Yearly Archives:2025

Արշակ արքեպիսկոպոս Խաչատրյանը երկու ամսով կալանավորվեց

Երևանի քրեական դատարանի Ավան և Նոր Նորք նստավայրում ավարտվեց Մայր Աթոռի դիվանապետ Արշակ արքեպիսկոպոս Խաչատրյանին կալանավորելու միջնորդության քննությունը: Դատավոր Մասիս Մելքոնյանը բավարարեց քննիչի միջնորդությունը. Արշակ Սրբազանի նկատմամբ կիրառվեց երկամսա կալանք:

Հիշեցնենք, որ Արշակ արքեպիսկոպոս Խաչատրյանին մեղադրում են 2018-ին կաթողիկոսի բողոքի ցույց իրականացնողներից մեկի՝ «Նոր Հայաստան, նոր Հայրապետ» շարժման անդամներից մեկին վարկաբեկելու նպատակով նրա պայուսակում թմրամիջոց դնելու մեջ:

Փաստաբան Արսեն Բաբայանը «անհեթեթ» է համարում 7 տարվա վաղեմության մեղադրանքը, նա նիստից առաջ լրագրողներին ասել է, որ արքեպիսկոպոսի դեմ ուղիղ ցուցմունք չկա։

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com

ԱԺ-ն երկրորրդ ընթերցմամբ և ամբողջությամբ ընդունել է «Կիբեռանվտանգության մասին» և հարակից օրենքների նախագծերի փաթեթը

ԱԺ-ն երկրորդ ընթերցմամբ և ամբողջությամբ ընդունել է ՀՀ բարձր տեխնոլոգիական արդյունաբերության նախարարության կողմից ներկայացված «Կիբեռանվտանգության մասին», «Հանրային տեղեկությունների մասին», «Տեղեկատվական համակարգերի կարգավորման մարմնի մասին» օրենքների և հարակից օրենքների նախագծերի փաթեթը։ Օրինագծերին կողմ է քվեարկել 85 պատգամավոր, դեմ՝ 0, ձեռնպահ՝ 9:

ԱԺ դեկտեմբերի 3-ին կայացած լիագումար նիստում օրենքների նախագծերի փաթեթը ներկայացրել է ՀՀ բարձր տեխնոլոգիական արդյունաբերության նախարար Մխիթար Հայրապետյանը։

Ներկայացնելով օրենքների նախագծերի փաթեթը՝ նախարար Հայրապետյանը նշել է, որ վերջինս կկարգավորի Հայաստանում կիբեռպաշտպանության, կիբեռանվտանգության և կիբեռհիգիենայի կանոնները՝ թիրախավորելով երկրի համար կարևոր ենթակառուցվածքների և կենսական նշանակության ոլորտներում ծառայությունների կիբեռպաշտպանությունը թե՛ պետական, թե՛ մասնավոր հատվածում։

Նշվել է, որ առաջին և երկրորդ ընթերցումների ընթացքում նախագծերում որոշակի փոփոխություններ են կատարվել՝ հաշվի առնելով Կառավարության և ԱԺ «Հայաստան» խմբակցության առաջարկները։

Նախարարն ընդգծել է, որ «Հայաստան» խմբակցության առաջարկներից առանցքայինն ու բովանդակայինը վերաբերում էր նոր ստեղծվող ինքնավար մարմնի՝ Տեղեկատվական համակարգերի կարգավորման հանձնաժողովի անդամների առաջադրման կարգին։ Եթե առաջին ընթերցման տարբերակում նախագծով առաջարկվում էր, որ հանձնաժողովի հինգ անդամներին պետք է առաջադրի գործադիրը, ապա «Հայաստան» խմբակցության առաջարկով Ազգային ժողովի խմբակցությունններին ևս հնարավորություն է տրվում մեկական թեկնածուներ առաջադրելու և ներկայացված լինելու հանձնաժողովում։ Նախարարը գոհունակություն է հայտնել, որ կառուցողական երկխոսության արդյունքում հանձնաժողովի անդամների թեկնածուների ընտրությունը կլինի համատեղ՝ Կառավարության, ԱԺ մեծամասնության և ընդդիմության մասնակցությամբ։

Մխիթար Հայրապետյանը նաև մանրամասնել է, որ նոր փոփոխություններով օպերատիվ-հետախուզական գործունեություն իրականացնող մարմինների համար սահմանվել է պարտականություն՝ Տեղեկատվական համակարգերի կարգավորման հանձնաժողովի դիմումի հիման վրա աջակցել վերջինիս տեղեկատվական համակարգերի և կիբեռանվտանգության բնագավառում իրավախախտումների կանխման կամ բացահայտման գործում։

Ամփոփելով խոսքը՝ նախարար Հայրապետյանը նշել է, որ օրենքների նախագծերի փաթեթի ընդունմամբ կձևավորվեն կայուն հիմքեր երկրի թվային տնտեսության զարգացման համար։

Որակյալ և անվտանգ տվյալների օգտագործումը կդառնա կարևոր խթան՝ անձի, պետության և բիզնեսի տեղեկացված ու տվյալահեն որոշումների կայացման գործում, իսկ հասարակության վստահությունը թվային համակարգերի և լուծումների նկատմամբ էապես կբարձրանա՝ էլեկտրոնային ծառայությունները դարձնելով ավելի մատչելի, հարմարավետ և լայնորեն կիրառելի։

Հարակից զեկույցով հանդես է եկել ԱԺ պետական-իրավական հարցերով հանձնաժողովի անդամ Լիլիթ Մինասյանը։ Նա ընդգծել է ներկայացված փաթեթի կարևորությունը՝ նշելով, որ մի շարք քննարկումների արդյունքում կարևոր լրամշակումներ են կատարվել։ Մինասյանը նաև մի քանի հարցեր է հնչեցրել, որոնք վերաբերել են Տեղեկատվական համակարգերի կարգավորման մարմնի ստեղծման և օրենքների փաթեթի կիրարկման ժամկետներին, կիբեռպաշտպանվածության ստանդարտներին։

Եզրափակիչ ելույթում՝ արձագանքելով պատգամավորի հարցադրումներին, Մխիթար Հայրապետյանը նշել է, որ Հայաստանում արդեն գործում է AM-CERT-ը՝ Հայաստանի միջադեպերի արձագանքման ազգային թիմը, որի հիմնական առաքելությունն է արձագանքել կենսական նշանակություն ունեցող ենթակառուցվածքների վրա կատարված կիբեռմիջադեպերին, համակարգել դրանց հետևանքների վերացման ուղղությամբ տարվող աշխատանքները:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com

ԱԱԾ-ն քննչական կոմիտեի շենքում ձերբակալել է Մայր Աթոռի դիվանապետ Արշակ արքեպիսկոպոս Խաչատրյանին

Պետությանը վերադարձված՝ 174 միլիոն 545 հազար ԱՄՆ դոլարին համարժեք գույք և դրամական միջոցներ

Կառավարության այսօրվա նիստի օրակարգում ներառված հարցերից երկուսով գույքեր են ամրացվել Պաշտպանության նախարարությանն ու Շրջակա միջավայրի նախարարությանը:

Նախքան օրակարգային հարցերին անդրադառնալը՝ Հայաստանի Հանրապետության գլխավոր դատախազ Աննա Վարդապետյանը տեղեկություն է տրամադրել Դատախազության կողմից, 2025 թվականի հունվարի 1-ից առ այսօր, պետական (համայնքային) շահերի պաշտպանության հայց հարուցելու բացառիկ լիազորության շրջանակում, ինչպես նաև դատախազական ներգործության արդյունքում, պետությանը կամ համայնքին վերադարձված գույքերի և դրամական միջոցների վերաբերյալ:

Աննա Վարդապետյանը, մասնավորապես, նշել է. «Դատախազությունը, 2025 թվականի հունվարի 1-ից առ այսօր, պետական (համայնքային) շահերի պաշտպանության հայց հարուցելու բացառիկ լիազորության շրջանակում, ինչպես նաև դատախազական ներգործության արդյունքում, պետությանը կամ համայնքին վերադարձրել 174 միլիոն 545 հազար ԱՄՆ դոլարին համարժեք 66 միլիարդ 250 միլիոն դրամ արժեքով գույք, այդ թվում՝ 3 մանկապարտեզ, մշակույթի տուն, մարզադաշտ, բնության հուշարձան, պուրակներ, հողատարածքներ և դրամական միջոցներ»:

Անդրադառնալով օրակարգային հարցերին, որոնց արդյունքում գույքեր են ամրացվել Պաշտպանության նախարարությանն ու Շրջակա միջավայրի նախարարությանը, ՀՀ գլխավոր դատախազն ընդգծել է.

«Պաշտպանության նախարարությանն ամրացվող գույքը Արարատի մարզի Մասիս համայնքի Սայաթ-Նովա գյուղում գտնվող՝ 1.92 հա մակերեսով հատուկ նշանակության հողա­մաս է:

• Դատախազությունը 2025 ապրիլի 27-ի գրությամբ դիմել էր Պետական գույքի կառավարման կոմիտեին՝ տեղեկացնելով, որ 2025 թվականի ապրիլի 25-ին «Հայաստանի ԴՕՍԱԱՖ» համահայկական հայրենասիրական հասարակական կազմակերպության կենտրոնական խորհրդի որոշմամբ, 11 անշարժ գույքեր վերադարձվել են Հայաստանի Հանրապետությանը: Նշված գույքերի ցանկում ներառված է նաև Արարատի մարզի Մասիս համայնքի Սայաթ-Նովա գյուղում գտնվող հողա­մասը: Հաշվի առնելով, որ Հողամասը հատուկ նշանակության է և անհրաժեշտ է այն օգտագործել Պաշտպանության նախարարության կարիքների համար, առաջարկվում է 92 հա մակերեսով հողամասն ամրացնել պաշտպանական գերատեսչությանը:
• Շրջակա միջավայրին ամրացվող գույքը Գառնի համայնքի «Բազալտե երգեհոն» (հանրությանն առավել հայտնի «Քարերի սիմֆոնիա») բնության հուշարձանի տարածքում գտնվող՝ 0.1 հա մակերեսով հողամաս է: Պետական (համայնքային) շահերի պաշտպանության լիազորության շրջանակներում, Կոտայքի մարզի դատախազության կողմից կատարված ուսումնասիրության արդյունքում ներկայացված միջնորդագրի հիման վրա, Գառնի համայնքի սեփականության իրավունքն է վերականգնվել «Բազալտե երգեհոն» բնության հուշարձանի տարածքում գտնվող հողամասի նկատմամբ: Հաշվի առնելով, որ բնության հուշարձանները բնության հատուկ պահպանվող տարածքներ են և ընդգրկված են Հողային օրենսգրքի 60-րդ հոդվածի սահմանափակումների ցանկում, առաջարկվում է գույքը փոխանցել Հայաստանի Հանրապետությանը և ամրացնել Շրջակա միջավայրի նախարարությանը։

Նշեմ նաև, որ Կառավարության նախորդ նիստում ներառված չզեկուցվող հարցերից մեկով, որը վերաբերում էր Կառավարության 2006 թվականի ապրիլի 6-ի N 479-Ա որոշումն ուժը կորցրած ճանաչելուն, Հայաստանի Հանրապետության սեփականության իրավունքը վերականգնվեց 13 հազար 268 հեկտար մակերեսով հողատարածքի նկատմամբ:

Որոշման նախապատմությունը հակիրճ ներկայացնեմ:

Արարատի մարզի դատախազությունը, պետական (համայնքային) շահերի պաշտպանության լիազորության շրջանակում, ուսումնասիրել էր Արարատի մարզի համայնքների վարչական սահմաններից դուրս գտնվող՝ շուրջ 5330 հա մակերեսով հողատարածքները «Կենդանիների աշխարհ» ՍՊ ընկերությանն անհատույց օգտագործման իրավունքով հատկացնելու փաստաթղթերը:

Ուսումնասիրության արդյունքում պարզվել էր, որ Արարատի նախկին մարզպետը (Ալիկ Սարգսյան), օգտագործելով պաշտոնեական դիրքը, իրավական ակտերի պահանջների խախտմամբ, պետական սեփականություն հանդիսացող բնապահպանական հողերից շուրջ 5330 հա մակերեսով հողատարածքը 49 տարի ժամկետով, անհատույց օգտագործման իրավունքով տրամադրել էր Հայաստանի Հանրապետական կուսակցության անդամին (Վարդգես Մաթևոսյան), 2005-2007 թվականներին Տարածքային կառավարման նախարարի պաշտոնը զբաղեցրած անձի (Հովիկ Աբրահամյան) վարորդին և Արարատի նախկին մարզպետին (Ալիկ Սարգսյան) պատկանող, շահույթ ստանալու նպատակով հիմնադրված «Կենդանիների աշխարհ» ՍՊ ընկերությանը:

Նշեմ, որ 5330 հա մակերեսով հողատարածքի՝ շուկայականին մոտարկված կադաստրային արժեքը 158 միլիոն 263 հազար ԱՄՆ դոլարին համարժեք 60 միլիարդ 553 միլիոն 218 հազար դրամ է:

Ուսումնասիրության արդյունքներով՝

• Դատախազի կողմից միջնորդագիր է հասցեագրվել Կադաստրի կոմիտեին՝ «Կենդանիների աշխարհ» ՍՊ ընկերության և Արարատի նախկին մարզպետի միջև 2006 թվականի հոկտեմբերի 11-ին կնքված պայմանագրի միակողմանի լուծման պետական գրանցում կատարելու ուղղությամբ միջոցներ ձեռնարկելու վերաբերյալ: Միջնորդագրի հիման վրա՝ 2025 թվականի սեպտեմբերի 19-ին կատարվել է նշված հողատարածքների անհատույց օգտագործման իրավունքի դադարեցման պետական գրանցում:
• Դատախազը 2025 թվականի սեպտեմբերի 22-ին հանցանքի մասին հաղորդում է ներկայացրել Հակակոռուպցիոն կոմիտե: Հաղորդման հիման վրա՝ Հակակոռուպցիոն կոմիտեում նախաձեռնվել է քրեական վարույթ (Քրեական օրենսգրքի 441-րդ հոդվածի 2-րդ մասի 2-րդ կետով (պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը, որը պատճառել է առանձնապես խոշոր չափերի գույքային վնաս) (3 դրվագ)):

Դատախազությունում կատարված ուսումնասիրությունների արդյունքում պարզվել էր նաև, որ 2006 թվականի հուլիսի 1-ին ՀՀ գյուղատնտեսության նախարարն ի կատարումն Կառավարության 2006 թվականի ապրիլի 6-ի N 479-Ա որոշման, 49 տարի ժամկետով կնքել է Վայոց ձորի մարզի Ջերմուկի անտառպետության 4118 հեկտար և Եղեգիսի անտառպետության 3620 հեկտար տարածքների անհատույց օգտագործման պայմանագիր: Պայմանագիրը կնքվել է առանց նոտարական վավերացման, սահմանված ժամկետում պետական գրանցման չի ներկայացվել, հետևաբար՝ առոչինչ է:

Այսպիսով, Կառավարության 2006 թվականի ապրիլի 6-ի N 479-Ա որոշման մեջ նշված հողերից՝

• 5330 հեկտարն այլևս Ընկերությանն անհատույց օգտագործման հանձնված չէ:
• 4118 հեկտարի և 3620 հեկտարի մասով կնքված պայմանագիրն առոչինչ է:

Հետևապես, անհրաժեշտություն է առաջացել ուժը կորցրած ճանաչել Կառավարության N 479-Ա որոշումը:

Հավելեմ նաև, որ 2024 թվականի դեկտեմբերի 5-ից գործարկված՝ Վերականգնված միջոցների միասնական հաշվին, այսօրվա դրությամբ, մուտքագրվել է 20 միլիարդ 678 միլիոն դրամ»:

© dialoguemc.am  Freedom of speech & Pluralism

Զեղծարարները փորձում են գումար կորզել՝ ներկայանալով Կենտրոնական բանկի աշխատակից. զգուշացում

ՀՀ կենտրոնական բանկից հայտնում են, որ հաճախորդներից գումար կորզելու նպատակով զեղծարարները ներկայացել են Կենտրոնական բանկի անունից և կեղծ նամակների ու զանգերի միջոցով հորդորել իրենց ֆինանսական միջոցները փոխանցել այլ հաշիվների։ «Տեղեկացնում ենք, որ ՀՀ կենտրոնական բանկը երբևէ նման հայտարարություններ և զանգեր չի իրականացնում, հաղորդագրություններ չի ուղարկում և չի իրականացնում ֆիզիկական անձանց բանկային սպասարկում:

Եթե զանգահարում են կամ որևէ այլ եղանակով կապ են հաստատում և ներկայանում Կենտրոնական բանկի անունից և խնդրում կամ որևէ պատրվակով պարտադրում գումար փոխանցել ավելի «պաշտպանված» կամ «հատուկ» հաշիվների՝ զեղծարարություններից և ֆինանսական կորուստներից խուսափելու նպատակով քաղաքացիներին հորդորում ենք չկատարել որևէ գործողություն, որևէ մեկին չփոխանցել անձնական կամ բանկային տվյալներ և անմիջապես կապ հաստատել Ձեզ սպասարկող բանկի հետ»,- ասված է հաղորդագրությունում:

ԿԲ-ն ներկայացրել է որպես Կենտրոնական բանկի աշխատակից ներկայացող կեղծ ապացույցի օրինակ:

© dialoguemc.am  Freedom of speech & Pluralism

Համայնքային ոստիկանների միջև տեղի ունեցած միջադեպի առթիվ նախաձեռնված քրեական վարույթի նախաքննությունն ավարտվել է

ՀՀ քննչական կոմիտեի հատկապես կարևոր գործերի քննության գլխավոր վարչության մարդու դեմ ուղղված հանցագործությունների քննության վարչությունում նախաձեռնված քրեական վարույթի նախաքննության ընթացքում պարզվել է, որ համայնքային երկու ոստիկաններ տեղեկանալով 2025 թվականի հունիսի 29-ին համայնքային երկու այլ ոստիկանների՝ ահազանգով դեպքի վայր չմեկնելու մասին, վիճաբանել են նրանցից մեկի հետ, ձեռքերով և ոտքերով հարվածներ են հասցրել վերջինիս մարմնի տարբեր մասերին՝ պատճառելով մարմնական վնասվածքներ։

Նախաքննության ընթացքում երկու անձի նկատմամբ հարուցվել է հանրային քրեական հետապնդում՝ Քրեական օրենսգրքի 195-րդ հոդվածի 2-րդ մասի 5-րդ կետով (մի խումբ անձանց կողմից ֆիզիկական ներգործությունը)։

Քրեական վարույթը մեղադրական եզրակացությամբ ուղարկվել է հսկող դատախազին՝ այն հաստատելու և ըստ էության քննության առնելու համար դատարան ուղարկելու միջնորդությամբ:

© progressgyumri.am Armenian News / Analyses:

Հեռ. ՝ +37498 691-690; Էլ. Փոստ ՝ progressgyumri@gmail.com

Ներառականության նոր խորհրդանիշ Գյումրիում

Սալիկները փակցվել են հաշմանդամություն ունեցող անձանց, ինչպես նաև տեղական ինքնակառավարման մարմինների, կրթական, մշակութային և հասարակական ոլորտների ներկայացուցիչների կողմից՝ խորհրդանշելով բոլորի պատրաստակամությունը` միասին նպաստելու ներառականության և հավասար հնարավորությունների զարգացմանը։

«Ագաթ» ՀԿ-ի այս նախաձեռնությունն իրականացվել է քաղաքի ծայրամասային թաղամասում՝ ընդգծելով, որ ներառականությունը պետք է հասնի քաղաքի յուրաքանչյուր անկյուն, ոչ միայն կենտրոն։ Հայերենով, անգլերենով, ժեստերի լեզվով, ինչպես նաև արտերկրից ժամանած գործընկերների լեզուներով՝ գերմաներենով, վրացերենով ու մոլդովերենով պատրաստված սալիկները խորհրդանշում են ստեղծարարություն, բազմազանություն և միասնություն՝ սահմաններից անդին։