«Մեր ինքնիշխանությունն ու տարածքային ամբողջականությունը հարվածի տակ են» Ս․Սուրենյանց
YouTube` 🔴
#անվտանգություն #լաչին
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumringo@gmail.com
Կառավարությունը գումար կհատկացնի Շիրակի մարզպետարանի ենթակայությամբ գործող մի շարք դպրոցների
Կառավարությունն ընդունել է որոշում, որով նախատեսվում է Շիրակի մարզպետարանի ենթակայությամբ գործող թվով 128 հանրակրթական դպրոցներին հատկացնել կապիտալ դրամաշնորհներ 264,361.6 հազար դրամի չափով, որից 233,997.9 հազար դրամը՝ վերջիններիս խնայողությունների հաշվին, իսկ 30,363.7 հազար դրամը՝ ՀՀ կրթության, գիտության, մշակույթի և սպորտի նախարարության 2023թ.-ի պետական բյուջեի վերաբաշխման միջոցով: Գումարն ուղղվելու է դպրոցների ճաշարանների համար անրաժեշտ գույքի և սարքավորումների ձեռքբերմանը: Ըստ հիմնավորման՝ Շիրակի մարզն անցում է կատարել «Կայուն դպրոցական սնունդ» ծրագրին 2018թ.-ի սեպտեմբերին: Ծրագրի արդյունավետ իրականացման համար անհրաժեշտ է նաև ապահովել դպրոցների ճաշարանների համապատասխան շենքային պայմաններ գույքի, սարքավորումների և այլ անհրաժեշտ պարագաների առկայություն: «Կրթության զարգացման և նորարարությունների ազգային կենտրոն» հիմնադրամի «Դպրոցական սնունդ և երեխաների բարեկեցություն» հիմնարկն իրականացրել է մարզի դպրոցների ճաշարանների կարիքների հավաքագրման գործընթաց, որի արդյունքներով պարզ է դարձել, որ 31 դպրոց ունի թե՛ ճաշարանի և/կամ խոհանոցի ընթացիկ նորոգման կարիք, թե՛ խոհանոցային սպասքի և այլ պարագաների և թե՛ գույքի և սարքավորումների ձեռքբերման կարիք,132 դպրոց՝ խոհանոցային սպասքի և այլ պարագաների ձեռքբերման կարիք: 132-ից 128 դպրոց ունի նաև ճաշարանի և՛ խոհանոցի համար գույքի և՛ սարքավորումների ձեռքբերման կարիք: Նիկոլ Փաշինյանը կարևորել է ծրագիրը և՛ կրթության, և՛ երեխաների առողջության պահպանման համատեքստում. «Այստեղ մենք լուրջ խնդիրներ ունենք և պետք է ամեն ինչ անենք օր առաջ այդ խնդիրները լուծելու համար»:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumringo@gmail.com;
«Ցեղասպանությունից 108 տարի անց»
«Ցեղասպանությունից 108 տարի անց»
—————————————
#armenian #genocide
1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1.5 մլն հայ է սպանվել, ХХ դարի առաջին ցեղասպանությունն է համարվում։ Թուրքիան ավանդաբար մերժում է ցեղասպանություն իրագործելու մեղադրանքներն ու ցավագին ընդունում այդ հարցի վերաբերյալ քննադատությունները։
Հայոց Մեծ Եղեռնից 108 տարի անց, ի՞նչ է փոխվել հայ ժողովրդի կյանքում, ի՞նչ դասեր ենք քաղել պատմական այդ իրողությունից և որպես հետևանք, ի՞նչ ունենք այսօր։——————————————————————————
- ——————————————————————————
Բանախոսներ՝
Արմեն Ներսիսյան- «Ազգային արժեք ակումբ»-ի անդամ
Լիլիթ Ասոյան- պատմական գիտությունների թեկնածու, դոցենտ
Արա Նախշքարյան – պատմաբան
Աբրահամ Ավագյան- պատմության ուսուցիչ
Համակարգող ՝ Մարինե Դերբինյան
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumringo@gmail.com;
Գյումրի համայնքի կոշտ կենցաղային թափոնների ռազմավարական պլանի վերաբերյալ քննարկում
Գյումրիում աղբահանության համար տրվող վճարը բավարար չէ աղբահանությունը պատշաճ իրականացնելու համար. Գյումրու համայնքապետարանում այսօր հանրային քննարկում է կայացել «Գյումրի համայնքի կոշտ կենցաղային թափոնների ռազմավարական պլան»-ի վերաբերյալ:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumringo@gmail.com;
«Քաղաքացիական հասարակության կառույցների կայունությունը»
Քաղաքացիական հասարակության կառույցների գրանցման և գործունեության համար նպաստավոր է արդյո՞ք ոլորտի օրենսդրությունը,
ՀՀ-ում մոտ 6000 Քաղաքացիական հասարակության կառույցներ /ՔՀԿ-ներ/ և 1500-ից ավել հիմնադրամներ կան։ Շիրակի մարզում դրանց թիվը 300-ից ավել է։ Ինչպե՞ս եք գնահատում ՔՀԿ-ների ընդհանուր կայությունը։
Բնութագրեք ՔՀԿ-ների գործունեությունը Շիրակի մարզի միավորված գյուղական համայնքներում։ Որքանո՞վ են դրանք կարողանում ապահովել հանրային մասնակություն և հանրային վերահսկողություն՝ որպես մոնիտորինգ և շահերի պաշտպանություն իրականացնող, ՏԻՄ-երի հետ համագործակցող կամ դրանց հակակշիռ կառույցներ։
Որքանո՞վ է գործնականում իրագործելի ՔՀԿ-ների կողմից ձեռնարկատիրական գործունեություն ծավալելու հնարավորությունը։
Ի՞նչ պետք է անեն ՔՀԿ-ներն իրենց հանրային ընկալումը, հասարակության մոտ հեղինակությունը բարելավելու համար։
—————————————
Ուղիղ հեռարձակում 
Բանախոսներ՝ Լևոն Բարսեղյան, Ժուռնալիստների «Ասպարեզ» ակումբ ՀԿ-ի խորհրդի նախագահ, Արտաշես Բոյաջյան, «Կոմպասս» գիտահետազոտական, կրթական և խորհրդատվական կենտրոն ՀԿ-ի անդամ, Գևորգ Պետրոսյան, «Բիոսոֆիա» առողջապահության, բնապահպանության, գյուղատնտեսության զարգացման կենտրոն ՀԿ-ի նախագահ, Եսթեր Գրիգորյան, «Ալվան ծաղիկ» սոցիալ-կրթական կենտրոն ՀԿ-ի ծրագրերի համակարգող։Համակարգող՝ Սեյրան Մարտիրոսյան, Ա․Դ․Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի ղեկավար,
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumringo@gmail.com;
Հայրենական Մեծ պատերազմին մասնակից վետերան Գյումրին այլևս չունի. անցկացվել է ավագանու հերթական նիստը
Գյումրիի ավագանին գումարել է հերթական նիստը՝ օրակարգում ունենալով 20 հարց: Քննարկված հարցերը հիմնականում վերաբերել են կազմակերպություններին և անհատ քաղաքացիներին դրամական աջակցություն տրամադրելուն, ապօրինի կառուցված շինությունների օրինականացմանը և հողատարածքների գործառնական նշանակությունները փոխելուն:
Գյումրիի քաղաքապետարանը ամեն տարի որոշակի ֆինանսական միջոցներ է տրամադրում այն կառույցներին, որոնք դիմում են այդ խնդրով: «Կարիտաս-Արեգակ» բարեգործական հիմնադրամը զբաղվում է աուտիզմ ո ւնեցող երեխաների կրթմամբ և սննդի ապահովմամբ: Քաղաքապետարանը 600.000 դրամ հատկացրեց կառույցին, 400.000 դրամ էլ տրամադրվեց Գյումրիի գրողների միությանը՝ միջոցառումներ անցկացնելու նպատակով:
Քաղաքապետի խորհրդական Լենա Ջիլավյանը ավագանու անդամների հարցերին ի պատասխան նշեց, որ տեղական բյուջեն շատ է պակասել, նաև պետբյուջեից տրամադրվող դոտացիան է նվազել, այդ իսկ պատճառով էլ կառույցներին իրենց ուզածից քիչ ֆինանս են հատկացնում:
«Մեր հնարավորությունների սահմաններում ենք գումար տալիս, որ տեսնեն, թե մենք անտարբեր չենք մեր քաղաքի իրադարձությունների նկատմամբ»,-ասում է Լենա Ջիլավյանը:
Ավագանու այս նիստով հաստատվեց նաև Արցախյան բոլոր պատերազմների ժամանակ զոհվածների ընտանիքներին, դրամական աջակցության տրամադրումը:
«Մենք մինչև անցած տարի գումար էինք հատկացնում նաև մեր քաղաքում ապրող և տարբեր պատերազմների ժամանակ հաշմանդամ դարձած բնակիչներին, բայց մենք այդ մարդկանց ցուցակները կազմում ենք Գյումրիի զինկոմիսարիատի տված ցուցակների հիման վրա: Անցած տարվանից զինկոմը հրաժարվեց մեզ պատերազմներում վիրավորված անձանց ցուցակները տրամադրել, մտածելով, թե դա իր աշխատանքը չէ: Մենք ավագանու անդամների հետ տարբեր ատյանների դիմեցինք այդ ցուցակները ստանալու, բայց մերժում ստացանք: Հիմա այդ պատճառով պատերազմների ժամանակ հաշմանդամություն ստացած անձինք չեն կարող օգտվել մեր աջակցությունից»,-ասում է Լենա Ջիլավյանն ու ավելացնում,- «Այս տարի Գյումրիում արդեն չունենք Հայրենական Մեծ պատերազմի վետերան, որ ֆինանսական աջակցություն տրամադրենք: Նրանք բոլորը մահացել են: Մայիսյան հաղթանակների շեմին, քաղաքապետարանը դրամական աջակցություն կտրամադրի Արցախյան բոլոր պատերազմներին զոհվածների, անհետ կորածների, գերեվարվածների ընտանիքներին, Աֆղանստանի պատերազմի և Հունգարիայի հեղաշրջման ճնշմանը մասնակցած գյումրեցիներն:
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumringo@gmail.com;
«Գյումրու աղբահանության խնդիրները. լուծումներ»
- «Գյումրու աղբահանության խնդիրները. լուծումներ»
- —————————————
- Աղբահանության հիմնախնդիրները ցանկացած երկրում կարևոր նշանակություն ունեն ինչպես շրջակա միջավայրի պահպանման, այնպես էլ մարդու առողջության համար: Օրեցօր ավելացող աղբի դեմ պայքար այսօր ծավալում են աշխարհի գրեթե բոլոր զարգացած պետությունները: Հիմնվում են աղբի վերամշակման գործարաններ, աշխատանքներ են տարվում հասարակության մեջ աղբի տեսակավորման մշակույթը ձեւավորելու ուղղությամբ, իսկ դժվար քայքայվող իրերը փոխարինվում են ավելի արագ քայքայվող նյութերով: Աղբահանությունը նաև տնտեսական խնդիրներ է լուծում: Նախ աշխատանք ապահովելով մարդկանց, ինչպես նաև թափոններից կարելի է ստանալ էներգիա:
- —————————————
- Ուղիղ հեռարձակում
-
————————————— Բանախոսներ՝ Գյումրու համայնքապետարանի կոմունալ ծառայության բյուջետային հիմնարկի տնօրենի ժ/պ Գևորգ Պետրոսյան – Գյումրու «Բիոսոֆիա» բնապահպանական կազմակերպության նախագահ Ինգա Զառաֆյան – «Էկոլուր» տեղեկատվական հասարակական կազմակերպության նախագահ Ադրինե Մուղնեցյան -«Էկոպարսեկ» էկոլոգիական ՀԿ-ի ղեկավար Արթուր Ֆինկին – «Էկոպարսեկ» էկոլոգիական ՀԿ-ի ՏՏ պատասխանատուՀամակարգող՝ ԼուսինեՄովսիսյան
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumringo@gmail.com;
-
Կառավարությունը գումար է հատկացրել Գյումրու դրամատիկական թատրոնին
Կառավարության այսօրվա որոշմամբ 34 մլն 677 հազար դրամ գումար է հատկացվել Շիրակի մարզպետարանին՝ «Վարդան Աճեմյանի անվան դրամատիկական թատրոն» ՊՈԱԿ-ի շենքի արտաքին պատուհանների փոխարինման աշխատանքներն իրականացնելու համար։ Գործաադիրի մեկ այլ որոշմամբ էլ 466 մլն 912 հազար դրամ գումար է նախատեսվել Արթիկի երկու մանկապարտեզների նորոգման համար։ Արթիկ համայնքի «Արթիկի թիվ 3 մանկապարտեզ» ՀՈԱԿ-ի վերանորոգման նպատակին նախատեսվել է 223 մլն 144 հազար դրամ գումար։ 243 մլն 768 հազար դրամ գումար էլ հատկացվել է «Արթիկի թիվ 4 մանկապարտեզ» ՀՈԱԿ-ի վերանորոգման համար։
Աղբյուր `https://www.primeminister.am/hy/press-release/item/2023/04/06/Nikol-Pashinyan-meeting/
© progressgyumri.am Armenian News / Analyses:
Հեռ. ՝ +37498 691-690; Էլ. Փոստ ՝ progressgyumringo@gmail.com