Մեկ օրում բացահայտվել է 112 հանցագործություն, գրանցվել է զենք-զինամթերքի կամավոր հանձնման 3 դեպք
Ըստ ոստիկանության օպերատիվ հաղորդագրությունների ամփոփագրերի՝ սեպտեմբերի 12-13-ը ՆԳՆ ոստիկանության ստորաբաժանումները բացահայտել են հանցագործության 112 դեպք, որոնցից 2-ը՝ նախկինում կատարված:
Մասնավորապես, բացաայտվել է տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու՝ 28, հոգեկան ներգործունեության և անձնական ունեցվածքի գողության՝ 9-ական, մարմնական վնասվածք պատճառելու՝ 8, թմրանյութի հայտնաբերման՝ 7-ական, փողերի լվացման՝ 6-ական, խարդախության ու գույքի ոչնչացման կամ վնասման՝ 5-ական, սառը զենքի հայտնաբերման պաշտոնեական լիազորությունների չարաշահման և թմրանյութի իրացման՝ 3-ական, սեքսուալ բնույթի բռնի գործողության, խուլիգանության ու փաստաթղթերի կեղծիքի՝ 2-ական, կողոպուտի, վստահված գույքի հափշտակման, պաշտոնատար անձի ծառայողական գործունեությանը միջամտելու, զենք-զինամթերքի առգրավման, անձնական կամ ընտանեկան կյանքի մասին տեղեկությունների ապօրինի տարածման, աշխատանքների պաշտպանության կանոնները կամ պահանջները խախտելու, զորակոչից խուսափելու, շրջանառություն արգելված թմրամիջոցների, հոգեմետ, խիստ ներգրոծող կամ թունավոոր նյութեր պարունակող բույսեր ցանելու (աճեցնլու), դատավարական փաստաթղթեր կեղծելու կամ կեղծ ապացույցներ ներկայացնելու, անառկաբաարո արարք կատարելու, հողը փչացնելու, սուտ մատնության, ինքնիրավչության, կանախմտածված կեղծ սնանկության, ծնողից երեխային ապօրինի բաժանելու, կեղծ փաստաթղթեր ներկայացելու, ծառերը թփերը ապօրինի հատելու կամ ապօրինի ձեռք բերված ծառերը, թփերը տեղափոխելու և ընդերքի պահպանման օգտագործման կանոնները խախտելու՝ 1-ական դեպք։
Նախկինում կատարված հանցագործության դեպքերից բացահայտվել է անձնական ունեցվածքի գողության և բնակարանային գողության 1-ական դեպք։
Հայտնաբերվել է 3 հետախուզվող, կամավոր ներկայացել՝ 3-ը։
Գրանցվել է զենք-զինամթերքի կամավոր հանձնման 3 դեպք։
Անցած 1 օրվա ընթացքում հանրապետությունում արձանագրվել է։ ճանապարհատրանսպորտային 20 պատահար, 3 մարդ զոհվել է, 17-ը՝ ստացել տարբեր աստիճանի մարմնական վնասվածքներ։
© progressgyumri.am Լուրեր Հայաստանից / Վերլուծություններ.
Հեռ. ՝ +37498 691-690; Էլ. Փոստ ՝ progressgyumringo@gmail.com
ԿԸՀ-ն բավարարել է 51 քաղաքացիների դիմումը և գրանցել նախաձեռնությունը
ՀՀ կենտրոնական ընտրական հանձնաժողովը սեպտեմբերի 11-ի հերթական նիստում բավարարել է 51 քաղաքացիների դիմումը «Եվրոպայի միությանը Հայաստանի Հանրապետության անդամակցելու գործընթացի մեկնարկի մասին» ՀՀ օրենքի նախագիծը քաղաքացիական նախաձեռնության կարգով առաջարկելու նպատակով նախաձեռնող խումբ կազմավորելու վերաբերյալ։ Նախաձեռնող խմբի լիազոր է նշանակվել Արտակ Հայկազի Զեյնալյանը։
Հարցը զեկուցող ԿԸՀ նախագահ Վահագն Հովակիմյանը հայտնեց, որ նախաձեռնող խումբը ԿԸՀ է ներկայացրել «Հանրաքվեի մասին» օրենքով սահմանված անհրաժեշտ բոլոր փաստաթղթերը։
Նախագիծը հանրաքվեին ներկայացնելու համար անհրաժեշտ ստորագրությունների հավաքումն իրականացվում է ԿԸՀ-ի կողմից նախաձեռնող խմբին գրանցելուց հետո 60 օրվա ընթացքում։ Ստորագրությունների հավաքման ժամկետ է սահմանվել 2024 թվականի սեպտեմբերի 16-ից նոյեմբերի 14-ը ներառյալ։
Մեկ այլ որոշմամբ հանձնաժողովը սահմանել է քաղաքացիական նախաձեռնության անդամի և քաղաքացիական նախաձեռնության լիազոր ներկայացուցչի վկայականների ձևը։
Նիստում քննարկվել են նաև Երևանի քաղաքապետի՝ սեպտեմբերի 10-ին ԿԸՀ ուղարկած արձանագրությունները։ Երևանի ավագանու անդամ Անուշ Մարզպետունու Գինոսյանի լիազորությունները վաղաժամկետ դադարել են, մանդատը տրամադրվել է Երևանի ավագանու «Հանրային Ձայն» կուսակցության ընտրական ցուցակի հաջորդ կին թեկնածու Լուսինե Գուրգենի Բուղայանին։
Երևանի ավագանու անդամ Անույշ Ռուբիկի Խուդավերդյանի լիազորությունները վաղաժամկետ դադարելու հիմքով մանդատ է տրամադրվել Երևանի ավագանու «Հանրային Ձայն» կուսակցության ընտրական ցուցակի հաջորդ կին թեկնածու Դիաննա Արսենի Ալեքյանին։
Երևանի ավագանու անդամ Գրիգոր Աշոտի Երիցյանի լիազորությունները վաղաժամկետ դադարելու հիմքով մանդատ է տրամադրվել Երևանի ավագանու «Ազգային Առաջընթաց» կուսակցության ընտրական ցուցակի հերթական հաջորդ թեկնածու Վահագն Ալբերտի Իսոյանին։
© progressgyumri.am Լուրեր Հայաստանից / Վերլուծություններ.
Հեռ. ՝ +37498 691-690; Էլ. Փոստ ՝ progressgyumringo@gmail.com
Կապահովվի Մարմաշենի վանական համալիրի պահպանությունը
Մարմաշեն վանական համալիրի անվտանգ պահպանությունն ապահովելու և նպատակային օգտագործելու, պատշաճ սպասարկում իրականացնելու անհրաժեշտությամբ պայմանավորված՝ Կառավարությունն ընդունել է որոշում: Ըստ այդմ՝ առաջարկվում է հուշարձանը և դրա տարածքը ամրացնել ԿԳՄՍ նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ին:
Արդյունքում՝ կիրականացվեն հուշարձանի և դրա տարածքի պահպանությունը, պատշաճ օգտագործումը և սպասարկումը և հնարավոր կլինի նաև ապահովել մշտական հսկողություն: Հնարավոր կլինի լուծել նաև Հայաստանի տարածքային զարգացման հիմնադրամի կողմից «Մարմաշենի վանական համալիր տանող ճանապարհի հիմնանորոգում և հարակից տարածքի բարեկարգում» ենթածրագրով իրականացված լուսավորության անցկացման արդյունքում էլեկտրաէներգիայի ծախսի վճարման նպատակով բաժանորդային պայմանագիր կնքելու և վճարումները կատարելու հարցը, ինչը ներկայում հնարավոր չէ գույքի նկատմամբ իրավունքի հաստատագրված պատվիրատու կազմակերպության բացակայության պատճառով:
© progressgyumri.am Լուրեր Հայաստանից / Վերլուծություններ.
Հեռ. ՝ +37498 691-690; Էլ. Փոստ ՝ progressgyumringo@gmail.com
Փաշինյանը՝ խաղաղության պայմանագրի մասին
Այն, ինչ համաձայնեցված է, իսկ ֆունդամենտալ շատ կարևոր դրույթներ համաձայնեցված են, ստորագրենք և գնանք առաջ: Այդ մասին ԱԺ-Կառավարություն հարցուպատասխանի ժամանակ ասաց ՀՀ վարչապետ Նիկոլ Փաշինյանը՝ պատասխանելով խաղաղության պայմանագրի վերաբերյալ հարցին:
«Եթե կանխավարկածն այն լինի, որ բոլոր կարևոր հարցերը լուծենք, նոր ստորագրենք, դա նշանակում է, որ մենք երբեք չենք ստորագրի, որովհետև եթե ևս 4 կարևոր հարցի շուրջ գանք համաձայնության, միևնույն է՝ կմնա էլի 4 կարևոր հարց, որը կարիք կլինի համաձայնեցնել. միշտ 4 հարց կլինի: Բոլոր երկրների հետ, որոնց հետ մենք հարաբերություններ ունենք երկարատև, կա 4, 5, 6, 15, 20 հարց, որը պետք է համաձայնեցնենք»,- նշեց վարչապետը:
Նա նշեց, որ Հայաստանը չի առաջարկում 13 հոդվածանոց խաղաղության պայմանագիր: «Մենք առաջարկում ենք 16 հոդվածանոց խաղաղության պայմանագիր: Մենք բոլոր 16 հոդվածների համար ունենք համաձայնեցված բովանդակություն, և 3 հոդվածի համար այդ բովանդակությունը մասամբ է համաձայնեցված, մնացածը՝ ամբողջությամբ, 13+3, այսինքն՝ 16 հոդվածով պայմանագիր»:
Խոսելով Ալմա Աթայի հռչակագրի մասին՝ Նիկոլ Փաշինյանն ասաց. «Մենք պետք է հղվենք պաշտոնապես հայտարարված հաղորդագրությունների վրա, և 2 երկրների սահմանազատման հանձնաժողովները տարածել են հայտարարություն, եթե չեմ սխալվում միաժամանակ, որ Ալմա Աթայի հռչակագիրը դառնում է սահմանազատման գործընթացի բազային սկզբունք, և կողմերը սահմանազատման գործընթացում կառաջնորդվեն դրանով»:
© progressgyumri.am Լուրեր Հայաստանից / Վերլուծություններ.
Հեռ. ՝ +37498 691-690; Էլ. Փոստ ՝ progressgyumringo@gmail.com
Գնել Սանոսյանը՝ Գյումրու վթարային շենքերի մասին
Կոմիտեներում քննարկումների ժամանակ հնչել է արդարացի հարց՝ եթե մի շենքի հարցը լուծում ենք, բա մյուսների հետ ի՞նչ քաղաքականություն պետք է վարենք: Այդ մասին Ազգային ժողով-Կառավարություն հարցուպատասխանի ժամանակ ասաց ՏԿԵ նախարար Գնել Սանոսյանը՝ անդրադառնալով «Քաղաքացիական պայմանագիր» խմբակցության պատգամավոր Դավիթ Առուշանյանի հարցին, թե ինչպես է լուծվելու Գյումրու վթարային շենքերի հարցը: Խոսքը Տիգրան Մեծի 5, Ղուկասյան 29, Անտառավանի 26, և Իսահակյան 9 շենքերի ճակատագրի մասին է:
Պատգամավորը նկատեց՝ այս համատեքստում խնդրահարույց է հատկապես 10 ընտանիքի հարցը, որոնք անօթևան են վթարային իրավիճակի պատճառով:
«Եթե թիվը ճիշտ եմ հիշում, մոտ 90 այդպիսի շենք ունենք հանրապետությունում, և մեր քննարկումները հիմա ծավալվել են նրա շուրջ, որ կարողանանք ըստ առաջնահերթության դասակարգել, ծրագրում կամ բյուջեում որոշակի գումար նախատեսել, և ըստ վտանգավորության աստիճանի և առաջնահերթության այդ խնդիրները լուծում ստանան»,- ասաց նախարարը:
Գնել Սանոսյանը նաև նշեց, որ քաղաքականություն իրականացնող մարմինն այս դեպքում Քաղաքաշինության կոմիտեն է:
© progressgyumri.am Լուրեր Հայաստանից / Վերլուծություններ.
Հեռ. ՝ +37498 691-690; Էլ. Փոստ ՝ progressgyumringo@gmail.com
Ձերբակալվել են Շիրակի մարզպետարանի կրթության վարչության պետ Հրայր Կարապետյանը, դպրոցներից մեկի տնօրենն ու տեղակալը
Սեպտեմբերի 11-ին ձերբակալվել են Շիրակի մարզպետարանի պաշտոնյան, դպրոցներից մեկի տնօրենն ու տեղակալը։
«Հայկական ժամանակ»-ի հարցմանն ի պատասխան, տեղեկությունը հաստատել են ՀՀ հակակոռուպցիոն կոմիտեից՝ նշելով, որ վերջիններս ձերբակալվել են քննվող գործի շրջանակում:
Նշենք, որ մեր տեղեկություններով մարզպետարանի ձերբակալված պաշտոնյան Կրթության, մշակույթի և սպորտի վարչության պետ Հրայր Կարապետյանն է:
© progressgyumri.am Լուրեր Հայաստանից / Վերլուծություններ.
Հեռ. ՝ +37498 691-690; Էլ. Փոստ ՝ progressgyumringo@gmail.com
Ռուսական զորքերը հակահարձակում են սկսել Կուրսկի շրջանում. BBC
BBC-ն, հղում անելով ուկրաինական Deep State ռազմական պորտալին, հայտնել է, որ ռուսները սկսել են ակտիվ գործողություններ Կուրսկի շրջանում: Ըստ աղբյուրի՝ ռուսներն «ակտիվ գրոհային գործողություններ են իրականացնում՝ զրահատեխնիկա տեղափոխելով նախ Սեյմի, ապա ավելի փոքր գետերի միջով՝ չնայած կամուրջների վրա ուկրաինական հարձակումներին»:
Նույն աղբյուրը նշել է Կորենևսկի շրջանում ռուսական ստորաբաժանումների առաջխաղացման մասին, ռուսական զրահատեխնիկայի շարասյունը ներխուժել է Սնագոստ գյուղ, որն այս ուղղությամբ ուկրաինական զինված ուժերի կարևոր հենակետն է:
Որոշ աղբյուրներ պնդել են, որ ռուսական բանակը արագորեն առաջ է շարժվում դեպի արևելք, ազատագրել է ութ գյուղ և մինչև 150 քառակուսի կմ տարածք Կորենևսկի շրջանում։ Կուրսկի շրջանում ուկրաինական խմբավորման ձախ թևում իրավիճակը վատացել է:
Ուկրաինան դեռ պաշտոնապես չի մեկնաբանել Կուրսկի շրջանում հակահարձակումների և ռուսական բանակի առաջխաղացման մասին լուրերը։
© progressgyumri.am Լուրեր Հայաստանից / Վերլուծություններ.
Հեռ. ՝ +37498 691-690; Էլ. Փոստ ՝ progressgyumringo@gmail.com
Կառնուտ բնակավայրում կառուցվում է տիպային մանկապարտեզ՝ 50 երեխայի համար
Ախուրյան համայնքի Կառնուտ բնակավայրում կառուցվում է տիպային մանկապարտեզ՝ 50 երեխայի համար: Այս մասին հայտնում են Շիրակի մարզպետի աշխատակազմից։
Շիրակի մարզպետ Մուշեղ Մուրադյանի հանձնարարությամբ մարզպետի տեղակալներ Ալբերտ Այվազյանը և Աննա Մարտիկյանն աշխատակազմի պատասխանատուների հետ հետևել են աշխատանքների ընթացքին։ Սուբվենցիոն ծրագրի ընդհանուր արժեքը 264 մլն դրամ է, որի 70 տոկոսը տրամադրել է պետությունը։
Պատասխանատուները շինարարի հետ զրույցում փոխանցել են մարզպետի հանձնարարականը՝ մշտական ու աչալուրջ հսկողության ներքո պահել իրականացվող աշխատանքները և ապահովել դրանց անխափան ընթացքը։
Կառնուտ բնակավայր այցի շրջանակում աշխատակազմի պատասխանատուները դիտարկել են Հովհաննես Գաբոյանին պատկանող ֆերմերային տնտեսության գործունեությունը։ Ֆերմերն անցած տարիներին օգտվել է պետական աջակցության մի շարք ծրագրերից, մասնավորապես «ՀՀ-ում 2019-2024 թվականների տավարաբուծության զարգացման» ծրագրի շրջանակներում ձեռք է բերել 28 գլուխ խոշոր եղջերավոր կենդանի, որից՝ 8 գլուխ անգուս, 20 գլուխ սիմենտալ, «ՀՀ-ում ոչխարաբուծության և այծաբուծության զարգացման աջակցության» ծրագրի շրջանակներում էլ՝ 200 գլուխ ֆրանսիական բլանշ ցեղատեսակի ոչխարներ։
Նշենք, որ պետական օժանդակության շնորհիվ ակտիվացել է տնտեսության գործունեությունը, կենդանիներից բացի «Հայաստանի Հանրապետությունում ագրոպարենային ոլորտի սարքավորումների լիզինգի աջակցության» ծրագրի շրջանակներում ֆերմերը ձեռք է բերել կերաղաց-կերաբաշխիչ սարքավորում, իսկ «Գյուղատնտեսական տեխնիկայի լիզինգի աջակցության» ծրագրի շրջանակներում էլ՝ «Բելառուս МТЗ 15-23» տեսակի տրակտոր։
Պատասխանատուները եղել են նաև տնտեսության ցորենի պահեստներում, ծանոթացել զտման և ախտահանման պրոցեսներին։
© progressgyumri.am Լուրեր Հայաստանից / Վերլուծություններ.
Հեռ. ՝ +37498 691-690; Էլ. Փոստ ՝ progressgyumringo@gmail.com
ԵՄ-ն պատրաստ է հրաժարվել ռուսական գազից. եվրահանձնակատար
Եվրամիությունը պատրաստ է հրաժարվել ռուսական բնական գազից, որը ներկայումս տարանցիկ մատակարարվում է Ուկրաինայի տարածքով, Բրյուսելում կայացած մամուլի ասուլիսում հայտարարել է էներգետիկայի հարցերով եվրահանձնակատար Կադրի Սիմսոնը։
Նա խոստովանել է, որ ռուսական գազի ներմուծումը «դեռևս տպավորիչ է», բայց և ընդգծել է, որ 2021-2023 թվականներին այն 45%-ից նվազել է մինչև 15%։
Միաժամանակ եվրահանձնակատարը նշել է, որ Եվրահանձնաժողովն ընդունելի է համարում ԵՄ ընկերությունների կողմից գազի տարանցման համար Ուկրաինայի ենթակառուցվածքի օգտագործումը Ռուսաստանի հետ պայմանագրի խզումից հետո:
Ուկրաինայի տարածքով Եվրոպա ռուսական գազի տարանցման պայմանագրի ժամկետը լրանում է 2024 թվականի վերջին։ Կիևը բազմիցս հայտարարել է, որ այն չի երկարաձգելու։
© progressgyumri.am Լուրեր Հայաստանից / Վերլուծություններ.
Հեռ. ՝ +37498 691-690; Էլ. Փոստ ՝ progressgyumringo@gmail.com
Կայացած «Ֆեստիվառ»-ը տաք է պահում Գյումրու ավագանու կրքերը
Գյումրու ավագանու հերթական նիստում կրկին կրքերը չեն հանդարտվում. օրակարգային հարցերից մեկը հուլիսի 27-ին Գյումրիում կայացած «Ֆեստիվառ» երաժշտական փառատոնին աջակցման նպատակով դրամական միջոցներ հատկացնելն էր։ Համայնքապետարանը նախատեսել էր բյուջեից հատկացնել 2 միլիոն 434 հազար դրամ։ «Մենք վարձակալել ենք տաղավարներ, որպեսզի ցուցահանդես-վաճառք կազմակերպվի, սեղանիկները բոլորը վարձակալված էին։ Եվ այդ բոլորի համար անհրաժեշտ է 2 միլիոն 434 հազար դրամ գումար։ Գումարը մենք ունենք, հոդվածում գումար կա, կարող ենք փոխանցումն անել, ներկայացնում եմ ձեր հաստատմանը»,-ներկայացրեց Գյումրու համայնքապետի ֆինանսական գծով խորհրդական Լենա Ջիլավյանը։
Ավագանու ՔՊ խմբակցության ղեկավար Քնարիկ Հարությունյանը հետաքրքրվեց՝ «Ինչի՞ հիման վրա ենք մենք այս գումարները տալիս և հնարավոր չէ՞ր ավելի վաղ տեղեկացնել այս մասին։ Տաղավարներն ինչպե՞ս են օգտագործվել, ումի՞ց են գնվել դրանք։ Մեկ անձից գնումո՞վ են եղել, թե՞ նվիրատվություն է եղել»։
Գյումրու քաղաքապետ Վարդգես Սամսոնյանը պատասխանեց․ «Հաշվի առնելով, որ միջոցառումը տարբեր տարիներին կազմակերպված է Հայաստանի Հանրապետությունով, շքեղ լավ միջոցառում է եղել, մենք վստահ ենք եղել, որ մեր ավագանին կողմ կքվեարկի»։ Լենա Ջիլվայանն էլ հավելեց՝ ավագանին արձակուրդում էր և 2 միլիոնի պատճառով չեն ուզել ավագանուն անհանգստացնել վստահ լինելով, որ կընդունվի ավագանու կողմից։ Այդ պատճառով արտահերթ նիստ չեն հրավիրել։
Ի պատասխան արձակուրդի մեջբերմանը «Ապրելու երկիր» խմբակցության ղեկավար Կարեն Մալխասյանն էլ հիշեցրեց, որ օգոստոսին տեղի է ունեցել ավագանու արտահերթ նիստ, սակայն այս հարցը քննարկման չի դրվել։
«Կատարվել, վերջացել է, նոր ասում ենք անհետաձգելի էր», -ասաց «Զարթոնք» խմբակցության ղեկավար Գոռ Մանուկյանը։ Ավագանին դեմ քվեարկեց, նախագիծը չհաստատվեց։ Կողմ քվեարկեց միայն «Բալասանյան դաշինքը», ՔՊ-ն 9 ձայնով դեմ քվեարկեց, մյուսները՝ ձեռնպահ։
Օրակարգային հաջորդ հարցը Գյումրու կենտրոնական ծուռ տոնածառի էջը փակելուն էր վերաբերվում։ Ավագանին համաձայնեց 75 միլիոն դրամ հատկացնել կենտրոնական հրապարակում տեղադրվող նոր տոնածառի և զարդարանքների ձեռք բերման, հին զարդարանքների վերանորոգման համար։ Կանաչ գեղեցկուհին իրապես գեղեցկանալու կարիք ունի, մանրամասնեց Գյումրու համայնքապետի ֆինանսական գծով խորհրդական Լենա Ջիլավյանը։
«Մեր քաղաքի տոնածառը 2005 թվականին ձեռք բերված տոնածառ է, բոլորս հիշում ենք, որ այն քամուց շրջվեց, բավական աշխատատար պրոցես էր սարքել, նորից տեղադրելը։ Սարքածն այն չի եղել, ամեն դեպքում բոլորն ամեն տարի ասում են՝ վայ, տոնածառը ծուռ է, այդ ծուռը կպցրել են, էդպես է եղել, մենք էլ կարողացել ենք դրսից բերած ճյուղերով մի քիչ կարգավորել»-նշեց Ջիլավյանը։
Նոր տոնածառից էլ նկարներ չկան, որն էլ ավագանու մոտ կրկին հարցեր առաջացրեց, բայց քննարկման արդյունքում որոշվեց, որպեսզի հանրությունն էլ տեղյակ լինի այն կտեղադրվի Գյումրու համայնքապետարանի կայքում։
Օրակարգային 41 հարցից 40-ը ստացավ ավագանու հավանությունը, որոնց շարքում էին : Գյումրի համայնքի ավագանու ժամանակավոր հաշվիչ հանձնաժողով ստեղծելու և հանձնաժողովի անհատական կազմը հաստատելու, ավագանու քաղաքաշինության եվ հողօգտագործման հարցերի մշտական գործող հանձնաժողովի նախագահի, ավագանու ֆինանսավարկային եվ տնտեսական հարցերի մշտական գործող հանձնաժողովի նախագահի տեղակալի թեկնածությունները հաստատելու, 2024 թվականի բյուջեի վարչական մասի պահուստային ֆոնդից 250 000 000 (երկու հարյուր հիսուն միլիոն) ՀՀ դրամը բյուջեի ֆոնդային մաս ուղղելու, համայնքային ենթակայության մի քանի ՀՈԱԿ-ների նվիրատվություն հատկացնելու, «ՄԱՆԿԱՊԱՏԱՆԵԿԱՆ ԱՐՎԵՍՏԻ ՊԱԼԱՏ» ՀՈԱԿ-ի շենքի առաջին հարկի վերանորոգման աշխատանքներն իրականացնելու համար դրամական միջոցներ հատկացնելու, Գյումրի համայնքի սեփականություն հանդիսացող հողամասեր ուղիղ վաճառքի, աճուրդով օտարելու և աճուրդի մեկնարկային գներ ու պայմաններ սահմանելու և մի շարք այլ որոշման նախագծեր։
© progressgyumri.am Լուրեր Հայաստանից / Վերլուծություններ.
Հեռ. ՝ +37498 691-690; Էլ. Փոստ ՝ progressgyumringo@gmail.com