Լրահոս

Լոռու մարզում դատապարտյալը դատարանից դուրս գալու ժամանակ դիմել է փախուստի․ հնչել են կրակոցներ,կա վիրավոր

Նոյեմբերի 6-ին արտակարգ դեպք է տեղի ունեցել Լոռու մարզում։

SHAMSHYAN.com-ի տեղեկություններով՝ ժամը 18։15-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Ստեփանավանի բաժնում օպերատիվ տեղեկություն է ստացվել, որ «աջ բազկոսկրի ստորին երրորդի փակ սպիրալաձև կոտրվածք տեղաշարժով» «Ստեփանավան» բժշկական կենտրոն է տեղափոխվել մի տղամարդ։

Տեղում պարզվել է, որ բուժօգնության տեղափոխված քաղաքացին Լոռու մարզի բնակիչ 40-ամյա Ռոման Հ․-ն է։

Պարզվել է նաև, որ նույն օրը ՀՀ Արդարադատության նախարարության քրեական ծառայության վարչության «Վանաձոր» քրեակատարողական հիմնարկում պահվող՝ ՀՀ նախկին քր.օր.-ի 175 հոդ. 2-րդ մասի 1-ի և 4-րդ կետերով դատապարտյալ 32-ամյա Հարություն Ս․-ն տեղափոխվել է Լոռու մարզի ընդհանուր իրավասության դատարանի Ստեփանավանի նստավայր՝ պայմանական վաղաժամկետ ազատվելու նպատակով դատական նիստին, որի ավարտից հետո դատարանի հատուկ ելքով շենքից դուրս բերելիս հատուկ տեղափոխող ավտոմեքենային մոտեցնելու ընթացքում նա դիմել է փախուստի։

Կայքի տեղեկություններով՝ ուղեկցող խմբի կողմից ձեռնարկված գործողությունների ժամանակ խմբի անդամ 37-ամյա Գևորգ Հ․-ի կողմից կատարվել է երկու նախազգուշական կրակոց, որի արդյունքում կանխվել է Հարություն Ս․-ի փախուստը, իսկ խմբի մյուս անդամ Ռոման Հ․-ն փախուստի փորձը կանխելիս վայր է ընկել և ստացել է վերը նշված մարմնական վնասվածքը:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com

«Մանկական Եվրատեսիլ 2024»-ում հաղթեց Վրաստանի պատվիրակը. Հայաստանը 8-րդ հորիզոնականում է

«Մանկական Եվրատեսիլ 2024»-ում հաղթեց Վրաստանի պատվիրակը:

Հայաստանը ներկայացնող Լեոն «Մանկական Եվրատեսիլ 2024»-ում գրավեց 8-րդ տեղը:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com

Մինչ տարեվերջ պետք է այցելեմ և տեսնեմ՝ արդյոք Բայանդուրի ճանապարհը հիմնանորոգվել է. վարչապետ

ՀՀ վարչապետ Նիկոլ Փաշինյանն անդրադարձել է օրեր առաջ Բայանդուրի ճանապարհի վերաբերյալ իր կողմից արված հրապարակմանն ու արձագանքներին՝ մանրամասնելով.

«Շիրակի մարզ կատարած այցի ընթացքում ծրագիրն այնպես էր, որ Արմավիրով գնացինք, և մինչև մեր առաջին կետը հասնելը ճանապարհը կարելի է ասել՝ գրեթե իդեալական վիճակում էր: Եվ, երբ որ առաջին կետում կանգառ արեցինք, ես մեր գրծընկերներին հարցրեցի, թե հիմա Արմավիրց մինչև Գյումրի էսպե՞ս է ճանապարհը և ստացա շատ պինդ դրական պատասխան:

Մեքենայից մի քանի վայրկյան նկարեցի և տեղադրեցի սոցցանցում, որ մենք Արմավիրից Գյումրի ճանապարհը բերել ենք իդեալական վիճակի: Ինչ-որ ժամանակ հետո տեսա մեկնաբանություններ՝ թե «հերթական լկտի սուտը», «դե արի Բայանդուր», «դու եղե՞լ ես Բայանդուրում»: Եվ պարզվեց, որ էդ մարդիկ ճիշտ դուրս եկան:

Եվ սա էլի խոսում է զեկույցի մասին: Կարող էին ասեին՝ չէ, էդ հատվածը արված չի, մի շաբաթից է արվելու, 10 օրից է արվելու, չի արվելու ընդհանրապես, արվելու է 2035 թվին: Չեմ հասկանում, էլի, կարելի՞ է նման բան անել: Պետք չի ավանսով բաներ, եթե հարցնում եմ՝ եղել է, ասեք եղել է, չի եղել, ասեք չի եղել ու չի էլ լինելու, բայց հիմա ստիպված մինչև տարեվերջ պետք է գնամ իմ աչքով տեսնեմ՝ Բայանդուրի ճանապարհը եղել է, թե չէ»:

© progressgyumri.am  Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com

Հայկական կողմի հայտարարությունները վկայում են, որ Երևանը հեռանում է ՀԱՊԿ-ից. Պանկին

Հայկական կողմի հայտարարությունները վկայում են այն մասին, որ Երևանը հեռանում է ՀԱՊԿ-ի աշխատանքի բոլոր ձևաչափերից՝ հայտարարել է ՌԴ փոխարտգործնախարար Ալեքսանդր Պանկինը՝ պատասխանելով նոյեմբերի 28-ին կայանալիք ՀԱՊԿ գագաթնաժողովին Հայաստանի մասնակցության հնարավորության մասին լրագրողների հարցին։

Հայաստանն ավելի վաղ հայտարարել է, որ սառեցնում է մասնակցությունը ՀԱՊԿ-ի միջոցառումներին և դադարեցնում է կառույցի ֆինանսավորումը: Այնուհանդերձ, Երևանը դեռ պաշտոնապես չի դիմել ՀԱՊԿ-ից դուրս գալու գործընթաց սկսելու համար։ Հայկական կողմի գնահատմամբ՝ դաշինքը չի կատարել Հայաստանի նկատմամբ իր պարտավորությունները։

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com

Սպանություն՝ բուժհաստատությունում. նույն հաստատության նախկին բուժառուն ձերբակալվել է

2024 թվականի նոյեմբերի 15-ին՝ ժամը 15:55-ին, «ՀԱՊԱԿ» ՓԲԸ-ից հաղորդում է ստացվել այն մասին, որ նույն օրը՝ ժամը 14:10-ի սահմաններում, ընդունարանի դիմացի հատվածում բուժհաստատության 35-ամյա հարկադիր բուժառու Ա.Թ.-ն պարանոցի, կրծքավանդակի, որովայնի հատվածներում ստացել է կտրած վնասվածքներ, որոնք վերջինիս պատճառել է նույն հաստատության նախկին բուժառուն:

Այս մասին հայտնում է Քննչական կոմիտեն:

Փաստի առթիվ ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնում, ՀՀ քրեական օրենսգրքի 44-155-րդ հոդվածի (Սպանությունը) 1-ին մասով, նախաձեռնվել է քրեական վարույթ:

35-ամյա տղամարդը ճանաչվել է տուժող:

Նախնական տվյալներով՝ 2024 թվականի նոյեմբերի 15-ին՝ ժամը 14.20-ի սահմաններում, «ՀԱՊԱԿ» ՓԲԸ նախկին բուժառու Հ.Ա.-ն բուժհաստատության բակում բուժհաստատության աշխատակցի ուղեկցությամբ տեսակցել է Ա.Թ.-ին, որի ժամանակ Հ.Ա.-ն իր մոտ գնվող դանակով հարվածներ է հասցրել վերջինիս մարմնի տարբեր հատվածներին:

Այդ ընթացքում Ա.Թ.-ին ուղեկցող աշխատակիցը, հասնելով օգնության, ձեռքով բռնել է դանակի շեղբը՝ խանգարելով Հ.Ա.-ին ավարտին հասցնել իր հանցավոր մտադրությունը:

Այդ պահին օգնության հասած բժիշկներին հաջողվել է վնասազերծել Հ.Ա.-ին, իսկ տուժածին՝ տեղափոխել հիվանդանոց։

Սակայն վերջինս, ստացած կյանքի հետ անհամատեղելի մարմնական վնասվածքների պատճառով, գիտակցության չգալով, ժամեր անց մահացել է:

Դեպքից րոպեներ անց Հ.Ա.-ն, հանցանք կատարած լինելու անմիջականորեն ծագած հիմնավոր կասկածի հիմքով, ձերբակալվել է:

Նախաքննոթյան ընթացքում կատարվել են մի շարք քննչական և վարութային գործողություններ՝ դեպքի վայրի զննություն, որի ընթացքում բժշկական կենտրոնի ընդունարանի դիմաց՝ գետնին, հայտնաբերվել են արնանման հետքեր և արնանման հետքերով դանակ, վերցվել են փորձանմուշներ:

Տուժողի մարմնական վնասվածքների բնույթը, դրանց ստացման մեխանիզմը պարզելու նպատակով նշանակվել է դիակի դատաբժշկական փորձաքննություն: Հանգամանքները պարզվում են նախաքննությամբ:

Ծանուցում. Հանցանքի համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով դատարանի` օրինական ուժի մեջ մտած դատավճռով:

© progressgyumri.am  Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com

Վթարվել է ՊՆ ավտոմեքենա․ վիրավոր կամ հոսպիտալացված զինծառայողներ չկան

Այսօր ժամը՝ 12:30-ին, Նոր Գեղի-Աշտարակ ավտոճանապարհին բախվել են Պաշտպանության նախարարության «Վիլիսն» ու ՎԱԶ-2106-ը. «Վիլիսը» կողաշրջվել է. կան վիրավորներ։

ՊՆ մամուլի քարտուղար Արամ Թորոսյանը Iravaban.net-ին հայտնել Է, որ վթարի հետևանքով վիրավոր կամ հոսպիտալացված զինծառայողներ չկան:

© progressgyumri.am  Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com 

Լոռու, Շիրակի, Սյունիքի, Գեղարքունիքի մարզերում հրատապ 6 ծրագրեր կիրականացվեն, կտրամադրվի 248 մլն դրամ

Լոռու, Շիրակի, Սյունիքի և Գեղարքունիքի մարզերում հրատապ 6 ծրագրեր կիրականացվեն, որի համար կտրամադրվի 248 մլն դրամ: Այդ մասին որոշման նախագիծը Կառավարության՝ նոյեմբերի 15-ի նիստին ներկայացրեց ՏԿԵ նախարար Գնել Սանոսյանը:

«Լոռու մարզին կհատկացնենք 18 մլն 970 հազար դրամ, Շիրակի մարզին՝ շուրջ 150 մլն դրամ, Սյունիքի մարզին՝ 51 մլն դրամ, Տարածքային զարգացման հիմնադրամին՝ 28 միլիոն դրամ:

Ընդհանուր առմամբ նախատեսվում է 6 հրատապ ծրագրերի համար հատկացնել 248 մլն դրամ»,- ասաց նա՝ նշելով, որ ծրագիրը կիրականացնի Տարածքային զարգացման հիմնադրամը:

Վարչապետ Նիկոլ Փաշինյանը թվարկեց 6 հրատապ ծրագրերը, որոնց թվում են ջրհեղեղից վնասված Քարկոփի դպրոցի մասնակի վերանորոգում, Շիրակի մարզի 2 համայնքում խմելու ջրի ջրատարի, ջրամատակարարման, ներքին ցանցի կառուցապատում, Գյումրիում՝ շենքի 3 մուտքի ուժեղացում, Սիսիանում՝ շենքերի 2 տանիքի վերանորոգում, Մեղրիում՝ մանկապարտեզի հարակից տարածքի դրենաժային համակարգի կառուցման նախագծահաշվարկային փաստաթղթերի ձեռքբերում, Սևանի կոյուղատարի վերանորոգում:

© progressgyumri.am  Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com

Դատաիրավական, ուժային կառույցների ներկայացուցիչներ, իմ համբերության բաժակը լցվել է. Փաշինյան

Նոյեմբերից Հայաստանի բոլոր մարզերում ձևավորվել է քրեական ոստիկանությունը, որը զբաղվում է ծանր ու առանձնապես ծանր հանցագործություններով։ Զուգահեռաբար ձևավորվել են համայնքային ոստիկանության ստորաբաժանումներ, որոնք զբաղվելու են համեմատաբար փոքր հանցանքների օպերատիվ սպասարկմամբ ու քաղաքացիական գործառույթներ են ունենալու։ Գոյություն ունի նաև պարեկային ոստիկանությունը։ Կառավարության նիստում այս մասին հայտարարեց վարչապետ Նիկոլ Փաշինյանը՝ տեղեկացնելով, որ կիրառվելու է ուղղաձիգ կառավարում, նոր կառույցները ենթարկվելու են հանրապետական ոստիկանությանը. «մարզային աստիճանակարգություն գոյություն չի ունենալու»։

Փաշինյանի խոսքով՝ 2025-ի հոկետմբերի 1-ից կգործի նաև ոստիկանության գվարդիան, որը լինելու է ոստիկանության զորքերի իրավահաջորդը։

«Ոստիկանությունը ոստիկանություն է նրանով, որ ըստ պատեհության ուժ կիրառի»,- հայտարարեց Փաշինյանը՝ ավելացնելով, որ ուժի կիրառման ստանդարտ Հայաստանում գոյություն չունի։

Դիմելով դատաիրավական ոլորտի ղեկավարներին՝ Փաշինյանն ասաց, որ արդյունքներ են պետք. «Ի հեճուկս թոշակների, սոցիալական խնդիրների, մենք աշխատավարձեր ենք բարձրացրել իրավապահ մարմիններում, կառույցներ ենք ստեղծել, սարքեր, ավտոմեքենաներ ենք առել, օրենքներ ենք փոխել, բայց չունենք բացատրություններ։ Մարդիկ չեն հավատում, որ բոլոր այդ բեմականացումների սցենարների տակ ես չեմ ստորագրել։ Ես չեմ ուզում հասնենք նրան, որ մենք գնանք նորից շենքեր շրջափակենք։ Կոռուպցիոներները սրճարաններում առավոտից երեկո քեֆ են անում։ Ի՞նչն ենք սխալ անում, ի՞նչ չենք տվել մեր իրավապահներին»,- բողոքեց Փաշինյանը։

Նրա խոսքով՝ «նրանք, ովքեր ճռռիկ-վռռիկներ էին անում, հիմա նույն բանը անում են»։

«Դատական, իրավապահ, ուժային կառույցների հարգելի ներկայացուցիչներ, իմ համբերության բաժակը լցվել է։ Ես ուղիղ բոլորիդ ասում եմ, կարծես՝ քյասիբի ռադիո լինեմ։ Գալիս եմ ձեր միջոցառումներին, ելույթ ունենում, ծափ եք տալիս, հետո հաջորդ տարի նորից գալիս եմ, նույն ելույթը, ավելի ուժգին եք ծափահարում…ո՞վ է ում ձեռ առնում։ Սրա վերջը եկել է, ես էլ բան չունեմ տալու։ Ինչ ինձնից ուզել եք, տվել եմ, ես որ գյուղ մտնում եմ, ասում են, որ այն ժամանակ էլ էին ինչ-որ մեկից վախենում, հիմա էլ»,- հայտարարեց վարչապետը։

Նիկոլ Փաշինյանի կարծիքով՝ եթե իշխանությունը թույլ է, ուրեմն թույլ են իրավապահ մարմինները։ Նա հայտարարեց, որ արդեն որոշումներ է կայացնելու և թույլ չի տալու, որ «վարչապետի ասածը բան էր, որ ասվեց, անցավ, գնաց»։

© progressgyumri.am  Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com

«2000-ից ավել աշխատակցի աշխատավարձ է վճարվել»․ Քնարիկ Հարությունյան

Գյումրու համայնքապետարանի աշխատակիցների աշխատավարձի խնդիրը կարգավորված է: Երեկ Կառավարության հետ հարցուպատասխանի ժամանակ վարչապետ Նիկոլ Փաշինյանը հայտարարել էր, որ նրանք  ստանալու են իրենց հասանելիք գումարը:  Նոյեմբերի 14-ին արդեն մոտ 2000-ից ավել  աշխատակցի աշխատավարձ է վճարվել:

Ֆեյսբության իր էջում գրել է Գյումրու ՔՊ խմբակցության ղեկավար Քնարիկ Հարությունյանը։