Նորություններ

Էմմա Պողոսյանը՝ Ծանրամարտի երիտասարդների աշխարհի չեմպիոն

18-ամյա Էմմա Պողոսյանը դարձել է Ծանրամարտի աշխարհի երիտասարդական առաջնության հաղթող։ Այս մասին հայտնում են ԿԳՄՍՆ-ից։ Իսպանիայի Լեոն քաղաքում անցկացվող առաջնությունում Պողոսյանը մինչև 81 կգ քաշային կարգում երկամարտի 233 կգ արդյունքով նվաճել է ոսկե մեդալը:

Պոկում վարժությունում Էմման 100 կգ արդյունքով զբաղեցրել է 5-րդ հորիզոնականը, իսկ հրում վարժությունում փոքր ոսկե մեդալ է նվաճել՝ գլխավերևում պահելով 133 կգ կշռող ծանրաձողը:

Ավելի վաղ Հայաստանի ներկայացուցիչներ Ալեքսանդրա Գրիգորյանն ու Աննա Ամրոյանը նվաճել էին երիտասարդական ԱԱ-ի բրոնզե մեդալները:

Նյու Յորքում կայացավ Փաշինյան-Էրդողան հանդիպումը

Ծանրորդ Աննա Ամրոյանը՝ երիտասարդների աշխարհի առաջնության բրոնզե մեդալակիր

Հայաստանի ծանրամարտի երիտասարդական հավաքականի անդամ, 76 կգ քաշային Աննա Ամրոյանը երկամարտի 228 կգ արդյունքով բրոնզե մեդալ է նվաճել Իսպանիայի Լեոն քաղաքում ընթացող աշխարհի առաջնությունում: Այս մասին տեղեկացնում են ԿԳՄՍՆ-ից:

Պոկում վարժությունում Ամրոյանը գլխավերևում պահել է 100 կգ կշռող ծանրաձողն ու զբաղեցրել է 4-րդ տեղը: Հրում վարժությունում նա 128 կգ արդյունքով արժանացել է փոքր բրոնզե մեդալի:

Հայաստանի ներկայացուցիչներից ավելի վաղ երկամարտի բրոնզե մեդալ էր նվաճել 55 կգ քաշային Ալեքսանդրա Գրիգորյանը՝ 191 կգ արդյունքով: Հայ մարզուհին պոկում վարժությունում նախ գլխավերևում պահել էր 77, ապա 81 կգ կշռող ծանրաձողերն ու այս վարժությունում ցույց տվել 7-րդ արդյունքը: Ալեքսանդրան երրորդ մոտեցմամբ չէր կարողացել բարձրացնել 83 կգ-ն:

Հրում վարժությունում հայ մարզուհին բարձրացրել էր 110 կգ կշռող ծանրաձողն ու այս վարժությունում դարձել էր փոքր արծաթե մեդալակիր:

Ընդ որում՝ ամիսներ առաջ ենթարկվելով ուսի վիրահատության՝ Ալեքսանդրան առաջին միջազգային մրցաշարին էր մասնակցում:

Գյումրի քաղաքի Անի և Ավստրիական թաղամասերի ճանապարհների վերանորոգման, լուսավորության համար մոտ 2,7 մլն եվրոյի վարկ կներգրավվի

Գյումրու կենտրոնի վերափոխմանը վերաբերող վարկային համաձայնագրին վերաբերող փոփոխությունը ԱԺ ֆինանսավարկային և բյուջետային հարցերի մշտական հանձնաժողովի նիստում քննարկման է ներկայացրել ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը:

««Հայաստանի Հանրապետության ու Վերակառուցման և զարգացման եվրոպական բանկի միջև 2016 թվականի մայիսի 11-ին ստորագրված «Գյումրու քաղաքային ճանապարհներ» վարկային համաձայնագրում փոփոխություններ կատարելու մասին» թիվ 2 համաձայնագիրը վավերացնելու մասին» նախագծով նախատեսվում է բանկից ներգրավել հավելյալ 2,720.000 եվրոյի չափով վարկ` Գյումրի քաղաքի Անի և Ավստրիական թաղամասերի ճանապարհների վերանորոգման և լուսավորության ապահովման համար: Վարկի բոլոր տրանշների վերջին հասանելիության ժամկետ է սահմանվել 2028 թվականի ավարտը: Վաչե Տերտերյանի խոսքով համաձայնագրով ամբողջ ցանցի ոչ թե հատվածական, այլ համալիր վերափոխում է նախատեսվում:

Պատգամավորների` Գյումրու լուսավորության, ջրամատակարարման, ճանապարհաշինարարական համակարգերի փոխկապակցվածությանը, համաձայնագրի ժամկետի երկարաձգման նպատակահարմարությանը վերաբերող հարցերի առնչությամբ փոխնախարարը պարզաբանումներ է ներկայացրել:

Հարցն արժանացել է հանձնաժողովի դրական եզրակացությանը:

Հայաստանի և Սիեռա Լեոնեի ԱԳ նախարարները քննարկել են միջազգային ու տարածաշրջանային անվտանգության հարցեր

Սեպտեմբերի 23-ին Նյու Յորքում ՄԱԿ ԳԱ 79-րդ նստաշրջանի շրջանակում ՀՀ ԱԳ նախարար Արարատ Միրզոյանը հանդիպում է ունեցել Սիեռա Լեոնեի արտաքին գործերի և միջազգային համագործակցության նախարար Թիմոթի Մուսա Կաբայի հետ: Այս մասին տեղեկացնում են ՀՀ ԱԳՆ-ից:

Զրուցակիցները քննարկել են միջազգային ու տարածաշրջանային անվտանգության հարցեր՝ հաշվի առնելով նաև Սիեռա Լեոնեի ընտրվելը որպես ՄԱԿ ԱԽ-ում ոչ մշտական ​​անդամ և ՄԱԿ ԱԽ մանդատը միջազգային կայունության ու խաղաղության պահպանման հարցում։

Նախարար Միրզոյանը ներկայացրել է Հարավային Կովկասում կայուն, արդար և համապարփակ խաղաղության հաստատման հարցում ՀՀ տեսլականը, այդ թվում՝ Ադրբեջանի հետ խաղաղության պայմանագրի կնքման կարևորությունն ու այդ ուղղությամբ գործադրվող ջանքերը։

Հայաստանի և Սիեռա Լեոնեի ԱԳ նախարարներն անդրադարձ են կատարել նաև երկու երկրների միջև տարբեր ոլորտներում հարաբերությունների զարգացման հեռանկարներին՝ հաշվի առնելով Աֆրիկյան մայրցամաքի երկրների հետ գործընկերության ընդլայնման ՀՀ շահագրգռվածությունը:

Դուրովը փոփոխություններ է կատարել Telegram-ի թարմացված պայմանների և գաղտնիության քաղաքականության մեջ

Telegram-ի կանոնները խախտող օգտատերերի հեռախոսահամարներն ու IP հասցեները կարող են փոխանցվել համապատասխան մարմիններին՝ «ի պատասխան ողջամիտ օրինական հարցումների»,- ասել է Պավել Դուրովը իր Telegram ալիքում։ Այս փոփոխությունները ներառված են ծառայության թարմացված պայմանների և գաղտնիության քաղաքականության մեջ: «Այս միջոցները պետք է զսպեն հանցագործներին։ Telegram-ում որոնումը նախատեսված է ընկերներ գտնելու և նորություններ ստանալու համար, այլ ոչ թե անօրինական ապրանքներ գովազդելու»,- գրել է Telegram-ի հիմնադիրը։

«Հանցագործներին Telegram Search-ի չարաշահումից հետագայում հեռու պահելու համար մենք թարմացրել ենք մեր ծառայության պայմանները և գաղտնիության քաղաքականությունը»,- ասել է Դուրովը և նշել, որ «ամբողջ խնդրահարույց բովանդակությունները, որ հայտնաբերել ենք մեր որոնումների միջոցով, այլևս հասանելի չեն»:

Սեպտեմբերի 5-ի ուշ երեկոյան Դուրովը, առաջին անգամ մեկնաբանելով Փարիզում իր ձերբակալությունը, խոստացել էր բարելավել Telegram-ի աշխատանքը հանցագործների դեմ պայքարի շրջանակում, որոնք չարաշահում են մեսենջերի աշխատանքը: «Telegram-ի օգտատերերի թվի կտրուկ աճը մինչև 950 միլիոն, խնդիրներ է առաջացրել, որոնք հանցագործների համար ավելի հեշտ են դարձրել մեր հարթակը չարաշահելը։ Այդ իսկ պատճառով ես իմ առջև նպատակ եմ դրել էապես բարելավել իրավիճակը»,- գրել է նա՝ պարզաբանելով, որ նման աշխատանք արդեն իրականացվում է Telegram-ում, և խոստացել է շուտով ներկայացնել առաջընթացը։

Հեռ. ՝ +37498 691-690; Էլ. Փոստ ՝ progressgyumringo@gmail.com

Լիբանանը հայտնել է մոտ 300 զոհի մասին «Հըզբոլլահի» վրա իսրայելական ամենամեծ հարձակման հետևանքով

Երկուշաբթի Լիբանանում «Հըզբոլլահ» շարժման դիրքերին իսրայելական ավիահարվածների հետևանքով զոհերի թիվը հասել է 274-ի, այդ թվում՝ 21 երեխա, հայտնել է երկրի առողջապահության նախարարությունը։ Ավելի վաղ Լիբանանի բնակիչները սկսել են իրենց հեռախոսներում տարհանման մասին ձայնագրություններ ստանալ Իսրայելից: Ըստ AP-ի՝ իսրայելական ծառայություններն ավելի քան 80 հազար նախազգուշական զանգ են կատարել՝ լիբանանցիներին կոչ են անելով «անհապաղ» տարհանվել բոլոր այն շենքերից, որտեղ «Հըզբոլլահի» զինյալները զենք են պահում:

Դա տեղի է ունենում Գազայի հատվածում վերջին գրեթե մեկ տարվա ընթացքում «Հըզբոլլահ» խմբավորման դեմ իսրայելական բանակի իրականացրած ավիահարվածների շարքի ֆոնին:

Իսրայելի պաշտպանության բանակը հայտնել է, որ Իսրայելն այսօր առավոտից ավելի քան 300 թիրախ է խոցել Լիբանանում:

Ավելի վաղ Իսրայելի հյուսիսային հատվածում կրկին հնչել են օդային տագնապի ազդանշանները։ «Հըզբոլլահի» զինյալները հայտնել են իսրայելական տարածքի նոր գնդակոծությունների մասին: Զոհերի և ավերածությունների մասին տեղեկություններ չկան: «Հըզբոլլահի» հարվածները հետևել են սեպտեմբերի 22-ի գիշերվա փոխհրաձգություններին։

Հեռ. ՝ +37498 691-690; Էլ. Փոստ ՝ progressgyumringo@gmail.com

ԱԺ նախագահը և Եգիպտոսի դեսպանը քննարկել են տարածաշրջանային զարգացումները

ՀՀ ԱԺ նախագահ Ալեն Սիմոնյանը սեպտեմբերի 23-ին ընդունել է Հայաստանում Եգիպտոսի Արաբական Հանրապետության արտակարգ և լիազոր դեսպան Սերենադ Գամիլին: Ողջունելով դեսպանին՝ ՀՀ ԱԺ նախագահը կարևորել է Հայաստանի ու Եգիպտոսի օրենսդիր մարմինների միջև արդյունավետ համագործակցությունը և կապերի խորացումը: Ալեն Սիմոնյանը շեշտել է նաև Եգիպտոսում հայ համայնքի դերը՝ որպես բարեկամության կամուրջ երկու երկրների և ժողովուրդների միջև:

Դեսպանն իր հերթին շնորհակալություն է հայտնել ՀՀ ԱԺ նախագահին ջերմ ընդունելության համար ու ընդգծել հայ-եգիպտական դարավոր բարեկամական և բարձր մակարդակի հարաբերությունների շարունակականության կարևորությունը:

Զրուցակիցները քննարկել են նաև տարածաշրջանային զարգացումներին, Հայաստան-Ադրբեջան խաղաղության օրակարգին վերաբերող և երկկողմ հետաքրքրություն ներկայացնող այլ հարցեր:

Հեռ. ՝ +37498 691-690; Էլ. Փոստ ՝ progressgyumringo@gmail.com