13 հարց. Գյումրու ավագանու հերթական նիստն էր
Այսօր կայացավ Գյումրու ավագանու հերթական նիստը: Օրակարգ էր ընդգրկվել 13 հարց:
Ավագանին նոր խմբագրությամբ հաստատեց համայնքի զարգացման 2017-2021 թվականների հնգամյա ծրագիրը:
Գյումրու 2017 թվականի բյուջեում կատարվեց որոշակի փոփոխություն: «3.274.928.900 (երեք միլիարդ երկու հարյուր յոթանասունչորս միլիոն ինը հարյուր քսանութ հազար ինը հարյուր)» թիվը և բառերը փոխարինվեցին «3.236.143.400 (երեք միլիարդ երկու հարյուր երեսունվեց միլիոն հարյուր քառասուներեք հազար չորս հարյուր)» թվով և բառերով:
Ձայների մեծամասնությամբ հաստատվեց Գյումրու քաղաքապետարանի ներկայացրած ամանորյա ծախսերի մասին որոշման նախագիծը: Ամանորյա միջոցառումների կազմակերպման եւ անցկացման համար համայնքի բյուջեից հատկացվեց 7 մլն ՀՀ դրամ:
«Ժպիտ» եւ «Լիլիթ» մանկապարտեզներին, որպես նվիրատվություն, համապատասխանաբար հատկացվեց 250 հազար եւ 300 հազար ՀՀ դրամ` վերանորոգման աշխատանքներ իրականացնելու նպատակով:
Սահմանվեց Գյումրու վարչական սահմաններում գտնվող անշարժ գույքի սեփականատիրոջ կամ տիրապետողի` իր տիրապետման տակ գտնվող անշարժ գույքի և դրան հարակից ընդհանուր օգտագործման տարածքի պարտադիր բարեկարգման կարգը՝ համաձայն հավելվածի:
Գյումրու ավագանին նաեւ հաստատեց Գյումրու համայնքի ղեկավարի կամավոր լիազորությունների իրականացման եւ դրանց համար անհրաժեշտ ֆինանսական հատկացման կարգը սահմանելու մասին որոշում: Այս որոշմամբ հստակեցվեցին որոշ սոցիալական խմբերին, նաեւ լավագույն արդյունքներ ապահոված մարզիկներին ու մարզիչներին հատկացվող գումարների չափերը:
Նիստի ընթացքում նաեւ հաստատվեցին Գյումրի համայնքի սեփականությունը հանդիսացող, կառուցապատման նպատակով առանձնացված հողամասերն աճուրդով օտարելու եւ աճուրդի մեկնարկային գներն ու պայմանները:
«Լիլիթ» համայնքային մանկապարտեզին անհատույց օգտագործման իրավունքով տրամադրված Գյումրի համայնքի սեփականություն հանդիսացող Վազգեն Սարգսյան փողոցի N 20 հասցեում գտնվող շինությունի առանձնացվեց 99,57 քառակուսի մետր մակերեսով տարածքը վերցվեց եւ այն տասը տարի ժամկետով անհատույց օգտագործման տրամադրվեց «Երիտասարդական նախաձեռնությունների կենտրոն» հասարակական կազմակերպությանը՝ տարածքի վերակառուցման և երիտասարդական կենտրոն ստեղծելու նպատակով: Այս որոշման համար հիմք ընդունվեց ինչպես «Լիլիթ» մանկապարտեզի տնօրենի, այնպես էլ «Երիտասարդական նախաձեռնությունների կենտրոն» ՀԿ-ի նախագահի գրությունները:
Գյումրու ավագանու հաջորդ նիստը կայանալու է դեկտեմբերի 6-ին, արտահերթ նիստ նախատեսվում է դեկտեմբերի 15-ին:
Ա.Մկրտչյան
©progressgyumri.am Armenian News/Analyses/Research/Interview/Monitoring
Երկխոսություն՝հանուն ժողովրդավարության /Dialogue for Democracy 30.10.2017
Հոկտեմբերի 6-ին Գյումրու ավագանին ձայների մեծամասնությամբ ընդունեց որոշում քաղաքի Աբովյան ճեմափողոցում գյումրեցի հայտնի մարդկանց արձաններ տեղադրելու մասին, իսկ հոկտեմբերի 25-ին անցկացվեց հանրային քննարկում, որն ըստ էության ընտրվելիք անձանց ցանկի շուրջ էր լինելու, սակայն ներկաների համար առաջնայինը դրանց տեղադրման վայրը կարևորվեց:
Այս և քաղաքի դիմագծի պահպանման, մշակութային քաղաքականության հարցերի շուրջ կխոսեն Գյումրու քաղաքապետարանի Մշակույթի ու երիտասարդոււթյան հարցերի բաժնի պետ՝ Արտուշ Մկրտչյանը, Գեղագիտության ազգային կենտրոնի Գյումրու մ/ճ տնօրեն Սուսաննա Մկրտչյանը, քանդակագործներ Արտուշ Պապոյանը, Ալբերտ Վարդանյանը:
#DialogueforDemocracy
©progressgyumri.am Armenian News/Analyses/Research/Interview/Monitoring: Tel: +37498 691-690; E-mail: progressgyumri@gmail.com
Որտե՞ղ եւ քանի՞ հուշարձան տեղադրել. կարծիք են հայտնում քաղաքացիները
1. Արժե՞ Աբովյան ճեմափողոցում տեղադրել 12 հուշարձան 2. Գյումրու ո՞ ր մասում կցանկանայիք տեսնել հուշարձաններ
©progressgyumri.am Armenian News/Analyses/Research/Interview/Monitoring: Tel: +37498 691-690; E-mail: progressgyumri@gmail.com ; progressgyumri@mail.ru
Հանրային բաց լսումից հետո արձանների տեղադրման հարցը նորից քննարկվելու է
Հոկտեմբերի 25-ին Գյումրու Աբովյան ճեմափողոցում գյումրեցի անվանի անձանց 12 հուշարձանների ցանկը կազմելու վերաբերյալ քաղաքապետարանում կայացավ հանրային քննարկում:
Հանրային քննարկման մասնակիցները շատ չէին: Պասիվության հիմնական պատճառը, ըստ որոշ մասնակիցների, հանրային քննարկումն աշխատանքային ժամին նշանակելն էր: Հանրային քննարկումը մեկնարկեց ժամը 12:10-ին եւ տեւեց մոտ 60-70 րոպե:
Քննարկման ընթացքում շահագրգիռ կողմ հանդես եկան հիմնականում արվեստագետները, արվեստաբանները, այլ մասնագետներ, որոնք իրենց առանձին կարծիքներն ու առաջարկությունները ներկայացրին: Հանրային քննարկման արդյունքում, սակայն, հստակ որոշում չկայացրին, թե արդյոք Աբովյան ճեմափողոցում քանի եւ ում արձանները կարելի է տեղադրել:
Շահագրգիռ անձինք մինչեւ հոկտեմբերի վերջ կարող են արձանների տեղադրման մասին իրենց առաջարկություններն ու դիտարկումները գրավոր ուղարկել Գյումրու քաղաքապետարան: Հարցը նորից ընդգրկվելու է ավագանու նիստի օրակարգ:
Օրեր առաջ քաղաքապետարանը հրապարակել էր տեղադրվելիք հուշարձանների ցանկի նախագիծը, որում նշված են 17 հայտնի մարդկանց անուն-ազգանունները`
1.Գեորգի Գյուրջիեւ-փիլիսոփա, կոմպոզիտոր, գրող, սցենարիստ եւ պարուսույց
2.Ավետիք Իսահակյան-բանաստեղծ
3.Հովհաննես Շիրազ-բանաստեղծ
4.Սերգեյ Համբարձումյան-մեխանիկ, տեխնիկական գիտությունների դոկտոր, պրոֆեսոր, ՀԽՍՀ ԳԱ ակադեմիկոս
5.Արտաշես Շահինյան-մաթեմատիկոս, մանկավարժ, ֆիզմաթ գիտությունների դոկտոր, պրոֆեսոր, ՀԽՍՀ ԳԱ ակադեմիկոս
6.Արմենակ Մնջոյան-քիմիակական գիտությունների դոկտոր, պրոֆեսոր, ՀԽՍՀ ԳԱ ակադեմիկոս
7.Մհեր Մկրտչյան-դերասան, ԽՍՀՄ ժողովրդական արտիստ
8.Էդմոնդ Քեոսայան-կինոռեժիսոր, կինոդրամատուրգ
9.Մարիամ եւ Երանուհի Ասլամազյաններ-նկարչուհիներ, ՀԽՍՀ եւ ԽՍՀՄ վաստակավոր եւ ժողովրդական նկարիչներ
10.Սերգեյ Մերկուրով-քանդակագործ, ԽՍՀՄ ժողովրդական նկարիչ, ակադեմիկոս
11.Մինաս Ավետիսյան-գեղանկարիչ
12.Արմեն Տիգրանյան-երգահան, խմբավար, ՀԽՍՀ, ՎԽՍՀ արվեստի վաստակավոր գործիչ
13.Նիկողայոս Տիգրանյան-կոմպոզիտոր, բանահավաք, դաշնակահար, ՀԽՍՀ ժողովրդական արտիստ
14.Խաչատուր Ավետիսյան-կոմպոզիտոր, քանոնահար, ՀԽՍՀ ժողովրդական արտիստ, ՀՀ պետական մրցանակի դափնեկիր
15.Շերամ (Գրիգոր Թալյան)-գուսան-երգահան
16.Պոլոզ Մուկուչ (Մկրտիչ Մելքոնյան)-զվարճաբան-առակախոս
17.Քըրք Քըրքորյան (Գրիգոր Գրիգորյան)-ամերիկահայ գործարար, բարերար:
Հոկտեմբերի 6-ին Գյումրու ավագանին ձայների մեծամասնությամբ ընդունեց որոշում քաղաքի Աբովյան ճեմափողոցում գյումրեցի հայտնի մարդկանց արձաններ տեղադրելու մասին:
Որոշման նախագծում նշված է, որ հուշարձանները տեղադրվելու են Հայաստանի Հանրապետության նախագահի հովանավորությամբ:
Ավագանու նիստի ընթացքում Ս.Բալասանյանն ասել էր, որ ինքն անձամբ է Սերժ Սարգսյանին խնդրել, վերջիննս էլ ընդառաջել է եւ համաձայնել ֆինանսավորել:
Դեռեւս հայտնի չէ, թե մոտավորապես որքան գումար է անհրաժեշտ այս հուշարձանների տեղադրման համար: Ս.Բալասանյանն հույս ունի, որ նախագահի տրամադրած գումարը բավարարելու է, իսկ եթե չբավարարի, ապա սպասելու են բարերաների ներդրումներին:
Իսկ այն հարցին, թե ինչու է փողոցում նախատեսվում տեղադրել կոնկրետ 12 արձան, քաղաքապետը պատասխանել էր. ‹‹Այդ փողոցում կա 12 հենասյուն, նույնքան էլ արձան է տեղադրվելու››:
Ա.Մկրտչյան
©progressgyumri.am Armenian News/Analyses/Research/Interview/Monitoring
Գյումրու ավագանին մի քանի անգամ նույն անձին գումար է հատկացնում
Պետական եւ համայնքային բյուջեից օգնություն ստացած Գյումրու բնակիչները
Գյումրու ավագանին գրեթե ամեն տարի շուրջ 7-8 մլն ՀՀ դրամ է հատկացնում Գյումրու 700-800 բնակչի` որպես դրամական աջակցություն:
2017 թվականի հունվարից մինչեւ այսօր Գյումրու ավագանին 4 նիստի ընթացքում միաձայն որոշել է 587 քաղաքացու հատկացնել ընդհանուր 5 մլն 900 հազար ՀՀ դրամ, յուրաքանչյուր քաղաքացու հիմնականում հատկացվել է 10 հազար ՀՀ դրամ: Ավագանին մի քանի բացառություններ եւս կատարել է. որոշ բնակիչների տրամադրել է 15 հազար կամ 20 հազար ՀՀ դրամ:
Գյումրու յուրաքանչյուր բնակիչ իրավունք ունի գրավոր դիմել Գյումրու քաղաքապետին` գումար ստանալու խնդրանքով: Անձի դիմումը եւ ներկայացրած բոլոր փաստաթղթերը պետք է ուսումնասիրվեն եւ ստուգվեն ավագանու մշակույթի, կրթության, սպորտի եւ սոցիալական հարցերի մշտական գործող հանձնաժողովի կողմից, հանձնաժողովը նաեւ տունայցերի միջոցով պետք է պարզի, թե գումար հայցող բնակիչը իսկապես ունի դրամական աջակցության կարիք: Այնուհետ` հանձնաժողովի դրական եզրակացության դեպքում անձի անունը ներառվում է դրամական աջակցություն ստացող քաղաքացիների ցանկ, որն էլ ընդգրկվում է ավագանու նիստի օրակարգ:
Սովորաբար ավագանու անդամները, հիմք ընդունելով, որ հանձնաժողովն ուսումնասիրել է անձի դիմումը, համարել է սոցիալապես անապահով, նիստերին միաձայն կողմ են քվեարկում նման որոշման նախագծերին:
Սակայն մեր ուսումնասիրությունները ցույց են տալիս, որ համայնքի բյուջեից գումար ստացող շատ քաղաքացիներ պարբերաբար են ընդգրկվում այս ցանկ, մինչդեռ բազմաթիվ բնակիչներ բողոքում ու դժգոհում են, որ իրենց գումար չի հասնում:
Որպես ապացույց հրապարակենք որոշ փաստեր
Ուսումնասիրել ենք 2015, 2016, 2017 թվականների դրամական աջակցություն ստացած քաղաքացիների ցանկերը:
Գյումրու ավագանին 2017 թվականի մարտի 10-ին որոշել է Լ.Ֆիդանյանին գումար հատկացնել 10 հազար դրամ, նույն անձին 10 հազար դրամ ավագանին հատկացրել է նաեւ 2017 թվականի սեպտեմբերի 12-ին:
Փ.Մարգարյանին 10 հազար դրամ հատկացվել է 2016 թվականի հունիսի 16-ի ավագանու որոշմամբ, նույն քաղաքացուն ավագանին 10 հազար հատկացրել է նաեւ 2017 թվականի հունիսի 5-ին, իսկ սեպտեմբերի 12-ի նիստում ավագանին Փ.Մարգարյանին հատկացրեց 200 հազար ՀՀ դրամ` որպես դրամական աջակցություն: Պատճառաբանվեց, որ Մարգարյանների ընտանիքի գույքի մի մասն այրվել է հրդեհի հետեւանքով:
Ն.Ապրեսյանին Գյումրու ավագանին գումար է հատկացրել 2015 թվականի դեկտեմբերի 17-ին`10 հազար դրամ, նույն քաղաքացուն ավագանին նույնչափ գումար հատկացրել է նաեւ 2017 թվականի սեպտեմբերի 12-ին:
Ռ.Գրիգորյանը համայնքի բյուջեից գումար ստացել է 2015 թվականի դեկտեմբերի 17-ի ավագանու որոշմամբ` 10 հազար ՀՀ դրամ, նույնչափ գումար Ռ.Գրիգորյանը ստացել է նաեւ 2016 թվականի հունիսի 16-ի ավագանու որոշմամբ:
Ա.Գեւորգյանին Գյումրու ավագանին 10 հազար ՀՀ դրամ է հատկացրել` 2015 թվականի դեկտեմբերի 17-ի որոշմամբ, քաղաքացուն ավագանին 10 հազար դրամ հատկացրել է նաեւ 2017 թվականի սեպտեմբերի 12-ի որոշմամբ:
Շ.Կողպեցյանը համայնքի բյուջեից ստացել է 30 հազար դրամ` որպես աջակցություն` ավագանու 2015 թվականի դեկտեմբերի 17-ի որոշմամբ: Շ.Կողպեցյանին ավագանին 10 հազար դրամ հատկացրել է նաեւ 2017 թվականի սեպտեմբերի 12-ի որոշմամբ:
Վ.Այվազյանին Գյումրու ավագանին 2015 թվականի դեկտեմբերի 17-ին հատկացրել է 10 հազար ՀՀ դրամ: Ավագանին նույն անձին 10 հազար հատկացրել է նաեւ 2017 թվականի սեպտեմբերի 12-ի որոշմամբ:
Խ.Աճեմյանին Գյումրու ավագանին 2016 թվականի հունիսի 16-ին` 10 հազար ՀՀ դրամ, ավագանին նույն բնակչին գումար է հատկացրել նաեւ 2017 թվականի մայիսի 5-ին` 10 հազար ՀՀ դրամ:
Լ.Ամիրյանին Գյումրու ավագանին 10 հազար ՀՀ դրամ է հատկացրել 2015 թվականի դեկտեմբերի 17-ի որոշմամբ, նույն քաղաքացուն նույնչափ գումար ավագանին հատկացրել է նաեւ 2017 թվականի մայիսի 5-ի որոշմամբ:
Ս.Աբեթնակյանին 10 հազարական գումար հատկացվել է ավագանու ինչպես 2015 թվականի դեկտեմբերի 17-ի, այնպես էլ` 2017 թվականի հունիսի 5-ի որոշմամբ:
Ա.Ղարագյոզյանին 10 հազարական հատկացվել է ինչպես 2016 թվականի դեկտեմբերի 12-ի, այնպես էլ` 2017 թվականի հունիսի 5-ի որոշմամբ:
Ա.Խալաչյանին 10 հազար դրամ հատկացվել էինչօես 2017 թվականի մայիսի 5-ի, այնպես էլ 2017 թվականի սեպտեմբերի 12-ի որոշմամբ:
Որոշ անձինք բացի Գյումրու ավագանու հատկացրած աջակցությունից միեւնույն ժամանակ գումար են ստացել նաեւ Շիրակի մարզպետարանից:
Օրինակ` Ա.Նահապետյանը 10 հազար դրամ ստացել է Գյումրու ավագանու սեպտեմբերի 12-ի որոշմամբ, նույն ամսում 20 հազար դրամ ստացել է նաեւ Շիրակի մարզպետարանից` որպես դրամական աջակցություն:
Գ.Կարապետյանը սեպտեմբերին Գյումրու ավագանու որոշմամբ ստացել է 10 հազար դրամ, նույն ամսում Շիրակի մարզպետարանից` 15 հազար ՀՀ դրամ:
Նույն հասցեում բնակվող Գյումրու բնակիչներ Մ.Օլթեցյանը եւ Ս.Օլթեցյանը գումար են ստացել եւ Գյումրու համայնքից, եւ պետական բյուջեից: Գյումրու ավագանու 2017 թվականի սեպտեմբերի 12-ի որոշմամբ Ս.Օլթեցյանը ստացել է 10 հազար ՀՀ դրամ, իսկ Մ.Օլթեցյանը հունիսին է 15 հազար ՀՀ դրամ ստացել Շիրակի մարզպետարանից:
Ցանկերի ուսումնասիրությունից նկատվում է, որ նույն հասցեում գրանցված եւ նույն բնականարում բնակվող ընտանիքի մի անդամը դրամական օգնություն է ստացել Շիրակի մարզպետարանից, իսկ մյուսը` Գյումրու քաղաքապետարանից: Նաեւ նույն ազգանուններով ազգակցականները, որոնք բնակվում են միմյանց մոտ եւ հարեւան են, միեւնույն ժամանակ գումար են ստացել Գյումրու քաղաքապետարանից. նման օրինակները եւս բազմաթիվ են:
Ավագանու մշակույթի, կրթության, սպորտի եւ սոցիալական հարցերի մշտական գործող հանձնաժողովի նախագահը 2012 թվականից մինչ այսօր ավագանու անդամ Մխիթար Սահակյանն է: Մ.Սահակյանից հետաքրքրվեցինք, թե կա արդյոք կանոնակարգ, որի միջոցով ընտրվում են գումար ստացող քաղաքացիները, ինչպիսի սկզբունքներ են կիրառվում գումարի չափը նշանակալիս:
Մ.Սահակյանը պատասխանեց, որ ինքը չի առաջնորդվում կանոնակարգով, իր համար առաջնային է մարդկային խիղճը: Նա եւս չբացառեց, որ գումար հայցող քաղաքացիներն ունեն աշխատանք:
«Եթե մարդը ամսական ստանում է 50 հազար դրամ աշխատավարձ, ու մեզնից գումար է ուզում, չտա՞նք, կարող է մարդը քաղաքապետարանում կաշխատի, 50 հազար դրամ ռոճիկ կստանա, բայց փողի կարիք ունի, չտա՞նք: Մարդուն տարվա ընթացքում գոնե 2 անգամ գումար պետք է տանք: Մենք էնքան ենք գնացել էդ մարդկանց տները, որ բոլորին գիտենք, վիճակներին ծանոթ ենք, գիտենք ինչքան վատ կապրին»,-ասում է ավագանու անդամը:
Անկախ մարդու կարգավիճակից (ունի հաշմանադամության կա՞րգ, թե՞ ոչ, աշխատանք ունի՞, թե՞ գործազուրկ է, ընտանեկան նպաստ ստանո՞ւմ է, թե՞ ոչ), Գյումրու ավագանին հատկացնում է 10 հազար ՀՀ դրամ: Գումարի այս չափը, սակայն, որոշ դեպքերում դժգոհության տեղիք է տալիս, մասնավորապես` գործազուրկ, հաշմանդամության կարգ ունեցող քաղաքացիները էլ ավելին են ակնկալում, քան հատկացնում է Գյումրու ավագանին:
Այս խնդիրն արդեն երկար տարիների պատմություն ունի, մինչդեռ Գյումրու ավագանին գումար հատկացնելու սկզբունքներ, կանոնակարգ չի մշակում:
Անի Մկրտչյան
©progressgyumri.am Armenian News/Analyses/Research/Interview/Monitoring:
Երկխոսություն՝հանուն ժողովրդավարության /Dialogue for Democracy 23.10.2017
#DialogueforDemocracy
Սերժ Սարգսյանի հովանավորությամբ Գյումրու ճարտարապետական հոյակերտ շինություններով հայտնի Աբովյան փողոցը՝ նախկին Ալեքսանդրովսկին համալրվելու է հայտնի մարդկանց արձանախմբով: Գյումրու ավագանու այս որոշման շուրջ կխոսեն ՀՀ արվեստի վաստակավոր գործիչ Սիրանույշ Ղուկասյանը, հուշարձանագետ, Գյուրջևյան կենտրոնի հիմնադիր՝ Ավետիք Մելիք-Սարգսյանը, Գալա խմբակցությունից ավագանու անդամ Քրիստինա Մկրտչյանը:
Աբովյան ճեմափողոցում արձանների տեղադրման միտքը` թեժ քննարկումների սկիզբ
Հոկտեմբերի 6-ին Գյումրու ավագանին ձայների մեծամասնությամբ ընդունեց որոշում քաղաքի Աբովյան ճեմափողոցում գյումրեցի հայտնի մարդկանց արձաններ տեղադրելու մասին: Նաախտեսվում է փողոցում տեղադրել 12 արձան:Որոշման նախագծում նշված է, որ հուշարձանները տեղադրվելու են Հայաստանի Հանրապետության նախագահի հովանավորությամբ:
Ավագանու նիստի ընթացքում քաղաքապետ Սամվել Բալասանյանն ասաց, որ ինքն անձամբ է Սերժ Սարգսյանին խնդրել, վերջիննս էլ ընդառաջել է եւ համաձայնել ֆինանսավորել:
Դեռեւս հայտնի չէ, թե մոտավորապես որքան գումար է անհրաժեշտ այս հուշարձանների տեղադրման համար:
Հուշարձանների ցանկի նախագիծն արդեն հրապարակվել է. 17 անվանի անձանց անուն-ազգանուններ են առաջարկվում:
Աբովյան ճեմափողոցում գյումրեցի անվանի անձանց 12 հուշարձանների ցանկը կազմելու վերաբերյալ հոկտեմբերի 25-ին քաղաքապետարանի վարչական շենքի 2-րդ հարկի նիստերի դահլիճում կայանալու է հանրային քննարկում:
Շիրակի մարզի պատգամավորներն ինչպե՞ս են քվեարկում, ովքե՞ր են նիստերից բացակայում
Շիրակի մարզից ընտրված 6 ԱԺ պատգամավորներից 2-ը ՀՀԿ խմբակցությունից են` Արման Սահակյան (ՀՀԿ-ական) եւ Ֆելիքս Ցոլակյան (անկուսակցական), 3-ը Ծառուկյան դաշինքից` Վադեւան Գրիգորյան (ԲՀԿ-ական), Վարդան Ղուկասյան (անկուսակցական), Տատյանա Միքայելյան (ԲՀԿ-ական) եւ մեկ ՀՅԴ-ական` Ռոմիկ Մանուկյան:
Շիրակի պատգամավորներ Ռոմիկ Մանուկյանն ու Ֆելիքս Ցոլակյան ԱԺ պաշտպանության եւ անվտանգության հարցերի մշտական հանձնաժողովի անդամներ են, Տատյանա Միքայելյանը` ֆինանսավարկային եւ բյուջետային հարցերի մշտական հանձնաժողովի, Արման Սահակյանը` տնտեսական հարցերի մշտական հանձնաժողովի անդամներ են: Վարդան Ղուկասյանը տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի անդամ է, իսկ Վարդեւան Գրիգորյանը նույն այս հանձնաժողովի նախագահն է:
Parliamentmonitoring.am կայքի հրապարակած տեղեկություններն ուսումնասիրելիս` պարզել ենք, թե Շիրակի մարզից ընտրված յուրաքանչյուր պատգամավոր քանի՞ անգամ է բացակայել ԱԺ նիստերից, որքա՞ն հարց, ելույթ է ունեցել եւ ինչպիսի՞ ձայներ է ապահովել նիստերում, այսինքն` կողմ, դեմ, ձեռնպահ հարաբերակցությունն ինչպիսի՞ ն է:
Առաջին նստաշրջան (ընդգրկող ժամանակաշրջանը` մայիսի 18, 2017-հունիսի 22, 2017)
Արման Սահակյանն ունի 27 կողմ քվեարկություն, դեմ եւ ձեռնպահ չի արտահայտվել, երկու անգամ չի քվեարկել, չի բացակայել, հարցեր եւ ելույթներ չի ունեցել:
Ռոմիկ Մանուկյանն քվեարկել է 58 կողմ, դեմ եւ ձեռնպահ չի արտահայտվել, 1 անգամ չի քվեարկել, 6 անգամ բացակայել է, չի ունեցել հարց ու ելույթ:
Վարդեւան Գրիգորյանն 14 կողմ է արտահայտվել, 7` դեմ, 2` ձեռնպահ, 6 անգամ չի քվեարկել, չի բացակայել, հաց չի ունեցել, ներկայացել է մեկ ելույթով:
Վարդան Ղուկասյանն ունի 12 կողմ քվեարկություն, 6` դեմ, 3` ձեռնպահ, 8 անգամ չի քվեարկել, չի բացակայել, հարցեր եւ ելույթներ չի ունեցել
Տատյանա Միքայելյանը 11 կողմ ձայն ունի, 3` դեմ եւ 5` ձեռնպահ, 8 անգա չի քվեարկել, չի բացակայել, հացեր եւ ելույթներ չի ունեցել:
Ֆելիքս Ցոլակյանն ունի 25 կողմ, դեմ եւ ձեռնպահ չի արտահայտվել, 4 անգամ չի քվեարկել, չի բացակայել, հարցեր եւ ելույթներ չի ունեցել:
Երկրորդ նստաշրջան (սեպտեմբերի 11, 2017-ից մինչ այժմ)
Արման Սահակյանն ունի 29 կողմ ձայն, դեմ եւ ձեռնպահ չի քվեարկել, 3 անգամ չի քվեարկել, չի բացակայել, հարց եւ ելույթ չի ունեցել:
Ռոմիկ Մանուկյանը 31 անգամ կողմ է քվեարկել, դեմ եւ ձեռնպահ չի արտահայտվել, մեկ անգամ բացակայել է, հարց ու ելույթ չի ունեցել:
Վարդեւան Գրիգորյանը քվեարկել է 28 կողմ, 1` դեմ եւ 0 ձեռնպահ, 3 անգամ չի քվեարկել, չի բացակայել, հարց եւ ելույթ չի ունեցել:
Վարդան Ղուկասյանը 30 անգամ կողմ է արտահայտվել, 1` դեմ եւ 0` ձեռնպահ, մեկ անգամ չի քվեարկել, չի բացակայել, հարց եւ ելույթ չի ունեցել:
Տատյանա Միքայելյանը եւս ունի 30 կողմ ձայն, 1` դեմ եւ 0` ձեռնպահ, չի քվեարկել մեկ անգամ, չի բացակայել, հարց եւ ելույթ չի ունեցել:
Ֆելիքս Ցոլակյանը 32 անգամ կողմ է քվեարկել, դեմ եւ ձեռնպահ չի արտահայտվել, ամեն անգամ քվեարկել է, չի բացակայել, հարց ու ելույթ չի ունեցել:
Արտահերթ նստաշրջան (հուլիսի 4, 2017-օգոստոսի 10, 2017)
Արման Սահակյանն այս նստաշրջանին 4 անգամ բացայակել է, հետեւաբար քվերակություն չի ունեցել:
Ռոմիկ Մանուկյանը քվեարկել է 2 կողմ, դեմ եւ ձեռնպահ չի արտահայտվել, 2 անգամ բացակայել է, հարց եւ ելույթ չի ունեցել:
Վարդեւան Գրիգորյանը քվեարկել է 2 կողմ, դեմ եւ ձեռնպահ չի արտահայտվել, 2 անգամ չի քվեարկել, չի բացակայել, հարց ու ելույթ չի ունեցել:
Վարդան Ղուկասյանը 3 անգամ կողմ է քվեարկել, մեկ անգամ` դեմ, ձեռնպահ չի քվեարկել, չի բացակայել, հարց, ելույթ չի ունեցել:
Տատյան Միքայելյանը 3 անգամ կողմ է արտահայտվել, մեկ անգամ` դեմ, ձեռնպահ չի քվեարկել, չի բացակայել, հարց, ելույթ չի ունեցել:
Ֆելիքս Ցոլակյանն ունի 4 կողմ ձայն, դեմ, ձեռնպահ չի արտահայտվել, չի բացակայել, հարց ու ելույթ չի ունեցել:
Այսպիսով մինչ այժմ ընդհանուր տվյալներն այսպիսին են`
Արման Սահակյանը քվեարկել է 56 կողմ, դեմ եւ ձեռնպահ չի արտահայտվել, 5 անգամ չի քվեարկել, 4 անգամ բացակայել է, հարց եւ ելույթ չի ունեցել:
Ռոմիկ Մանուկյանը 58 անգամ կողմ է քվեարկել, դեմ եւ ձեռնպահ չի արտահայտվել, 1 անգամ չի քվեարկել, 6 անգամ բացակայել է, հարց եւ ելույթ չի ունեցել:
Վարդեւան Գրիգորյանն արտահայտվել է 44 կողմ ձայն, 8` դեմ եւ 2 ձեռնպահ, մեկ անգամ չի քվեարկել, չի բացակայել, ունեցել է մեկ հարց, մեկ ելույթ:
Վարդան Ղուկասյանը 45 անգամ արտահայտվել է կողմ, 8 անգամ` դեմ, եւ 3 անգամ` ձեռնպահ, 9 անգամ չի քվեարկել, չի բացակայել, հարց, ելույթ չի ունեցել:
Տատյանա Միքայելյանը 44 անգամ կողմ է արտահայտվել, 5` դեմ եւ 2` ձեռնպահ, 6 անգամ չի քվեարկել, 8 անգամ բացակայել է, ունեցել է մեկ հարց, ելույթ չի ունեցել:
Ֆելիքս Ցոլակյանն արտահայտվել է 61 կողմ ձայն, դեմ եւ ձեռնպահ չի արտահայտվել, 4 անգամ չի քվեարկել, չի բացակայել, հարց ու ելույթ չի ունեցել:
Անի Մկրտչյան
©progressgyumri.am Armenian News/Analyses/Research/Interview/Monitoring:
Երկխոսություն՝հանուն ժողովրդավարության /Dialogue for Democracy 16.10.2017
#DialogueforDemocracy
Շիրակի մարզի համայնքներում կա անիրազեկություն համայնքների խոշորացման ծրագրերի մասին, չկա հանրային մասնակցություն այդ գործընթացներում: Այս մասին կխոսեն Համայնքների ֆինանսիստների միավորում ՀԿ-ի փոխնախագահ Աբրահամ Արտաշեսյանը և Սախարովի անվան ՄԻՊ կենտրոնի Շ/Տ կենտրոնի ղեկավար Սեյրան Մարտիրոսյանը: 
Համայնքների խոշորացման խնդիրները Երկխոսություն՝հանուն ժողովրդավարության /Dialogue for Democracy 09.10.2017
#DialogueforDemocracy
Հայաստանում փոքր համայնքներն ընդդիմանում են խոշորացման ծրագրին, քանի որ չեն ցանկանում, որ իրենց համայնքը միաձուլեն ու իրենք էլ պաշտոնից զրկվեն: Իսկ կառավորությունն էլ որոշում է. կատարել այդ փոփոխությունները պարտադրանքով:
Համայնքային խոշորացման, ընթացքի, փոփոխությունների, առկա խնդիրների մասին «Երկխոսության լսարանում» կխոսեն Համայնքների ֆինանսիստների միավորում ՀԿ-ի նախագահ` Վահան Մովսիսյանը և Ախուրյան համայնքի ղեկավար` Արծրունի Իգիթյանը: 
