Նորություններ

Քրեական գործ Գյումրու ավագանու անդամի գլխավորած բուժհիմնարկում՝ պաշտոնեական կեղծիք կատարելու փաստով

Aravot.am-ին տեղեկություններ էին հասել այն մասին, որ Գյումրիի ուռուցքաբանական դիսպանսեր ՓԲԸ-ում պաշտոնեական կեղծիք ու յուրացում կատարելու, մասնավորապես մահացած անձանց անունով դեղեր դուրս գրելու փաստի առիթով Շիրակի մարզի քննչական բաժնում հարուցվել է քրեական գործ: Հիշեցնենք, որ այս բժշկական հաստատությունը 3 տարի առաջ հանրապետության մի քանի այլ առողջապահական հիմնարկների հետ հայտնվել էր դեղորայքի գծով պետգնումների ոլորտում իրավախախտ ընկերությունների ցանկում: Այդ ժամանակ սկսվել էին ուսումնասիրություններ՝ պարզելու, թե արդյոք դեղերը հասե՞լ էին ճիշտ հասցեատերերին: Հանրապետության 18 բուժհաստատություններից միայն Գյումրու ուռուցքաբանականում էր հայտնաբերվել հանցագործություն պարունակող խախտում, տվյալ դեպքում մահացած անձի անունով դուրս գրված դեղորայք: Այսինքն, քրեական գործի քննությամբ մյուս բուժհաստատություններում հայտնաբերված խախտումները եղել էին վարչական, ու հանցագործություն չէին պարունակել: Շիրակի մարզի դատախազ Րաֆֆի Ասլանյանը հաստատեց քրեական գործ հարուցելու մասին մեր տեղեկությունը՝ նշելով, որ քրգործ հարուցվել է ՀՀ քրեական օրենսգրքի 314 եւ 179 հոդվածներով: 314 հոդվածը կոչվում է «Պաշտոնեական կեղծիքը », Հոդված 179.  «Յուրացնելը կամ վատնելը»: Նշենք, որ Գյումրու ուռուցքաբանական դիսպանսերի տնօրենը Վալերիկ Շիրինյանն է, որը Գյումրու ավագանու անդամ է: Ի դեպ, նա ավագանու այն միակ անդամն է, որի լուսանկարը քաղաքապետարանի պաշտոնական կայքում  տեղադրված չէ: Հիշեցնենք, որ մեկ այլ քրեական գործ էլ հարուցվել է Գյումրու ավագանու անդամ, Էնրիկո Մատտեի անվան պոլիկլինիկայի գործադիր տնօրեն Գագիկ Ադամյանի կողմից փաստաթղթեր կեղծելու դեպքի առթիվ: Նունե ԱՐԵՎՇԱՏՅԱՆ

Ամբողջական հոդվածը կարող եք կարդալ այս հասցեով՝ http://www.aravot.am/2015/07/21/594811/

© 1998 – 2015 Առավոտ – Լուրեր Հայաստանից

Գյումրի համայնքի ավագանու նիստ 2015թ. հուլիսի 17

 Հայաստանի Հանրապետության Շիրակի մարզի

Գյումրի համայնքի ավագանու   2015թ.  հուլիսի  17-  ի    N      -Ա  որոշման

ՕՐԱԿԱՐԳ

        ԳՅՈՒՄՐԻ  ՀԱՄԱՅՆՔԻ  ԱՎԱԳԱՆՈՒ  ՀԵՐԹԱԿԱՆ ՆԻՍՏԻ

      17  հուլիսի  2015 թվական, սկիզբը`  ժ. 12:00

   1.ԳՅՈՒՄՐԻ  ՀԱՄԱՅՆՔԻ  ԱՎԱԳԱՆՈՒ  2015 ԹՎԱԿԱՆԻ   ՀՈՒԼԻՍԻ 17-Ի  ՀԵՐԹԱԿԱՆ  ՆԻՍՏԻ ՕՐԱԿԱՐԳԸ  ՀԱՍՏԱՏԵԼՈՒ  ՄԱՍԻՆ

                       (ԶԵԿՈՒՑՈՂ՝ Ս.ԲԱԼԱՍԱՆՅԱՆ)

2. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ ԱՎԱԳԱՆՈՒ 2014 ԹՎԱԿԱՆԻ ԴԵԿՏԵՄԲԵՐԻ 12-Ի N 205-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Լ. ՋԻԼԱՎՅԱՆ)

3.ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ ԱՎԱԳԱՆՈՒ 2014 ԹՎԱԿԱՆԻ ԱՊՐԻԼԻ 18-Ի N 46-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Լ. ՋԻԼԱՎՅԱՆ)

4.ՀԱՇՄԱՆԴԱՄՈՒԹՅՈՒՆ ՈՒՆԵՑՈՂ ԱՆՁԱՆՑ «ԱՐՄԻՆԵ» ԿՐԹԱՄՇԱԿՈՒԹԱՅԻՆ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆԸ ՈՐՊԵՍ  ՆՎԻՐԱՏՎՈՒԹՅՈՒՆ ԴՐԱՄԱԿԱՆ ՄԻՋՈՑՆԵՐ  ՀԱՏԿԱՑՆԵԼՈՒ  ՄԱՍԻՆ

 (ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Լ. ՋԻԼԱՎՅԱՆ)

5.ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ   ՃԱՆԱՊԱՐՀԱՅԻՆ ԵՐԹԵՎԵԿՈՒԹՅԱՆ ՆՇԱՆՆԵՐԻ ԵՎ ՃԱՆԱՊԱՐՀՆԵՐԻ ԳԾԱՆՇՄԱՆ  ԱՇԽԱՏԱՆՔՆԵՐԻ ԳՆՄԱՆ   ՀԱՄԱՐ ԴՐԱՄԱԿԱՆ ՄԻՋՈՑՆԵՐ ՀԱՏԿԱՑՆԵԼՈՒ ՄԱՍԻՆ

 (ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Լ. ՋԻԼԱՎՅԱՆ)

6.ՇԻՐԱԿԻ ԹԵՄԻ ՍՈՒՐԲ ԱՍՏՎԱԾԱԾԻՆ « ՅՈԹ ՎԵՐՔ » ԵԿԵՂԵՑՈՒ ԵՐԻՏԱՍԱՐԴԱՑ ՄԻՈՒԹՅՈՒՆ « ԳՅՈՒՄՐՈՒ ՈՒՍԱՆՈՂԱԿԱՆ ԽՈՐՀՈՒՐԴ » ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆԸ ՈՐՊԵՍ  ՆՎԻՐԱՏՎՈՒԹՅՈՒՆ ԴՐԱՄԱԿԱՆ ՄԻՋՈՑՆԵՐ  ՀԱՏԿԱՑՆԵԼՈՒ  ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Լ. ՋԻԼԱՎՅԱՆ)

7.ՀԱՅԱՍՏԱՆԻ  ՀԱՆՐԱՊԵՏՈՒԹՅԱՆ  ՇԻՐԱԿԻ ՄԱՐԶԻ  ԳՅՈՒՄՐԻ  ՀԱՄԱՅՆՔԻ <<ԱՐԱՄ ՍԱՐԳՍՅԱՆԻ ԱՆՎԱՆ ՀԱՄԱԼԻՐ ՄԱՐԶԱԴՊՐՈՑ>> ՀԱՄԱՅՆՔԱՅԻՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ՇԵՆՔԻ ՎԵՐԱՆՈՐՈԳՄԱՆ ՀԱՄԱՐ  ԱՆՀՐԱԺԵՇՏ ՇԻՆԱՐԱՐԱԿԱՆ ՆՅՈՒԹԵՐ ՁԵՌՔ  ԲԵՐԵԼՈՒ ՆՊԱՏԱԿՈՎ ԴՐԱՄԱԿԱՆ ՄԻՋՈՑՆԵՐ ՀԱՏԿԱՑՆԵԼՈՒ ՄԱՍԻՆ

 (ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Լ. ՋԻԼԱՎՅԱՆ)

8. ԳՅՈՒՄՐՈՒ «ԽՈՐԱՆ ԱՐԴ» ԻՆՏԵԼԵԿՏՈՒԱԼ ԿԵՆՏՐՈՆ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆԸ  ՈՐՊԵՍ  ՆՎԻՐԱՏՎՈՒԹՅՈՒՆ ԴՐԱՄԱԿԱՆ ՄԻՋՈՑՆԵՐ  ՀԱՏԿԱՑՆԵԼՈՒ  ՄԱՍԻՆ

 (ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Լ. ՋԻԼԱՎՅԱՆ)

9.ՍՈՑԻԱԼԱՊԵՍ ԱՆԱՊԱՀՈՎ ԹՎՈՎ 198 ( ՀԱՐՅՈՒՐ ԻՆՆՍՈՒՆՈՒԹ) ԱՆՁԱՆՑ ԴՐԱՄԱԿԱՆ ՕԳՆՈՒԹՅՈՒՆ ՏՐԱՄԱԴՐԵԼՈՒ ՄԱՍԻՆ

10.ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ ԱՎԱԳԱՆՈՒ 2015 ԹՎԱԿԱՆԻ ՄԱՐՏԻ 25-Ի NN 24-Ա, 38-Ա,  42-Ա ՈՐՈՇՈՒՄՆԵՐԻ ՄԵՋ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂՆԵՐ՝ Լ. ՋԻԼԱՎՅԱՆ

Ս. ՄԻՆԱՍՅԱՆ)

1.  ՀՈՎՀԱՆՆԵՍ ՇԻՐԱԶԻ ԵՎ ԱՎԵՏԻՔ ԻՍԱՀԱԿՅԱՆԻ ԱՆՎԱՄԲ ՀՈՒՇԱՄԵԴԱԼՆԵՐԻ ԼԱՎԱԳՈՒՅՆ ԷՍՔԻԶՆԵՐԻ   ՀԱՄԱՐ  ԴՐԱՄԱԿԱՆ ՄՐՑԱՆԱԿՆԵՐ ՍԱՀՄԱՆԵԼՈՒ   ՄԱՍԻՆ

 (ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ. ԳԱՍՊԱՐՅԱՆ)

2. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆԸ ՀՈՂԱՄԱՍ ԵՎ ԱՆՇԱՐԺ ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ

 (ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ. ԳԱՍՊԱՐՅԱՆ)

3. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՔԱՂԱՔԻ ԱԼԵՔ ՄԱՆՈՒԿՅԱՆ ՓՈՂՈՑ N 2/17 ՀԱՍՑԵԻ ՀՈՂԱՄԱՍԻ ՆԿԱՏՄԱՄԲ  ԳՅՈՒՄՐԻ ՀԱՄԱՅՆՔԻ ՍԵՓԱԿԱՆՈՒԹՅԱՆ  ԻՐԱՎՈՒՆՔԸ  ՓՈԽԱՆԱԿՈՒԹՅԱՆ ՄԻՋՈՑՈՎ ՕՏԱՐԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ.ԳԱՍՊԱՐՅԱՆ)

4. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՔԱՂԱՔԻ ՇԱՐԱ ՏԱԼՅԱՆ ՓՈՂՈՑ N 9/11 ՀԱՍՑԵԻ ՀՈՂԱՄԱՍԻ ՆԿԱՏՄԱՄԲ ԳՅՈՒՄՐԻ ՀԱՄԱՅՆՔԻ ՍԵՓԱԿԱՆՈՒԹՅԱՆ ԻՐԱՎՈՒՆՔԸ ՓՈԽԱՆԱԿՈՒԹՅԱՆ ՄԻՋՈՑՈՎ ՕՏԱՐԵԼՈՒ ՄԱՍԻՆ

 (ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ.ԳԱՍՊԱՐՅԱՆ)

5. 15. <<ԷԼԲԻՍՏ>> ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ 2013-2014 ԹՎԱԿԱՆՆԵՐԻ ԸՆԹԱՑՔՈՒՄ ԳՈՅԱՑԱԾ, ԳՅՈՒՄՐԻ ՔԱՂԱՔԻ ՄԱՏՆԻՇՅԱՆ 5/1 ՀԱՍՑԵՈՒՄ ԳՏՆՎՈՂ ՇԻՆՈՒԹՅԱՆ ԳՈՒՅՔԱՀԱՐԿԻ ԵՎ ՄԱՏՆԻՇՅԱՆ 5/1, ՄԱՏՆԻՇՅԱՆ 5/2, ԽՐԻՄՅԱՆ ՀԱՅՐԻԿ 47/1 ՀԱՍՑԵՆԵՐԻ  ՀՈՂԻ ՀԱՐԿԻ ՏՈՒՅԺԵՐԻ ԵՎ ՏՈՒԳԱՆՔՆԵՐԻ ԳՈՒՄԱՐՆԵՐԻ ՎՃԱՐՈՒՄՆԵՐԻ  ՆԿԱՏՄԱՄԲ ԱՐՏՈՆՈՒԹՅՈՒՆՆԵՐ ՍԱՀՄԱՆԵԼՈՒ  ՄԱՍԻՆ

 (ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Ս. ՄԻՆԱՍՅԱՆ)

Չեն բավարարվել Գյումրու բյուջեի 2-րդ եռամսյակի գումարները, իսկ քաղաքապետն ու ավագանին որոշում են «Վերջին զանգ» կազմակերպել

Հեղինակ` Անի Մկրտչյան asparez.am

Գյումրու քաղաքային բյուջեի 2015 թվականի 2-րդ եռամսյակում նախատեսված գումարներն այլեւս չեն բավարարում, անհրաժեշտ է պահանջված գումարը ծախսել արդեն 3-րդ եռամսյակից: Այս մասին ավագանու նիստի հենց սկզբից հայտնեց աշխատակազմի ֆինանսատնտեսագիտական բաժնի պետ Լենա Ջիլավյանն ու զեկուցեց համապատասխան նախագծի մասին, համաձայն որի` բյուջեում անհրաժեշտ է կատարել փոփոխություններ` տեղաշարժեր:

Հակառակ այս ամենին` նույն ավագանու նիստի ընթացքում լուռ քննարկվեցին ու հաստատվեցին մեծ գումարների տրամադրման նախագծերը, որոնցից ամենահետաքրքիրը գյումրեցիների համար, թերեւս, 8 մլն դրամ արժողությամբ «Վերջին զանգ» համաքաղաքային միջոցառումն է:

Գյումրեցիների մեծ մասը կողմ է նման միջոցառման անցկացմանը. կողմ չէ, սակայն միջոցառման համար 8 մլն դրամ գումարի ծախսմանը, որը չի արդարացվում քաղաքի այս սոցիալ-տնտեսական վատ պայմաններում:

Արդեն իսկ հայտնի է, որ դատարկվող քաղաքում նվազում են տեղական  հարկերի եւ տուրքերի վճարման ծավալները, փակվում են նաեւ որոշ խանութներ, ինչն էլ խոսում է առաջիկայում քաղաքի՝ առանց այն էլ աղքատիկ բյուջեի էլ ավելի սուղ լինելու հավանականության մասին:

Քաղաքապետ Ս. Բալասանյանը, սակայն, 8 մլն դրամ գումարը, որքան էլ զարմանալի թվա, փոքր ու քիչ է համարում նման ճոխ միջոցառում կազակերպելու համար եւ հիշեց նախորդ տարվա «Քաղաքի օրը» տոնակատարության որոշ բացթողումների մասին:

-Հիշո՞ւմ եք, որ Արա Գեւորգյանը համերգ պիտի տար, այսինքն` մենք հիմի պայմանավորվեցինք, որ Քաղաքի օրվա հետ կապված` Արա Գեւորգյանը համերգ տա եւ սա երիտասարդներին է նվիրված լինելու: Համապատասխան խումբ կա, երիտասարդներ կան, տարբեր մրցույթների են մասնակցել,-քաղաքապետն ուրվագծում է նախատեսվող միջոցառման ձեւաչափն ու շարունակում,-կենտրոնական հրապարակում է լինելու,  հրավառություն է լինելու, շատ  փոքր է  գումարը, ճիշտն ասած:

Քաղաքապետի  նշած այդ փոքր գումարի շրջանակում հնարավոր էր ոչ մեծ փողոցներ ասֆալտապատել կամ քաղաքի տարբեր հատվածներում մինչ օրս գերխնդիր դարձած լուսավորության հարցը լուծել:

Թե ինչպես Գյումրու ավագանին լուռ ու հնազանդ բոլոր հարցերին կողմ էր քվեարկում

Հեղինակ` Անի Մկրտչյան asparez.am

Տարբեր նպատակների համար քաղաքի բյուջեից կծախսվի 40 մլն-ից ավել դրամ:Երեկ Գյումրու Ավագանու նիստին ներկա չէր ավագանու 3-4 անդամ, նիստը տեւեց մոտ մեկ ժամ: Օրակարգում ընդգրկված էր 24 հիմնական եւ 3 լրացուցիչ հարց: Յուրաքանչյուր հարցի զեկուցումն ու քննարկումը տեւում էր 1-2 րոպե: Հարցերի` քաղաքապետարանի պաշտոնյաների զեկուցումից հետո քաղաքապետ Ս.Բալասանյանն արագ դիմում էր ավագանու անդամներին. «Հարցեր կա՞ն….ելույթնե՞ր…նույնպես չկա՞ն, դրեցինք քննարկման»: Ավագանու անդամները 27 հարցին էլ կողմ քվեարկեցին, ձեռնպահ արտահայտվողներ անգամ չեղան. ողջ նիստի ընթացքում մեկ հարց անգամ չհնչեց ավագանու անդամներից գոնե մեկի կողմից:

Այս ավագանու նիստը եւս աչքի ընկավ համայնքային բյուջեից տարբեր նպատակների համար մեծ ու փոքր գումարներ հատկացնելով: 40 մլն դրամից ավել գումար քաղաքապետարանը համայնքային բյուջեից հատկացնելու է տարբեր կառույցների եւ անհատների: Այսպես` 8 մլն դրամ «Վերջին զանգ» կազմակերպելու, 15 մլն դրամ` համահայկական 6-րդ խաղերին մասնակցելու,  5 մլն դրամ`  մանկապարտեզների շրջանավարտների եւ սոցիալապես անապահով 1000 երեխայի համար պայուսակների եւ գրենական պիտույքների գնման, 2 մլն 270 հազար դրամ` սոցիալապես անապահով 207 անձանց, 200 հազար դրամ` Հրաձգության մարզադպրոց ՀՈԱԿԻ-ի համար անհրաժեշտ օդամղիչ հրացանի փամփուշտներ ձեռք բերելու,  3 մլն 18 հազար դրամ`  առավել բարձր արդյունքների հասած գյումրեցի մարզիկներին, մարզիչներին դրամական պարգեւներ հատկացնելու համար եւ այլն:

Լրացուցիչ 3 հարցը եւս առանձնացավ ֆինանսական միջոցներ տրամադրելով:

Ավագանին որոշեց 80 հազար դրամ հատկացնել Գյումրիում բնակվող Ա. Դավոյանի ընտանիքին: Ի դեպ, այս ընտանիքի սոցիալական ծանր պայմաններին եւ ընտանիքում ստեղծված բարոյահոգեբանական մթնոլորտին լրատվամիջոցներն արդեն 2 տարի շարունակ անդրադառնում էին: Քաղաքապետարանը, կարծես, արդեն լուծման տարբերակ է գտել: Ներկայում ընտանիքի 3 անչափահասները բնակվում են «Թռչունյան տուն» մանկատանը, ծնողների հետ աշխատանքներ են տարվելու:

2 մլն 500 հազար դրամ ավագանին որոշեց հատկացնել «Հուսո առագաստ» մանկապարտեզին` ջերմամեկուսացման եւ էներգախնայողության աշխատանքներ կատարելու նպատակով: Աշխատանքները կատարվելու են միջազգային դոնոր կազմակերպություններից մեկի հետ համատեղ: Այս մանկապարտեզը գործում է շենքային բավարար պայմաններում, գտնվում է «Անի» թաղամասում, իսկ տնօրենը Գյումրու ավագանու անդամներից մեկի հարազատն է:

Ավագանին որոշեց 5 մլն դրամ էլ հատկացնել «Գյումրու մեկ»  ՀԿ-ին, որը մշակութային մայրաքաղաք միջոցառման շրջանակներում կատարել է եւ շարունակելու է կատարել աշխատանքներ: Քանդակների սիմպոզիում եւ մշակութային միջոցառումների, կատարված այլ աշխաատանքների վերաբերյալ ՀԿ-ն պարտավորվում է հետագայում ներկայացնել կատարման ակտ:

Ս.Բալասանյան. «Պետք չէ քննադատել. քննադատեք էն բանի համար, որը, իրոք, կարելի է քննադատել»

Հեղինակ` Անի Մկրտչյան asparez.am

Գյումրու քաղաքապե՞տն է այսուհետ որոշելու` ինչ քննադատեն լրագրողները

Գյումրու ավագանու լուռ ու մունջ անդամները, առանց հարցերի ու ելույթների, կողմ քվեարկեցին նաեւ Գյումրու հավաքական թիմերի` Համաշխարհային համահայկական վեցերորդ խաղերին մասնակցությունն ապահովելու նպատակով համայնքի բյուջեից 15 մլն դրամ հատկացնելու հարցին:

Նշված գումարով ապրանքների եւ ծառայությունների ձեռքբերումն իրականացվելու է բանակցային ընթացակարգով` առանց գնումների հայտարարությունը նախապես հրապարակելու:

Համաձայն նախագծի հավելվածի` խաղերին մասնակցելու ընդհանուր ծախսը կազմում է 14 մլն 915 հազար 600 դրամ, որից համազգեստների համար հատկացվելու է 5 մլն 785 հազար 600 դրամ, իսկ ճանապարհածախսի համար` 9 մլն 130 հազար դրամ: Իսկ խաղերին մասնակցելու է 140 մարդ: 140 հատ մարզական համազգեստների համար նախատեսված է հատկացնել 3 մլն 500 հազար դրամ, 120 զույգ մարզական կոշիկնեի համար` 1 մլն 80 հազար դրամ, 20 զույգ սեփավոր կոշիկների համար` 300 հազար դրամ, 140 հատ մարզական վերնաշապիկի համար` 140 հազար դրամ, 140 հատ մարզական գլխարկի համար` 182 հազար դրամ, 100 հատ խաղային համազգեստի համար` 550 հազար դրամ եւ 28 հատ գետրիների համար` 33 հազար 600 դրամ:

«Ասպարեզն» իր նախկին հրապարակումներում անդրադարձել էր նիստին ներկայացվող այս նախագծին եւ հրապարակել «Մի քիչ ճոխ չէ՞. Գյումրու հավաքական թիմի մասնակցությունը խաղերին կարժենա 15 մլն դրամ» վերնագրով հոդված:

Ինչպես ակնհայտ դարձավ ավագանու նիստի ընթացքից, նշված հոդվածը քաղաքապետն ընթերցել էր ու ինքն իրեն, հավանաբար, նեղսրտել վերնագրից:

-Ես ձեզ ասեմ, շատ կարեւոր խնդիր է լուծվում այս պահին, որ այսօր համահայկական խաղերը տեղափոխվում են եւս 2 քաղաք` Գյումրի եւ Վանաձոր: Ճիշտն ասած` լրատվությամբ նույնիսկ սկսեցին քննադատել, թե, վայ, ոնց՝ համահայկական խաղերին էսքան գումար… էնպիսի տրամաբանություն է, որ մենք ինչ որ անում ենք բյուջեի մեջ, քննադատում են, ասում են` բերեք բաժանենք ժողովրդին, այսինքն` էսպիսի տրամաբանություն է: Մենք մարդ ենք, ապրում ենք, քաղաքը փոխվում է օրեցօր, անճանաչելի է դառնում, շատ մեծ բան է արվում քաղաքում, իսկ սպորտը ամենակարեւոր տեղերից մեկն է… Պետք չէ քննադատել, քննադատեք էն բանի համար, որը, իրոք, կարելի է  քննադատել,-ահա այսպիսի ելույթ ունեցավ քաղաքապետը, իսկ ավագանու անդամներից ոչ մեկը չարձագանքեց այս խոսքերին, հարց անգամ չուղղեցին, այլ՝ որպես նախագծի ընդունման ու կողմ քվեարկելու ազդանշան, միայն ձեռք բարձրացրին:

Քաղաքապետարանը նշված գումարի ծախսման վերաբերյալ թեպետ ներկայացրել ու հրապարակել է հավելված, սակայն այն մասնակիորեն է հիմնավորված: Ասենք, մոտ 9 մլն դրամ արժողությամբ ճանապարհածախսը, գիշերակացը որոշ գյումրեցիների համար շարունակելու է մնալ տրամաբանությունից դուրս, նույնքան տրամաբանությունից դուրս է նաեւ քաղաքապետի նշած անճանաչելի դարձած քաղաքը, երբ պաշտոնական տվյալներն իսկական ահազանգ են դատարկվող, աղքատության ցուցանիշով եւ արտագաղթի ընդգրկուն ծավալներով հայտնի Գյումրու համար:

Իսկ, գուցե, անճանաչելի ասելով` քաղաքապետն ի նկատի ուներ քաղաքի արձաննե՞րը, գռեհիկ կարկատվող փողոցնե՞րը, 8 մլն դրամ արժողությամբ կազմակերպվող «Վերջին զանգ» համաքաղաքային միջոցառո՞ւմը…

Գյումրու քաղաքապետարանը 8 մլն արժողությամբ «Վերջին զանգ» է կազմակերպում

Ինչպե՞ս արդարացնենք այս խոշոր գումարների ծախսումը, պարոն Բալասանյան

Հանրապետության երկրորդ քաղաքի հազար ու մի խնդիրները թողած` Գյումրու քաղաքապետարանն այս անգամ էլ ուզում է մի քանի ժամվա համար 8 մլն արժողությամբ «Վերջին զանգ» կազմակերպել:

Հունիսի 15-ին Գյումրու քաղաքապետարանում կայանալիք ավագանու հերթական նիստում քննարկվելու է քաղաքի դպրոցների շրջանավարտների վերջին զանգին նվիրված համաքաղաքային միջոցառումների կազմակերպման եւ անցկացման նպատակով 8 մլն դրամ հատկացնելու հարցը: Ըստ նախագծի հավելվածի` ստեղծագործական եւ կազմակերպական խմբերի վարձատրության համար հատկացվելու է 3 մլն 243 հազար, այդ թվում կազմակերպչական կազմին` 50 հազար, մենակատարներին` 770 հազար, համույթներին` 2 մլն 248 հազար, նվագախմբերին` 50 հազար, վարողներին, լուսանկարիչներին` 125 հազար, իսկ սարքավորումների վարձակալության եւ ծառայությունների մատուցման համար, համապատասխանաբար, 3 մլն 500 հազար եւ 1 մլն 257 հազար դրամ:

Քաղաքապետարանը, սակայն, նույն այս հավելվածում կոնկրետ եւ հստակ տեղեկություններ չի տալիս, թե որ նվագախմբերի, ինչ սարքավորումների, ինչ մենակատարների, համույթների մասին է խոսքը: Բացարձակ անհասկանալի է մնում, թե հարմարավետ ու լուսավոր գրասենյակների փափուկ բազմոցներին բազմած պաշտոնյաներն ինչպես են տեսնում երբեմնի հարուստ Լենինականի եւ այժմյան ժողովրդագրական մահ ապրող Գյումրու զարգացումը: Գուցե այս նույն պաշտոնյաները չեն էլ ուզում ընդունել, որ քայքայված տնակներում հազարավոր մանուկներ գիշերները կիսաքաղց են քուն մտնում, փտած տանիքներից կաթող անձրեւաջրերի դեմ են պայքարում օր ու գիշեր: Հազարավոր ընտանիքներ օրավուր հացը վաստակելու համար տքնաջան աշխատում են կամ հուսահատված աշխատանք փնտրում ու չեն գտնում, իսկ այս պայմաններում մեծ շռայլություն է 8 մլն դրամ ծախսել՝ քաղաքի աղքատ բյուջեից:

1-2 ամիս առաջ էլ քաղաքապետարանը քաղաքի աղքատիկ բյուջեից 7 մլն դրամ հատկացրեց Սայաթ-Նովայի արձանը կանգնեցնելու համար, իսկ ավելի վաղ նույն այդ խղճուկ բյուջեից քաղաքապետարանը, ավագնու որոշմամբ, 40-45 մլն դրամ հատկացրեց գունաերանգային շատրվաններ ունենալու համար: Սակայն որոշ ժամանակ անց քաղաքապետ Ս.Բալասանյանը հարցազրույցներից մեկում, հպարտանալով իր խնայողություններով, հայտարարել էր, թե շատրվանների համար ծախսվել է շուրջ 33 մլն դրամ: Սակայն գունաերանգային շատրվան առայժմ քաղաքը չի տեսել եւ անհայտ է մնում, թե այդ 33 մլն դրամը քաղաքապետարանն ինչպես է ծախսել:

Այս պայմաններում ինչպե՞ս արդարացնենք այս խոշոր գումարների ծախսումը, պարոն Բալասանյան:

Այս խոշոր գումարների ծախսումն արդարացված չի կարող լինել, քանի դեռ քաղաքն ապրում է ծայրահեղ աղքատություն, թշվառություն, արտագաղթողների թիվը տարեցտարի կրկնապատկվում ու եռապատկվում է, քառորդ դարից ավել չի լուծվում անօթեւանության խնդիրը, քաղաքի փողոցների 80 տոկոսն ավերակ է, համայնքապատկան կառույցների` մանկապարտեզների, գրադարանների, մարզադպրոցների, թանգարանների մեծ մասը չունեն շենքային նորմալ պայմաններ, այստեղ խնդիրների թիվն աստիճանաբար ավելանում է, իսկ լուծման տարբերակները մնում են թղթերի վրա:

Անի Մկրտչյան asparez.am

Մի քիչ ճոխ չէ՞. Գյումրու հավաքական թիմի մասնակցությունը խաղերին կարժենա 15 մլն դրամ

Միայն 9 մլն դրամից ավելի ճանապարհածախսի եւ գիշերակացի համար

Հունիսի 15-ին կայանալիք ավագանու հերթական նիստին քննարկվելու է Գյումրու հավաքական թիմերի` Համաշխարհային համահայկական վեցերորդ խաղերին մասնացությունն ապահովելու նպատակով 15 մլն դրամ հատկացնելու հարցը: Համաձայն որոշման նախագծի` գումարի շրջանակներում ապրանքների եւ ծառայությունների ձեռքբերումն իրականացվելու է բանակցային ընթացակարգով` առանց գնումների հայտարարությունը նախապես հրապարակելու:

Համաձայն նախագծի հավելվածի` խաղերին մասնակցելու ընդհանուր ծախսը կազմում է 14 մլն 915 հազար 600 դրամ, որից համազգեստների համար հատկացվելու է 5 մլն 785 հազար 600 դրամ, իսկ ճանապարհածախսի համար` 9 մլն 130 հազար դրամ:

Այսպես` խաղերին մասնակցելու է 140 մարդ: 140 հատ մարզական համազգեստների համար նախատեսված է հատկացնել 3 մլն 500 հազար դրամ, 120 զույգ մարզական կոշիկնեի համար` 1 մլն 80 հազար դրամ, 20 զույգ սեփավոր կոշիկների համար` 300 հազար դրամ, 140 հատ մարզական վերնաշապիկի համար` 140 հազար դրամ, 140 հատ մարզական գլխարկի համար` 182 հազար դրամ, 100 հատ խաղային համազգեստի համար` 550 հազար դրամ եւ 28 հատ գետրիների համար` 33 հազար 600 դրամ:

Անի Մկրտչյան asparez.am

Գյումրի համայնքի ավագանու հերթական նիստ 15 հունիսի 2015

ՕՐԱԿԱՐԳ

15 հունիսի  2015 թվական, սկիզբը`  ժ. 12:00

1.ԳՅՈՒՄՐԻ  ՀԱՄԱՅՆՔԻ  ԱՎԱԳԱՆՈՒ  2015 ԹՎԱԿԱՆԻ   ՀՈՒՆԻՍԻ 15-Ի  ՀԵՐԹԱԿԱՆ  ՆԻՍՏԻ ՕՐԱԿԱՐԳԸ  ՀԱՍՏԱՏԵԼՈՒ  ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ)

2. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ ԱՎԱԳԱՆՈՒ 2014 ԹՎԱԿԱՆԻ ԴԵԿՏԵՄԲԵՐԻ 12-Ի  N 205-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ  ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Լ. ՋԻԼԱՎՅԱՆ)

3. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ ԴՊՐՈՑՆԵՐԻ 2015ԹՎԱԿԱՆԻ ՇՐՋԱՆԱՎԱՐՏՆԵՐԻ ՎԵՐՋԻՆ ԶԱՆԳԻՆ ՆՎԻՐՎԱԾ ՀԱՄԱՔԱՂԱՔԱՅԻՆ ՄԻՋՈՑԱՌՈՒՄՆԵՐԻ  ԿԱԶՄԱԿԵՐՊՄԱՆ ԵՎ ԱՆՑԿԱՑՄԱՆ ՆՊԱՏԱԿՈՎ ԴՐԱՄԱԿԱՆ ՄԻՋՈՑՆԵՐ ՀԱՏԿԱՑՆԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Լ. ՋԻԼԱՎՅԱՆ)

4. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐՈՒ   ՀԱՄԱՅՆՔԱՅԻՆ  ԵՆԹԱԿԱՅՈՒԹՅԱՆ ՆԱԽԱԴՊՐՈՑԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ԱՎԱՐՏԱԿԱՆ ԽՄԲԵՐԻ ԵՎ ՍՈՑԻԱԼԱՊԵՍ   ԱՆԱՊԱՀՈՎ   ԸՆՏԱՆԻՔՆԵՐԻ ԵՐԵԽԱՆԵՐԻ ՀԱՄԱՐ ԴՊՐՈՑԱԿԱՆ ՊԱՅՈՒՍԱԿՆԵՐ   ԵՎ   ԳՐԵՆԱԿԱՆ   ՊԻՏՈՒՅՔՆԵՐ ՁԵՌՔ  ԲԵՐԵԼՈՒ ՆՊԱՏԱԿՈՎ ԴՐԱՄԱԿԱՆ ՄԻՋՈՑՆԵՐ  ՀԱՏԿԱՑՆԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Լ. ՋԻԼԱՎՅԱՆ)

5. ՍՈՑԻԱԼԱՊԵՍ ԱՆԱՊԱՀՈՎ ԹՎՈՎ 207 (ԵՐԿՈՒ ՀԱՐՅՈՒՐ ՅՈԹ) ԱՆՁԱՆՑ  ԴՐԱՄԱԿԱՆ ՕԳՆՈՒԹՅՈՒՆ ՏՐԱՄԱԴՐԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Լ. ՋԻԼԱՎՅԱՆ)

6. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ    ՀԱՎԱՔԱԿԱՆ ԹԻՄԵՐԻ ՄԱՍՆԱԿՑՈՒԹՅՈՒՆԸ ՀԱՄԱՇԽԱՐՀԱՅԻՆ ՀԱՄԱՀԱՅԿԱԿԱՆ ՎԵՑԵՐՈՐԴ ԽԱՂԵՐԻՆ ՊԱՏՇԱՃ   ՄԱԿԱՐԴԱԿՈՎ ԱՊԱՀՈՎԵԼՈՒ ՆՊԱՏԱԿՈՎ ԴՐԱՄԱԿԱՆ ՄԻՋՈՑՆԵՐ ՀԱՏԿԱՑՆԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Մ. ՂԱԶԱՐՅԱՆ)

7. ՀԱՅԱՍՏԱՆՒ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐՈՒ ՔԱՂԱՔԱՊԵՏԱՐԱՆԻ <<ՀՈՒՆԱ-ՀՌՈՄԵԱԿԱՆ ԸՄԲՇԱՄԱՐՏԻ ՄԱՐԶԱԴՊՐՈՑ>> ՀԱՄԱՅՆՔԱՅԻՆ ՈՉ  ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ՎԵՐԱՆՎԱՆՄԱՆ, ԿԱԶՄԱԿԵՐՊՈՒԹՅԱՆ ԿԱՆՈՆԱԴՐՈՒԹՅՈՒՆԸ ՆՈՐ ԽՄԲԱԳՐՈՒԹՅԱՄԲ ՀԱՍՏԱՏԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Մ. ՂԱԶԱՐՅԱՆ)

8. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ <<ՀՐԱՁԳՈՒԹՅԱՆ ՄԱՐԶԱԴՊՐՈՑ>> ՀԱՄԱՅՆՔԱՅԻՆ ՈՉ  ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆԸ ԱՆՀՐԱԺԵՇՏ ՕԴԱՄՂԻՉ ՀՐԱՑԱՆԻ ՓԱՄՓՈՒՇՏՆԵՐ ՁԵՌՔ ԲԵՐԵԼՈՒ ՆՊԱՏԱԿՈՎ ԴՐԱՄԱԿԱՆ ՄԻՋՈՑՆԵՐ ՀԱՏԿԱՑՆԵԼՈՒ  ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Մ. ՂԱԶԱՐՅԱՆ)

9. 2014 ԹՎԱԿԱՆԻ ԸՆԹԱՑՔՈՒՄ ԱՇԽԱՐՀԻ, ԵՎՐՈՊԱՅԻ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԱՋՆՈՒԹՅՈՒՆՆԵՐՈՒՄ ԱՌԱՎԵԼ ԲԱՐՁՐ ԱՐԴՅՈՒՆՔՆԵՐԻ ՀԱՍԱԾ ԳՅՈՒՄՐԵՑԻ ՄԱՐԶԻԿՆԵՐԻ ՄԱՐԶԻՉՆԵՐԻՆ, ԴՐԱՄԱԿԱՆ ՊԱՐԳԵՎՆԵՐ ՇՆՈՐՀԵԼՈՒ ՄԱՍԻՆ

ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Մ. ՂԱԶԱՐՅԱՆ)

10. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ  ՀԱՄԱՅՆՔԻ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՂԱՐԻԲՋԱՆՅԱՆ ԽՃՈՒՂԻ N 3/11 ՀԱՍՑԵԻ ՇԻՆՈՒԹՅՈՒՆՆ ՈՒ  ՀՈՂԱՄԱՍԸ  ՄՐՑՈՒՅԹՈՎ ՎԱՐՁԱԿԱԼՈՒԹՅԱՆ  ՏՐԱՄԱԴՐԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ. ԳԱՍՊԱՐՅԱՆ)

11. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ  ԳՅՈՒՄՐԻ ՔԱՂԱՔԻ ՇԱՀՈՒՄՅԱՆ  ՓՈՂՈՑ N 175/2 ՀԱՍՑԵՈՒՄ ԻՆՔՆԱԿԱՄ ԿԱՌՈՒՑՎԱԾ ՀԱՍԱՐԱԿԱԿԱՆ ՇԻՆՈՒԹՅՈՒՆԸ ԵՎ ՆՐԱ ՊԱՀՊԱՆՄԱՆ ՈՒ ՍՊԱՍԱՐԿՄԱՆ ՀԱՄԱՐ   ԶԲԱՂԵՑՐԱԾ ՀՈՂԱՄԱՍԸ   ՎԱՐՁԱԿԱԼՈՒԹՅԱՆ ՏՐԱՄԱԴՐԵԼՈՒ ԵՎ ՎԱՐՁԱՎՃԱՐԻ ՉԱՓ ՍԱՀՄԱՆԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ. ԳԱՍՊԱՐՅԱՆ)

12. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ  ԳՅՈՒՄՐԻ ՔԱՂԱՔԻ ՎԱԶԳԵՆ ՍԱՐԳՍՅԱՆ   ՓՈՂՈՑ N 6/3 ՀԱՍՑԵՈՒՄ ԻՆՔՆԱԿԱՄ ԿԱՌՈՒՑՎԱԾ ՏԱՂԱՎԱՐԸ   ԵՎ ՆՐԱ ՊԱՀՊԱՆՄԱՆ ՈՒ ՍՊԱՍԱՐԿՄԱՆ ՀԱՄԱՐ   ԶԲԱՂԵՑՐԱԾ ՀՈՂԱՄԱՍԸ    ՎԱՐՁԱԿԱԼՈՒԹՅԱՆ ՏՐԱՄԱԴՐԵԼՈՒ ԵՎ ՎԱՐՁԱՎՃԱՐԻ ՉԱՓ ՍԱՀՄԱՆԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ. ԳԱՍՊԱՐՅԱՆ)

13. ՄՐՑՈՒՅԹՈՎ ՎԱՐՁԱԿԱԼՈՒԹՅԱՆ  ՏՐԱՄԱԴՐԵԼՈՒ ՀԱՄԱՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ԱՌԱՆՁՆԱՑՎԱԾ ՀՈՂԱՄԱՍԵՐԻ ՎԱՐՁԱՎՃԱՐՆԵՐԻ ՄԵԿՆԱՐԿԱՅԻՆ ՉԱՓԵՐՆ ՈՒ ՊԱՅՄԱՆՆԵՐԸ ՀԱՍՏԱՏԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ.ԳԱՍՊԱՐՅԱՆ)

14. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐՈՒ ՀԱՄԱՅՆՔԱՅԻՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ, ԿԱՌՈՒՑԱՊԱՏՄԱՆ ՆՊԱՏԱԿՈՎ ԱՌԱՆՁՆԱՑՎԱԾ ՀՈՂԱՄԱՍԵՐՆ ԱՃՈՒՐԴՈՎ ՕՏԱՐԵԼՈՒ ԵՎ ԱՃՈՒՐԴԻ ՄԵԿՆԱՐԿԱՅԻՆ ԳՆԵՐՆ ՈՒ ՊԱՅՄԱՆՆԵՐԸ ՀԱՍՏԱՏԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ.ԳԱՍՊԱՐՅԱՆ)

15. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ ՍԵՓԱԿԱՆՈՒԹՅՈՒՆ  ՀԱՆԴԻՍԱՑՈՂ  ՌԻԺԿՈՎԻ ՓՈՂՈՑԻ N 1/11 ՀԱՍՑԵԻ ՀՈՂԱՄԱՍԸ ՄՐՑՈՒՅԹՈՎ ԿԱՌՈՒՑԱՊԱՏՄԱՆ ԻՐԱՎՈՒՆՔՈՎ ՏՐԱՄԱԴՐԵԼՈՒ ԵՎ ՀՈՂԱՄԱՍԻ ՎԱՐՁԱՎՃԱՐԻ ՄԵԿՆԱՐԿԱՅԻՆ ՉԱՓԸ  ՀԱՍՏԱՏԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ.ԳԱՍՊԱՐՅԱՆ)

16. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՔԱՂԱՔԻ ՇԻՐԱԿԱՑՈՒ ՓՈՂՈՑ N 201 ՀԱՍՑԵԻ ՇԵՆՔԸ ՎԱՐՁԱԿԱԼՈՒԹՅԱՆ ՏՐԱՄԱԴՐԵԼՈՒ ԵՎ ՎԱՐՁԱՎՃԱՐԻ ՄԵԿՆԱՐԿԱՅԻՆ ՉԱՓ ՍԱՀՄԱՆԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ.ԳԱՍՊԱՐՅԱՆ)

17. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆԸ ԱՆՀԱՏՈՒՅՑ (ՄՇՏԱԿԱՆ) ՕԳՏԱԳՈՐԾՄԱՆ ՀՈՂԱՄԱՍԵՐ ՏՐԱՄԱԴՐԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ.ԳԱՍՊԱՐՅԱՆ)

18. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՄՈՎՍԵՍ ԽՈՐԵՆԱՑՈՒ  ՓՈՂՈՑԻ N 2 ՇԵՆՔԻ N 36 ԲՆԱԿԱՐԱՆԸ «ԲԱՐՁՐԱԲԵՐԴ»  ՀԱՄԱՏԻՐՈՒԹՅԱՆՆ ԱՆՀԱՏՈՒՅՑ  ՕԳՏԱԳՈՐԾՄԱՆ ՏՐԱՄԱԴՐԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝  Հ.ԳԱՍՊԱՐՅԱՆ)

19. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ ԱՎԱԳԱՆՈՒ 2015 ԹՎԱԿԱՆԻ ՓԵՏՐՎԱՐԻ 6-Ի  N 19-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ  ԿԱՏԱՐԵԼՈՒ  ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ.ԳԱՍՊԱՐՅԱՆ)

20. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ ԱՎԱԳԱՆՈՒ 2014 ԹՎԱԿԱՆԻ ԴԵԿՏԵՄԲԵՐԻ 12-Ի N 185-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ. ԳԱՍՊԱՐՅԱՆ)

21. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ  ԳՅՈՒՄՐԻ ՀԱՄԱՅՆՔԻ ԱՎԱԳԱՆՈՒ 2015 ԹՎԱԿԱՆԻ  ՄԱՐՏԻ 25-Ի N 29-Ա ՈՐՈՇՄԱՆ ՄԵՋ  ՓՈՓՈԽՈՒԹՅՈՒՆ ԿԱՏԱՐԵԼՈՒ  ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ. ԳԱՍՊԱՐՅԱՆ)

22. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ  ԳՅՈՒՄՐԻ ՀԱՄԱՅՆՔԻ ԱՎԱԳԱՆՈՒ 2015 ԹՎԱԿԱՆԻ  ՓԵՏՐՎԱՐԻ  6-Ի N 17-Ա ՈՐՈՇՄԱՆ ՄԵՋ  ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ  ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Ա. ԳՐԻԳՈՐՅԱՆ)

23. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ ԱՎԱԳԱՆՈՒ 2014 ԹՎԱԿԱՆԻ ԴԵԿՏԵՄԲԵՐԻ 12-Ի N  190-Ա  ԵՎ 2015 ԹՎԱԿԱՆԻ ՓԵՏՐՎԱՐԻ 6-Ի NN 15-Ն,  20-Ն, 21-Ն ՈՐՈՇՈՒՄՆԵՐԻ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Հ. ԳԱՍՊԱՐՅԱՆ)

24. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ԵՎ ՉԻՆԱՍՏԱՆԻ ԺՈՂՈՎՐԴԱԿԱՆ ՀԱՆՐԱՊԵՏՈՒԹՅԱՆ ՍԻԱՆ ՔԱՂԱՔՆԵՐԻ ՄԻՋԵՎ 2015 ԹՎԱԿԱՆԻ ՀՈՒՆԻՍԻ 8-ԻՆ ԿՆՔՎԱԾ ԲԱՐԵԿԱՄԱԿԱՆ ՀԱՐԱԲԵՐՈՒԹՅՈՒՆՆԵՐ ՀԱՍՏԱՏԵԼՈՒ ՀԱՄԱՁԱՅՆԱԳԻՐԸ ՎԱՎԵՐԱՑՆԵԼՈՒ ՄԱՍԻՆ

(ԶԵԿՈՒՑՈՂ՝ Ս.ԲԱԼԱՍԱՆՅԱՆ

ՀԱՐԱԿԻՑ ԶԵԿՈՒՑՈՂ՝ Ա. ՀՈՎՀԱՆՆԻՍՅԱՆ)

ԳՅՈՒՄՐՈՒ ՔԱՂԱՔԱՊԵՏ ՍԱՄՎԵԼ ԲԱԼԱՍԱՆՅԱՆՆ ԸՆԴՈՒՆԵՑ ՊԱՇՏՈՆԱԿԱՆ ԱՅՑՈՎ ԳՅՈՒՄՐԻ ԺԱՄԱՆԱԾ ՉԻՆԱՍՏԱՆԻ ՍԻԱՆ ՔԱՂԱՔԻ ՊԱՏՎԻՐԱԿՈՒԹՅՈՒՆԸ

Այսօր՝ հունիսի 8-ին, Գյումրու քաղաքապետ Սամվել Բալասանյանն ընդունեց պաշտոնական այցով Գյումրի ժամանած Չինաստանի Սիան քաղաքի պատվիրակությունը` Սիանի քաղաքապետ Դոն Ցզյունի գլխավորությամբ, որի կազմում էին ՉԺՀ բարձրաստիճան պաշտոնյաներ և գործարարներ: Քաղաքապետ Սամվել Բալասանյանը նախ ողջունեց հյուրերին՝ շեշտելով հայ և չինացի ժողովուրդների միջև գոյություն ունեցող բարեկամական կապերը, այդ թվում՝ Գյումրի և Սիան քաղաքների միջև համագործակցությունը: Ըստ Սամվել Բալասանյանի, դեռևս 2013թ.-ից երկու քաղաքների միջև առկա է ակտիվ երկխոսություն և համագործակցության խորացման համար բարենպաստ պայմաններ:
Իր հերթին Սիանի քաղաքապետ Դոն Ցզյունը կարեւորեց իրենց այցը Գյումրի, միաժամանակ ընդգծելով, որ Գյումրին եւ Սիանը Մետաքսի ճանապարհի կարևորագույն քաղաքներից են, որոնք ունեն հարուստ պատմություն ու մշակույթ: Երկու կողմերն էլ պատրաստակամություն հայտնեցին աջակցելու համագործակցային կապերի ամրապնդմանը: Հանդիպման վերջում տեղի ունեցավ Տերրա Կոտա արձանի բացումը, որը Սիան քաղաքի նվերն է Գյումրիին:
Այցի շրջանակներում նախատեսվում է «Գյումրի-Սիան» գործարար համաժողով՝ հայ և չինացի գործարարների մասնակցությամբ:

http://www.gyumricity.am/

Գլենդելն ու Գյումրին հռչակվեցին քույր քաղաքներ

Հունիսի 2-ին ԱՄՆ Գլենդել քաղաքի քաղաքային խորհուրդն իր հերթական նիստում միաձայն քվեարկեց Գյումրիի հետ քույր քաղաք հարաբերություններ հաստատելու օգտին: Գլենդելի համար Գյումրին դարձավ երկրորդ հայկական քույր քաղաքը՝ Կապանից հետո: Նախաձեռնությունն իրականացավ Լոս Անջելեսում ՀՀ Գլխավոր հյուպատոսության և Գլենդելի նախկին քաղաքապետ, այժմ քաղաքային խորհրդի անդամ Զարեհ Սինանյանի համատեղ ջանքերի շնորհիվ:

Զարեհ Սինանյանի խոսքով` երկու քաղաքները շատ ընդհանրություններ ունեն, որոնք լավ հիմք են արդյունավետ գործակցության համար: Գլենդելի քաղաքապետ Արա Նաջարյանն, իր հերթին, գոհունակություն հայտնեց քույր քաղաքների ծրագրի մեկնարկի առիթով: Նա նշեց, որ չնայած 1988թ. աղետին` Գյումրին վերագտավ իր տեղը որպես արվեստի և մշակույթի կենտրոն: