Տեսանյութեր

Բալասանյան դաշինքով առաջադրված ավագանու թեկնածուն գումար է բաժանում

‹‹Գյումրեցու ոգի›› կուսակցության վստահված անձը Բալասանյանի խմորեղենն էր բաժանում

Հայաստանի Հելսինկյան կոմիտեի դիտորդը փոխանցում է, որ ‹‹Գյումրեցու ոգի›› կուսակցության վստահված անձը Ս. Բալասանյանի ուղարկած խմորեղեն էր բաժանում 34/18 ընտրատեղամասում, որը տեղակայված է Գյումրու թիվ 38 հիմնական դպրոցում:

Այս ընտրատեղամասում կնիքված քվեաթերթիկները հանձնաժողովականների սեղաններին անակնկալ հայտնվեցին: Պարզաբանումներին ի պատասխան՝ ընտրատեղամասի նախագահը վստահեցրեց, որ հենց նոր է կնիքվել եւ ստորագրվել:

Բալասանյան դաշինքի վստահված անձը պարբերաբար զանգեր ստանալուց հետո առանձնանում էր ընտրատեղամասի նախագահի հետ: Նա նաեւ հաղորդագրության միջոցով ուղարկում էր այն քաղաքացիների անուն-ազգանունները, բնակության հասցեները, ովքեր այդ պահին ընտրություն էին կատարում:

Թիվ 34/18 ընտրատեղամասի հենց մուտքի մոտ հարցումներ է անցկացնում Արման Օհանյան անունով մի երիտասարդ: Նա ձեռքին ուներ քվեաթերթիկի նմուշների նմանությամբ թերթիկներ, որոնց վրա գրված է բոլոր քաղաքական ուժերի անունները: Ընտրատեղամասից դուրս եկող քաղաքացիներից նա հետաքրքրվում էր, թե ում են ընտրել: Մեր միջնորդությամբ հանձնաժողովի նախագահը պարզաբանեց, որ երիտասարդը ինչ-որ կազմակերպության ներկայացուցիչ է, իսկ հարցախույզը`արտոնված: Այնուհետ կրկին մեր միջնորդությամբ նախագահը երիտասարդին հեռացրեց ընտրատեղամասի մուտքի մոտից:

Մեր դիտարկումները ցույց տվեցին, որ այդ երիտասարդի` Արման Օհանյանի եւ Գյումրեցու ոգի կուսակցության վստահված անձի հարաբերությունները բավականին ջերմ էին: Նրանք պարբերաբար հանդիպում էին, զրուցում, վստահված անձը թերթիկներն էր նայում:

Ժամը 11:00-ի սահմաններում ընտրատեղամաս բերվեց Սամվել Բալասանյանի կողմից ուղարկված թխվածքները, սուրճը եւ հանքային ջրերը: Գյումրեցու ոգի կուսակցության վստահված անձը սկսեց տեղավորել եւ հանձնաժողովականներին հյուրասիրել քաղաքապետի թեկնածուի ուղարկած սննդամթերքները:

08:00-ից մինչեւ 12:00 թիվ 34/18 ընտրատեղամաս ընտրության եկած քաղաքացիները նախ դժգոհում էին ցուցակների անմատչելիությունից`պատճառաբանում էին, որ բարձր են փակցված, իսկ ոմանք էլ իրենց անունները չէին գտնում, հեռանում էին առանց պարզաբանման:

Ընտրատեղամասում ակտիվ էր նաեւ Հայկական Վերածնունդ կուսակցությունը: Նրանց վստահված անձինք երկուսն էին թիվ 34/18 ընտրատեղամասում:

Գյումրիում ՏԻՄ ընտրությունների լրահոս; դիտեք՝ տեսանյութը

Ժամը 13:00-ի դրությամբ Գյումրու թիվ 34/71 ընտրատեղամասում քվեաթերթիկների եւ ծրարների անհամապատասխանությունէ եղել: Մեր դիտորդը տեղեկացնում է, որ 17 քվեաթերթիկ ու 18 ծրար է եղել:

Ժամը 13-ի դրությամբ թիվ 34/02 տեղամասում, որը տեղեկայաված է Պարույր Սեւակ 4 հասցեում, մայրը ստորագրե է որդու փոխերեն, մեր դիտորդը արձանագրել , նկարել է խախատումը, որից հետո հանաձաժողավականները դիտորդին սպառնացել են դուրս հրավիրել տեղամասից:

Թիվ 3-րդ դպրոցում տեղակայաված 34/73 տեղամասում քաղաքացին՝ Մուրդյան Լյովա Արսենի, պարզել է, որ իր ընտանիքի անդամներրի անունները միաժամանակ առակ են մի քանի ընտրատեղամասի ցուցակներում: Հանձաժողովականները չեն արձանագրել, քաղաքացին էլ առանց ընտրելու հեռացելէ տեղամասից:

34/01 ըտնտրատեղամասում հանձանժողովի անդամների տեղափոպության ժամանակ քվեաթերթիկներից 3-ը պոկել, դրել են սեղանին, ընտրողներին չեն տվել, ապա առանց գորշընթացն ավարտելու, տեղափոխվել են: Նշենք, որ ըստ ԸՕ-ի՝ յուրաքանչյուր 2 ժամը մեկ հանաձնաժողովի անդամները պետք է տեղերով փոխվեն: Դիտեք՝ տեսանյութը

82 վերապատրաստվող դիտորդ կծանոթանա ընտրական օրենսգրքի փոփոխություններին

«Ժողովրդավարական գործընթացները Երկխոսության լսարանում» ծրագրի շրջանակներում «Գյումրու առաջընթաց» ՔՀԶԿ» ՀԿ-ին կողմից անցկացվեցին սեմինար դասընթացներ, որի ընթացքում 82 ակտիվ քաղաքացիներ ձեռք բերեցին դիտորդական հմտություններ և փորձ՝ վերահսկողության միջոցով հսկելու ՏԻՄ ընտրական գործընթացները 82 ընտրատեղամասերում:

Թույլ չտա՜ք, որ ուրիշը քվեարկի ձեր փոխարեն

Ընտրությունների ու ընտրական գործընթացների ժամանակահատվածում Հայաստանի ողջ պետական ապարատը, համակարգը, ռեսուրսները ներդրվում են կեղծիքների նախապատրաստմանը, ընտրակաշառքի, ահաբեկման, ճնշումների ու ուղղորդումների միջոցով իշխանությունների վերարտադրմանը: Հիշե՛ք՝ երկրում փոփոխություններ կարող են սկսվել ոչ թե ընտրություններից հետո՝ երթերի և հանրահավաքների միջոցով, այլ դրանից առաջ՝ ընտրությունների օրը, ուրեմն, տեր եղեք ձեր քվեին, մի վախեցե՜ք, ձեր կատարած քվեարկությունը ոչ ոք չի իմանա, թույլ չտա՜ք, որ ուրիշը քվեարկի ձեր փոխարեն:

Նախընտրական քարոզարշավը շարունակվում է Գյումրիում