Տեսանյութեր

Գյումրու պատմական կառույց «Ճերմակ հիվանդանոցի» շենքը չի վաճառվի.տեղի է ունեցել Գյումրու ավագանու արտահերթ նիստը

Գյումրու ավագանին այսօր արտահերթ նիստ է գումարել։ Օրակարգում ընդգրկված էին համայնքի ղեկավարին կից հասարակական կարգով գործող խորհրդակցական մարմիններ ձևավորելու և դրանց կազմերը համալրելու մասին հարցերը, ինչպես նաև սուբվենցիոն և քաղաքաշինական այլ ծրագրերին առնչվող հարցեր։

Ընդդիմադիր «Քաղաքացիական պայմանագիր» խմբակցությունը գրեթե բոլոր հարցերին կողմ է քվեարկել։ Ձեռնպահ է եղել միայն Գյումրու նախկին «Ճերմակ հիվանդանոցի» շենքի վաճառքը չեղարկող հարցին։ Այս շենքը վաճառքի էր հանվել ՔՊ-ի և «Բալասանյան դաշինքի» կոալիցիոն կառավարման օրոք։ Ըստ Վարդան Ղուկասյանի, այն պետք է վերականգնվի և որպես հիվանդանոց ծառայի քաղաքին, որ Գյումրին 2-րդ հիվանդանոց ունենա։

Ավագանու որոշմամբ, շենքը չի վաճառվի։

«Քաղաքացիական պայմանագիր» խմբակցության ավագանու անդամ Քնարիկ Հարությունյանը ողջունեց որոշ գույքեր համայնքին վերադարձնելու քաղաքապետի քայլը և առաջարկեց, որ Վարդան Ղուկասյանն էլ վերադարձնի օրինակ` Գյումրու դատարանի նախկին շենքը, Կենտրոնական զբոսայգու այն 5 հողակտորները, որոնք օտարվել են և դարձել իր ընտանիքի սեփականությունը:

Ի դեպ, դատախազությունը պահանջում է Վարդան Ղուկասյանից բռնագանձել 17 անշարժ գույք, 1 ավտոմեքենա, մոտ 223 մլն դրամ:

Կառավարությունը մինչև մայիսի 25-ն է ժամկետ տվել Գյումրու համայնքապետարանին, սուբվենցիոն ծրագրերի հայտեր ներկայացնելու համար։ Այսօրվա  նիստի ժամանակ նշվեց, որ սուբվենցիոն ծրագրերով Գյումրիում 18 փողոցների հիմնանորոգում է կատարվելու, ընդհանուրը 2 մլրդ 251 մլն դրամ արժեքով։ Գումարի 55 տոկոսը տրամադրվելու է համայնքային բյուջեից, իսկ 45 տոկոսը՝ մոտ 1 մլրդ դրամ,  պետական բյուջեի համաֆինանսավորումն է լինելու։

ՔՊ-ական ավագանու անդամ Սարիկ Մինասյանն առաջարկեց, որ ավագանու անդամներից հանձնաժողով կազմեն ու վերահսկեն փողոցաշինության ընթացքը, որպեսզի նախկինում արված անորակ շինարարությունը  չշարունակվի։

Վարդան Ղուկասյանը համաձայն էր առաջարկի հետ, նշեց, որ նախկինում, իր պաշտոնավարման ժամանակ, երաշխիքային ժամկետը 3 տարի էր, հիմա 1 տարի է։ Փոխելու են պայմանագրերը, երաշխիքային ժամկետները 3 տարի են դարձնելու։

ՔՊ-ական ավագանու անդամներից մեկը նշեց, որ «Բալասանյան դաշինքի» իշխանության տարիներին սուբվենցիոն ծրագրով, 800 մլն դրամով արևային կայաններ են ձեռք բերվել ու տեղադրվել համայնքային ենթակայության հաստատությունների տանիքներին՝ էներգիա տնտեսելու նպատակով։ Բայց, ըստ ավագանու անդամի, այդ համակարգերի մի մասը նախատեսված հզորության միայն 30 տոկոսի չափով է աշխատում, որոշներն ընդհանրապես չեն աշխատում, ուղղակի հարմարեցվել են շենքերի տանիքներին։

Վարդան Ղուկասյանը հայտնեց, որ խնդիրը խորքային ուսումնասիրելու են, առայժմ իրենց ուժերով են փորձում հասկանալ իրավիճակը, եթե տեսնեն չի ստացվում, ապա անկախ աուդիտի կհրավիրեն։

Ավագանու նիստից հետո Վարդան Ղուկասյանը պատասխանեց լրագրողների հարցերին։ Նշեց, որ քաղաքապետարանում քաղաքաշինական հարցերով հսկայական դիմումներ են կուտակվել քաղաքացիներից, որոնք ընթացք չեն ստանում  թղթաբանության պատճառով։ Ըստ նրա, մինչև թղթաբանությունը  չթեթևացվի, վիճակը չի բարելավվի։

«Ես ասում էի, որ Գյումրու քաղաքապետի որոշումները 3 տեղ էին պտտվում, ցավոք սրտի 12 տեղ են պտտվում, հիմա որ նայում ենք, ինձանից հետո ավելի են ավելացրել»,- նշեց նա։

Վարդան Ղուկասյանի խոսքով, օտարված կամ վաճառքի հանձնված մի քանի տարածք համայնքին է վերադարձվելու։ Կարծիք հայտնեց նաև «Սև Բերդ» ամրոցի վերաբերյալ։ Հիշեցնենք, այն պատկանում է նախկին քաղաքապետ Սամվել Բալասանյանի ընտանիքին։

Ղուկասյանը  նշեց․ «Ես Բալասանյան Սամվելին չեմ հարգում, բայց Սև Բերդը ինքը սարքել  է, ինչ որ ճիշտ է, ճիշտ է, էդ ավերածությունը ինքը սարքել է։ Ես իրեն չեմ ընդունում,  չեմ հարգում, բայց  նմանատիպ կառույց, որ կառուցել է, հանրապետությունում չկա»։

Ըստ Վարդան Ղուկասյանի, 1 ամսից 20-30 տոկոս բարձրանալու են համայնքապետարանի աշխատակազմի և ենթակայության կառույցների աշխատակիցների աշխատավարձերը։  Ղուկասյանը դատապարտեց իր նախկին մամուլի խոսնակ Լիլիթ Աղեկյանի նկատմամբ ոստիկանության ցուցաբերած գործողությունները։

«Մեր քաղաքը» խմբակցության աղմկահարույց մանդատը. քաղաքական կրքեր Գյումրիում

Գյումրիում քաղաքական կրքերը չեն հանդարտվում։ «Մեր քաղաքը» խմբակցությունը ահազանգում է մանդատագողության մասին, մինչդեռ թիվ 31 ԸԸՀ-ում գումարված այսօրվա նիստում, հիմք ընդունելով Գյումրու համայնքապետարանից այսօր ստացված պատասխան արձանագրությունը, արձանագրվեց, որ Գյումրու ավագանու «Մեր քաղաքը» խմբակցության ավագանու նախկին անդամ Կարեն Բադալյանի լիազորությունները դադարեցված են համարվում։ Ուստի ԸԸՀ-ում հանձնաժողովը որոշեց ավագանու մանդատը Կարեն Բադալյանի փոխարեն հանձնել Նարեկ Միրզոյանին։

Հիշեցնենք, որ Կարեն Բադալյանը դիմում էր ներկայացրել մանդատից հրաժարվելու, սակայն փոշմանել և ևս մեկ դիմում էր ներկայացրել, որ ցանկանում է պարզապես դուրս գալ խմբակցությունից՝ մնալով անկախ ավագանի։ Նա դիմել էր նաև դատարան՝ լիազորությունները վերականգնելու համար։ Բադալյանի հայցը վարչական դատարանում է։ Արդյո՞ք դատարանի որոշումը որևէ փոփոխության չի հանգեցնի ավագանու կազմում կամ մանդատը կվերադարձվի Միրզոյանից Բադալյանին, այս հարցին պատասխանում է Տիգրան Ղազարյանը։

Մանդատը հետ պահանջելու իրավունք Կարեն Բադալյանը չունի, նշում է «Իմ քաղաքը» խմբակցության ղեկավար Լիզա Գասպարյանը։

Իրենք համոզված են, որ իրավիճակի հակառակ կողմում քաղաքական միտում ու ճնշումներ կան «Մեր քաղաքը» խմբակցության ավագանու հինգերորդ համարի հանդեպ։

Լիզա Գասպարյանը նշում է՝ բոլոր խմբակցությունները պետք է վախենան այս երևույթից, քանի որ իրենք էլ ապահովագրված չեն։ Հիշեցնենք, որ «Մեր քաղաքը» խմբակցությունը վաղ առավոտից ԸԸՀ-ում էր, որտեղ միայն օրվա երկրորդ կեսին հայտարարեցին, որ նիստ կգումարվի՝ հաշվի առնելով Գյումրու համայնքապետարանից ստացված պատասխանը։ Նախօրեին ևս նիստ էր գումարվել, բայց այն չէր համարվել փակված, որովհետև հստակ որոշում չկար համայնքապետարանից, ուստի մանդատ տալու որևէ հիմք չէր եղել ընտրատարածքայինի համար։

«Սարիկին շատ վրա չտաք․ զգացված եմ, ընկեր Ղուկասյան»․ ջերմ շփումներ՝ Գյումրու ավագանու նիստում

Այսօր տեղի ունեցավ Գյումրու նորընտիր ավագանու հերթական նիստը, որի օրակարգում 12 հարց էր՝ ավագանու մշտական գործող հանձնաժողովների նախագահների ու տեղակալների, ինչպես նաև համայնքապետի երկու տեղակալների ընտրության։

«Քաղաքացիական պայմանագիր» խմբակցության անդամները, որոնք մինչ այդ բոյկոտել էր ավագանու նիստերը, ուշացած ներս մտան։ Քաղաքապետ Վարդան Ղուկասյանը չկարողացավ թաքցնել զարմանքը․ ՔՊ խմբակցության ղեկավար Սարիկ Մինասյանի բարևին ի պատասխան՝ արձագանքեց․ «Համեցեք, նստեք, շեֆերը վերջում են գալիս, այ մարդ, Ստալինի քաղաքականությունն է»։

Ավագանու նիստն անցավ հանդարտ մթնոլորտում՝ առանց որևէ ավելորդ լարվածության։

ՔՊ խմբակցության 13 անդամներ էին եկել նիստին, ընտրեցին 4 մշտական հանձնաժողովների նախագահներ ու տեղակալներ։

4 մշտական հանձնաժողովներից 2-ի նախագահ ընտրվեց  «Քաղաքացիական պայմանագիր» խմբակցությունից։

Քաղաքաշինության և հողօգտագործման հարցերի մշտական գործող հանձնաժողովի նախագահ ընտրվեց ՔՊ֊ական Շավարշ Արամյանը, իրավական հարցերի մշտական գործող հանձնաժողովի նախագահ էլ՝ այն նույն խմբակցությունից Էդգար Բաղդասարյանը։

Ֆինանսավարկային և տնտեսավարկային հարցերի մշտական գործող հանձնաժողովի նախագահ  ընտրվեց «Կոմունիստական» խմբակցության անդամ Գևորգ Ղուկասյանը։ Նա, ինչպես հայտնի է, Վարդան Ղուկասյանի ավագ եղբոր թոռն է։ Ի դեպ, նա միաձայն ընտրվեց․  անգամ ՔՊ-ականներից որևէ մեկը դեմ չեղավ։

Մշակույթի, կրթության, սպորտի և սոցիալական հարցերի մշտական գործող հանձնաժողովի նախագահ էլ ընտրվեց ԱԺ պատգամավոր Մարտուն Գրիգորյանի գլխավորած «Մեր քաղաքը» դաշինքի անդամ Սվետլանա Ադամյանը։

Այնուհետ տեղի ունեցան համայնքապետի երկու տեղակալների ընտրությունը։

Համայնքապետի առաջին տեղակալ ընտրվեց Ավետիս Առաքելյանը՝ Վարդան Ղուկասյանի դստեր ամուսինը, որը ժամանակին եղել է ոստիկանության աշխատակից, այնուհետ դուրս է եկել ու աշխատել «Գազպրոմում»` որպես ճարտարագետ-չափագետ։ Երկրորդ փոխքաղաքապետ ընտրվեց Գագիկ Մանուկյանը, որը 10 տարի եղել է Վարդան Ղուկասյանի տեղակալը։

Երկու փոխքաղաքապետերն էլ ընտրվեցին 17 կողմ, 13 ձեռնպահ ձայներով։ ՔՊ-ականները ձեռնպահ քվեարկեցին։

Վարդան Ղուկասյանը իր փեսայի ընտրության մասին ասաց․ ««Կապ չունի՝ իմ փեսան է, ես շատ պատասխանատու եմ, իրենից ավելի շատ եմ պահանջելու, քան որևիցե մեկից․ ինձ հետ աշխատելը և՛ հեշտ է, և՛ դժվար․ ես շատ խիստ եմ լինելու յուրաքանչյուր հարցի վերաբերյալ»։

Գագիկ Մանուկյանին ներկայացնելիս էլ՝ Վարդան Ղուկասյանն հիշեցրեց, որ իր դեմ մահափորձ կատարելու ժամանակ նա ևս իր հետ էր, վնասվածքներ էր ստացել։

Վարդան Ղուկասյանն ավագանու նիստը եզրափակելիս՝ ասաց․ «Ես շատ խիստ եմ իմ նկատմամբ, որ եկել եմ, գիտեմ ինչ պիտի անեմ, հավատացեք։ Որ նայում են, էնքան բան կա անելու ու կարելի է անել, կտեսնեք, որ կանենք։ Չենք սպառվել, ավյունը կա, եռանդը կա, հայրենիքը սիրում ենք, քաղաքը՝ շատ։

Հայրենասիրությունը գալիս է փողոցից, ազգանունից,  քաղաքից։ Անելու շատ գործ ունենք, հավատացեք, կաող ենք անել, դիմացը շատ լուրջ բաներ են սպասվում․ ոչ միայն պետության վրա ենք հույս դնելու, կտեսնեք, որ կողքից իմ կապերով ինչքան ներդրումներ եմ բերելու Գյումրի»։

Նա նշեց, որ իր սկզբունքն է․ «Մարդկանց տունը չքանդել, սարքել» ու  նաև ասաց, որ իրեն թշնամի են համարում, բայց ինքը հայ ազգի մեջ թշնամիներ չունի, իր թշնամին թուրքն ու ադբերջանցին են։

«Հայը, եթե դարձի է գալիս, ինձ համար եղբայր է, եկեղեցին տալիս է ապաշխարության կանոնները։ Անսխալական, անթերի մարդ չկա․ ինձանից սկսած՝ բոլորով վերջացրած։ Ես խնդրում եմ, որ այդ աչքերով ինձ նայեք և կտեսնեք, որ ամեն ինչ լավ կլինի»,-ասաց Վարդան Ղուկասյանը։

Ավագանու նիստից հետո  «Քաղաքացիական պայմանագիր» խմբակցության ղեկավար Սարիկ Մինասյանը ճեպազրուցում ունեցավ լրագրողների հետ՝ նշելով, որ իրենք կմասնակցեն այն բոլոր նիստերին, որոնք քաղաքի բնականոն զարգացման համար կլինեն։ Միևնույն ժամանակ հիշեցրեց, որ վերահսկելու են պաշտոնյաների գործունեությունը։

«Ինչպես ընկեր Ղուկասյանը նշեց, ասեց, որ մենք ընկերով պիտի խոսենք, ինչպես ինքն է խիստ լինելու, կրկնակի անգամ մենք ենք խիստ ու հետևողական  լինելու, որպեսզի պաշտոնյաները իրենց լիազորությունները և պարտականությունները իրականացնեն պատշաճ՝ օրենքին համապատասխան և ծառայեն գյումրեցիներին»,-ասաց Սարիկ Մինասյանը։

ՔՊ-ն կկազմի՞ արդյոք կոալիցիա  «Կոմունիստական կուսակցության» հետ, Սարիկ Մինասյանը պատասխանեց․ «Ես ուր, կումունիզմը՝ ուր»։

Անդրադառնալով իրեն պաշտոնի նշանակելու մասին հրապարակվող տեղեկություններին՝ Սարիկ Մինասյանն ասաց․ «Հիմա էստեղ եմ, ասել եմ՝ իմ մանդատը վերցնելու եմ, որևիցէ պաշտոնի չեմ հավակնում, ամենամեծ պաշտոնը Գյումրի քաղաքում ունեմ ես․ 17 հազար200 ձայն ունեցող խմբակցություն և անձնավորություն եմ, իմ համար դա Հայաստանի Հանրապետության ամենաբարձր պաշտոնն է»։

Ի դեպ, միջանցքում, որտեղ հարցազրույց էր տալիս Սարիկ Մինասյանը, ջերմ զրույց տեղի ունեցավ նրա ու Վարդան Ղուկասյանի միջև։ Աստիճաններով իր առանձնասենյակ բարձրացող Վարդան Ղուկասյանը, տեսնելով Սարիկ Մինասյանին, լրագրողներին կատակով հորդորեց․ «Սարիկ Մինասյանին շատ վրա չտաք»։ Սարիկ Մինասյանն էլ պատասխանեց․ «15 րոպե է՝ չեն թողնի, շնորհակալ եմ, զգացված եմ ընկեր Ղուկասյան»։

Սարիկ Մինասյանը նաև ասաց, որ թեև Վարդան Ղուկասյանին «կոնյակ, բամբաներկով» չի եկել շնորհավորելու, բայց նորմալ բարևել է։

«Մենք բոլորս հայ ենք, գյումրեցի ենք, ո՞նց կարող ենք չբարևել»,-ասաց նա։

© progressgyumri.am  Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com

Կադրային փոփոխությամբ ու հին ավանդույթներով․ Գյումրին կղեկավարի Վարդան Ղուկասյանը

Նախ կառուցելուց հետո արդեն կադրային փոփոխության մասին է խոսւմ Վարդան Ղուկասյանը։ Ըստ կանոնակարգի Գյումրու նորընտիր ավագանու առաջին նիստում ժամանակավոր հաշվիչ հանձնաժողով ձևավոևումից հետո, ավագանու ընդիմադիր ուժերը ևս մեկ անգամ հայտնեցին, որ կքվեարկեն առաջադրվող միակ թեկնածուին՝ Վարդան Ղուկասյանին։

Չէին ներկայացել «Քաղաքացիական պայմանագիր» խմբբակցությունը և մեկ բացակա էլ կար «Մեր քաղաքը» խմբակցության ավագանու կազմից։ Ներկա ավագանու 18 անդամները միաձայն կողմ քվեարկեցին Վարդան Ղուկասյանին։ 5-րդ անգամ ստանձնելով Գյումրու համայնքապետի պաշտոնը Ղուկասյանը շնորհակալություն է հայտնում 3 քաղաքական ուժերին իրեն քվե

Ներկա 18 ավագանու անդամները միաձայն կողմ քվեարկեցին Ղուկասյանին։ Այսպիսով, Գյումրին ունի նոր ղեկավար, Վարդան Ղուկասյանը քաղաքը կառավարելու է արդեն 5-րդ անգամ։ Իր խոսքով, կպահի սուբորդինացիան իշխող ուժի հետ, բայց ինքը վախեցողներից չէ։

Վարդան Ղուկասյանիորպես քաղաքի ղեկավար ընտրելուն Մեր քաղաքը դաշինքը կողմ քվեարկեց, բայց կոալիցիայի կամ ռաջաիկայում համագործակցելու այլ ծրագրերում բավցարար քվե տալու մասով չի խոսել Մարտուն Գրիգորյանը, այս թեմայի շուրջ Ղուկասյանը պատասխանում է։

Վարդան Ղուկասյանը խոստացավ շարունակել իր նախկին որդեգրած սկզբունքով, որ քաղաքապետարանում Գյումրեցին իրեն իր տան մեջ զգա։

Եդրմնակալության կարգը տեղի կունենա ապրիլի 19-ին իսկ ավագանու հաջորդ նիստը նշանակվեց մայիսի 2-ին։

«Վսեմու սվայո վռեմյա․ մենք ազգովի սխալվել ենք» Վարդան Ղուկասյանի ճեպազրույցը