Տեսանյութեր

Փոփոխություններ ընտրությունների անցկացման կարգում

#Election #Armvote2021

Հայաստանում խորհրդարանական արտահերթ ընտրություններն անցկացվելու են միայն համամասնական ընտրակարգով:

1.Տարածքային կամ «ռեյտինգային» ցուցակներ չեն լինելու: Դուք ընտրելու եք միայն  կուսակցությունների կամ դաշինքների:

2.Հաստատվել է նոր նմուշի քվեաթերթիկ, փոփոխվել է քվեարկության կարգը

Նախընտրած կուսակցությանը կամ դաշինքին քվե տալու համար  քվեախցիկում այդ ուժի քվեաթերթիկը դուք պարզապես դնելու եք ծրարի մեջ:

Որևէ նշում կատարելու կարիք չի լինելու։ Քվեախցիկում գրիչ չի լինելու։

Եթե քվեաթերթիկի վրա որևէ գրառում կամ նշում լինի, այն կհամարվի անվավեր։ Ծրարի վրա որեւէ գրառման դեպքում՝  այն  կմարվի՝ առանց քվեաթերթիկը հանելու։

Իսկ մինչեւ քվեարկության օրը, մասնակիցների գաղափարներին եւ ծրագրերին կարող եք ծանոթանալ քարոզարշավի ընթացքում:

Ուշադրությու՛ն, ընտրակեղծարարների հանդեպ պատժամիջոցները խստացվել են: Քրեական պատասխանատվություն է սահմանվել կաշառք բաժանելու, աշխատակիցներին ստիպողաբար քարոզարշավին ներգրավելու, թեկնածուների կամ նրանց համակիրների  քարոզարշավը խոչընդոտելու համար:

Մասնակցե՛ք հունիսի 20-ին անցկացվելիք խորհրդարանական արտահերթ ընտրություններին: Յուրքանչյուրիդ ձայնը կարեւոր է ու վճռորոշ:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

«Հայաստանը մնացել է ՀԱՊԿ-ի գերին, որից դուրս գալու միակ ուղին ՄԱԿ ԱԽ դիմելն է» Ա. Սաքունց

#Armenia #Azerbaijan #Border

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

Եթե Ադրբեջանն այդ պայմանավորվածություններն իրագործի, այո՛, ես այդ թուղթը ստորագրելու եմ. Փաշինյանը՝ երեկ աղմուկ բարձրացրած փաստաթղթի մասին

Կառավարության այսօրվա նիստում վարչապետի պաշտոնակատար Նիկոլ Փաշինյանը հայտարարել է, թե Ադրբեջանը Հայաստանում ունի շատ սպասելի դաշնակիցներ: «Չեմ խուսափի այդ բառից՝ Ադրբեջանը Հայաստանի քաղաքական վերնախավում ունի տեղեկատվական պայքարի գործակալներ», – ասել է նա: Փաշինյանի խոսքով՝ այդ մարդիկ Ադրբեջանին աջակցում են, որ այն դիվանագիտական աշխատանքը, որն արվում է, դրանք իրագործելուց խուսափելու հնարավորություն ունենա: «Հերթական անգամ հյուսվում է ՀՀ կառավարության կողմից գծագրվող դավադրությունն ընդդեմ Հայաստանի», – ասել է նա: Փաշինյանը խոսել է նաև համացանցում շրջանառվող փաստաթղթղից՝ նշելով, թե այդ թղթի 99 տոկոսը ծածկված է: «Դա ներկայացվում է որպես ապացույց, որ ՀՀ կառավարությունը ստորագրում է հակահայկական փաստաթուղթ, պատկերացնո՞ւմ եք. Այս գործողությունները այլ կերպ, քան Ադրբեջանի տեղեկատվական պայքարի գործակալական ցանցի գործունեություն, ես, կներեք, չեմ կարող որակել: Պետք է վերլուծել, թե այդ թղթերը որտեղից են նրանք ստանում, ես ինչքան վերլուծում եմ, միակ աղբյուրը, որտեղից կարող են ստանալ, Ադրբեջանն է, որովհետև եռակողմ խոսակցություն է գնում Ռուսաստան-Հայաստան-Ադրբեջան, ինչքան վերլուծում եմ, որ այդ թղթերը նրանք ստանում են Ադրբեջանից: Եվ ես ասում եմ, որ այն լուծումները, որոնք այս պահին մեր միջազգային գործընկերների հետ ձեռք են բերված նախնական ամաձայնություններ, այդ լուծումները հարյուր տոկոսով համապատասխանում են ՀՀ շահերին ու, այո, եթե Ադրբեջանն այդ պայմանավորվածություններն իրագործի, այո, ես այդ թուղթը ստորագրելու եմ», – հայտարարել է Նիկոլ Փաշինյանը: Նա ասել է, թե այդ թուղթը չի հրապարակի, քանի որ կոռեկտ չի համարում, բանակցություններ են գնում:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

Շիրակի օդանավակայանի վազքուղին կվերակառուցվի․ այն կհամապատասխանեցվի նաև ռազմական օդանավերի թռիչքներին

Գյումրու համայնքապետարանում կայացել է Գյումրու «Շիրակ» օդանավակայանի վազքուղու վերակառուցման աշխատանքների, շրջակա միջավայրի վրա ազդեցության գնահատման և փորձաքննության վերաբերյալ հանրային բաց լսումը: Այս մասին հայտարարել է Գյումրու համյանքապետարանի աշխատակազմի քարտուղար Կարեն Բադալյանը: «Շիրակ» օդանավակայանի վազքուղու վերակառուցման ծրագիրը ներկայացրել է «Շիրակ» օդանավակայանի տեխնիկական ծառայության սպասարկման ղեկավար Հենրիկ Սարգսյանը: Նրա խոսքով՝ վերակառուցումը նախատեսված է իրականացնել 2021թ., կատարվելու է վազքուղու ամբողջ երկարությամբ ասֆալտ-բետոնե ծածկույթի վերակառուցում: «Հանվելու է 5սմ հաստությամբ ծածկույթը, տեղադրվելու է 9 սմ հաստությամբ նոր ծածկույթ, կոնստրուկտիվ փոփոխություններ տեղի չեն ունենա, կկատարվեն հողային աշխատանքներ, ամրացվելու են վազքուղու անվտանգության եզրագոտիները և կառուցվելու է դրենաժային համակարգ: Նոր ծածկույթը համապատասխանելու է նաև ռազմական թռիչքների համար նախատեսված պահանջներին»,- նշել է Սարգսյանը: Հիշեցնենք՝ Գյումրու «Շիրակ» օդանավակայանը գործում է 1961 թվականից, այն Հայաստանի Հանրապետության երկրորդ միջազգային օդանավակայանն է: Օդանավակայանը գտնվում է Գյումրի քաղաքից 5 կմ հեռավորության վրա: Օդանավակայանի աերոդրոմի վազքուղու երկրաչափական չափերը կազմում են 3220×45մ:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru

Նախընտրական տրամադրությունները Գյումրիում

Նախընտրական խոստումներ, գունավոր ծրագրեր, երկիրը զարգացնելու վեհ գաղափարներ։ Հայաստանի քաղաքական կյանքում առաջիկայում սպասվող կարևոր բաղադրիչներից են սրանք։ Հունիսի 20-ին Հայաստանում անցկացվելու են  խորհրդարանական արտահերթ ընտրություններ։ Այս մասին առաջինը հայտարարեց վարչապետ Նիկոլ Փաշինյանը, ապրիլի 25-ին ներկայացրած հրաժարականից հետո։  Մինչ այդ նա հանդիպումներ էր ունեցել  խորհրդարանական ուժերի հետ և պայմանավորվածություն ձեռք բերել, որ իշխող ուժի հրաժարականից հետո  վերջիններս վարչապետի թեկնածու չպետք է առաջադրեն։ հենց այդպես էլ եղավ:  Համաձայն օրենքի  ԱԺ-ը  2 անգամ  չընտրեց  վարչապետ, որից հետո  խորհրդարանն իրավունքի ուժով կհամարվեց  լուծարված։  Մինչ այդ խորհրդարանը փոփոխություններ կատարեց ընտրական օրենսգրքում, համաձայն որի ընտրությունները կանցկացվեն միայն համամասնական ընտրակարգով։

Երկրում քաղաքական կյանքն հետզհետե  թեժանում է։ Ու թեև դեռ վաղ է  ամբողջական պատկերը բնութագրելու համար, բայց արդեն կան քաղաքական ուժեր, որոնք հստակ հայտարարել են արտահերթ ընտրություններին իրենց մասնակցության մասին։ Հունիսի 20-ին սպասվող ընտրություններին «Քաղաքացիական պայմանագիր» կուսակցությունը վարչապետի իր թեկնածուով կմասնակցի միայնակ։ Գյումրիում, կենտրոնական փողոցներւմ արդեն տեղադրված են  կուսակցության կարգախոսով բազմաթիվ վահանակներ:

Խորհրդարանական մյուս ուժերը ևս  հայտարարել են իրենց մասնակցության մասին։ «Լուսավոր Հայաստան» կուսակցության համամասնական ցուցակը կգլխավորի Էդմոն Մարուքյանը։ ԲՀԿ-ն այս անգամ էլ ընտրություններին կմասնակցի միայնակ, իսկ վարչապետի թեկնածու կառաջադրի Գագիկ Ծառուկյանին։

Արտախորհրդարանական ուժերի մոտ դեռևս  վերադասավորումներ են, բայց  ընտրական գործընթացներին մասնակցության հայտ ներկայացնողներ էլ կան։ Ընդամենն օրեր առաջ  նոր դաշինք ձևավորելու մասին հայտարարեց «Հայրենիք» կուսակցության առաջնորդ, ԱԱԾ նախկին տնօրեն  Արթուր Վանեցյանը։ Վերջինս ընտրություններին կմասնակցի  Հայաստանի Հանրապետական կուսակցության հետ միասին։ Առայժմ հստակեցված չէ, թե ում կառաջադրի դաշինքը որպես վարչապետի թեկնածու։

ՀՀ երկրորդ նախագահ Ռոբերտ Քոչարյանի գլխավորությամբ՝ Հայ Յեղափոխական Դաշնակցություն և «Վերածնվող Հայաստան» կուսակցությունները արտահերթ խորհրդարանական ընտրություններին կմասնակցեն «Հայաստան» դաշինքով:

«Ալյանս» առաջադիմական ցենտրիստական կուսակցությունը Գյումրիում ունի 2 գրասենյակ, տեղում ակտիվ պատրաստվում են առաջիկա ընտրություններին: Կուսակցությունը մասնակցելու է միայնակ, վարչապետի իր սեփական թեկնածուով:

Ընտրություններին մասնակցության վերաբերյալ դեռևս որոշում չունի կայացրած Սասնա ծռեր համահայկական շարժման կողմից հիմնված Ազգային ժողովրդավարական բևեռը, սակայն միտված է իր քայլերով համախմբելու հայ ժողովրդին և վերահաստատելու արժանապատիվ ապրելու իրավունքը:

Հունիսյան ընտրություններին, պարզվում է  քիչ չեն լինի նաև  նորաստեղծ կուսակցությունները։ «Հաղթենք, որ չգաղթենք» կարգախոսով է  քաղաքական դաշտ մտնում երգիչ մհեր Մեսրոպյանի, նույն ինքը՝ Մհեր Արմենիայի ստեղծած «Ազգի ձայնը» կուսակցությունը։ այն թեև դեռևս պետռեգիստրում գրանցված չէ, որպես կուսակցություն, բայց Գյումրիում արդեն ունի գրասենյակ, իսկ ընտրություններին մասնակցելու ձևաչափի մասին կխոսեն առաջիկայում:

Առջևում դեռ նոր զարգացումներ կլինեն, որոնք քայլ առ քայլ մեզ կմոտեցնեն  խորհրդարանական արտահերթ ընտրություններին։

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com; progressgyumri@mail.ru