Ինչպիսի՞ ակնկալիք ունեք առաջիկա խորհրդարանական ընտրություններից
1.Ինչպիսի՞ ակնկալիք ունեք առաջիկա խորհրդարանական ընտրություններից:
2.Վստահո՞ւմ եք քաղաքական ուժերին, կողմնորոշվե՞լ եք ընտրության հարցում:
«Երկխոսության լսարան» Dialogue Auditorium 20.02.2017
#ԱԺ2017 #ParliamentElection #Ազգային_Ժողով #Ընտրություններ
#DialogueAuditorium
Առաջիկա խորհրդարանական ընտրությունների և քաղաքական ուժերի, դասավորումների մասին կխոսեն Վարդևան Գրիգորյանը-Ծառուկյան դաշինք, Սուքիաս Ավետիսյանը-ՀՀԿ, Արթուր Համբարձումյանը-Ելք դաշինք , Վահագն Հովհաննիսյանը – Օհանյան-Րաֆֆի-Օսկանյան դաշինք:
Ապրիլի 2-ին կայանալիք խորհրդարանական ընտրություններին առաջադրվել են 5 կուսակցություն եւ 4 դաշինք:
Մրցակից քաղաքական ուժերի ցանկն արդեն հրապարակել է կենտրոնական ընտրական հանձնաժողովը: Ապրիլի 2-ին կայանալիք խորհրդարանական ընտրություններին առաջադրվել են 5 կուսակցություն եւ 4 դաշինք:
Ընտրողն ընտրելու լայն հնարավորություն ունի, սակայն վստահություն չունի:
Առաջադրված քաղաքական կուսակցությունների եւ դաշինքների թիվը ոչ միայն մեծ է, այլեւ մտահոգող: Կողմնորոշվելը ընտրողի համար կլինի դժվար:
Ցանկանցած ընտրությունում ընտրողների որոշիչ ձայնը կարեւոր է, սակայն ընտրողն ինքը այն չի կարեւորում, քանի որ վստահություն չունի ընտրական գործընթացի եւ արդյունքների հանդեպ, իսկ անվստահության հիմքը նախորդ ընտրությունների արդյունքներն են:
Հանրապետությունում արդար ու թափանցիկ ընտրություններ կազմակերպելու նպատակով դիտորդական ռաքելությամբ ներկայանում են մի շարք կազմակերպություններ, որի նպատակը նաեւ դիտորդի կողմից հայտնաբերված խախտումների բարձրաձայնումն է:
Մարտի 5-ից հանրապետությունում կմեկնարկի ընտրական քարոզարշավը, որը քաղաքական դաշտում բնութագրվում է որպես կրկես ու ներկայացում, քաղաքացուն խոստումներ շռայլելու սկիզբ:
Քարոզարշավը, ի դեպ, բուռն ու մրցակցային կլինի նաեւ Շիրակի մարզում: Հանրապետության գործազրկության եւ աղքատության ցուցանիշով առաջատար մարզից տարածքային վարկանիշային ցուցակով ընդգրկվել են Աժ պատգամավորներ, Գյումրու նախկին քաղաքապետն ու նախկին մարզպետը:
Website » https://progressgyumri.am/
Facebook » https://www.facebook.com/progressgyumringo/
Twitter » https://twitter.com/progressgyumri
Instagram » https://www.instagram.com/progress_of_gyumri_ngo/
ՀԱՅՏԱՐԱՐՈՒԹՅՈՒՆ! ՀՀ ԱԺ ընտրությունների վերահսկման նպատակով դիտորդների հավաքագրում
Հայտարարություն
Հայաստանի Հանրապետության ԱԺ ընտրությունների վերահսկման նպատակով
դիտորդների հավաքագրում
«Գյումրու առաջընթաց» քաղաքացիական հասարակության զարգացման կենտրոն» հասարակական կազմակերպությունը «Քաղաքացիական վերահսկողություն և երկխոսություն՝ հանուն ժողովրդավար ընտրությունների» ծրագրի շրջանակներում իրականացնում է դիտորդների հավաքագրում՝ սույն թվականի ապրիլի 2-ին կայանալիք ԱԺ ընտրությունների վերահսկման նպատակով: Դիտորդական առաքելությունը իրականացվում է համաձայն ՀՀ ընտրական օրենսգրքի և միջազգային նորմերի: «Գյումրու առաջընթաց» քաղաքացիական հասարակության զարգացման կենտրոն» ՀԿ հրավիրում է հատկապես պրոֆեսիոնալ, քաղաքացիական լրագրողներին և բոլոր նրանց, որոնց համար կարևորվում է բաց, թափանցիկ և արդար ընտրությունների անցկացումը, ժողովրդավարության հիմնարար սկզբունքների ամրապնդումը Հայաստանում:
Մասնակցության համար կարող եք հետևյալ հղմամբ` https://progressgyumri.am/register-observer լրացնել անհրաժեշտ տվյալները, որից հետո մենք Ձեզ հետ կապ կհաստատենք: Ընտրված մասնակիցները կհրավիրվեն մարտի 18-ին և 19-ին անցկացվելիք վերապատրաստման դասընթացներին: Հարցերի համար գրեք progressgyumri@mail.ru էլ. հասցեին՝ նշելով «դիտորդ» բառը կամ զանգահարեք (098)691-690 հեռախոսահամարին:
«Երկխոսության լսարան» Dialogue Auditorium 06.02.2017
Դաշինքների քաղաքական ապագայի, սփյուռքահայերի նախաձեռնած «Արդարություն Հայաստանում» շարժման, ԱԺ ընտրությունների օրն ապրիլի 2-ին նշանակելու՝ Ս.Սարգսյանի հրամանագրի իրավական, բարոյական, քաղաքական գնահատականներն են տալիս Գլոբալիզացիայի եւ տարածաշրջանային համագործակցության վերլուծական կենտրոնի նախագահ՝ Ստեփան Գրիգորյանը, Միջազգային և անվտանգության հարցերի հայկական ինստիտուտի նախագահ՝ Ստյոպա Սաֆարյանը, Սախարովի անվան ՄԻՊ կենտրոնի Շիրակի տարածքային մ/ճ ղեկավար՝ Սեյրան Մարտիրոսյանը, Գերագույն խորհրդի նախկին պատգամավոր՝ Ալբերտ Բաղդասարյանը:
«Երկխոսության լսարան» Dialogue Auditorium 23.01.2017
Նոր ընտրակարգի շուրջ Երկխոսության լսարանում կխոսեն թիվ 32 և թիվ 31 ԸԸՀ-ների նախագահներ`Մարզպետունի Մարգարյանը և Արտակ Ավետիսյանը:
«Երկխոսության լսարան» Dialogue Auditorium 18.12.2016
Առաջիկա խորհրդարանական ընտրություններում քաղաքական հիմնական դերակատարներից ԲՀԿ-ն ակտիվ քաղաքականություն է վերադարձնում կուսակցության նախկին առաջնորդ Գագիկ Ծառուկյանին: Եթե նախկին առաջնորդը վերադառնա, կվերականգնի՞ արդյոք ԲՀԿ-ն իր նախկին դիրքերը: Այս և Հայաստանում տիրող քաղաքական իրավիճակի մասին խոսել է ԲՀԿ խմբակցության քարտուղար Վահե Էնֆիաջյանը:
«Երկխոսության լսարան» Dialogue Auditorium 04.12.2016
Ընտրական գործընթացների, ներքաղաքական զարգացումների, իշխանափոխության, ընդդիմության հնարավոր միավորման վերաբերյալ կխոսեն ՀԱԿ Գյումրու կառույցի խորհրդի նախագահ Մուրադ Գրիգորյանը և Ժառանգություն կուսակցության վարչության անդամ, Գյումրու կառույցի ղեկավար Վահագն Հովհաննիսյանը:
«Երկխոսության լսարան» Dialogue Auditorium 20.11.2016
Ընտրական գործընթացների, ներքաղաքական զարգացումների շուրջ խոսել են ԱԺ պատգամավոր, ՀՀԿ կուսակցության խմբակցությունից Սուքիաս Ավետիսյանը, ՔՊ կուսակցության վարչության փոխնախագահ Սուրեն Պապիկյանը, վարչության անդամ Լենա Նազարյանը