Նորություններ

2018-ին Գյումրու քաղաքապետարանի աշխատակազմի պահպանման ծախսերը կազմելու են 445 մլն դրամ

2018 թվականին հանրապետության երկրորդ քաղաքի տարեկան բյուջեն պլանավորված է 3 միլիարդ 357 միլիոն 33 հազար 700 ՀՀ դրամ: Բյուջեի հանրային քննարկումը կայանալու է դեկտեմբերի 8-ին:

Համայնքի բյուջեն կազմելիս` հաշվի են առնվել 2018 թվականի պետական բյուջեում արտացոլված գնաճի, սղաճի եւ տնտեսական աճի միտումները:

Տեղական տուրքի հավաքագրվող ընդհանուր գումար նախատեսվում է 101 մլն 441 հազար դրամ, հողի եւ գույքի վարձակալությունից նախատեսվում է հավաքագրել 53 մլն 60 հազար դրամ, աղբահանության վարձավճար` 181 մլն 506 հազար ՀՀ դրամ եւ այլն:

Գյումրու քաղաքապետարանի տեղեկությունների համաձայն` հաշվետու ժամանակահատվածում համայնքի կողմից հավաքագրման ենթակա սեփական եկամուտների վարչական մասի 2018 թվականի մուտքերի նախատեսվող աճը 2016 թվականի փաստացի հավաքագրումների համեմատ կազմել է մոտ 31.0 տոկոս, իսկ 2018 թվականի վարչական մասի սեփական եկամուտների աճը 2017 թվականի ճշտված բյուջեի հաշվարկային ցուցանիշների հետ համեմատ կկազմի մոտ 10.55 տոկոս: 2018 թվականին բյուջեի սեփական եկամուտների տեսակարար կշիռը ընդհանուր բյուջեի մեջ 2016 թվականի փաստացի հավաքագրված սեփական եկամուտների տեսակարար կշռի համեմատ աճել է 7.13 տոկոսով, իսկ 2017 թվականի ճշտված բյուջեի հաշվարկային ցուցանիշների սեփական եկամուտների տեսակարար կշռի համեմատ աճը կազմել է 4.62 տոկոս:

2018-ին Գյումրու քաղաքապետարանի աշխատակազմի պահպանման ծախսերը կազմելու են 445 մլն 150 հազար դրամ, վարչական շենքի աշխատակիցների աշխատավարձերի եւ հավելավճարների վճարման համար նախատեսվում է հատկացնել 330 մլն 824 հազար դրամ, էներգետիկ ծառայությունների համար` 27 մլն 576 հազար դրամ, կոմունալ ծառայությունների համար` 3 մլն 988 հազար, կապի ծառայությունների համար` 8 մլն 762 հազար դրամ, նեքին գործուղումների համար` 680 հազար, արտասահմանյան գործուղւոմների համար` 1 մլն 800 հազար դրամ, մեքենաների եւ սարքավորումների ընթացիկ նորոգումների համար` 2 մլն 395 հազար դրամ:

Կառավարման ապարատի ծախսերը հաշվարկելիս` հաշի են առնվել նախորդ տարիների ընթացքում կատարված փաստացի ծախսերը, իսչպես նաեւ կառուցվածքային ստորաբաժանումների կողմից իրենց բաժինների բնականոն գործունեության ապահովման համար ներակայացված ապրանքների, աշխատանքների եւ ծառայությունների ձեռքբերման հայտերը:

2018 թվականի համար կառավարման ապարատի աշխատավարձի ֆոնդում տարեկան կտրվածքով պլանավորվել են հավելյալ միջոցներ, որոնք ուղղվելու են պայմանագրային հիմունքով աշխատող գործակալների, փորձագետների եւ գործավարների աշխատավարձերի վճարմանը, նաեւ միջոցներ են պլանավորվել վերակառուցման եւ զարգացման եվրոպական բանկի ծրագիրն իրականացնող խմբի անդամներին հավելավճարներ հատկացնելու համար, իսկ այլընտրանքային ծառայողների դրամակն օգնության բավարարման համար պետական բյուջեով հատկացված եւ հաստիքացուցակում պլանավորված 1 մլն 140 հազար ՀՀ տարեկան գումարը վճարվելու է Գյումրու կոմունալ ծաայություն բյուջետային հիմնարկ գործուղված այլընտրանքային ծառայողներին:

Տեղական տուրքեր եւ դրույքաչափեր

2017-ին կիրառվող դրույքաչափերը նույն ձեւով կգործեն նաեւ 2018 թվականի ընթացքում: 2017 թվականի դեկտեմբերի 6-ին ավագանու որոշումից հետո համայնքի ղեկավարի որոշմամբ հաստատվելու են քաղաքի վարչական տարածքում տեղական տեղական տուրքերի եւ վճարների 2018 թվականի դրույքաչափերի վերծանման չափանիշները:

Համայնքի վարչական տարածքում շենքերի, շինությունների, քաղաքաշինական այլ օբյեկտների քանդման թույլտվության համար տեղական տուրք նորից սահմանվելու է 5 հազար ՀՀ դրամ:

Ոգելից եւ ալկոհոլային խմիչքի վաճառքի թույլտվության համար` յուրաքանչյուր եռամսյակի համար`մինչեւ 26 քառակուսի մետր ընդհանուր մակերես ունեցող հիմնական եւ ոչ հիմնական շինությունների ներսում վաճառքի կազմակերպման դեպքում՝ 9 հազար ՀՀ դրամ,  26-ից մինչեւ 50 քառակուսի մետր ընդհանուր մակերես ունեցող հիմնական եւ ոչ հիմնական շինությունների ներսում վաճառքի կազմակերպման դեպքում՝ 12 հազար դրամ,  51-ից մինչեւ 100 քառակուսի մետր ընդհանուր մակերես ունեցող հիմնական եւ ոչ հիմնական շինությունների ներսում վաճառքի կազմակերպման դեպքում՝ 15 հազար ՀՀ դրամ եւ այլն:

Ծխախոտի արտադրանքի վաճառքի թույլտվության համար` յուրաքանչյուր եռամսյակի համար` մինչեւ 26 քառակուսի մետր ընդհանուր մակերես ունեցող հիմնական եւ ոչ հիմնական շինությունների ներսում վաճառքի կազմակերպման դեպքում՝ 9 հազար ՀՀ դրամ, 26-ից մինչեւ 50 քառակուսի մետր ընդհանուր մակերես ունեցող հիմնական եւ ոչ հիմնական շինությունների ներսում վաճառքի կազմակերպման դեպքում՝ 12 հազար ՀՀ դրամ, 51-ից մինչեւ 100 քառակուսի մետր ընդհանուր մակերես ունեցող հիմնական եւ ոչ հիմնական շինությունների ներսում վաճառքի կազմակերպման դեպքում՝ 15 հազար ՀՀ դրամ եւ այլն:

Համայնքի տարածքում բացօթյա առեւտուր կազմակերպելու թույլտվության համար տեղական տուրքը սահմանվում է յուրաքանչյուր օրվա համար` մեկ քառակուսի մետրի համար՝ 200 ՀՀ դրամ, հեղուկ վառելիքի, սեղմված բնական կամ հեղուկացված նավթային գազերի մանրածախ առեւտրի կետերում հեղուկ վառելիքի եւ (կամ) սեղմված բնական կամ հեղուկացված նավթային գազերի եւ տեխնիկական հեղուկների վաճառքի թույլտվության համար տեղական տուրքը սահմանվում է՝ 300 հազար ՀՀ դրամ,  խանութներում, կրպակներում տեխնիկական հեղուկների վաճառքի թույլտվության համար տեղական տուրքը ընթացիկ տարվա համար սահմանվում է՝ 30 հազար ՀՀ դրամ, համայնքի տարածքում հանրային սննդի կազմակերպման եւ իրացման թույլտվության համար տեղական տուրքը յուրաքանչյուր եռամսյակի համար սահմանվում է`հիմնական շինությունների ներսում` մինչեւ 26 քառակուսի մետր ընդհանուր մակերես ունեցող հանրային սննդի օբյեկտի համար՝ 4 հազար 8 հարյուր ՀՀ դրամ, 26-ից մինչև 50 քառակուսի մետր ընդհանուր մակերես ունեցող հանրային սննդի օբյեկտի համար՝ 9 հազար ՀՀ դրամ, 51-ից մինչև 100 քառակուսի մետր ընդհանուր մակերես ունեցող հանրային սննդի օբյեկտի համար՝ 15 հազար ՀՀ դրամ եւ այլն:

Գյումրու քաղաքապետարանի աշխատակազմի հաստիքացուցակը 2018 թվականի հունվարի 1-ից

Գյումրու ավագանու դեկտեմբերի 6-ի նիստում հաստատվելու է Գյումրու քաղաքապետարանի աշխատակիցների թվաքանակը, հաստիքացուցակն ու պաշտոնային դրույքաչափը:

Քաղաքապետարանը 2018-ին ունենալու է 243 աշխատակից, ամսական աշխատավարձի ֆոնդը կազմելու է 28 մլն 639 հազար 745 ՀՀ դրամ (ներառյալ հարկերը), տարեկան` 343 մլն 46 հազար 940 ՀՀ դրամ:

2018-ին Գյումրու քաղաքապետը կունենա 2 խորհրդական, նախկին 4-ի փոխարեն: Խորհրդականի 2 հաստիքները կրճատվել են, փոխարենը հայեցողական պաշտոնների թվում ավելացել են գլխավոր ճարտարապետի եւ համայնքի տնտեսական ծրագրերի զարգացման պատասխանատուի մեկական հաստիք:

Բնակկոմունալ եւ շրջակա միջավայրի պահպանության բաժնում կրճատվելու է 3 հաստիք, նախկինում բաժինն ունեցել է 19 աշխատակից, այս նոր հաստիքացուցակով կունենա 16: Քաղաքաշինության եւ ճարտարապետության բաժնում մեկ հաստիք կկրճատվի, 12-ի փոխարեն կգործի 11: Ֆինանսատնտեսագիտական բաժնում կկրճատվի 2 հաստիք: Եթե 2017-ին բաժինն ունեցել է 15, ապա 2018-ին կունենա 13 հաստիք:

Մյուս բաժինների հաստիքացուցակները կմնան անփոփոխ:

ՀՈԱԿ-ների հաստիքացուցակները

Դեկտեմբերի 5-ին Գյումրու ավագանու հաստատմանն է ներկայացվելու նաեւ համայնքային ենթակայության բոլոր կառույցների հաստիքացուցակները:

Օրինակ` համայնքային մանկապարտեզի տնօրենը 2018 թվականին ամսական ստանալու է 90 հազար 910 դրամ, հաշվապահը, երաժշտական ղեկավարը, մեթոդիստը, դաստիարակի օգնականը, բուժքույրը, խոհարարը, խոհարարի օգնականը, դռնապանը, հավաքարարը` 77 հազար 909, դաստիարակը` 109 հազար 48 դրամ` ներառյալ հարկերը: Նշված գումար չափով ամսական աշխատավարձ կստատան նրանք, ովքեր կունենան մեկ դրույք: Սրանք յուրաքանչյուրի ամսական դրույքաչափերն են:

Համայնքային երիտասարդական պալատը 2018-ին կունենա 5 հաստիք` տնօրեն, համակարգող, հավաքարար, հաշվապահ, տնտեսվար: Տնօրենի ամսական աշխատավարձը կազմելու է 105 հազար դրամ, համակարգողինը` 90 հազար, իսկ մյուսներից յուրաքանչյուրինը` 77 հազար 905 դրամ:

Մհեր Մկրտչյանի թանգարանին հատկացվելու է 6, 25 հաստիքային միավոր: Տնօրենի ամսական աշխատավարձը կազմելու է 108 հազար 250 դրամ, երկու էքսկուրսավարին` 155 հազար 810 դրամ, հաշվապահին հատկացվելու է 0,25 դրույք, ստանալու է 27 հազար 63 դրամ, իսկ ֆոնդապահը, հսկիչը, հավաքարարը ամսական ստանալու են 77 հազար 905 ՀՀ դրամ աշխատավարձ:

33 դրույք հատկացվելու է բռնցքամարտի մանկապատանեկան մարզադպրոցին, տնօրենի ամսական աշխատավարձը կազմելու է 96 հազար 700 դրամ, փոխտնօրենը, հնոցապանը, ուսմասվար, մեթոդիստը, հաշվապահը` ամսական 77 հազար 905 ՀՀ դրամ եւ այլն:

Անի Մկրտչյան

©progressgyumri.am

Armenian News/Analyses/Research/Interview/Monitoring: Tel: +37498 691-690; E-mail: progressgyumri@gmail.com ; progressgyumri@mail.ru

Շիրակի պատգամավորներն ինչպե՞ս են քվեարկել թեժ օրինագծերը

Քվեարկության արդյունքները 

ԱԺ-ում, որպես թեժ օրինագծեր, նշվում են 7 օրենքի նախագծեր, որոնց վերաբերյալ տարբեր կարծիքներ են հայտնել խմբակցություններն ու պատգամավորները: Այս օրինագծերում առկա են որոշ վիճելի դրույթներ, որոնց պարբերաբար անդրադառնում են նաեւ զանգվածային լրատվամիջոցները:

Ներկայացնում ենք այդ օրինագծերը, դրանց համառոտ նկարագիրն ու Շիրակի մարզից 6 պատգամավորների քվեարկության արդյունքները:

Զինվորական ծառայություն, զինծառայողի կարգավիճակ. «Զինվորական ծառայության և զինծառայողի կարգավիճակի մասին» օրենքի նախագծին դեմ քվեարկեց միայն «Ելք» խմբակցությունը: Օրենքի նախագծի ընդունմամբ ակնկալվում է ապահովել խաղաղ և պատերազմի ժամանակ ՀՀ զինված պաշտպանության արդյունավետությունը, բարձրացնել քաղաքացիների վստահությունը պարտադիր զինվորական ծառայության և պահեստազորային պատրաստության գործընթացի նկատմամբ, քաղաքացիների մոտ խթանել պարտադիր եւ պայմանագրային զինվորական ծառայություն անցնելու կամահայտության դրսևորումը, ինչպես նաև նպաստել «Ազգ-Բանակ» գաղափարախոսության ամբողջական իրացմանը:

Սակայն օրինագծում վիճելի դրույթ է համարվում տարկետման խստացումը: 18 տարին լրացած արական սեռի յուրաքանչյուր ՀՀ քաղաքացի պարտավոր է զորակոչվել բանակ:

Այս օրինագծին Շիրակի մարզի 6 պատգամավորն էլ կողմ են քվեարկել:

Հայ-ռուսական միացյալ զորախումբ. նոյեմբերի 3-ին Ռուսաստանի կառավարությունն ընդունել էր որոշում, որով ՌԴ նախագահին առաջարկում է հայկական կողմի հետ կնքել «Հայաստանի զինված ուժերի և Ռուսաստանի զինված ուժերի միացյալ զորախմբի մասին համաձայնագիրը»: Որոշմանը կից հրապարակվել էր նաև առաջարկվող համաձայնագիրը, ըստ որի՝ կողմերը՝ Հայաստանը և Ռուսաստանը, ստեղծում են զինված ուժերի միացյալ զորախումբ և նույն համաձայնագրի համաձայն կարգավորում են զորախմբի գործունեությունը: Նոյեմբերի 5-ին Ազգային ժողովը վավերացրեց հայ-ռուսական միացյալ զորախումբ ստեղծելու մասին համաձայնագիրը:

Այս օրինագծին եւս Շիրակի մարզի 6 պատգամավորն էլ կողմ են քվեարկել

ԵԱՏՄ անդամակցության դադարեցում. «Ելք» դաշինքը նշում էր, որ Հայաստանը ԵԱՏՄ-ում անելիք չունի: Մասնավորապես, «Ելք» խմբակցության պատգամավոր Նիկոլ Փաշինյանը՝ ասել էր, որ վերջին երեք տարիները հիմնավորել են դաշինքի բոլոր պնդումները:

Այս օրինագծին Շիրակի մարզի բոլոր պատգամավորները դեմ են արտահայտվել, բացառությամբ` Ռոմիկ Մանուկյանի (ՀՅԴ-ական, ՀՅԴ խմբակցություն), նա կողմ է արըահայտվել:

Հավաքների ազատություն  «Հավաքների ազատության մասին» Հայաստանի Հանրապետության օրենքում փոփոխություններ և լրացում կատարելու մասին օրենքի նախագծում կատարվող փոփոոխությունները, ըստ ՀՀ արդարադատության նախարարության  առաջին տեղակալ Արթուր Հովհաննիսյանի, կատարվում են հիմնականում տերմինների համապատասխանեցման նպատակով, իսկ փոփոոխությունները զուտ տեխնիկական են: Պաշտոնյայի խոսքով` հավաքների ազատության մասին 2015թ-ի փոփոխությունները համապատասխանեցվում է ՀՀ սահմանադրությանը:

Այս օրինագծին կողմ են արտահայտվել Շիրակի մարզի 3 պատգամավոր, իսկ Ծառուկյան դաշինքի պատգամավորներ Վարդան Ղուկասյանը, Տատյանա Միքայելյանը, Վարդեւան Գրիգորյանը դեմ են քվեարկել:

Տեղական հանրաքվե նախաձեռնելու իրավունք.  Երևանում «Տեղական ինքնակառավարման մարմինների մասին» օրենքում փոփոխություններ կատարելու մասին նախագիծը սեպտեմբերի 13-ին ԱԺ-ում ընդունվեց առաջին ընթերցմամբ: Օրինագծով առաջարկվում է տեղական հանրաքվե նախաձեռնելու իրավունքը հանել խմբակցություններին տրված լիազորությունների շարքից և այն վերապահել ավագանու մեկ երրորդին։

Այս օրինագծին եւս կողմ են արտահայտվել Շիրակի մարզի 3 պատգամավոր, Ծառուկյան դաշինքի պատգամավորներ Վարդան Ղուկասյանը, Տատյանա Միքայելյանը, Վարդեւան Գրիգորյանը դեմ են քվեարկել:Բյուջե 2016-ի կատարման հաշվետվություն.2016 թվականի տարեկան տվյալների ամփոփումը ցույց է տվել, որ տնտեսության զարգացման միտումները նախորդ տարվա համեմատ դանդաղել են: Տարվա արդյունքներով տնտեսական աճը կազմել է 0.2%՝ կրելով հիմնական գործընկեր երկրների տնտեսական անբարենպաստ զարգացումների, մետաղների միջազգային գների նվազման, Ռուսաստանից ներհոսող դրամական փոխանցումների կրճատման և, դրա արդյունքում, իրական տնօրինվող եկամուտների անկման հետևանքները, որոնց ՀՀ կառավարությունն արձագանքել է հակացիկլային հարկաբյուջետային քաղաքականությամբ:

Այս օրինագծին դեմ են արտահայտվել Ծառուկյան դաշինքի պատգամավորներ Տատյանա Միքայելանն ու Վարդան Ղուկասյանը, իսկ Վարդեւան Գրիգորյանը չի քվեարկել: ՀՀԿ խմբակցության պատգամավոր Արման Սահակյանը բացակա է եղել, նույն խմբակցության պատգամավոր իսկ Ֆելիքս Ցոլակյանն ու ՀՅԴ խմբակցությունից Ռոմիկ Մանուկյանը կողմ են արտահայտվել:

Կառավարության կառուցվածք. մասնավորապես, նախարարների թիվը չպետք է գերազանցի 18-ը:

Այս օրինագծին կողմ են քվեարկել ՀՀԿ–ի եւ ՀՅԴ–ի խմբակցությունների Շիրակի մարզի պատգամավորները` Արման Սահակյանը, Ֆելիքս Ցոլակյանը, Ռոմիկ Մանուկյանը: Ծառուկյան դաշինքի պատգամավորներ Տատյանա Միքայելյանն ու Վարդան Ղուկասյանը ձեռնպահ են քվեարկել, իսկ Վարդեւան Գրիգորյանը` դեմ: Ավելի մանրամասն` այստեղ

 Արման Սահակյան, ՀՀԿ-ական, ՀՀԿ խմբակցություն

Զինվորական ծառայություն, զինծառայողի կարգավիճակ-կողմ

Հայ-ռուսական միացյալ զորախումբ-կողմ

ԵԱՏՄ անդամակցության դադարեցում-դեմ

Հավաքների ազատություն-կողմ

Տեղական հանրաքվե նախաձեռնելու իրավունք-կողմ

Բյուջե 2016-ի կատարման հաշվետվություն-բացակա

Կառավարության կառուցվածք-կողմ

Ռոմիկ Մանուկյան, Ռոմիկ Մանուկյան ՀՅԴ-ական, ՀՅԴ խմբակցություն

Զինվորական ծառայություն, զինծառայողի կարգավիճակ-կողմ

Հայ-ռուսական միացյալ զորախումբ-կողմ

ԵԱՏՄ անդամակցության դադարեցում-կողմ

Հավաքների ազատություն-կողմ

Տեղական հանրաքվե նախաձեռնելու իրավունք-կողմ

Բյուջե 2016-ի կատարման հաշվետվություն-կողմ

Կառավարության կառուցվածք-կողմ

Վարդեւան Գրիգորյան, ԲՀԿ-ական, Ծառուկյան դաշինք

Զինվորական ծառայություն, զինծառայողի կարգավիճակ-կողմ

Հայ-ռուսական միացյալ զորախումբ-կողմ

ԵԱՏՄ անդամակցության դադարեցում-դեմ

Հավաքների ազատություն-դեմ

Տեղական հանրաքվե նախաձեռնելու իրավունք-չի քվեարկել

Բյուջե 2016-ի կատարման հաշվետվություն-չի քվեարկել

Կառավարության կառուցվածք-դեմ

Վարդան Ղուկասյան, անկուսակցական Ծառուկյան դաշինք

Զինվորական ծառայություն, զինծառայողի կարգավիճակ-կողմ

Հայ-ռուսական միացյալ զորախումբ-կողմ

ԵԱՏՄ անդամակցության դադարեցում-դեմ

Հավաքների ազատություն-դեմ

Տեղական հանրաքվե նախաձեռնելու իրավունք-չի քվեարկել

Բյուջե 2016-ի կատարման հաշվետվություն-դեմ

Կառավարության կառուցվածք-ձեռնպահ

Տատյանա Միքայելյան, ԲՀԿ-ական, Ծառուկյան դաշինք

Զինվորական ծառայություն, զինծառայողի կարգավիճակ-կողմ

Հայ-ռուսական միացյալ զորախումբ-կողմ

ԵԱՏՄ անդամակցության դադարեցում-դեմ

Հավաքների ազատություն-դեմ

Տեղական հանրաքվե նախաձեռնելու իրավունք-չի քվեարկել

Բյուջե 2016-ի կատարման հաշվետվություն-դեմ

Կառավարության կառուցվածք-ձեռնպահ

Ֆելիքս Ցոլակյան, անկուսակցական, ՀՀԿ խմբակցություն

Զինվորական ծառայություն, զինծառայողի կարգավիճակ-կողմ

Հայ-ռուսական միացյալ զորախումբ-կողմ

ԵԱՏՄ անդամակցության դադարեցում-դեմ

Հավաքների ազատություն-կողմ

Տեղական հանրաքվե նախաձեռնելու իրավունք-կողմ

Բյուջե 2016-ի կատարման հաշվետվություն-կողմ

Կառավարության կառուցվածք-կողմ

Անի Մկրտչյան

Քվեարկության արդյունքները` www.parliamentmonitoring.am կայքից

Գյումրու բյուջեն 5 մլրդ-ի հասցնելու տարբերակ

Ավագանին հաջորդ տարի ուղերձ կհղի ԱԺ-ին եւ ՀՀ կառավարությանը

Այսօր համայնքների բյուջեները ձեւավորվում են հիմնականում սեփական եկամուտներից`տեղական տուրքերից, հարկերից, տույժերից, վարձավճարներից եւ պետական աջակցությունից` դոտացիայից:

Գյումրու համայնքային բյուջեն վերջին տարիներին տատանվում է 3 միլիարդ 100 միլիոնի եւ 3 միլիադ 200 միլիոն ՀՀ դրամի սահմաններում, որից պետական դոտացիան կազմում է շուրջ 2 միլիարդ: Վերջին 1-2 տարիներին դոտացիան մի քանի միլիոնով պակասել է:  Հանրապետության երկրորդ քաղաքի սեփական եկամուտները կազմում են շուրջ մեկ միլիարդ ու մի քանի հարյուր միլիոն, որը համայնքի բյուջեի մոտ 1/3-րդ մասն է կազմում:

Վերջին 3 տարում քաղաքապետարանը, նաեւ շահագրգիռ կառույցներ, տնտեսագետներ բարձաձայնում են, որ, կառավարությունը, Աժ-ը, հաշվի առնելով Գյումրու սոցիալ տնտեսական վատթար վիճակը, պետք է ավելացնի պետական աջակցության ծավալը: Մասնավորապես պետական բյուջե գնացող Գյումրու եկամտահարկի մի մասն անհրաժեշտ է փոխանցել Գյումրու բյուջե` միաժամանակ չպակասեցնել պետական դոտացիայի ծավալը:

Այս թեմայով Գյումրու քաղաքապետարանում մի քանի տարի առաջ եղան քննարկումներ: Գյումրուն արտոնություններ տալու խնդրանքով` ԱԺ-ի որոշ պատգամավորների հանձնվեցին առաջարկությունների փաթեթներ, սակայն արդյունքում որեւէ դրական փոփոխություն չեղավ:

Գյումրու քաղաքապետ Սամվել Բալասանյանն արդեն որոշակի հաշվարկներ է կատարել եւ եզրահանգել, որ եկամտահարկի մի մասը Գյումրու բյուջե փոխանցելու դեպքում համայնքի տարեկան բյուջեն 3 մլրդ-ի փոխարեն կկազմի 5 մլրդ:

Ավագանու նոյեմբերի 6-ի նիստի ընթացքում ‹‹Հայկական վերածնունդ›› խմբակցության ավագանու անդամ Հասմիկ Եղիազարյանը հետաքրքրվեց, թե եկամտահարկը չի՞ վերադարձվում արդյոք քաղաքային բյուջե:

Գյումրու քաղաքապետը պատասխանեց. ‹‹Միայն դոտացիայի տեսքով: Եկամտահարկը առանձին չի մտնում բյուջե: Իրենք դոտացիան են տալիս››:

Խմբակցության անդամն հարցրեց, թե հնարավոր չէ ավագանին ուղերձով ներկայանա, դիմի ԱԺ-ի պատգամավորներին քաղաքի եկամտահարկից որոշակի մասհանում փոխանցվի Գյումրու բյուջե:

‹‹Չեմ կարող ասել, թե մեր դիմելուց հետո օրենքում փոփոխություն կլինի, որովհետեւ դա մեկ համայնքի հետ կապված չէ: Եթե ընտրությունն անցկացնում ենք Երեւանի օրենքով եւ մենք ընդամենը համահարթեցումով ենք օգտվում մեր պետական բյուջեից, այստեղ ոնց որ խզում կա, կա անհամապատասխանություն: Գյումրուն եւ Վանաձորին պետք է տան նույն կարգավիճակը, ինչպես Երեւանին: Եթե կառավարությունը ցանկություն ունենա երկու քաղաքի հետ կապված այս հարցին լուծում կտա, բայց չեմ կարծում, որ շատ արագ կլինի` մինչեւ ապրիլ: Ապրիլից հետո նոր կարող ենք մտածել եւ առաջարկություններ անել քաղաքն ունի շահութահարկ, եկամտահարկ››,-պատասխանեց Ս.Բալասանյանը:

Մեր հավաստի տեղեկություններով` 2018 թվականի ապրիլից հետո Գյումրու ավագանին` տեղական բյուջեն ավելացնելու այս տարբերակի վերաբերյալ գրավոր ուղերձ է հղելու ԱԺ-ին ու ՀՀ կառավարությանը:

Անի Մկրտչյան

©progressgyumri.am  Armenian News/Analyses/Research/Interview/Monitoring