ՏԻՄ ընտրություններ 2021․Նախընտրական բանավեճ
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
«Կուսակցությունները պետք է ֆինանսներ ներդնեն համայնքներում իրենց թիմերը զարգացնելու համար» Վարդինե Գրիգորյան
YouTube` 
#ՏԻՄ #ընտրություններ #ընտրական #օրենսգիրք
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Ամենակարևորը` արդյունավետ կառավարում. Գյումրիի քաղաքապետի թեկնածու Լևոն Բարսեղյան
Գյումրիի ավագանու ընտրություններին մասնակցող «Հայրաքաղաք» դաշինքը քաղաքի զարգացման 11 կետից բաղկացած ծրագիր է մշակել, որի հիմքում կոռուպցիայից և հովանավորչությունից զերծ համայնքային կառավարումն է: Դաշինքը գլխավորում է Գյումրիի ավագանու անդամ, Ժուռնալիստնեի «Ասպարեզ» ակումբի խորհրդի նախագահ Լևոն Բարսեղյանը: Նա նոր չէ, որ հիշել է Գյումրիի մասին ու որպես թեկնածու առաջադրվելուց հետո չէ, որ բարձրաձայնում է քաղաքի խնդիրները: Ավելի քան 30 տարվա լրագրողական փորձի և մոտ 10 տարվա ավագանու ակտիվ գործունեության շնորհիվ նա լավատեղյակ է Գյումրիի խնդիրներին և հստակ է պատկերացնում դրանց լուծման ուղիները:
Քաղաքային իշխանություններն իրենց իրենց լիազորությունները պատշաճ չեն օգտագործում: Լևոն Բարսեղյանը տեղական ինքնակառավարման մարմիններին չարած գործերի համար բազմիցս քննադատել է:
Քաղաքի կառավարման գործում Լևոն Բարսեղյանը կարևորում է համայնքային միջոցների և հնարավոր ներդրումների ապակենտրոնացումը ամբողջ քաղաքի տարածքով, որ չլինեն արտոնյալ ու անտեսված թաղամասեր:
Քաղաքի հիմնախնդիրների լուծումն անհամեմատ մեծ գումարներ է պահանջում, որոնք տեղական բյուջեում չկան: Լևոն Բարսեղյանն հաշվարկել է դրանց գումարային անհամամասնությունը:
Համայնքի բյուջեի մեծացման աղբյուրներն էլ են հայտնի: Ասում է, նախևառաջ պետք է համայնքային ունեցվածքի և փողերի ծախսումների պատշաճ աուդիտ իրականացնել, հասկանալու համար, թե ինչ է կորսվել, գողացվել, փոշիացվել, ով է մեղավոր ու ինչպես պետք է հատուցի համայնքին հասցրած վնասը: Մյուս տարբերակը, ըստ թեկնածուի, եկամտային բազայի վերանայումն է, հասկանալու համար, թե տեղական ինչ հարկեր ու տուրքեր են բաց մնացել:
Ֆինանսական կարևոր աղբյուրներից 1-ն էլ, Լևոն Բարսեղյանն համարում է պետական աջակցությունը, հատկապես անօթևանության խնդրի լուծման հարցում: Առանց դրա, ասում է, չի լինի: Պետությունը պարտավոր է թեթևացնել տնակներում ապրողների բեռը և նրանց համար սոցիալական բնակարաններ կառուցել:
Անօթևանություն, գործազրկություն, աղքատություն. Գյումրիում այս խնդիրները ըստ թեկնածուի, փոխկապակցված են: Հայաստանում մինչ պատերազմը 30.000 ընտանիք անօթևան էր, այսինքն յուրաքանչյուր 28, 29-րդ ընտանիքը, նրանցից 3000-ն էլ Գյումրիում: Խնդիրն համապետական է,- ասում է Լևոն Բարսեղյանը:
Այս խոշոր խնդիրներից զատ, Գյումրիում կան նաև տեղական խնդիրներ` հասարակական զուգարանների կառուցումը, շներին քաղաքի երեսից հավաքել, մի տեղում պահելը կամ հասարակական տրանսպորտի վիճակի բարելավումը: Քաղաքի պետական ու տեղական նշանակության խնդիրները «Հայրաքաղաք» դաշինքի անդամները մանրամասն քննարկել են, լուծման ուղիներն էլ նրանց հայտնի են:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
ԱԺ-ն առաջին ընթերցմամբ ընդունեց սոցփաթեթի ծառայությունները երկուսով համալրելու նախագիծը
Ազգային ժողովն առաջին ընթերցմամբ ընդունել է կառավարության օրենքի նախագիծը, որով առաջարկվում է սոցփաթեթով արդեն գործող ծառայություններին ավելացնել ևս երկուսը` սպորտային համալիրներից, լողավազաններից օգտվելու և պետական սուբսիդավորմամբ ուսանողական վարկերի մարման հնարավորություն։ Նախագիծը ներկայացրել է աշխատանքի և սոցիալական հարցերի փոխնախարար Ռուբեն Սարգսյանը՝ ընդգծելով` Հայաստանի վարչապետը, նախագահը, ԱԺ նախագահը, պատգամավորները, փոխվարչապետները, նախարարները, փոխնախարարները չեն կարող հանդիսանալ սոցփաթեթի շահառուներ: Այս նախագծով բյուջեի վրա որևէ ծանրաբեռնվածություն չի ավելանում, իսկ նպատակը, ըստ նրա, մեկն է՝ պետական ապարատից աշխատողների արտահոսքը նվազեցնել և պետական ապարատում աշխատելու գրավչությունը բարձրացնել:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Գյումրիում բացվել է Հայկական ազգային խորհրդանշանների թանգարանը
Հին Ալեքսանդրապոլի պատմական շենքերից մեկում բացվել է Հայկական ազգային խորհրդանշանների թանգարանը։ 1887 թվականին կառուցված այս շենքում տեղ է գտել պատմական գիտությունների դոկտոր Հայկ Դեմոյանի հարուստ հավաքածուն՝ հայկական զինանշանների նմուշներ, պետական ու ազգային խորհրդանիշներ, եզակի փորագրանկարներ և այլն։ Հին Գյումրիի հունական թաղամասի այս հինավուրց շենքը եղել է մեծահարուստ Մալխասովների տունը։ Կիսանկուղային շենքի պատմական արժեքը վերականգնվել է իր ժամանակի միջավայրում։
Այստեղ ամեն ինչ հիշեցնում է 19-րդ դարը, սենյակների կահավորանքը, հին լուսանկարները, նաև հայկական արքայական ընտանիքներին վերաբերող բացառիկ նյութեր, հայկական զինանշանների ու դրոշների տարբեր ժամանակաշրջանների հորինվածքներ։ Իսկ այս ամենի կենտրոնում Հայկ Դեմոյանի 10 տարվա հավաքչական աշխատանքների արդյունքն է՝ նրա հեղինակած ,,Հայկական ազգային խորհրդանիշներ,, գիրքը։
Իր հայրենի քաղաք Գյումրիում Հայկ Դեմոյանը 1 տարվա մեջ արդեն 3-րդ թանգարանն է բացում, նպատակ ունենալով Գյումրին դարձնել գրավիչ հյուրերի ու զբոսաշրջիկների համար, նաև սերունդների շրջանում հայրենասիրությունն ու պատմությունը ընկալելու, հասկանալու մշակույթ ձևավորել։ Հրավիրված հյուրերն էլ խորհրդանշանների թանգարանի բացմանը դատարկաձեռն չէին եկել։ Նվերներն էլ թանգարանային բացառիկ նմուշներ էին։
Ուսուցողական բովանդակությամբ այս թանգարանը իր հարկի տակ կհյուրընկալի նաև դպրոցականներին, ովքեր կկարողանան ամենատարբեր միջոցառումներ անցկացնել։ Սա արդեն նույն շենքում գործող մյուս մշակութային օջախում՝պատմաճարտարապետական ,,Ակումբ 1887,,-ում, որը ևս բացվեց խորհրդանշանների թանգարանների հետ։ Թանգարանը պարբերաբար կհարստացվի նոր ցուցանմուշներով, հիմնադիրները կշարունակեն հին Ալեքպոլի պատմության այլ վկայություններ փնտրել, նաև դրանք ձեռք բերել տարբեր աճուրդներում։
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Կառավարությունը հաստատել է 2022 թ. ՀՀ պետական բյուջեն
Կառավարությունը հաստատել է «Հայաստանի Հանրապետության 2022 թվականի պետական բյուջեի մասին» օրենքի նախագիծը։ Վարչապետ Նիկոլ Փաշինյանը նշել է, որ Հայաստանի Հանրապետությունը կանգնած է դժվարին մարտահրավերների առջև, դեռևս հաղթահարված չեն համավարակի և 44-օրյա պատերազմի տնտեսական, սոցիալական և անվտանգային աղետալի հետևանքները և մարտահրավերները։ Վարչապետի խոսքով՝ 2021 թվականին տեղի ունեցած ԱԺ ընտրություններով հաղթահարվեց ներքաղաքական ճգնաժամը, և բավական ամուր հիմքեր ստեղծվեցին համախմբման և դեպի ապագա նայելու հայ ժողովրդի ձգտման համար։ «Կառավարության գործունեության ծրագիրը պետք է հիմքեր ստեղծի միջնաժամկետ հատվածում ՀՀ խաղաղ, կայուն և ներառական զարգացման համար:Մեր նպատակադրումները, որոնք արտահայտված են 2022 թվականի բյուջեում և նաև գործունեության ծրագրում, հավակնոտ են և իրատեսական։ Մենք գիտակցում ենք, որ դրանք կյանքի կոչելու համար անհրաժեշտ են ոչ միայն տնտեսական միջամտություններ կառավարության կողմից, այլև հասարակական և մշակութային վերափոխումներ։ Առաջին հերթին կարևորում ենք պետական կառավարման համակարգի արդյունավետության բարձրացումը և աշխատանքային մշակույթի վերափոխումն ու զարգացումը։ Ամենակարևորը, թերևս, պլանավորման և իրագործման մշակույթն է, ծրագրերի իրագործման գործընթացները, որոնց անկատարությունը բերում է կապիտալ ծախսերի թերակատարումների և, հետևաբար, կառավարության կողմից սահմանված նպատակների իրագործման դանդաղեցման, և, այսպիսով, խոչընդոտվում է նաև տնտեսական աճը։ Այս առումով էական դեր ունի նաև մասնավոր հատվածի կարողությունների զարգացումը, և դրան ուղղված կառավարության ջանքերը սկսել են արդյունքներ տալ՝ ի դեմս այն ընկերությունների, որոնք պետական կապիտալ շինարարության ոլորտում մրցունակ լինելու համար ներդրումներ են անում՝ այսպիսով ձգտելով ծրագրերն իրականացնել որակով և ժամանակին։ Կառավարությունը մտադիր է շարունակել այս ոլորտում ներդրումները խթանող քաղաքականությունը՝ դրա համար կիրառելով երեք հիմնական գործիք՝ առաջինը՝ պետական գնումների համակարգի թափանցիկությունը, երկրորդը՝ մրցույթի դրվող լոտերի ծավալների մեծացումը, երրորդը՝ հուսալի ընկերությունների հետ հարաբերությունների պարզեցմանն ուղղված օրենսդրական նորամուծությունները»։ Նիկոլ Փաշինյանի խոսքով՝ հաջորդ կարևոր խնդիրը վերլուծական կարողությունների զարգացումն է, ինչը թույլ կտա բարձրացնել ծախսերի, ներդրումների արդյունավետությունը, սոցիալական ծրագրերի հասցեականությունը, որը կարևորագույն խնդիրներից է։ «Արդյունքում՝ կբարձրանա նաև ՀՀ քաղաքացիների վստահությունը, որ իրենց հարկերը ծախսվում են առավել արդյունավետ և թիրախային։ Հայաստանի քաղաքացիներն ամեն օր պետք է զգան կառավարության կողմից իրականացվող միջոցառումների ազդեցությունն իրենց կյանքի վրա։ Սրա կարևոր բաղադրիչ է հանդիսանում հասարակական լայն շերտերի ներգրավվածությունը բյուջեի կազմման և իրականացման տարբեր փուլերում, ինչի ուղղությամբ արդեն իսկ բավական քայլեր են արվել նախորդ երեք տարում, և մեծ ուշադրություն է դարձվելու առաջիկայում ևս»,- նշեց Փաշինյանը՝ հավելելով, որ 2022 թվականի բյուջեն հենվում է երեք հիմնական առաջնահերթությունների վրա։ Առաջինը՝ անվտանգության համակարգի բարեփոխում, երկրորդը՝ ենթակառուցվածքների զարգացում, երրորդը՝ կրթության և գիտության արդիականացում։ «Մեծ ուշադրություն ենք դարձնելու անվտանգության ապահովմանը՝ առանց որի հնարավոր չի լինի իրագործել երկարաժամկետ զարգացման նպատակները։ Այս իմաստով կարևոր է ոչ միայն բանակի պաշտպանական կարողությունների արդիականացումը, այլև ՀՀ շուրջ բարենպաստ արտաքին միջավայրի ձևավորումը, Հայաստանի, Արցախի և տարածաշրջանի համար խաղաղ զարգացման դարաշրջան բացելու օրակարգի հետևողական իրագործումը։ Այս իմաստով կարևոր է նաև տարածաշրջանային տնտեսական և տրանսպորտային ենթակառուցվածքների վերաբացումն ու զարգացումը, ինչը կարող է որակապես փոխել Հայաստանի Հանրապետության տնտեսության բովանդակությունը և կառուցվածքը, լրացուցիչ խթան դառնալ ներհայաստանյան ենթակառուցվածքների զարգացման համար, ապահովել երկարաժամկետ ներառական տնտեսական աճ՝ Հայաստանի քաղաքացիների համար ստեղծելով հավասար պայմաններ՝ տնտեսական գործունեության մեջ ներգրավվելու համար, էականորեն բարձրացնել մեր երկրի գրավչությունը օտարերկրյա ուղղակի ներդրումների համար։ Նաև այս համատեքստում կրթության զարգացումն առանցքային նշանակություն ունի ՀՀ համար։ Ուստի, կրթության հասանելիությունը, ներառական զարգացումը և բովանդակային բարեփոխումը մեր երկարաժամկետ առաջնահերթությունն է։ Մեր նպատակն է անձի կրթությունը դարձնել կենսակերպ, սա է ժամանակակից աշխարհում մրցունակ ազգ և անհատ լինելու միակ ճանապարհը»,- հավելել է Փաշինյանը։ Գիտության և տեխնոլոգիական զարգացումն այս պրոցեսի տրամաբանական շարունակությունն է, և, ըստ Փաշինյանի, այստեղ էլ կառավարությունն արդեն իսկ ներդրում է ֆինանսավորման նոր բանաձևեր։ Ըստ նրա՝ իհարկե, հնարավոր չէ մեկ բյուջեով լուծել պետության առաջ ծառացած բոլոր հարցերը։ «Մենք պետք է դուրս գանք ամեն ինչ անելու և, ըստ էության, ոչինչ չանելու իներցիոն տեղապտույտից։ 2022 թվականի բյուջեում մենք ձգտել ենք զգուշորեն բալանսավորել կառավարության առաջնահերթությունները և միաժամանակ ապահովել տարատեսակ ֆիսկալ ռիսկերի կառավարելիությունը։ Մենք սահմանում ենք մեր ռազմավարական նպատակները և նրանց իրականացման առաջնահերթություններն այնպես, որ նրանցից յուրաքանչյուրի իրականացումը հիմքեր ստեղծի մյուսների արդյունավետ իրագործման համար։ Մենք վստահ ենք, որ կառավարության ծրագիրն ունենալու է հաջող իրագործում՝ ապահովելու ՀՀ քաղաքացիների անվտանգությունը, բարեկեցությունը և արժանապատիվ կյանքը»,- ասել է վարչապետը։
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Տեղական ինքնակառավարման մարմինների ընտրությունները Հայաստանում
Տեղական ինքնակառավարման մարմինների ընտրությունները Հայաստանում Մինչեւ 4000 ընտրող ունեցող համայնքներում համայնքի ղեկավարի և ավագանու անդամի ընտրություններն անցկացվում են մեծամասնական ընտրակարգով․ Այսպես. Ընտրատեղամասում Ձեզ տրամադրվում է մեկ քվեաթերթիկ՝ ընտրություններին մասնակից բոլոր թեկնածուների անուններով: Նախընտրած թեկնածուի օգտին քվեարկելու համար գրիչով համապատասխան վանդակում կատարվում է նշում: 4000-ից ավելի ընտրող ունեցող համայնքներում համայնքի ավագանու ընտրություններն անցկացվում են համամասնական ընտրակարգով: Այս դեպքում, դուք ընտրելու եք միայն կուսակցությունների կամ կուսակցությունների դաշինքների: Քվեարկության նոր կարգի համաձայն՝ նախընտրած քաղաքական ուժին քվե տալու համար դուք պարզապես քվեաթերթիկներից մեկը տեղադրում եք ծրարի մեջ եւ այն գցում քվեատուփի մեջ: Որևէ նշում կատարելու անհրաժեշտություն չկա։ Քվեախցիկում գրիչ չի դրվում։ Որեւէ նշում կամ գրառում քվեաթերթիկը կդարձնի անվավեր: Իսկ ծրարի վրա որեւէ գրառման դեպքում՝ այն կմարվի՝ առանց քվեաթերթիկը հանելու։ Ուշադրությու՛ն, ընտրակեղծարարների հանդեպ պատժամիջոցները խստացվել են: Քրեական պատասխանատվություն է սահմանվել կաշառք բաժանելու, աշխատակիցներին ստիպողաբար քարոզարշավին ներգրավելու, թեկնածուների կամ նրանց համակիրների քարոզարշավը խոչընդոտելու համար: Մասնակցե՛ք տեղական ինքնակառավարման մարմինների ընտրություններին: Կառուցե՛ք ձեր երազանքների համայնքը:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
«Մեդիա երկխոսություն Վրաստանում և Հայաստանում. Կովկասում ընթացող զարգացումների համատեքստում»
Կովկասում քաղաքական և ռազմական լարվածության և Բելառուսի ներքաղաքական իրավիճակը, միջազգային լրատվամիջոցների և «Մեդիա երկխոսություն» Արևելյան գործընկեր երկրների համագործակցության ծրագիրը, որը կապում է Հայաստանից, Գերմանիայից, Վրաստանից, Մոլդովայից, Ուկրաինայից և Բելառուսից հեռանկարային և պրոֆեսիոնալ լրագրողների, ակադեմիականների և արվեստագետների: Ծրագիրը ֆինանսավորվում է Գերմանիայի Դաշնային Հանրապետության արտաքին գործերի նախարարության կողմից:
Ուղիղ հեռարձակում`
Սեպտեմբերի 23-27ը ցանցի անդամները Վրաստանից հետո աշխատում են Հայաստանում՝ Գյումրիում։
Սեմինարների և գիտաժողովների ընթացքում կուսումնասիրվեն նախապատմությունը, պատճառները և լրատվամիջոցների դերը Մոլդովայում, Ուկրաինայում, Վրաստանում և Հայաստանում սառած հակամարտությունների և բաց պատերազմների համատեքստը և արդյունքները կտարածվեն նորաստեղծ «Մեդիա երկխոսություն» հեռուստաալիքի ձևաչափի միջոցով, որը կհեռարձակվի Գերմանիայում՝ OK-TV Ludwigshafen հեռուստաընկերության միջոցով։
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _
Նախագծի վերաբերյալ որոշ նախնական տեղեկություններ.
Մեդիա երկխոսություն» նախագիծը մեկնարկել է 2015 թվականին Ուկրաինայում՝ SPD– ի պատգամավոր Դորիս Բարնետի (Լյուդվիգշաֆեն), Youth4Media / Bennohaus Münster – ի, Գերմանիայի առաջին քաղաքացիական հաղորդիչ OK -TV Ludwigshafen-ի և Գերմանիայի քաղաքացիական լրատվամիջոցների դաշնային ասոցիացիայի աջակցությամբ, ինչպես նաև Ուկրաինայի անկախ լրագրողների ասոցիացիայի (Լուցք) և Կիևի Տարաս Շևչենկոյի անվան համալսարանի «Լրագրության ինստիտուտ»-ի կողմից:
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _
Ծրագիրը ի սկզբանե ֆինանսավորվել է Գերմանիայի Դաշնային Հանրապետության արտաքին գործերի նախարարության կողմից:
«Մեդիա երկխոսություն» ցանցի ներկայիս անդամներն են.
Ուկրաինա
Ուկրաինացի լրագրողների միություն, Կիև
Ուկրաինայի անկախ լրագրողների միություն, Լուցք
Ժուռնալիստիկայի ինստիտուտ,
Կիևի Տարաս Շևչենկոյի անվան ազգային համալսարան
Լուցկի ազգային տեխնիկական համալսարան
Իվան-Ֆրանկո-համալսարան,
Լվով
Ազգային I.-I. Մեչնիկով համալսարան, Օդեսսա
Վրաստան
Կովկաս համալսարան, Թբիլիսի
Հայաստան
Ակոս մշակութանին ՀԿ
Երևանի պետական համալսարան
Գեղարվեստի պետական ակադեմիա,
Գյումրի
Բելառուս
Բելառուսի լրագրողների ասոցիացիա, BAJ
Մոլդովա
Անկախ մամուլի ասոցիացիա, Քիշնև
https://www.ok-lu.de/programm/uebersicht/.
Բանախոսներ՝
Դոկտոր Վոլֆգանգ Ռեսման – Գերմանիայի Լուդվիգ Սահաֆեն քաղաքի OK TV հեռուստաընկերության տնօրեն,քաղաքական գիտությունների դոկտոր
Անդրեյ Միալեշկա – ռադիո լրագրոգ, Բելոռուսի լրագրողների ասոցացիայի անդամ
Եվհենի Ցիմբոլենկո – ներկայացնում է Կիևի Տարաս Շևչենկոյի անվան պետական համալսարանի միջազգային լրագրողության ֆակուլտետը
Մկրտիչ -Ակոս մշակութային ՀԿ -ի նախագահ, արվեստագետ, մշակութային մենեջեր
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
ԱԺ-ն առաջին ընթերցմամբ հավանություն է տվել համայնքների խոշորացման մասին նախագծին
Ազգային ժողովն առաջին ըներցմամբ հավանություն տվեց համայնքների խոշորացման մասին նախագծին։ Ինչպես տեղեկացնում է «Արմենպրես»-ը, Կառավարության ներկայացրած օրենքի նախագծով առաջարկվում է Հայաստանի 441 համայնքներ միավորել 37 համայնքային փնջերում: Համայնքների խոշորացման արդյունքում համայնքապետարանները չեն փակվի, համայնքապետարանում կաշխատի առնվազն 2 աշխատակից: Նախագծին կողմ է քվեարկել 59 պատգամավոր, 0՝ դեմ, 0՝ ձեռնպահ։ Քվեարկության չեն մասնակցել «Հայաստան» և «Պատիվ ունեմ» խմբակցությունների պատգամավորները։
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
«Անկախությունը դա գիտակցություն է,հոգեվիճակ և վարքագիծ» Էմիլ Օրդուխանյան
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru