Տեսանյութեր

Գյումրի համայնքի ավագանու նիստ 12.05.2020թ

Գյումրու ավագանու հերթական նիստում ավագանին ընդունեց թվով 16 նախագիծ, այդ թվում ԳԱԼԱ խմբակցության առաջարկած երկու ուղերձի նախագիծ՝ ուղղված կառավարությանն ու բարձրագույն դատական խորհրդին, որոնք առնչվում են նախորդ տարիներին կուտակված ապառքների խնդրին և Գյումրի համայնքի շահերի պաշտպանության համար թվով երեք դատական գործերով իրականացված դատաքննություների ընթացքի և կայացված վերջնական օրինական ուժի մեջ մտած դատական ակտերի դեմ։ Գյումրու ավագանին ԲԴԽ-ին խնդրում է կարգապահական վարույթ հարուցել տվյալ գործերը քննած դատավորների նկատմամբ, քննել գործերը և պատասխանատվության ենթարկել նրանց:

___________________________________________________________

© progressgyshme.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyshme@gmail.com; progressgyumri@mail.ru

Գյումրու կենտրոնական շատրվանն արդիականացնելու են

Գյումրու ավագանու այսօրվա նիստում բոլոր նախագծերն էլ հաստատվեցին։ Ավագանին հավանություն տվեց սուբվենցիոն 5 ծրագրի, որոնք իրականանալու են պետություն-համայնք համաֆինանսավորման արդյունքում։ Գյումրու Վարդանանց հրապարակի շատրվանը դարձյալ վերանորոգվելու է, վերջին անգամ այն վերանորոգվել էր 2013 թվականին՝ համայնքի 33 մլն դրամով։ Այս տարի նախատեսվում է Գյումրի քաղաքի Վարդանանց հրապարակի շատրվանների արդիականացում, այգիներում ու պուրակներում նստարանների, աղբամանների պատրաստում ու տեղադրում եւ հասարակական զուգարանների կառուցում, ծրագրի ընդհանուր արժեքը 189 մլն 541 հազար 700 դրամ է, որից 113 մլն 725 հազար 20 դրամը համաֆինանսավորման տեսքով ներդնելու է համայնքը։ Համայնքի բյուջեից տարբեր խավերի, արտակարգ դրության պայմաններում հայտնված ընտանիքների ավագանին այսօր հատկացրեց 10-20-հազարական ՀՀ դրամ օգնություն։

©progressgyumri.am Armenian News/Analyses:

Tel: +37498 691-690; E-mail: progressgyumri@gmail.com ; progressgyumri@mail.ru

Գյումրու ավագանին դրամական նվիրատվություններ հատկացրեց

Գյումրու ավագանու նիստի օրակարգում ընդգրկված բոլորն հարցերն էլ այսօր ընդունվեցին։

Ավագանին կողմ քվեարկեց նախորդ տարվա բյուջեի տարեկան հաշվետվությանը, որոշակիորեն փոփոխվեցին ՀՈԱԿ-ների հաստիքացուցակները, արդյունքում ավելացան որոշ աշխատակիցների աշխատավարձեր։

Գյումրու համայնքապետարանը, ավագանու որոշմամբ, առաջիկայում գնելու է մեկ ծառայողական մեքենա՝ 3 մլն 300 հազար դրամի շրջանակում։ Մեքենան նախատեսված է համայնքի ղեկավարի տեղակալներից մեկի համար։ Եղած մեքենան անսարք է։

Ավագանու որոշմամբ սոցիալական աջակցություն հատկացվեց 157 անձի։ ՀՈԱԿ-ներին վերանորոգման եւ այլ աշխատանքների կատարման համար ավագանին որոշեց հատկացնել դրամական նվիրատվություն։

Գյումրի համայնքի թվով 2 մարզադպրոցներին, որպես նվիրատվություն հատկացվեց 200.000 դրամ, որից՝ Գյումրի համայնքի «Արամ Սարգսյանի անվան խաղերի մանկապատանեկան մարզադպրոց» համայնքային ոչ առևտրային կազմակերպությանը՝ 100.000 դրամ՝ հանրապետական մրցումներին բասկետբոլի թիմերի մասնակցության անդամավճարները հատկացնելու  նպատակով, եւ Գյումրի համայնքի «Ալեքսան Հակոբյանի անվան թենիսի եւ սեղանի թենիսի մանկապատանեկան մարզադպրոց» համայնքային ոչ առևտրային կազմակերպությանը՝ 100.000 դրամ՝ հանրապետական մրցումներին թենիսի թիմերի  մասնակցության անդամավճարները հատկացնելու նպատակով:

 ©progressgyumri.am Armenian News/Analyses:

Tel: +37498 691-690; E-mail: progressgyumri@gmail.com ; progressgyumri@mail.ru

Գյումրեցիները նոր կորոնավիրուսի մասին