Ալիևը չի բացառել Մոսկվայում Փաշինյանի հետ հանդիպման հնարավորությունը
Ադրբեջանի նախագահ Իլհամ Ալիևը չի բացառել Մոսկվայում ՀՀ վարչապետ Նիկոլ Փաշինյանի հետ հանդիպման հնարավորությունը, սակայն նշել է, որ Ռուսաստանի Դաշնության նախագահից Վլադիմիր Պուտինից դեռևս չի ստացել ՌԴ մայրաքաղաք այցելելու հրավեր, ինչպես հայտնում է ՌԻԱ Նովոստին, այս մասին Ալիևն ասել է ճապոնական Nikkei թերթին տված հարցազրույցում:Հոկտեմբերի 19-ին ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը ТАСС-ին տված հարցազրույցում հայտնել էին, որ պատրաստ են հանդիպել:
Աղբյուր՝ https://radiosputnik.ria.ru/20201022/aliev-1580999018.html
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Ադրբեջանական ռմբակոծությունից տուժել են իրանական խաղաղ բնակավայրերը
Իրանական Azariha տելեգրամ ալիքը տեսանյութ է հրապարակել ադրբեջանական հրետանու ռմբակոծությունից տուժած Իրանի սահմանամերձ տների փլուզման մասին։Ալիքը նաև հայտնել է դեպի Իրան ուղարկվող ԱԹՍ-ների մասին։«Արդյոք ժամանա՞կը չէ, որ իրանական բանակը բուֆերային գոտի հայտարարի Լեռնային Ղարաբաղի խորքային տարածքները»,- այս հարցով է եզրափակել հրապարակումն իրանական ալիքը։ Տեսանյութում ավերված իրանական տուն է սահմանամերձ բնակավայրից:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Տիրան Խաչատրյանը, Անդրանիկ Փիլոյանը և Գարեգին Պողոսյանը արժանացել են Ազգային հերոսի կոչման
Նախագահ Արմեն Սարգսյանի հրամանագրերով Հայաստանի զինված ուժերի գլխավոր շտաբի պետի առաջին տեղակալ, գեներալ-լեյտենանտ Տիրան Վազգենի Խաչատրյանը, ՀՀ ՊՆ թիվ N զորամասի հրամանատար, գեներալ-մայոր Անդրանիկ Սուրենի Փիլոյանը և ՊՆ թիվ N զորամասի հրամանատար, գնդապետ Գարեգին Սամվելի Պողոսյանը պարգևատրվել են Հայրենիքի շքանշանով: Այս մասին հայտնում է նախագահի աշխատակազմի հասարակայնության հետ կապերի վարչությունը:
Աղբյուր՝ https://www.president.am/hy/decrees/
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Զոհրաբ Մնացականյանն աշխատանքային այցով կմեկնի ԱՄՆ. ՀՀ ԱԳՆ
ՀՀ արտգործնախարար Զոհրաբ Մնացականյանն աշխատանքային այցով կմեկնի ԱՄՆ, հայտնում է ՀՀ արտաքին գործերի նախարարությունը:«Հոկտեմբերի 22-ին ԱԳ նախարար Զոհրաբ Մնացականյանն աշխատանքային այցով մեկնելու է Ամերիկայի Միացյալ Նահանգներ: Այցի ընթացքում նախատեսված են նախարարի հանդիպումները ԱՄՆ պետքարտուղար Մայք Պոմպեոյի, ԱՄՆ մի շարք բարձրաստիճան պաշտոնյաների հետ»,- ասված է հաղորդագրության մեջ:
Աղբյուր՝ https://www.facebook.com/MFA.Armenia/posts/5231131510246336
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Ավստրալիայի Նոր Հարավային Ուելս նահանգի օրենսդիր մարմինը ճանաչեց Արցախի անկախությունը
Ավստրալիայի խոշորագույն նահանգներից մեկի՝ ավելի քան 7 միլիոն բնակչություն ունեցող Նոր Հարավային Ուելսի օրենսդիր մարմինը պաշտոնապես ճանաչել է Արցախի անկախությունը։ Ավստրալիայի Հայ դատի հանձնախմբի փոխանցմամբ՝ փաստաթղթին կողմ է քվեարկել օրենսդիրների բացարձակ մեծամասնությունը՝ 61 պատգամավոր, դեմ են եղել 2-ը:Նոր Հարավային Ուելսի խորհրդարանականները նաև դատապարտել են Արցախի հայերի դեմ Թուրքիայի և Ադրբեջանի հարձակումները։Լեռնային Ղարաբաղի անկախությունը ճանաչել են նաև Ամերիկայի 9 նահանգներ՝ Ռոդ Այլենդ, Մասաչուսեթս, Մեն, Ջորջիա, Հավայի, Միչիգան,Կոլորադո, Լուիզիանա և Կալիֆորնիա։
Աղբյուր՝ https://www.facebook.com/ancaustralia/posts/3313300525390764
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
«Viasat» ամերիկյան ընկերությունը դադարեցնում է ռազմական տեխնոլոգիաների մատակարարումները Թուրքիային
«Viasat» ամերիկյան ընկերությունը դադարեցնում է մատակարարումները Թուրքիային։ Ամերիկահայ համայնքը բողոքի ակցիաներ է անցկացրել «Viasat»-ի գրասենյակի մոտ՝ պահանջելով դադարեցնել արբանյակային կապ և սարքավորումներ մատակարարել թուրքական «Բայրաքթար» ԱԹՍ-ների համար։ Այս մասին Facebook-ի իր էջում հայտնել է ամերիկահայ ակտիվիստ Քրիստինե Հալաջյանը, որը հանդիպել է ընկերության ներկայացուցչի հետ։ Ընկերության ներկայացուցիչներն ընդունել են հայ համայնքի անդամներին և լսել նրանց պահանջները։ Ընկերությունից հայտնել են, որ Թուրքիային արբանյակային կապ չեն տրամադրում, այլ միայն ռազմական տեխնոլոգիաներ են մատակարարում։ Ընկերություն ներկայացուցիչն ասել է, որ պահանջելու են Վաշինգտոնից բացատրել, թե ինչպես է օգտագործում Թուրքիան իրենց տրամադրած տեխնոլոգիաները։ «Մենք ցավակցում ենք հայերի ընտանիքներին։ Մենք պաշտպանական ոլորտի գործունեությամբ ենք զբաղվում։ Մենք մեր արտադրանքը վաճառել ենք Թուրքիային, սակայն չենք իմացել, որ դրանք օգտագործվում են ահաբեկչության համար։ Ես հուսով եմ, որ ԱՄՆ Պետդեպարտամենտի ղեկավար Մայք Պոմպեոն արդեն Թուրքիայի ականջները ձգելու ճանապարհին է։ Մենք մեր կողմից հնարավոր ամեն ինչ արդեն արել եք։ Մենք դատապարտում ենք այդ զենքերի օգնությամբ անմեղ մարդկանց սպանությունը, մենք տեղյակ ենք, որ Կանադան արգելել է անօդաչու թռչող սարքերի աչքերի արտահանումը Թուրքիա, մենք նույնպես չեղարկել ենք Թուրքիայի հետ պայմանագիրը ու այլևս չենք տրամադրելու մեր տեխնոլոգիան թուրքերին»,- ասել է «Viasat»-ի ներկայացուցիչը՝ նշելով, որ իրենք ինչպես արբանյակային կապ են ապահովում, այնպես էլ ռազմական տեխնոլոգիաներ են արտադրում, սակայն Թուրքիային միայն ռազմական տեխնոլոգիաներ են մատակարարում։ «Նրանք այլևս չեն ստանա մեր արտադրանքը, ես շատ շնորհակալ եմ այս խաղաղ ցույցերի համար։ Հուսով եմ, որ այս ահաբեկչությունը կանգ կառնի»,- ասել է նա հայ համայնքի ներկայացուցիչ Քրիստինե Հալաջյանին։ Հավելենք, որ սարքավորումները, որոնք մատակարարել է «Viasat» ընկերությունը, անօդաչու թռչող սարքերի ուղեղի աշխատանքն են ապահովում և շատ կարևոր բաղադրիչ են։
Տեսանյութ՝ https://www.facebook.com/KristineHalajyan/videos/10208583797028878
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
ԱՄՆ-ի Ֆաուլեր քաղաքը ճանաչել է Արցախի Հանրապետության անկախությունը
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru
Գյումրու օդային երթուղու ծրագրից շոշափելի արդյունքներ են սպասում
Հեքիաթային ծրագիրն իրատեսական դարձնելու ժամկետ է սահմանվել
Հուլիսի 2-ին Գյումրու համայնքապետարանում «Արմոն» ընկերությունը հանրային քննարկման ներկայացրեց ընդհանուր 610 միլիոն ԱՄՆ դոլար ներդրումային ծրագիր՝ «ՍՔԱՅ ԳՅՈՒՄՐԻ», որի առանցքը 25 կմ երկարությամբ օդային երթուղիների կառուցումն էր:
25 կմ օդային երթուղու կառուցման համար պահանջվում է 200 մլն դոլար: Օդային երթուղին կախովի տրամվայ է՝ առանց պարանների:
Մեկնարկը տրվելու է օդանավակայանի «Թռիչք» պայմանական անունն ունեցող կայարանից, հաջորդը կլինի Մսի կոմբինատ թաղամասի «Վերածնունդ»-ը, հետո հերթը կհասնի Նորավան թաղամասի «Հավատք» եւ Կոմիտաս փողոցի «Տաղանդ» կայարաններին:
Սա լինելու է ոչ թե քաղաքային երթուղի, այլ՝ այլընտրաքային տարբերակ։ Օդային երթուղուց գյումեցիները, ի տարբերություն մյուս մարզերի եւ մայրաքաղաք Երեւանի բնակիչների, համեմատաբար էժան են օգտվելու։
Նմանատիպ առաջին փոխադրամիջոցը կառուցվել է Լոնդոնում՝ 1895 թվականին: Գյումրիում այն նախատեսվում է կառուցել նորագույն տեխնոլոգիաների կիրառմամբ:
Ծրագրի համալիր նախագծման մեկնարկը տրվել է 2020-ին․ նախատեսվում է ավարտին հասցնել մինչեւ 2023 թվականը։
Ծրագիրը քննարկման ներկաների եւ մասնակիցների գերակշիռ մասի համար հեքիաթային էր եւ անիրատեսական։
Հանրային քննարկման ժամանակ Գյումրի հաայնքի ղեկավարը եւս նկատել էր ու անկեղծացել․ «Սա հեքիաթ է»,- ասել էր քաղաքապետ Սամվել Բալասանյանը։
Այն հարցին, թե ինչու են նման ծրագիրը փորձում իրականացնել Գյումրիում, «Արմոն» ՍՊԸ տնօրեն Խաչատուր Սարգսյանն արձագանքել էր․ «Դեռ խորհրդային տարիներին Երեւանի եւ Լենինականի միջեւ եղել է մրցակցություն: Պատահական չէ, որ մեկը կոչվում է մայրաքաղաք, մյուսը՝ հայրաքաղաք: Վերջին 30 տարիներին դա չկա, բայց պոտենցիալը կա, իսկ եթե չկա մրցակցություն, չկա նաև զարգացում: Մեր առաջին խնդիրն է Գյումրին հանրապետությունում դարձնել մրցակցային: Երկրորդն ուղիղ կապ ունի կորոնավիրուսի հետ: Փոխվել են արժեքները: Ճոխությունից մարդիկ անցել են հարմարավետության՝ գնահատելով ժամանակը»։
Բացի այդ, Խաչատուր Սարգսյանը ծնվել է Գյումրիում, սակայն տեւական ժամանակ բացակայել է երկրից: «Գալիս է մի տարիք, երբ զգում ես, որ պարտք ունես այն վայրի նկատմամբ, որը քեզ տվել է հնարավորություն դառնալ այն, ինչը կաս այսօր»,- ասել էր ընկերության տնօրենը:
Ծրագիրը ոչ միայն հեքիաթային, այլեւ ռիսկային է համարվում մասնավորապես ֆինանսական մասով։ Եթե օդային երթուղուց օգտվի մոտ 400 հազար քաղաքացի եւ մեկ անջի ուղեվարձը լինի 100 դրամ, ապա նոր միայն ընկերությունը կկարողանա փակել կատարած ծախսերը։
Գյումրիում ողջունեցին ծրագիրը, սակայն հույսեր չկապեցին, հատապես, երբ մի քանի ամիս առաջ նույն «Արմոն» ընկերությունը ներդրումային մի ծրագիր էլ ներկայացրել էր Արարատի մարզում: Խոսքը մեծ աղմուկ բարձրացրած կոկորդիլոսաբուծարանի մասին էր։
Հանրային քննարկումից մի քանի օր անց՝ հուլիսի 17-ին Գյումրու ավագանին ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով, հիմք ընդունելով «Արմոն» սահմանափակ պատասխանատվությամբ ընկերության տնօրենի գրությունը (մուտքագրված համայնքապետարանում 2020 թվականի հունիսի 19-ին N 7758)՝ միաձայն որոշեց տալ նախնական համաձայնություն «Արմոն» սահմանափակ պատասխանատվությամբ ընկերության կողմից ներկայացված «ՍՔԱՅ ԳՅՈՒՄՐԻ (SKY GYUMRI)» ծրագրի իրականացմանը։
Այդ որոշմամբ առաջարկվեց Գյումրի համայնքի ղեկավարին «Արմոն» սահմանափակ պատասխանատվությամբ ընկերության հետ կնքել համագործակցության պայմանագիր, «Արմոն» սահմանափակ պատասխանատվությամբ ընկերության հետ համատեղ ուսումնասիրել եւ կազմել ծրագրի նախագծման առաջադրանք, ուսումնասիրել ծրագրի ենթակառույցների կառուցման համար անհրաժեշտ թվով 14 տարածքների կարգավիճակը, դրանց տրամադրման հնարավորությունները, քաղաքաշինական ծրագրային փաստաթղթերին համապատասխանությունը:
Որոշմամբ սահմանվեց, որ տարածքների վերջնական ընտրության եւ դրանք քաղաքի տարածքային զարգացման քաղաքաշինական ծրագրային փաստաթղթերի դրույթներին համապատասխանեցնելուց, տարածքների տրամադրման հնարավորությունները ճշտելուց հետո՝ հողհատկացման առաջարկությունները ներկայացնել համայնքի ավագանու հաստատմանը:
Այս որոշումից անցել է 3 ամիս։ Փորձեցինք Գյումրու գլխավոր ճարտարապես Հենրիկ Գասպարյանից ճշտել, թե ինչ փոփոխություններ կան ծրագրի իրականացման ընթացքում։ «Ավագանու որոշմամբ երեք հողամաս առանձնացրեցինք եւ սահմանեցինք մեկ տարի ժամկետ, որ մեկ տարվա ընթացքում 3 կայարանների նախագծերը ներկայացնեն եւ աշխատանքներ սկսեն»,-ասաց Հ․Գասպարյանը։ Նրա խոսքով՝ ընկերությունը դեռեւս նախագիծ չի ներկայացրել, որոշումն ընդունելուց հետո այն պետք է նեկայացնի 6-ամսյա ժամկետում։ Հ․Գասպարյանի փոխանցմամբ՝ ընկերությունը Գյումրու համայնքապետարանին պետք է ներկայացնի շոշափելի արդյունքներ եւ ապացուցի, որ ծրագիրն իրատեսական է։
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru