«Քայլ արա՝ մերժիր Սերժին» շարժումը
Ապրիլի 12-ից մայրաքաղաքում, այնուհետ հանրապետության տարբեր քաղաքներում մեկնարկեց «Քայլ արա՝ մերժիր Սերժին» շարժումը․ զանգվածային միջոցառումներն ուղղված էին հանրապետության 3-րդ նախագահ Սերժ Սարգսյանի վարչապետության դեմ։
Ցուցարարների նպատակն էր շրջապատել Ազգային ժողովի շենքը եւ թույլ չտալ Սերժ Սարգսյանին ընտրվել վարչապետ։ Սակայն մինչ ընտրության օրը Ազգային ժողովի շենքը փշալարերով եւ ոստիկանության ուժերով շրջափակվեց․ ցուցարարների համար տեխնիկապես անհնար դարձավ ԱԺ շենքի շրջափակումը։
Ապրիլի 17-ին փշալարերի մի կողմում ցուցարարների բողոքն էր, մյուսում վարչապետի ընտրությունը։ 77 կողմ 17 դեմ համամասնությամբ վարչապետ ընտրվեց Սերժ Սարգսյանը։
Ծառուկյան խմբակցության մի մասը դեմ արտահայտվեց, մյուսները բացակա էին, 3 պատգամավոր չմասնակցեց քվեարկությանը, Ելք դաշինքը կազմող Լուսավոր Հայաստան եւ Հանրապետություն կուսակցությունների պատգամավորները եւս դեմ քվեարկեցին, Քաղաքացիական պայմանագիր կուսակցության անդամները բացակա էին։
ՀՀ-ում մեկնարկեցին քայլերթեր, ավտոերթեր, աշակերտները եւ ուսանողները դուրս եկան դասադուլի։ Ոսումնական հաստատությունները սկսեցին փակել շենքերի դռները, ապա սպառնալ դասադուլ հայտարարած աշակերտներին ու ուսանողներին։
Կրթության եւ գիտության նախարարությունը հորդորեց քաղաքական ուժերին, հասարակական նախաձեռնություններին եւ անհատներին` զերծ մնալ զանգվածային միջոցառումներին դեռահասներին մասնակից դարձնելու փորձերից:
Ոստիկանությունը սկսեց բերման ենթրակել ցուցարարներին։
«Հայկական ժամանակ օրաթերթն հրապարակել է․
«Քայլ արա՝ մերժիր Սերժին» շարժումն իր մեջ չունի կոնկրետ սոցիալական բաղադրիչ:
Շարժման մյուս առանձնահատկությունն այն է, որ դրա կազմակերպիչները քաղաքական լայն կոնսոլիդացիայի պայմաններում չէ, որ գործում են: Այսինքն, այս հզոր շարժումը չի սկսվել մի քանի քաղաքական ուժերի միավորման եւ համատեղ գործողության շնորհիվ: Նախկինում շատ թե քիչ հզոր գործընթացներին նախորդել է քաղաքական ուժերի կոնսոլիդացիա: Հակառակը: Շարժման մեկնարկի նախօրեին հիմնական կազմակերպիչ Քաղաքացիական պայմանագիր կուսակցությունը մենակ մնաց: ԵԼՔ դաշինքի մյուս երկու ուժերը՝ «Լուսավոր Հայաստան» եւ «Հանրապետություն» կուսակցությունները ոչ միայն չմիացան ՔՊ-ին, այլեւ նույնիսկ կամա, թե ակամա՝ բարդություններ ստեղծեցին պայքարի դուրս եկած իրենց գործընկեր կուսակցության համար:
Մյուս առանձնահատկությունը շարժման աշխարհագրությունն է: Դժվար է հիշել մի շարժում, որը իր՝ արդեն կայուն «մասնաճյուղերն» ունենա հանրապետության մյուս քաղաքներում, մասնավորապես Գյումրիում եւ Վանաձորում: Այս քաղաքներում արդեն երրորդ օրն է՝ տեղի են ունենում անհնազանդության տպավորիչ գործողություններ, որոնք զարմացնում են հատկապես տեղաբնակներին, որոնց համար քաղաքական օրակարգով փողոց դուրս գալը ֆանտաստիկայի ոլորտից էր»:
Երկրում սկիզբ առած քաղաքացիական անհնազանդությունը, զանգվածային միջոցառումներին իրենց աջակցությունն են հայտնել միջազգային կազմակերպություններ, սփյուռքահայեր։
©progressgyumri.am Armenian News/Analyses/Research/Interview/Monitoring: Tel: +37498 691-690; E-mail: progressgyumri@gmail.com
ՀՀ-ում շարունակվում են բողոքի ակցիաները
Ապրիլի 12-ից մայրաքաղաքում, այնուհետ հանրապետության տարբեր քաղաքներում մեկնարկեց «Քայլ արա՝ մերժիր Սերժին» շարժումը․ զանգվածային միջոցառումներն ուղղված էին հանրապետության 3-րդ նախագահ Սերժ Սարգսյանի վարչապետության դեմ։
Ցուցարարների նպատակն էր շրջապատել Ազգային ժողովի շենքը եւ թույլ չտալ Սերժ Սարգսյանին ընտրվել վարչապետ։ Սակայն մինչ ընտրության օրը Ազգային ժողովի շենքը փշալարերով եւ ոստիկանության ուժերով շրջափակվեց․ ցուցարարների համար տեխնիկապես անհնար դարձավ ԱԺ շենքի շրջափակումը։
Ապրիլի 17-ին փշալարերի մի կողմում ցուցարարների բողոքն էր, մյուսում վարչապետի ընտրությունը։ 77 կողմ 17 դեմ համամասնությամբ վարչապետ ընտրվեց Սերժ Սարգսյանը։
Գյումրու ավագանին 22 հարցին կողմ քվեարկեց մեկ ժամում
Այսօր Գյումրու ավագանու անդամների հաստատմանը ներկայացվել էր 22 որոշման նախագիծ, բոլորն էլ միաձայն ընդունվեցին։ Նիստը տեւեց մոտ 60 րոպե, 33 ավագանու անդամից ներկա էր 24-ը։ Շուրջ 61 միլիոն ՀՀ դրամ հատկացվեց համայնքապատկան եւ այլ կառույցների, անհատների։ 3 մլն 700 հազար դրամ հատկացվեց Գյումրու համայնքային ենթակայության նախադպրոցական ուսումնական հաստատությունների ավարտական խմբերի եւ սոցիալապես անապահով ընտանիքների երեխաների համար դպրոցական պայուսակներ եւ գրենական պիտույքներ ձեռք բերելու նպատակով: Գյումրու 18 համատիրությունների սպասարկման տարածքներում գտնվող բազմաբնակարան շենքերում վերանորոգման աշխատանքներ կատարելու նպատակով տրամադրվեց 24 մլն 500 հազար դրամ: 155 սոցիալապես անապահով ընտանիքի հատկացվեց 1 մլն 550 հազար դրամ, յուրաքանչյուրին՝ 10 հազար ՀՀ դրամ։ Հրդեհի հետեւանքով տուժած Սուվարյաններին հատկացվեց 200 հազար, իսկ Նալբանդյանների ընտանիքին՝ 50 հազար դրա եւ այլն։ Գյումրու ավագանին նաեւ միաձայն համաձայնություն տվեց Աբովյան ճեմափողոցում տեղադրել բարերար Քըրք Քըրքորյանի արձանը, որի հեղինակը լինելու է Արտուշ Պապոյանը, ֆինանսական մասն հոգալու է լենինականցի, ԱՄՆ քաղաքացի Գրիգոր Բեդիրյանը։ Ավագանու հաջորդ նիստը կայանալու է մայիսի 18-ին:
Ինչպե՞ս են քվեարկել Սերժ Սարգսյանի վարչապետության ընտրությանը Շիրակի մարզից ընտրված 6 պատգամավորները
ԱԺ հատուկ նիստի ընթացքում ձայների 77 կողմ, 17 դեմ ձայների համամասնությամբ վարչապետ ընտրվեց ՀՀ երրորդ նախագահ Սերժ Սարգսյանը։ Շիրակի մարզից ընտրված 6 պատգամավորից 3-ն է կողմ քվեարկել՝ ՀՀԿ-ական Արման Սահակյանը, Շիրակի նախկին մարզպետներ՝ անկուսակցական Ֆելիքս Ցոլակյանը, ՀՅԴ-ական Ռոմիկ Մանուկյանը Գյումրու նախկին քաղաքապետ Վարդան Ղուկասյանը բացակա է եղել, իսկ Ծառուկյան դաշինքով ընտրված Շիրակի պետական համալսարանի նախկին ռեկտոր Վարդեւան Գրիգորյանն ու բանկի գլխավոր մասնագետ Տատյանա Միքայելյանը դեմ են արտահայտվել
Երկխոսություն՝հանուն ժողովրդավարության /Dialogue for Democracy 03.04.2018
Ապրիլի 9-ին կավարտվի Սերժ Սարգսյանի պաշտոնավարման ժամկետը, և գործող կառավարությունը հրաժարական կտա:
Ապրիլի 17-ին խորհրդարանը կընտրի նոր վարչապետ: Իսկ մինչ այդ հնարավո՞ր է լինեն շրջադարձային փոփոխություններ: Այս օրերին իշխանափոխության հայտ ներկայացրին քաղաքական մի քանի ուժեր, նախաձեռնություններ:
✅ Ո՞ր ուժերը և ինչպե՞ս կարող են միավորվել այդ գործընթացներում: Այս հարցերի շուրջ խոսել են ՀՀ գերագույն խորհրդի պատգամավոր, Հանուն Հայաստան ճակատի նախաձեռնող խմբի անդամ ` Ալբերտ Բաղդասարյանը և փաստաբան `Հարություն Բաղդասարյանը:
#DialogueforDemocracy
Հնարավոր ու անհնար իշխանափոխություն․ կարծիք են հայտնում Գյումրիում
Կառավարման նոր համակարգի դեպքում արդյո՞ք Շիրակի մարզում կլինի դրական տեղաշարժ:
Հնարավո՞ր է Հայաստանում հասնել իշխանափոխության, ինչպե՞ս: 
⤵️⤵️
Երկխոսություն՝հանուն ժողովրդավարության /Dialogue for Democracy 26.03.2018
📌 Աժ 6-րդ գումարման երրորդ նստաշրջանի առավել կարևոր ու թեժ քննարկումների շուրջ խոսել է ՀՀԿ խմբակցությունից, Պաշտպանության եւ անվտանգության հարցերի մշտական հանձնաժողովի անդամ Ֆելիքս Ցոլակյանը:
#DialogueforDemocracy
Շիրակի մարզի պատգամավորների բացակայությունների և քվեարկությունների պատկերը
ՀՀ ԱԺ պաշտպանության եւ անվտանգության հարցերի մշտական հանձնաժողովի անդամ Ռոմիկ Մանուկյանը որպես հարակից զեկուցող նոյեմբեր և դեկտեմբեր ամիսներինն հանդես է եկել «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» օրենքում փոփոխություններ եւ լրացումներ կատարելու մասին հարցի քննարկման ժամանակ, նույն հանձնաժողովի անդամ Ֆելիքս Ցոլակյանը որպես հարակից զեկուցող է հանդես եկել դեկտեմբերին «Ռազմական ոստիկանության մասին», «Հայաստանի Հանրապետության զինված ուժերի ներքին ծառայության կանոնագիրքը հաստատելու մասին», «Ռազմարդյունաբերական համալիրի մասին» Հայաստանի Հանրապետության օրենքներում փոփոխություններ և լրացումներ կատարելու մասին հարցերի ներկայացման ժամանակ:
Տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահ՝ Վ. Գրիգորյանը նոյեմբերին հիմնական զեկուցող է եղել «Տեղական ինքնակառավարման մասին» Հայաստանի Հանրապետության օրենքում փոփոխություն կատարելու մասին քննարկման ժամանակ, իսկ «Ֆինանսական համահարթեցման մասին» Հայաստանի Հանրապետության օրենքում փոփոխություն կատարելու մասին նախաձեռնության և հեղինակը, և հիմնական զեկուցողն է եղել: Վարդևան Գրիգորյանը նոյեմբեր-դեկտեմբեր ամիսներին հարակից զեկուցող է եղել «Սահմանամերձ համայնքների սոցիալական աջակցության մասին», «Գյուղատնտեսական տեխնիկայի շահագործման մասին», «Հայաստանի Հանրապետությունում ստուգումների կազմակերպման եւ անցկացման մասին», «Սելեկցիոն նվաճումների պահպանության մասին» «Պետական տուրքի մասին» «Տեղական ինքնակառավարման մասին», «Երեւան քաղաքում տեղական ինքնակառավարման մասին»,«Անասնաբուժության մասին», «Տեղական տուրքերի եւ վճարների մասին» Հայաստանի Հանրապետության օրենքներում փոփոխություններ և լրացումներ կատարելու մասին քննարկումների ժամանակ:
Վարդան Ղուկասյանը, Տատյանա Միքայելյանը և Արման Սահակյանը նոյեմբեր և դեկտեմբեր ամիսներին հանձնաժողովներում տեղի ունեցած քննարկումների ժամանակ որպես զեկուցող կամ հարակից զեկուցողներ հանդես չեն եկել:
1-ին և 2-րդ նստաշրջաններ Մայիսի 18-դեկտեմբերիի 21
Վարդևան Գրիգորյան
- Կողմ 252
- Դեմ 43
- Ձեռնպահ 13
- Չի քվեարկել 46
- Բացակա 4
- Քվեարկությունների ընդհանուր թիվը 358, Հարց 7 ,Ելույթ 6 ,Նախաձեռնություն 7
Վարդան Ղուկասյան
- Կողմ 233
- Դեմ 42
- Ձեռնպահ 13
- Չի քվեարկել 43
- Բացակա 27
- Քվեարկությունների ընդհանուր թիվը 358
Արման Սահակյան
- Կողմ 336
- Դեմ 10
- Ձեռնպահ 0
- Չի քվեարկել 8
- Բացակա 4
- Քվեարկությունների ընդհանուր թիվը 358 Հարց 0,Ելույթ 1,Նախաձեռնություն 3
Ֆելիքս Ցոլակյան
- Կողմ 341
- Դեմ 9
- Ձեռնպահ 0
- Չի քվեարկել 8
- Բացակա 0
- Քվեարկությունների ընդհանուր թիվը 358
Ռոմիկ Մանուկյան
- Կողմ 326
- Դեմ 4
- Ձեռնպահ 5
- Չի քվեարկել 2
- Բացակա 21
- Քվեարկությունների ընդհանուր թիվը 358 ,Հարց 0,Ելույթ 1,Նախաձեռնություն 0
Տատյանա Միքայելյան
- Կողմ 253
- Դեմ 36
- Ձեռնպահ 18
- Չի քվեարկել 37
- Բացակա 14
- Քվեարկությունների ընդհանուր թիվը 358
Այսպիսով, մինչև երկրորդ նստաշրջանի ավարտը ամենաշատ կողմ օրենքներին ու դրանց փոփոխություններին քվեարկել է Ֆելիքս Ցոլակյանը` 341 կողմ, այնուհետև Արման Սահակյանը` 336, ամենաքիչ կողմ քվեարկել է Վարդան Ղուկասյանը` 233: Ամենաշատ դեմ քվեարկող շիրակցի պատգամավորը Վարդևան Գրիգորյանն է եղել, այս ժամանակահատվածում` 43 անգամ, ամենաքիչը` Ռոմիկ Մանուկյանը` 4, ձեռնպահ առավել հաճախ քվեարկել է Տատյանա Միքայելյանը` 18, իսկ Ֆելիքս Ցոլակյանն ու Արման Սահակյանը երբևէ ձեռնպահ չեն քվեարկել: Ամենից շատ չքվեարկող շիրակցի պատգամավորը Վարդևան Գրիգորյանն է, չի քվեարկել 46 անգամ, ամենից քիչ չքվեարկողը Ռոմիկ Մանուկյանն է, պատգամավորը չի քվեարկել ընդամենը 2 անգամ: Բացակայություններով աչքի ընկած պատգամավորները Վարդան Ղուկասյանն ու Ռոմիկ Մանուկյանն են եղել, համապատասխանաբար` 27 և 21 բացակայություն: Ամենապարտաճանաչն էլ, ըստ parliamentmonitoring.am կայքի, Ֆելիքս Ցոլակյանն է եղել, ով որևէ բացակայություն չի ունեցել երկրորդ նստաշրջանի ընթացքում:
Եթե համեմատենք «թեժ» օրինագծերի քվեարկությունները, ապա, ըստ նույն կայքի, Ֆելիքս Ցոլակյանը, Արման Սահակյանը և Ռոմիկ Մանուկյանը Հանրաքվե, Անվտանգության խորհուրդ, Ներման մասին, Դատական օրենսգիրք, Սահմանադրական դատարանի մասին, Փոփոխություններ դատական օրենսգրքում, Ընտանիքում բռնության կանխարգելում, Զինվորական ծառայություն, զինծառայողի կարգավիճակ, Բյուջե 2018, Հայ-ռուսական միացյալ զորախումբ օրինագծերին բոլորին կողմ են քվեարկել: Այսինքն քվեարկությունների ժամանակ նրանց նրանց դիրքորոշումները համընկել են լիարժեքորեն, գրեթե նույն պատկերն է Բարգավաճ Հայաստանը ներկայացնող պատգամավորների քվեարկությունների համընկնումները: Վարդան Ղուկասյանի, Վարդևան Գրիգորյանի և Տատյանա Միքայելյանի քվեարկությունների համընկնումը 90 տոկոս է: Նրանք դեմ են եղել Հանրաքվե, Ընտանիքում բռնության կանխարգելում, Բյուջե 2018-ին, չեն քվեարկել Դատական օրենսգիրք, Սահմանադրական դատարանի մասին, Փոփոխություններ դատական օրենսգրքում օրինագծերի ժամանակ:
©progressgyumri.am Armenian News/Analyses/Research/Interview/Monitoring:
Ավագանու նիստին քննարկվեց 18 որոշման նախագիծ
Մարտի 19-ին ավագանին միաձայն որոշեց որպես նվիրատվություն համայնքի բյուջեից որոշ կառույցների հատկացնել որոշակի գումար՝ 650 հազար ՀՀ դրամ հատկացրեց Հայաստանի գրողների միության Շիրակի մարզային բաժանմունքին՝ 2018 թվականին նախատեսված բազմաբնույթ գրական միջոցառումները պատշաճ մակարդակով կազմակերպելու եւ իրականացնելու համար,
200 հազար ՀՀ դրամ՝ «Ավանսեն» ֆրանկոֆոն երիտասարդական թատերական ասոցիացիային՝ 2018 թվականի մարտի 30-31-ին անցկացվելիք ֆրանկոֆոն դպրոցական ազգային երկրորդ փառատոնը պատշաճ մակարդակով կազմակերպելու, իրականացնելու համար, 250 հազար դրամ՝ Գյումրու դրամատիկական թատրոնին եւ Հովհ․Շիրազի «Շիրազյան անտիպներ» գրքի տպագրման ծախսերը հոգալու նպատակով 1 մլն 400 հազար ՀՀ դրամ։
Ավագանու որոշմամբ Գյումրու թիվ 6 երաժշտական դպրոցի տնօրենի ժամանակավոր պաշտոնակատար նշանակվեց Մանյա Հովհաննիսյանը։
Հայ առաքելական եկեղեցու Շիրակի թեմին սեփականության իրավունքով պատկանող թվով 4 տրանսպորտային միջոցների 2018 թվականի գույքահարկի գումարի վճարման նկատմամբ ավագանին արտոնություն սահմանեց, զրոյացվեց 58 հազար 800 ՀՀ դրամը։
Ավագանին միաձայն որոշում ընդունեց լիազորել համայնքի ղեկավար Սամվել Բալասանյանին՝ Գյումրի համայնքի անունից մասնակցելու 2018 թվականի բյուջետային ֆինանսավորման ծրագրին եւ ներկայացնելու երկու ծրագրերի հայտերը։
Հաջորդ ավագանու նիստը կայանալու է ապրիլի 19-ին։
Անի Մկրտչյան
Երկխոսություն՝հանուն ժողովրդավարության /Dialogue for Democracy 18.03.2018
Կուսակցական մենաշնորհի պայմաններում կարևորվո՞ւմ է, արդյոք, թե ով կլինի վարչապետ և ներկա ընդդիմության պայմաններում հնարավո՞ր է կանխել գործող իշխանությունների վերարտադրմանը: Այս և այլ հարցերի շուրջ խոսել են Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը և Հելսինկյան քաղաքացիական ասամբլեայի Վանաձորի գրասենյակի Ժողովրդավարության ինստիտուտի մոնիտորինգի և զեկուցման ծրագրի համակարգող Վարդինե Գրիգորյանը:
