Տեսանյութեր

Գյումրի համայնքի կոշտ կենցաղային թափոնների ռազմավարական պլանի վերաբերյալ քննարկում

Գյումրիում աղբահանության համար տրվող վճարը բավարար չէ աղբահանությունը պատշաճ իրականացնելու համար. Գյումրու համայնքապետարանում այսօր հանրային քննարկում է կայացել «Գյումրի համայնքի կոշտ կենցաղային թափոնների ռազմավարական պլան»-ի վերաբերյալ:

© progressgyumri.am Armenian News / Analyses:

Կառավարությունը գումար է հատկացրել Գյումրու դրամատիկական թատրոնին

Կառավարության այսօրվա որոշմամբ 34 մլն 677 հազար դրամ գումար է հատկացվել Շիրակի մարզպետարանին՝ «Վարդան Աճեմյանի անվան դրամատիկական թատրոն» ՊՈԱԿ-ի շենքի արտաքին պատուհանների փոխարինման աշխատանքներն իրականացնելու համար։ Գործաադիրի մեկ այլ որոշմամբ էլ 466 մլն 912 հազար դրամ գումար է նախատեսվել Արթիկի երկու մանկապարտեզների նորոգման համար։ Արթիկ համայնքի «Արթիկի թիվ 3 մանկապարտեզ» ՀՈԱԿ-ի վերանորոգման նպատակին նախատեսվել է 223 մլն 144 հազար դրամ գումար։ 243 մլն 768 հազար դրամ գումար էլ հատկացվել է «Արթիկի թիվ 4 մանկապարտեզ» ՀՈԱԿ-ի վերանորոգման համար։

Աղբյուր `https://www.primeminister.am/hy/press-release/item/2023/04/06/Nikol-Pashinyan-meeting/

© progressgyumri.am  Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com

943 մլն 686 հազար դրամ՝ Գյումրու փողոցների ասֆալտապատման և Արթիկի բնակավայրերի լուսավորության ցանցի ընդլայնման նպատակով

Այսօր տեղի է ունեցել ՀՀ կառավարության հերթական նիստը, որը վարել է վարչապետ Նիկոլ Փաշինյանը: Նախքան օրակարգային հարցերի քննարկումը, Հայաստանի վարչապետը հանդես է եկել ելույթով, որում անդրադարձել է Ադրբեջանի կողմից Լաչինի միջանցքի ապօրինի արգելափակման հետևանքով շարունակվող ճգնաժամին, այդ երկրի կողմից աճող ագրեսիվ հռետորաբանությանը, խաղաղության օրակարգին, բանակցային հուսալի միջազգային մեխանիզմների գործարկմանը վերաբերող և այլ հարցերի: Կառավարությունն ընդունել է որոշում՝ Ադրբեջանի կողմից սանձազերծված լայնածավալ ագրեսիայի հետևանքով վիրավորում (վնասվածք) ստացած կամ հոգեկան առողջության խնդիր ձեռք բերած՝ առաջին կամ երկրորդ խմբի հաշմանդամություն չունեցող զինծառայողներին սոցիալական աջակցության տրամադրման վերաբերյալ։ Շահառուները դրամական օգնությունը՝ միանվագ 500 000 դրամի չափով, ստանալու համար դիմումը պետք է ներկայացնեին էլեկտրոնային եղանակով՝ մինչև 2022 թ. դեկտեմբերի 15-ը։ Սակայն նախարարության տեղեկատվության համաձայն՝ բազմաթիվ զինծառայողներ սահմանված կարգով չեն ներկայացրել դիմում սոցիալական աջակացությունը ստանալու համար՝ տարբեր հանգամանքներով պայմանավորված: Ըստ այդմ՝ դրամական օգնությունը ստանալու համար կարող են ներկայացնել մինչև 2023 թ. դեկտեմբերի 15-ը: Անհայտ կորած զինծառայողների ընտանիքներին սոցիալական աջակցության տրամադրման շարունակականությունն ապահովելու նպատակով կառավարությունն ընդունել է որոշում: 57 անհայտ կորած համարվող զինծառայողների ընտանիքների աջակցության տրամադրումը, որը կազմում է ամսական 300.000 դրամ, դադարեցվել է 2023թ. մարտի 1-ից: Առկա իրողություններով պայմանավորված՝ առաջարկվում է աջակցության վճարման ժամկետը երկարաձգել մինչև 2023 թ. ապրիլ ներառյալ: Մեկ այլ որոշմամբ էլ որոշվել է շարունակել քաղաքացիական անհայտ կորածների, ինչպես նաև գերեվարվածների ընտանիքներին սոցիալական աջակցության տրամադրման գործընթացը: Կառավարությունը հավանություն է տվել նաև «Հայաստանի Հանրապետության աշխատանքային օրենսգրքում լրացումներ կատարելու մասին» ՀՀ օրենքի նախագծին և անհետաձգելի համարեց: ԱՍՀ նախարար Նարեկ Մկրտչյանը նշել է, որ գործող կարգավորումների համաձայն՝ պետական և մասնավոր ոլորտում գործատուն չունի պարտավորություն աշխատավարձ վճարել այն աշխատողին, որը մասնակցում է վարժական հավաքների, միայն սահմանված է, որ այդ ընթացքում քաղաքացու հիմնական աշխատանքի վայրում պահպանվում է քաղաքացու աշխատատեղը և պաշտոնը: Այս պահին եղած կարգավորումներով զինվորական ծառայության և զինծառայողի կարգավիճակի մասին օրենքի պահանջների համաձայն՝ քաղաքացուն հաշվարկում են նշանակված զինվորական պաշտոնի համար նախատեսված պաշտոնային դրույքաչափը: Նախագծով առաջարկվում է աշխատողին մինչև 30 օր ժամկետով վարժական հավաքների ներգրավելիս գործատուի կողմից յուրաքանչյուր աշխատանքային օրվա համար վճարել աշխատողի հիմնական աշխատավարձի և որպես զինծառայողի հաշվարկված դրամական ապահովության առնվազն դրական տարբերությունը: «Օրինակ՝ եթե աշխատողի հիմնական աշխատավարձը կազմում է 200 հազար դրամ, և նա ներգրավվում է վարժական հավաքների և դրա դիմաց որպես դրամական հատուցում ՊՆ-ից ստանում է 80 հազար դրամ, ապա գործատուն պարտավորվում է մնացած հատվածը, այսինքն՝ առնվազն 120 հազար դրամը, վճարել: Այսպիսով, առաջարկվող կարգավորումը հնարավորություն կտա վարժական հավաքներին ներգրավված աշխատողների աշխատավարձը պահպանել ամբողջությամբ»,- նշել է Նարեկ Մկրտչյանը: Կառավարության մեկ այլ որոշմամբ՝ 943 մլն 686 հազար դրամ է հատկացվել Շիրակի մարզի Գյումրի համայնքի փողոցների ասֆալտապատման և Արթիկի բնակավայրերի լուսավորության ցանցի ընդլայնման 2 սուբվենցիոն ծրագրերի համաֆինանսավորման նպատակով 904 մլն 534 հազար դրամը կառավարության՝ «Գյումրի համայնքի 22 փողոցների հիմնանորոգում» սուբվենցիոն ծրագրի համամասնությունն է, ծրագրի պայմանագրային ընդհանուր արժեքը (ներառյալ նախագիծ, տեխնիկական հսկող, հեղինակային հսկող) կազմում է 2 մլրդ 10 մլն դրամ։ Ճանապարհների ընդհանուր երկարությունը կազմում է 8 կմ 185 մ։ 22 փողոցից 15-ի աշխատանքներն ավարտված են։Շինարարական աշխատանքներն իրականացվել են «Մերձմոսկովյան» ԲԲԸ, «Էլիտ Արման Շին» ՍՊԸ, «Լենճանշին» ՍՊԸ, «Ախուրյանի կոոպշին» ՍՊԸ և «Դուստր Մոնիկա» ՍՊԸ կողմից։ «Արթիկ համայնքի Արթիկ, Հայկասար, Հայրենյաց, Պեմզաշեն, Սարատակ, Վարդաքար, Տուֆաշեն, Արևշատ, Հովտաշեն և Գետափ բնակավայրերի փողոցային լուսավորության ցանցի ընդլայնում» սուբվենցիոն ծրագրի կառավարության համամասնությունը 55 տոկոս է՝ 39 մլն 152 հազար դրամ։ Ծրագրի պայմանագրային ընդհանուր արժեքը կազմում է 71 մլն 185 հազար դրամ։ Շինարարական աշխատանքներն իրականացրել են «Կիր-Քար» ՍՊԸ, «Գազելշին» ՍՊԸ, «Աշոտ և Հայկ եղբայրներ» ՍՊԸ, «Նոր գրուպ» ՍՊԸ և «ՈՒյուտ սենթր» ՍՊԸ կողմից։

© progressgyumri.am  Armenian News / Analyses:

Հեռ. ՝ +37498 691-690; Էլ. Փոստ ՝ progressgyumringo@gmail.com

Գյումրին նոր փոխքաղաքապետ ունի. Վահագն Մկրտչյանը վարչապետի տիկնոջ ազգականն է

Գյումրիի ավագանու անդամ Վահագն Հրաչի Մկրտչյանն ընդամենը 3 ամիս է եղել ավագանու անդամ ու հիմա դիմում է ներկայացրել իր լիազորությունները դադարեցնելու մասին: Մասնագիտությամբ բժիշկ-ստոմատոլոգ Վահագն Մկրտչյանի թեկնածությունը փոխքաղաքապետի պաշտոնում առաջադրել էր քաղաքապետ Վարդգես Սամսոնյանը: Հիշեցնենք, Գյումրիի փոխքաղաքապետի պաշտոնը թափուր էր ավելի քան 3 ամիս՝Դավիթ Առուշանյանի ԱԺ պատգամավոր դառնալուց հետո։ Վահագն Մկրտչյանը Աննա Հակոբյանի մորաքրոջ թոռն է, ինչո՞ւ է հենց նրա թեկնածությունն առաջադրվել։ Ավագանու ,,Զարթոնք,, խմբակցության ղեկավար Վարդևան Հակոբյանի հարցին ի պատասխան, Վարդգես Սամսոնյանը նշեց, որ հաշվի են առնվել Վահագն Մկրտչյանի կազմակերպչական ընդունակություններն ու գիտելիքները։ Վահանգն Մկրտչյանը գործարար է, ,,Մելիքովիչ և որդիներ,, կազմակերպությունը նրանց ընտանեկան բիզնեսն է, ունի նաև ատամնաբուժարան։ Քաղաքապետի խոսքով, սա բավարար է, նրա հմտությունները գնահատելու համար: 21 կողմ, 4 դեմ, 3 ձեռնպահ ձայների համակցությամբ նա ընտրվեց փոխքաղաքապետ։ Պաշտոնավարման առաջին իսկ օրվանից շարունակական շփում խոստացավ լրագրողների հետ: Նրանց հարցերին ի պատասխան էլ նշեց, որ պատասխանատվությունը մեծ է, այդ իսկ պատճառով էլ, համայնքի ղեկավարի տեղակալ նշանակվելու որոշումը միանգամից չի ընդունել ։ Իրենք մեծ գերդաստան են Գյումրիում, մոտ 200 տարուց ավելի պատմություն ունի իրենց տոհմը: Ըստ նրա, Աննա Հակոբյանի հետ ունեցած ազգակցական կապը, ի շահ քաղաքի է ծառայեցնելու, արտերկրում էլ շատ ծանոթներ ունի, նրանց համոզելու է, որ Գյումրիում ներդրումներ կատարեն:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com;