2021 | PROGRESS OF GYUMRI

Գյումրիում ընտրողները դեռևս պասիվ են

07170060.00_23_47_04.неподвижное изображение001

Թիվ 31 ընտրատարածքի 15-րդ ընտրատեղամասում, որը տեղակայված է Գյումրու թիվ 23 միջնակարգ դպրոցում, քվեարկության գործընթացը մեկնարկել է ուղիղ ժամը 8-ին։ Այստեղ ևս, ընտրական հանձնաժողովը վաղ առավոտյան կատարել է նախապատրաստական աշխատանքները, ստեղծել բոլոր անհրաժեշտ պայմանները քվեարկության բուն գործընթացը օրինական կերպով սկսելու համար։ Այստեղ ընտրացուցակներում հաշվառված ընտրողների թիվը 1647 է, առաջին ընտրողը տեղամաս այցելեց բացումից անմիջապես հետո։ Քվեարկության ընթացքին հետևող դիտորդներն ու ընտրություններին մասնակցող քաղաքական ուժերը ներկայացնող վստահված անձիք ևս վստահեցրել են, որ մինչ այդ պահը որևէ միջադեպ կամ ընտրախախտում չի գրանցվել։ Ժամը 9-ի դրությամբ թիվ 31/16 ընտրատեղամասում իր քաղաքացիական պարտքն արդեն հասցրել է կատարել 12 ընտրող։ Քվեարկության ընթացքում ոչ մի լուրջ խախտում կամ դժգոհություն չի արձանագրվել, վստահեցրել է տեղամասային ընտրական հանձնաժողովի նախագահ Կարեն Խաչատրյանը։ Ընտրողների պասիվություն է եղել նաև թիվ 31/13 ընտրատեղամասում, ինչը պայմանավորված է եղել օրվա շուտ ժամով։ Վաղ առավոտից մինչև ժամը 9։30-ը իր ընտրական իրավունքից շտապել է օգտվել 16 քաղաքացի։ Ընտրության կարգի հետ կապված խնդիրներ ընտրողները չեն ունեցել, ինչպես քվեարկել՝ մեծամասամբ գիտեն գրեթե բոլորը, բավարար իրազեկված են, բայց քվեարկության որոշ քայլերին ծանոթ չեն եղել տարեց ընտրողները։ Սահմանված կարգի համաձայն, ինչպես նախորդ ընտրություններին, այս անգամ ևս, բոլոր ընտրատեղամասերն ապահովված են սանիտարահիգիենիկ պարագաներով, ընտրողները տեղամաս են մտնում դիմակներով։

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

ԿՈՐՈՆԱՎԻՐՈՒՍԻ ԴԵՄ ՊԱՏՎԱՍՏՎԵԼ՞ ԵՔ, ԹԵ ՈՉ

es-patvastvel-em-bayc-arden-6--n223491-1

#Հարցում

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

«Անկախ դիտորդ» հասարակական դաշինքը դիտարկելու է 2021 թ․ հոկտեմբերի 17-ին Գյումրի, Գորիս, Մեղրի, Տեղ, Տաթև, Դիլիջան, Ֆիոլետովո համայնքներում կայանալիք տեղական ինքնակառավարման մարմինների ընտրությունները։

🔍Ընտրությունների ընթացքին հետևելու են ընդհանուր 130 դիտորդներ 45 ընտրատեղամասերում և 4 ընտրատարածքային ընտրական հանձնաժողովներում:
📍Քվեարկության օրը՝ հոկտեմբերի 17-ին, «Անկախ դիտորդի» առաքելության շտաբները գործելու են Գյումրիում՝ Բաղրամյան 17 հասցեում, «Ագաթ» ՀԿ գրասենյակում, և Գորիսում՝ «Գորիս» հյուրանոցում՝ Խորենացի 53 հասցեում:
📍Քվեարկության օրվա ընթացքում դիտորդական առաքելությունը հանդես է գալու մամուլի ասուլիսներով՝ ժամը 12:00-ին և 17:00-ին, որոնք տեղի են ունենալու Գյումրիում՝ Երկխոսության Մեդիա կենտրոնում(Dialogue media center)՝ Ալեք Մանուկյան 1/2 հասցեում, և Գորիսում՝ «Գորիս» հյուրանոցում:
«Անկախ դիտորդը» նաև, ըստ անհրաժեշտության, քվեարկության օրվա ընթացքում հանդես կգա լրացուցիչ հաղորդագրություններով և ասուլիսներով:
ℹ️«Անկախ դիտորդ» հասարակական դաշինքն իրականացրել է նաև երկարաժամկետ դիտորդություն։ Նախընտրական քարոզչության ընթացքը դիտարկել են 12 երկարաժամկետ դիտորդներ։
Առաջիկա ՏԻՄ ընտրությունների դիտարկման համար հոկտեմբերին Երևան քաղաքում անցկացվեցին դասընթացավարների և երկարաժամկետ դիտորդների վերապատրաստման դասընթացներ։ Քվեարկության օրվա դիտորդության նախապատրաստման համար Գյումրիում, Իջևանում և Գորիսում անցկացվեցին կարճաժամկետ դիտորդների վերապատրաստման դասընթացներ։
«Ընտրություններ բոլորի համար 2021- տեղական դիտորդություն և քաղաքացիական հասարակության կողմից քաղաքացիների իրավազորում» ծրագիրն իրականացվում է ՕքսԵՋեն հիմնադրամի, Հելսինկյան քաղաքացիական ասամբլեայի Վանաձորի գրասենյակի, «Իրազեկ քաղաքացիների միավորում» ՀԿ-ի և Քաղաքական դասընթացների երևանյան դպրոցի հետ համատեղ:
Ծրագիրը ֆինանսավորվում է Եվրոպական միության կողմից:
«Անկախ դիտորդ» հասարակական դաշինքը դիտորդություն է իրականացնում հետևյալ անդամ և գործընկեր կառույցների հետ․
Helsinki Citizens’ Assembly-Vanadzor
Իրազեկ քաղաքացիների միավորում – Union of Informed Citizens
«Progress of Gyumri» NGO – Civil Society Development Center
Women’s Rights House NGO «Կանանց Իրավունքների Տուն» ՀԿ ԿԻՏ
Restart Gyumri – Initiative Centre NGO
Direct Democracy NGO

Աղբյուր՝ https://www.facebook.com/AnkakhDitord/posts/1218342975242959

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

Գյումրիում մեկնարկեց Բարեկամություն զբոսայգու շինարարությունը

digital cloc.00_15_26_08.неподвижное изображение064

Նախանշված ժամկետից 1 տարի ուշացումով Գյումրիում տրվեց ,,Բարեկամություն,, զբոսայգու շինարարական աշխատանքների մեկնարկը: Ծրագիրը կյանքի է կոչվում մի շարք միջազգային հիմնադրամների ներդրումներով, արժեքը 900 մլն դրամ է, որը կուղղվի նաև այգու տարածքի և ենթակառուցվածքների բարեկարգմանը:

Գյումրեցիների սիրած ,,կռուգի սադը,, կբարեկարգվի, կդառնա բացառիկ այգի հրաշալի ատրակցիոններով, արվեստի ու սպորտի եզակի միջավայր կստեղծվի: Տարածաշրջանի համար նախադեպը չունեցող այգին, ըստ ծրագրի հեղինակների, միավորելու է 3 ուղղություն. քաղաքաշինություն, զբոսաշրջություն և սոցիալական ձեռնարկատիրություն:

Զբոսայգու շինարարության մեկնարկն ազդարարվեց այգու տարածքում արխիվային թղթադրամի տեղադրմամբ, որն իրականացրեց զբոսայգու նախկին երկարամյա տնօրեն Խաչատուր Ազարյանի դուստրը, նշելով, որ իր հայրը Խորհրդային տարիներին զբոսայգում ժամանցի վայրեր, պարահրապարակներ է ստեղծել: Ծրագրի ճարտարապետի խոսքերով, հենց այս այգում է կառուցվելու Գյումրիի առաջին պատկերասրահը, որտեղ իրենց ստեղծագործական նախաձեռնությունները զբոսաշրջիկներին ի ցույց կդնեն տեղի նկարիչները:

Այնտեղ, որտեղ հին համերգային բեմն է, կլինի զբոսայգու ամենամեծ հրապարակը, ամենաաղմկոտ տեղը, ,ձախ կողմում սպորտային հրապարակը, իսկ հին բեմը չենք օգտագործելու, այն որպես հնություն ենք պահպանելու:

Տարածաշրջանում ունիկալ և եզակի համարվող այս այգու ստեղծման համար հատկացվել է 7,3 հա տարածք: Ծրագիրը փուլային է, առաջին փուլի շինարարությունը նախատեսվում է ավարտել հաջորդ տարի աշնանը:

,,Քաղաքաշինության և զբոսաշրջության,, բարեգործական հիմնադրամի համահիմնադիր Ռուբեն Վարդանյանը ասում է, որ ինքը 6 ամիս Գյումրիում է ծառայել ու լավ գիտի Գյումրիի կլիման: Ծրագիրը բավական բարդ ու ամբիցիոզ է որակում, բայցև վստահ ասում է, որ գյումրեցիներին զարմացնելու շատ բան ունեն: Մեկն էլ այն, որ այգու որոշ շինություններ ունենալու են Մինասի գույները: