Նորություններ

Իսրայելը լայնածավալ գործողություն է սկսել Արևմտյան ափի չորս քաղաքում

Իսրայելը չորեքշաբթի աննախադեպ ծավալի գործողություն է սկսել Հորդանանի Արևմտյան ափին։

ՀԱՄԱՍ-ի դեմ պատերազմի սկզբից ի վեր զորքերը պարբերաբար արշավներ են իրականացրել պաղեստինյան տարածքներում, սակայն ընթացիկ գործողությունը, ըստ լրատվամիջոցների, առաջինն է վերջին երկու տասնամյակում, երբ իսրայելական զորքերը մտնում են միանգամից մի քանի քաղաք։ Այդ տարածքներում տրանսպորտային կապն արգելափակվել է։

Իսրայելի պաշտպանության բանակի պաշտոնյաները հայտնել են, որ «մեծ ուժեր» են մտել  Ջենին, որն Իսրայելը զինյալների հենակետ է անվանում, Թուլկարմ և Ալ Ֆարաա փախստականների ճամբար: Լրատվամիջոցները հայտնում են նաև Նաբլուս և Տուբաս քաղաքներում գործողությունների մասին։ Նշվում է, որ այդ արշավներն Իսրայելի վրա հարձակումները կանխելուն ուղղված ավելի մեծ գործողության առաջին փուլն են։ Զինվորականները նշել են, որ խաղաղ բնակչության տարհանում չի նախատեսվում:

Հաղորդվում է, որ առնվազն 11 պաղեստինցի է զոհվել, իսրայելցի հրամանատարներն ասում են, որ նրանցից առնվազն ինը զինյալ են եղել:

© progressgyumri.am Լուրեր Հայաստանից / Վերլուծություններ.

Հեռ. ՝ +37498 691-690; Էլ. Փոստ ՝ progressgyumringo@gmail.com

Պուտինը և Ալիևը քննարկել են ՀՀ-ի և Ադրբեջանի միջև խաղաղության գործընթացը

Ուզբեկստանում կթողնենք Աֆղանստանից դուրս բերված ռազմական ավիատեխնիկան. ԱՄՆ դեսպան

Ուզբեկստանի և ԱՄՆ-ի իշխանությունները պայմանավորվել են ամերիկյան ռազմական ինքնաթիռներն ու ուղղաթիռները, որոնք աֆղանստանցի զինվորականներն Ուզբեկստանի տարածք են տեղափոխել 2021 թվականի օգոստոսին, թողնել այդ հանրապետությունում, ասել է Տաշքենդում ԱՄՆ դեսպան Ջոնաթան Հենիքը։ Նա ընդգծել է, որ այդ սարքավորումները երբեք Աֆղանստանին չեն պատկանել: Դրանք եղել են ԱՄՆ սեփականությունը, որոնք օգտագործել է Աֆղանստանի բանակը:

Ավելի վաղ ուզբեկական լրատվամիջոցները հայտնել էին, որ ամերիկյան Sierra Nevada կորպորացիան Ուզբեկստանի համար կվերանորոգի վեց Pilatus PC-12 ինքնաթիռ, որոնք աֆղանստանցի զինվորականները, խախտելով սահմանը, մյուս ինքնաթիռների հետ տեղափոխել են Ուզբեկստան՝ թալիբների իշխանության գալու ֆոնին:

2021 թվականի օգոստոսին Աֆղանստանում թալիբների կողմից իշխանության զավթման ժամանակ 22 ռազմական ինքնաթիռ և 24 ուղղաթիռ ապօրինի հատել էին Ուզբեկստանի օդային տարածքը։

Politico-ն 2022 թվականի սեպտեմբերին հայտնել էր, որ ԱՄՆ-ը կարող է Տաջիկստանին և Ուզբեկստանին փոխանցել այդ հանրապետությունների տարածքում հայտնված մինչև 50 ամերիկյան ռազմական ինքնաթիռ և ուղղաթիռ՝ Աֆղանստանում ահաբեկչության դեմ պայքարին աջակցելու դիմաց։

© progressgyumri.am Լուրեր Հայաստանից / Վերլուծություններ.

Հեռ. ՝ +37498 691-690; Էլ. Փոստ ՝ progressgyumringo@gmail.com  

Օգոստոսի 28-ին վաղ առավոտյան Երկիր մոլորակի բնակիչների համար տեսանելի կլինի վեց մոլորակների «շքերթը»

«Մոլորակների շքերթ»-ը գեղեցիկ դիտողական երևույթ է, որը տեղի է ունենում, երբ մի քանի մոլորակներ միաժամանակ դասավորվում են Արեգակի մի կողմում։ Բյուրականի աստղադիտարանից հայտնում են, որ 2024 թվականի օգոստոսի 28-ի վաղ առավոտյան Երկիր մոլորակի բնակիչների համար տեսանելի կլինի վեց մոլորակների՝ Մերկուրիի, Մարսի, Յուպիտերի, Ուրանի, Նեպտունի և Սատուրնի «շքերթը»։

Մարսը, Յուպիտերը և Սատուրնը հնարավոր կլինի տեսնել անզեն աչքով, սակայն Մերկուրին շատ մոտ կլինի հորիզոնին մոտ և դժվար կլինի այն նկատել: Նեպտունն ու Ուրանը տեսնելու համար կպահանջվեն դիտողական սարքեր։

«Մոլորակների շքերթ»-ը աստղագիտական պաշտոնական տերմին չէ, այն այլ կերպ անվանում են նաև «մոլորակների հավասարեցում»։

Վեց մոլորակների հավասարեցումը, ըստ աստղագետների, շատ հազվագյուտ երևույթ է, և այսիպիսի մեծ հավասարեցումներ տեղի են ունենում 20 տարին մեկ անգամ։

Նշենք նաև, որ «մոլորակների շքերթ»-ը առավոտյան ժամերին տեսանելի կլինի գրեթե ամենուր, սակայն 2024 թվականի օգոստոսի 28-ն ընդհանուր ամսաթիվ է, երբ այս երևույթը լավ կերևա աշխարհի շատ վայրերում: «Շքերթը» տեսնելի կլինի օգոստոսի 28-ի նախորոդող և հաջորդող մի քանի օրերի ընթացքում։

© progressgyumri.am Լուրեր Հայաստանից / Վերլուծություններ.

Հեռ. ՝ +37498 691-690; Էլ. Փոստ ՝ progressgyumringo@gmail.com 

Ֆիդանն ու Բայրամովը քննարկել են երկկողմ հարցեր, միջազգային և տարածաշրջանային թեմաներ

Անկարայում տեղի է ունեցել Թուրքիայի և Ադրբեջանի արտգործնախարարներ Հաքան Ֆիդանի և Ջեյհուն Բայրամովի հանդիպումը:

Բանակցությունների ընթացքում քննարկվել են երկկողմ համագործակցության հարցեր, ինչպես նաև միջազգային և տարածաշրջանային թեմաներ: Այլ մանրամասներ չեն հաղորդվում։

© progressgyumri.am Լուրեր Հայաստանից / Վերլուծություններ.

Հեռ. ՝ +37498 691-690; Էլ. Փոստ ՝ progressgyumringo@gmail.com

Մենք անպայման կպատասխանենք Ռուսաստանի բոլոր հարձակումներին․ Զելենսկի

Ուկրաինայի նախագահ Վոլոդիմիր Զելենսկին խոստացել է, որ Կիևը կպատասխանի Ռուսաստանի կողմից երկրի տարբեր շրջանների զանգվածային գնդակոծություններին:

Զելենսկին հայտնել է, որ գիշերը Ռուսաստանի կողմից հարձակման ենթարկված շրջաններում դեռևս փրկարարական աշխատանքներ են իրականացվում արկերի և բեկորների ընկնելու վայրերում: Նա տեղեկացրել է, որ զոհերի թիվը հասել է 4-ի, վիրավորվել է 16 մարդ:

«Մենք անպայման կպատասխանենք Ռուսաստանի այս և մյուս բոլոր հարձակումներին։ Մարդկության դեմ հանցագործությունները չեն կարող անպատիժ մնալ»,- հայտարարել է Ուկրաինայի նախագահը։

Նա նաև նշել է, որ ռուսական ուժերն ընդհանուր առմամբ արձակել են ավելի քան 90 օդային թիրախ Ուկրաինայի քաղաքացիական բնակչության և ենթակառուցվածքների ուղղությամբ, այդ թվում՝ 81 «Շահեդ» անօդաչու թռչող սարք, ինչպես նաև թևավոր, բալիստիկ և աերոբալիստիկ հրթիռներ:

© progressgyumri.am Լուրեր Հայաստանից / Վերլուծություններ.

Հեռ. ՝ +37498 691-690; Էլ. Փոստ ՝ progressgyumringo@gmail.com 

Ռուսաստանը երկրորդ գիշերն անընդմեջ զանգվածային հարված է հասցրել Ուկրաինայի տարածքին

Ռուսաստանը երկրորդ գիշերն անընդմեջ զանգվածային հարված է հասցրել Ուկրաինայի տարածքին՝ անօդաչու թռչող սարքերի և հրթիռների կիրառմամբ։

Կրիվոյ Ռոգում «Ավրորա» հյուրանոցի շենքի հրթիռակոծության հետևանքով երկու մարդ է զոհվել՝ հայտնել է շրջանի վարչակազմի ղեկավար Եվգենի Սիտնիչենկոն։

Գիշերային հարձակման հետևանքով երեք մարդ է զոհվել Զապորոժիեում, ևս հինգը վիրավորվել է՝ հայտնել է Զապորոժիեի նահանգապետ Իվան Ֆյոդորովը: Նշվում է, որ ռուսական կողմն անօդաչու թռչող սարքերով յոթ հարված է հասցրել Զապորոժիեի շրջանի տարածքներին։ Ֆյոդորովի խոսքով՝ պայթյունի ալիքից և բեկորներից վնասվել են տներ։ Նա տեղեկացրել է, որ մեկ օրում ռուսական զորքերը 208 հարված են հասցրել Զապորոժիեի մարզի 14 բնակավայրի ուղղությամբ:

ՀՕՊ-ի աշխատանքի և պայթյունների մասին հաղորդումներ են ստացվել Կիևի, Ժիտոմիրի, Վիննիցայի, Խմելնիցկու և այլ շրջաններից:

Ուկրաինայի ՆԳՆ-ից էլ հայտնել են, որ օգոստոսի 26-ին Ուկրաինայում ռուսական հարվածների հետևանքով զոհերի թիվը հասել է 7-ի, տուժել է 47 մարդ։ Երեկ առավոտյան Ռուսաստանն Ուկրաինայի ուղղությամբ արձակել է ավելի քան 100 հրթիռ և մոտ 100 հարվածային անօդաչու թռչող սարք:

© progressgyumri.am Լուրեր Հայաստանից / Վերլուծություններ.

Հեռ. ՝ +37498 691-690; Էլ. Փոստ ՝ progressgyumringo@gmail.com 

Մալխաս Ամոյանը, Արսեն Հարությունյանը և այլ ըմբիշներ զորակոչվել են բանակ. նրանք կծառայեն մարզական վաշտում

Մարզական վաշտը համալրել են տարբեր մրցաշարերում լավագույն արդյունքներ գրանցած ըմբիշները, որոնց թվում են Մալխաս Ամոյանը, Արսեն Հարությունյանը:

Մանրամասները՝ ՀՀ պաշտպանության նախարարության տեսանյութում:

Դուրովին Ֆրանսիայում սպառնում է մինչև 20 տարվա ազատազրկում. ԶԼՄ-ներ

Եվրահանձնաժողովը, որը որոշ ժամանակ առաջ զգալիորեն խստացրել է վերահսկողությունը ԵՄ-ում սոցիալական ցանցերի և գլոբալ մեդիահարթակների հանդեպ՝ «Թվային ծառայությունների մասին» օրենքի ընդունման միջոցով, ՌԻԱ Նովոստիին ասել է, որ չի մեկնաբանում Պավել Դուրովի ձերբակալությունը, քանի որ դա «անհատական գործ է», և առաջարկել է պարզաբանումների համար դիմել Ֆրանսիային։

Ֆրանսիայի ԱԳՆ-ն հայտարարել է, որ չի մեկնաբանի Telegram-ի հիմնադիր Պավել Դուրովի հետ կապված իրավիճակը՝ «հարգելով երկրի դատական համակարգի անկախությունը»:

ՌԴ նախագահի մամուլի քարտուղար Դմիտրի Պեսկովն էլ ասել է՝ Կրեմլը ճիշտ չի համարում հիմա մեկնաբանել Telegram-ի հիմնադիր Պավել Դուրովի ձերբակալությունը, քանի որ դեռ հայտնի չէ, թե ինչի համար է նա մեղադրվում. պետք է սպասել իրավիճակի պարզաբանմանը։

Telegram-ի հիմնադիր Պավել Դուրովը ձերբակալվել է Լե Բուրժե օդանավակայանում։ Դա տեղի է ունեցել մասնավոր ինքնաթիռից իջնելիս, որը, ըստ տեղեկությունների՝ ժամանել է Ադրբեջանից։ Ըստ ֆրանսիական մամուլի՝ Դուրովը, որը Ֆրանսիայի քաղաքացիություն ունի, եղել է երկրում հետախուզման մեջ գտնվող անձանց ցուցակում։

Ֆրանսիական արդարադատությունը, ըստ տեղական ԶԼՄ-ների, Դուրովին մեղադրում է մի շարք հանցագործությունների համար՝ երկրի իշխանությունների հետ համագործակցելուց Telegram-ի հրաժարում, ահաբեկչություն, թմրամիջոցների ապօրինի շրջանառություն, խարդախություն և փողերի լվացում: Ֆրանսիացի լրագրող Սիրիլ Ամուրսկու խոսքով՝ գործարարին սպառնում է մինչև 20 տարվա ազատազրկում։

© progressgyumri.am Լուրեր Հայաստանից / Վերլուծություններ.

Հեռ. ՝ +37498 691-690; Էլ. Փոստ ՝ progressgyumringo@gmail.com