչ եմ անում դիմել Ազգային անվտանգության ծառայություն», – գրել է Փաշինյանը՝ եզրափակելով․ – «Դավաճանները չպետք է տեղ ունենան մեր շարքերում և մեր հերոսական գեներալների, սպաների, զինվորների, կամավորների, ազատամարտիկների թիկունքը պետք է մաքրել համանման տարրերից։ Ու հաղթանակը հայ ժողովրդինն է լինելու»։
Աղբյուր՝ https://www.facebook.com/nikol.pashinyan/posts/2773496969637347
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Հակառակորդը Ջեբրայիլի մատույցներից գումարտակի կազմով դիմել է փախուստի. ՀՀ ՊՆ
Գիշերվա ընթացքում արցախա-ադրբեջանական հակամարտության գոտում իրավիճակը կայուն-լարված է եղել, հաղորդում է Հայաստանի պաշտպանության նախարարության խոսնակը: «Վաղ առավոտյան ժամը 08:30-ի շրջանում հարավային ուղղությամբ հակառակորդը կենտրոնացման շրջանից գրոհի փորձ է ձեռնարկել, սակայն, կորցնելով երեք միավոր ռազմական տեխնիկա և տալով ավելի քան քսան զոհ ու վիրավոր, Ջեբրայիլի մատույցներից գումարտակի կազմով դիմել է փախուստի», – գրել է Շուշան Ստեփանյանը Ֆեյսբուքում:
Աղբյուր՝ https://www.facebook.com/shushanstepanyan/posts/3310744852294985
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
«Ռազմաքաղաքական իրավիճակն Արցախում. Թուրքիայի դերակատարումը»
#Քննարկում#Արցախ #Artsakh #Turkey
Արցախի եւ Ադրբեջանի շփման գծի ողջ երկայնքով իրադրությունը շարունակում է մնալ ծայրահեղ լարված: Կողմերը հրետանային մարտեր են վարում, գործարկվել են հարվածային անօդաչու թռչող սարքեր։ Ադրբեջանի ձեռագիրը չի փոխվել. թիրախավորովում են նաև հայկական խաղաղ բնակավայրերը: Ադրբեջանի ագրեսիայի հետևանքով կան զոհեր նաև խաղաղ բնակչության շրջանում:
Ինչո՞ւ Ադրբեջանը սկսեց լայնամասշտաբ պատերազմ, որքանո՞վ է դրանում ներքաշված Թուրքիան և ո՞րն է վերջինիս բուն նպատակը, ի՞նչ դիրքորոշում է որդեգրել միջազգային հանրությունը:
————————–
Ուղիղ հեռարձակում
ℹ Բանախոսներ՝
➡ Արմեն Բադալյան – քաղաքագետ
➡ Արմեն Ներսիսյան – աշխարհագետ, գիտությունների թեկնածու, դոցենտ
➡ Մարիամ Հինդոյան- թուրքագետ
🔗Համակարգող՝ Լուսինե Մովսիսյան
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru