Նորություններ

Ազատոճային ըմբիշ Հայկ Ավանեսյանը՝ Մ17 տարեկանների աշխարհի առաջնության բրոնզե մեդալակիր

Հայաստանի ազատ ոճի ըմբշամարտի հավաքականի անդամ, 60 կգ քաշային Հայկ Ավանեսյանը բրոնզե մեդալ է նվաճել Հորդանանում ավարտված Մ17 տարեկանների աշխարհի առաջնությունում: Այս մասին տեղեկացնում են ԿԳՄՍՆ-ից:

Ավանեսյանը պայքարը սկսել է 1/8 եզրափակչից, որտեղ 9:4 հաշվով առավելության է հասել Պուերտո Ռիկոյի ներկայացուցչի նկատմամբ, քառորդ եզրափակչում Ավանեսյանը 13:2 հաշվով հաղթել է Թուրքիան ներկայացնող Բիլալ Ինջեին, սակայն կիսաեզրափակչում պարտություն է կրել և պայքարել բրոնզե մեդալի համար:

Վճռորոշ գոտեմարտում Ավանեսյանը 5:2 հաշվով հաղթել է Մեծ Բրիտանիայի ներկայացուցիչ Դանուշ Ջովկարին:

Մ17 տարեկանների աշխարհի առաջնության բրոնզե մեդալների համար պայքարել են նաև 45 կգ քաշային Մհեր Հակոբյանն ու 55 կգ քաշային Գագիկ Ղազարյանը, սակայն զիջել են մրցակիցներին:

Հայաստանի ազատ ոճի ըմբշամարտի պատանեկան հավաքականի կազմում ընդգրկված էին նաև Արմեն Պապիկյանը (48 կգ), Աշոտ Գյուլնազարյանը (51 կգ), Եղիշե Մոսեսյանը (65 կգ), Վահե Սաղյանը (71 կգ), Սահակ Հովհաննիսյանը (80 կգ), Հրաչիկ Մկրտչյանը (92 կգ) և Անդրանիկ Ջաղեթյանը (110 կգ):

Ավելի վաղ Հայաստանի հունահռոմեական ոճի ըմբշամարտի պատանեկան հավաքականի անդամները 1 արծաթե և 2 բրոնզե մեդալ էին նվաճել Մ17 տարեկանների աշխարհի առաջնությունում:

Հայաստանի թիմի կազմում ԱԱ-ի արծաթե մեդալին և փոխչեմպիոնի կոչմանն արժանացել էր 45 կգ քաշային Մարատ Աճեմյանը, իսկ բրոնզե մեդալները նվաճել էին Յուրիկ Մխիթարյանը (55 կգ) և Նարեկ Գրիգորյանը (65 կգ):

Մ17 տարեկանների աշխարհի առաջնությանը 576 ըմբիշ է մասնակցել:

© progressgyumri.am Լուրեր Հայաստանից / Վերլուծություններ.

Հեռ. ՝ +37498 691-690; Էլ. Փոստ ՝ progressgyumringo@gmail.com

Ռուսաստանը Դուրովին հասանելիության տրամադրման պահանջով նոտա է ուղարկել

Հայաստանի բասկետբոլի հավաքականը Աբու Դաբիում կմասնակցի միջազգային մրցաշարի

Հայաստանի բասկետբոլի ֆեդերացիայից հայտնում են, որ օգոստոսի 26-ից սեպտեմբերի 1-ը Աբու Դաբիում կանցկացվի միջազգային մրցաշար, որին կմասնակցի նաև Հայաստանի ազգային հավաքականը:

Իսրայելում արտակարգ դրություն է հայտարարվել

Իսրայելի պաշտպանության նախարար Իոավ Գալանտը հայտարարել է երկրում արտակարգ դրության ռեժիմ սահմանելու մասին, հայտնում է իսրայելական Ynet News պորտալը: «Հատուկ դրությունը» հայտարարվել է 48 ժամով:

Պատճառը Լիբանանի տարածքում «Հեզբոլլահ» շարժման թիրախներին կանխարգելիչ հարվածներն են:

Մինչ այդ հայտնի էր դարձել, որ Իսրայելի վարչապետ Բենիամին Նեթանյահուն Գալանտի հետ խորհդակցություն է անցկացնում:

Times of Israel թերթը ևս հայտնել է անվտանգության հարցերով կառավարության նիստի մասին:

ՑԱՀԱԼ-ի մամուլի ծառայությունը հայտարարել է, որ երկրի ռազմաօդային ուժերը գրոհել են Լիբանանում «Հեզբոլլահ» շարժման օբյեկտները՝ իսրայելական տարածքի վրա հրթրռային հարձակման նախապատրաստման հետ կապված:

Օգոստոսի 25-ի առավոտյան հաղորդվել էր Իսրայելի դեմ շարժման կողմից հզոր հարձակման մասին:

© progressgyumri.am Լուրեր Հայաստանից / Վերլուծություններ.

Հեռ. ՝ +37498 691-690; Էլ. Փոստ ՝ progressgyumringo@gmail.com

Փարիզում ձերբակալվել է «Տելեգրամի» հիմնադիր Պավել Դուրովը

Փարիզում ձերբակալվել է «Տելեգրամ» հավելվածի հիմնադիր, ռուս միլիարդատեր Պավել Դուրովը: Այս մասին հայտնում է ֆրանսիական LCI հեռուստաալիքը:

Հաղորդվում է, որ նա ձերբակալվել է շաբաթ օրը, երբ իր սեփական ինքնաթիռով վայրէջք էր կատարում «Լե Բուրժե» օդանավակայանում: Նրան ուղեկցել են թիկնապահը և կինը:

Հայտնի է, որ Դուրովը Ֆրանսիա էր ուղևորվել Ադրբեջանից:

Ֆրանսիական TF1 հեռուստաալիքը հաղորդում է, որ նրան այսօր տեղափոխելու են դատարան:

Նշվում է, որ Դուրովին, ի թիվս այլ մեղադրանքների, կարող է առաջադրվել նաև ահաբեկչության մեղադրանք:

Ֆրանսիայի իշխանությունները կասկածներ ունեն, որ մեսենջերը երկար տարիներ եղել է կազմակերպված հանցավորության համար թիվ մեկ հարթակը:

Դուրովի փաստաբան Ֆրեդերիկ Բելոն հայտնել է, որ Դուրովին կարող են առաջադրել ահաբեկչության, թմրամիջոցների, փողերի լվացման և խարդախության մեղադրանքներ:

Լրատվամիջոցները հայտնում են՝ նրան կարող է սպառնալ 20 տարվա ազատազրկում:

Toncoin կրիպտոարժույթը Դուրովի ձերբակալության լուրերի ֆոնին նվազել է ավելի քան 15%-ով: Այս մասին են վկայում Binance-ի տվյալները:

ՌԴ ԱԳՆ-ն հայտարարել է, որ կապված Դուրովի ձերբակալության հետ՝ ՌԴ դեսպանությունը ձեռնարկել է բոլոր անհրաժեշտ քայլերը իրավիճակի պարզաբանման նպատակով:

Հրդեհ Գյումրի քաղաքում. այրվել են տանիք, փայտե կառուցատարրեր

Եվրամիությունն առաջին անգամ կքննարկի Ուկրաինա հրահանգիչներ ուղարկելու հարցը

Եվրամիության երկրների արտաքին գործերի և պաշտպանության նախարարները հաջորդ շաբաթվա կեսին առաջին անգամ կքննարկեն Ուկրաինա հրահանգիչներ ուղարկելու հնարավորությունը:

Լրատվամիջոցների տվյալով՝ վերջնական որոշումը պետք է կայացվի ամենաուշը մինչև նոյեմբեր: «Welt am Sonntag» թերթի տեղեկատվության համաձայն՝ օգոստոսի 27-ին թեման կքննարկվի նաև ԵՄ քաղաքականության և անվտանգության կոմիտեում:

Կիևը կոչ է արել ԵՄ-ին հրահանգիչներ ուղարկել Ուկրաինայի Զինված ուժերի զինվորների ուսուցման համար մայիսի 31-ին կազմակերպության արտաքին գործերի և անվտանգության քաղաքականության հարցերով գերագույն ներկայացուցիչ Ժոզեպ Բորելին ուղղված նամակում: Այդ նախաձեռնությանը աջակցում են, մասնավորապես, Ֆրանսիան և Մերձբալթյան երկրները, որոշ պետություններ դեմ են արտահայտվել:

© progressgyumri.am Լուրեր Հայաստանից / Վերլուծություններ. 

Հեռ. ՝ +37498 691-690; Էլ. Փոստ ՝ progressgyumringo@gmail.com 

Վանաձոր-Ալավերդի ճանապարհին բեռնատար է այրվել

Օգոստոսի 23-ին՝ ժամը 23:45-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վանաձոր-Ալավերդի ավտոճանապարհին այրվում է բեռնատար ավտոմեքենա։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ: Պարզվել է, որ հրդեհը բռնկվել է Volvo մակնիշի բեռնատար ավտոմեքենայի (վարորդ՝ Մ. Մ., ծնված 1986 թ․) խցիկում:

Հրդեհը մեկուսացվել է օգոստոսի 24-ին` ժամը 00։22-ին, մարվել՝ 02:23-ին։ Այրվել են խցիկը և դիմացի անվադողերը։

© progressgyumri.am Լուրեր Հայաստանից / Վերլուծություններ.

Հեռ. ՝ +37498 691-690; Էլ. Փոստ ՝ progressgyumringo@gmail.com 

«Ֆրանսիական լույսը» Գյումրի էր բերել ՀՀ-ում Ֆրանսիայի արտակարգ և լիազոր դեսպանին

Ի՞նչ աշխատանք է իրականացնում Հայաստանում «Ֆրանսիական լույս» ասոցիացիայի և «Հայ-ֆրանսիական հոգեբանական և սոցիալական աջակցման» կենտրոնը և վերջիններիս կատարած աշխատանքներին 44֊օրյա պատերազմից մինչ օրս, ինչպես նաև առաջիկա ծրագրերին ծանոթանալու համար Գյումրիում էր ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյին։ Դեսպանի այսը նաև նպատակ ունիմ նոր զարկ տալ  հետագա համագործակցություններին։ 

Ասոցիացիայի նախագահ բժիշկ Լևոն Խաչատրյանը օնլայն մասնակցեց քննարկումներին և դեսպանին ներկայացրեց ասոցիացիայի ձևավորման ակունքները, գործունեության ընթաքը, դրանց կարևորությունն ու անհրաժեշտությունը հայ ժողովրդի համար դժվարին օրերում։

Կենտրոնի աշխատակիցները ներկայացրին այն մարտահրավերներն ու ռիսկերը, որոնք կան հայ հասարակության առօրյա կյանքում և դրանց հաղթահարմանն ուղղած առաջիկա ծրագրերը։

Հավելենք նաև, որ ասոցիացիան զբաղվում է բժշկական աջակցություն ցուցաբերելով ազգաբնակչությանը՝ հատկապես պատերազմի ժամանակ և պատերազմից հետո, ինչպես նաև սոցիալական աջակցություն ցուցաբերելով Արցախից բռնի տեղահանված ընտանքիներին։ Այստեղ իրականցվում են նաև տարբեր սեմինարներ:

Լուսանկարներ այցից։

© progressgyumri.am Լուրեր Հայաստանից / Վերլուծություններ.

Հեռ. ՝ +37498 691-690; Էլ. Փոստ ՝ progressgyumringo@gmail.com 

Հայաստանում հաստատվել է Արևմտյան Նեղոսի տենդով վարակման 75 դեպք

Հիվանդությունների վերահսկման և կանխարգելման ազգային կենտրոնից տեղեկացնում են, որ լաբորատոր հետազոտությունների արդյունքում Հայաստանում գրանցվել է Արևմտյան Նեղոսի տենդով վարակման 75 դեպք:

Օգոստոսի 21-ի դրությամբ ՀՀ-ում հայտնաբերվել էր Արևմտյան Նեղոսի տենդով վարակման 58 դեպք:

Արևմտյան Նեղոսի տենդ հիվանդությամբ Հայաստանում գրանցվել է մահացության դեպք:

Վարակաբանները զգուշացնում են, որ այս հիվանդությունը պատվաստանյութ չունի, չհիվանդանալու համար պետք է պաշտպանվել նույն մեթոդներով, որոնցով ավանդաբար պաշտպանվում են մոծակներից, այսինքն՝ ծածկել մարմինը և քնել մոծակապաշտպան տարածքում:

Հեռ. ՝ +37498 691-690; Էլ. Փոստ ՝ progressgyumringo@gmail.com